| رد: بوح...بدون قيود...
 محري ٍ بالخير يامزن ٍ نشا
ياحلو عقب الوسم رجع السحاب
هِل رذراذك على روض الحشا
ربع بقلب ٍ دوام ٍ لك شباب
كل زهر ٍ فاح عطره وأغتشى
بالرياض وبالنفوذ وبالهضاب
مانسيتك يا هوى قلبي حشا
حبك بروحي وبالخفاق ذاب
عادني شوق ٍ قديم ٍ وأنتشى
في هواك مولُع ٍ ماعنك غاب
لو غشاني بالمحبة ما غشى
أشتهي فيك الهوى لو هو عذاب
فيك من طبع الظبي ليمن مشى
ثن عاود والتفت ثم استراب
ياحلو فزة جفالك يارشا
يوم تسبح بالصحاري في سراب
الهوى معطيك مني ماتشا
في حياتي ياحياتي لاتهاب
مايفوز الحاسد اللي بك وشا
فيك حساد الهوى ياكل تراب
__________________ في معهد الدنيا درست وتعلمت خريج دورات الليالي والأيام |