السلام عليكم ورحمة الله وبركاته
كيف حالكم ؟؟؟
اليوم جايب لكم شاعر من النوع الثقيل والثقيل جدا
فمن وين ابدأ بتوصيف من اجاد التوصيف
من وين ابدأ ومن وين انتهي ؟؟؟
هو مهندس الكلمة الشعرية ...
وقال فيه عبادي الجوهر ,,,
لو أن اي شخص اخذ قصائص ما يرميه من أوراق لصار شاعر عظيم
وانا اقول :
انه مطوع القافية ,,
ومروض الشعر ,,
ومتحدي الشعراء ,,
وقاهر صعب القافية ,,
انه بدر بن عبد المحسن ... ومن منا لا يعرفه
فهو القائل
أنا بدوي .. ثوبي على المتن مشقوق
ومثل الجبال السمر صبري
ثباتي
ومثل النخيل خلقت أنا و هامتي فوق
ما عتدت أنا احني قامتي إلا فصلاتي
هو بدر بن عبدالمحسن بن عبدالعزيز ال سعود
بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله - .
واصدر ثلاث دوواوين
ما ينقش العصفور
رسالة من بدوي
لوحة ربما قصيدة
ولا اطيل التعريف به كشخص فالكثير عرفه كشاعر
قال العديد والعديد من القصائد فقد قال
قصائد في الوطن ومرثيات
انا راح اعطيكم بعض القصائد
خلينا نبدأ بالوطنيات
الله أحد.. وارضي بعد ..
ارضي تحت ظل الفهد ..
في يدنا كتاب الله .. وفي يدنا الحسام
إخوان من طاع الله .. في حرب وسلام
الله معك يا بلادي ..
حنا الوفا من طبعنا .. وعادتنا طيب وكرم
حكامنا من شعبنا .. هذا اخو وهذا ابن عم
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
وفي قصيدة اخرى رائعة وانا احبها
***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر
***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود
دعونا نتأمل قليلا في عاشقا طين البيوت ... وفتلة خيوط الوبر
عاشقا مافي البشوت من عطا وطيب وفخر
اعتقد هذه البيتين ما أعتقد انه تحتاج لشرح ولكن فيها فخر قوي جدا وشديد
وخلونا ننطلق الى المرثيات من قصائده
وهذي قصيدة في جدته
ما نشدت الشمس عن حزن الغياب
علمتنا الشمس نرضى بالرحيل
كل يومٍ يغرق الضي افـ عباب
ما سمعنا ناعي ٍ .. مابه عويل
وما هقيت الموت يجرحني جواب
لين شفتك في سما عمري اصيل
علميني ياللي كفوفك سحاب
وابتسامك غيث واهدابك نخيل
وش أسوي لا دخل فصل الضباب
وكفت عيوني وضيعني الدليل
حاجتي والشيب بهديني الصواب
حاجتي لك ما مضى افـ عمري حصيل
آه يا سلمى مضى وقت العتاب
والحديث اللي باقوله لك طويل
اعتذر يمه حصل مني غياب
واعتذر ازريت لا ارد الجميل
وماراح اطول في قصائد المارثيات والوطنيات
ولكن علشان ما نطول عليكم ندع اشعار الغزل والغرام في موضوع آخر
وأنتظروا القادم
وأسف على الأطالة