| لاغبت عن عيني وقلبي يجافيني النوم
ياللي على بالي انا دايـم الـدوم
اسألك بالله انا موجود في بالك ؟!
***
اشتاق لك كلي انا دوم مـو يـوم
وارقب متى اشوفك وانطر وصالك
***
تطري على بالي من دون هـالقوم
وطيفك يلاحقني وصافي جمالـك
***
وفـحبك انا غرقان وماينفع العوم
مايفيدني غير اللقا بحظرة جلالـك
***
وترى المقدر كان ومايفيد ذا اللوم
راضي انا اغرق فـبحرك وجالـك
***
لاغبت عن عيني يجافيني النـوم
واسهر تسامرني نسايـم دلالـك
***
حبك كبير وبه انا ماقبـل السـوم
لو بعتنـي انتـه اببقـى حلالـك
***
ماقدر على فرقاك وابظل محـروم
لين التقي بك واحتمي في ظلالـك
***
وفحظرتك اكتم انا اخبار وعلـوم
مابغى اشوّه صورتك فـي كمالـك
***
ماهمني لو كنت انا حيل محـروم
دامـه عليّـه مايتأخـر سؤالـك
***
احس روحي منك او كننـا تـوم
حتى خيالي نسختن مـن خيالـك
***
وترى الخطأ وارد ولانيب معصوم
ارجوك لاتزعل ويطيحـن جبالـك
***
تهدني وتروح ؟ ياعيـب الشـوم
منهو بيبقى واقفن فـي شمالـك
***
لامن تذكرتك انا اصيـح مهمـوم
واضم باقي قطعتن مـن شيالـك
***
لاتروح عني وصرت انا بك ملزوم
ماقوى غيابك ولا انحرم من هبالك
__________________
أحتاجلك لا ضيق الوقت صدري
أبيك تمسح عن عيوني شقاها
وأحتاجلك اذا الفرح ضم فجري
ودي تحس بفرحتي ياهناها
أبيك تسال عن حياتي وتدري
عن ضحكة أيامي ووافي
لا صرت روحي كيف أحيا بدونك
...............................
والله ماحطيت بين الحقد والخوه حجاب ** حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب ** وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب ** ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب ** نذر ٍ علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب ** وأذا خويـي مايقـدر خوتـي ماأقـدره
|