الهوى شرقي وقلبي ناوي الشرقية....!!!!
أعزائي القراءومتذوقين الخواطر والشعر
اضع بين يديكم اطروحه منقولة
واحببت أن أخذ رأيكم فيها
فلا تحرومنا من آرائكمِ الجميلة والقيمة
ولكم مني كل تحية واحترام
حسايف .. حسايف
كلمة احبك .. قالتها الشفايف ؟!
غصب عني ...
ماهو مني ...
الله يجازي الشفايف
تمتحني ..
ماتعرف اسم التأني .
دايما متسرعه
كل احساس تقوله .. بكل سهوله ..
ما تفكر كنها بعهد الطفوله .
بس .. لحظه لو سمحتوا ..
ياللي بالحب انجرحتوا
ودي اسألكم سؤال ... مو غريب ؟
يمكن اكثركم يعرفه ..مو صعيب ؟!
ياترى ايام الطفوله
كيف كانت ؟
ياترى تقولون زينه ؟ والا شينه؟
والا فترتها حزينه ؟!
تدرون ...
قبل لا تحكمون
اسمعوا حكمي عليها..
رغم انا ما عشت فيها ؟؟!!
الطفوله .. شي عجيب ...
الطفوله .. شي غريب ...
كنها قطعه ثمينه.
في يدي دايم ابيها
محتويها..
والسبب .. كل يعرفه
الطفل ... وهوه صغير
ما يجي همه ثقيل مثلنا
ما يعرف المستحيل والعنا
كل همه شي واحد ..
كيف يوصل حضن امه..
وانه يجذبها .. وتضمه ..
يا حلاته .. يا هناته
منهو يسوي سواته ؟!
ليتني مثله اكون
ليتهم لو يفهمون
ليتهم لو يرحمون ...
قلبي الطفل الصغير !!
ما يصير ..
يهجرونه يتعبونه ما تكلم..
يجرحونه يعذبون ما تألم ..
حالته مسكين .. حاله
بين كل الناس .. واقف
ماهو عارف ..
ما لقى منهو صحاله ...
لا متى يذوق العذاب .. ويتأمل
ينتظر ذاك السراب .. ويتحمل
والله ودي ازهمه ..
واخذه واكلّمه؟!
يا خفوقي ... وش بلاك ؟
واقفِ حاير... كذا ؟
نادني بأوقف معاك ندفع أيام الأذى
خللنا نناظر ... بعيد
ننتظر ... صبح جديد
مختلف
فيه انهار السعاده
ما تجف
فيه امطار الوفا تمطر ... تغسل غبار الحزن
فيه ورد الندى يقطر ... يروي من حر الزمن
الله الله وين رحنا
وش كتبنا وش سردنا
اعتقد انا ابتعدنا
اعذروني يا جماعه
والله اسف ..
غصب عني ..
ماهو مني ..
ضعت من كثر السوالف
اللي تمليها الشفايف
النغم المهاجر
