اقتباس:
|
المشاركة الأصلية كتبت بواسطة nesma
أقوى عبد و ابو هايل و المستشار
اقطع يدي من لغاليغها اذا واحد فيكم متزوج
ياخي الصراحة مع النفس اهم شي بعد كذا يجي كل شي بالطيب
الحقيقة و الحقيقة الواقعة..و هذا شي طبيعي فطري..
الرجل ينجذب للمرأة الأنيقة المرتبة اللي تهتم بصحتها و جسمها و اغلب الرجال يخطب المرأة لجمالها..لا عيب ولا حرام ولا فيها شي..هذا الشي طبيعي
و بعدين كل مرأة لازم ولابد تسمن لكن الاهم انها ترجع تحافظ على جسمها و صحتها..
بعد الولادة في اوقات في الشهر تنفتح شهية المرأة للاكل..و غيرها و غيرها
مو يعني انها تهمل نفسها و تترك الحبل على الغارب و تخلي الميزان يصرخ يقوم تقيس الوزن
و بعدين يا اقوى عبد ليش ما يقارن؟؟
الرجل من حقه يختار زوجة حلوة و انيقة..و الا الحريم عددهم اربع اضعاف عدد الرجال..
ليش المرأة تطالب الرجل يحافظ على واجباته و ما يخون و يدخل العيال احسن مدارس و و و
المرأة قسمت ظهر الرجل بطلباتها و فوق هذا ما تبغى تهتم شوية بنفسها عشان عيون زوجها؟
الصراحة هذي قمة الانانية
غلطانين هالمرة يا شباب..الاخلاق اهم شي صحيح و المشاعر حلوة صحيح لكن كل هذا ما يتعارض مع اهتمامها بنفسها و بزوجها..
انا برايي الرجل اذا تضايق من طبع او شي في زوجته على طول يصارحها من غير ما يتردد او يحتار او يهرب لعلاج المشكلة بأساليب ثانية..أنا مع الرجل هالمرة
تحياتي |
من جديد اشكر صديقة القمر على هذا الموضوع الحساس ...
اختي المصونه..نسمه
احترم وجهة نظرك المتحمسه للموضوع
وهذا مايمنع اني اصر على رأيي بأن المرأه مالها ذنب لو كانت زايدة وزن او ناقصه!
الرجل ينجذب للمرأة الجميله هذا صحيح ولكن ماذا بعد الجمال؟
الجمال شهوه تنتهي كبقية الشهوات... وتبقى الروح
ذكرتيني بقصة عالم قبيح وبنت فاتنه غبية
قالت الفاتنه الحمقاء للعالم العبقري
ليش مانتزوج عشان يطلعوا العيال بجمالي وبذكائك!!
قال لها العبقري القبيح:
اخاف يطلعون بقبحي وبغبائك!!
ونعود من جديد للموضوع
جميع من حولي متزوجين من رفقتي وصحبتي لديهم اطفال يشاركون في المنتديات حتى!!
ومن حديثهم عن الزواج والحياة الزوجية تعلمت الكثير..... والسعيد من وعظ بغيره..
تعلمت ان التفاهم مبني على انسجام الارواح لا على التناغم الجسدي مع انه مهم ولكن لا يكبر اهميه من التفاهم الروحي والفكري بين الزوجين...
كم من فتاه فاتنه انتها بها المطاف الى القائها من قطار الزواج وانتظارها تأشيره على الخط
وللاسف وجهة نظرك تبين قصره لان الدين حث على ذات الدين!
وما يحث ديننا على باطل
لا يمنع بان تكون فاتنه ومتدينه ... خير وبركه
ولكن لا يمنع ان تكون غير فاتنه ومتدينه؟؟
ويمنع ان كانت فاتنه وليست متدينه... وش ينفع القصر لوكان مو دون بيبان؟ ابيعه هههههههههه صح؟
ابيعه واشتري بيت زغنون يأويني لو كان له باب واحد
وايضا المصيبه لو كانت قبيحه وغير متدينه
اذن يضل الدين اولى في كل الحالات
اعود واكرر لو كانت غير فاتنه وتعرف حق ربها وحق زوجها فنعم الزوجه هي
نصيحه مهمه منك عندما نصحتي بنات جنسك على الاهتمام بمضهرهم ..
لذلك يا نسمه دعي الشباب في شؤونهم... واهتمي.. بمظهرك كي تسعدي زوجك ولاتنسي حق الله قبلها
ونعود اخيرا
تقولين ان الحريم كسروا ظهر الرجال!
هذي مو جديده ومعروفه ولكن من حقها ان زوجها (مايخون) ويدخل الاولاد احسن مدارس بالعكس هذي ونعم فيها اجل تبينها تسفرني برى على حسابها وترمي عيالي في الشارع!
لا مايصير
لابد نتفاهم ونعترف بأن شبابنا غرتهم المظاهر ونسوا المخابر.. والمخافر!
الرجل له غرائزه والمرأه ايضا ... ولكن لنحرتم بعضنا البعض ولا نجرح الاخرين لسبب قد يظهر فينا بعد حين
وماعنده سالفه اللي قال :
الا ليت الشباب يعود يوما لاخبره مافعل المشيب...
يتمنى الشباب الذي خانه بالمشيب الذي يصاحبه حتى الموت!
واخيرا
اذا فيها قطع يد..من بكره اتزوج
ولا اقولك عطيني رقم الفاكس ارسل لك صورة كرت العائله لتتم إجراءات القطع
تحياتي...
-----------
اسمع صدى صوتك ودورك وين أنت؟ واصيح بين الناس سامعك وينك؟ ردوا علي الناس مسكين يا أنت! اللي سمعته بين نفسك وبينك!! الصوت هذا مصدره داخلك انت!!في وسط قلبك ساكنٍ نور عينك!
-------
ابوهايل