| رثــــيــــــتـــــــــــك
ياما نهار أمس القريب بكيتك
يا ما ذبحت من الوله في تحريك
باعتني الدنيا و جيت و شريتك
واليوم يمكن ما أحبك ولا ابيك
أضمى غرام ولا لقيتك رويتك
سبحان ربي في ضلوعي معليك
ياما و ياما من حناني عطيتك
أزعل عليك شوي وارجع وراضيك
واطاولك مابين علك و ليتك
وليا مرضت اقول فيني ولا فيك
من كثر ما احبك أحب أهل بيتك
حتى الحديقه والغرف والشبابيك
وأحب ديكورك وفرشة موكيتك
وكل المرآيا والتحف والسراميك
وكل الدروب اللي خذتني وجيتك
وكل الأمور اللي في بيتك تسليك
شالك مكياجك حتى جكيتك
حتى حلقك اللي تحطه باذانيك
خواطرك شعرك فنون أتيكيتك
صح الله السانك وتسلم أياديك
رسمت لي موتي ومت ورثيتك
وأبعدتني عن بند ربعك وأهاليك
جلست أدور فالضلوع و لقيتك
ذكرى مثل ذكرى عصورالمماليك
لو كنت جرحي ياغرامي بريتك
لكن البلا والجرح في فقد غاليك
يا حزن تكفى لا تطول فديتك
لايجتمع ليل الغرام و لياليك
ياما بديتك وأنتهيت و بكيتك
والحين بصبر وابكي الحزن وأبكيك
__________________
اتمنى من اي شخص ان يرسلي كيفية الغاء العضوية يوجد شخص محتاج يعرف الطريقة
|