| كذبه..!
هيه اصلا كذبه ..!
غربه جنه ..وصدفه صرنه احباب حلوه..
وصحبه..
وماكو مانع ..هسه لوتردين نرجع غربه!
لا اشتريتي..ولا انتي بعتي ..
ولاخسرتي ولا ربحتي ..
يعني عشرتنه مجرد ..لعبه !!
وآني هم مثلج كذلك ..
عاشك وماله علاقه ابكلبه !!
بس احس مرات..قبل الاربعين ..اضحك..وغني..
وانزع ادشاديش حزني..صعبه
اتعقدت ..مليت من انجان مو باجر اشوفك ..
عكبه !!
والفرق بيناتنه شاسع ..شاقارن ؟!
سامحيني لو كلتلج: ماكو قطعا نسبه !!
من ديوان(اغاني الغربه)
ربيع الشمري
|