هل يعجز الانسان عن تصوير نفسه وحالته التي هو عليها ام انها الحياة التي اصبحت له منعطف واسع التباعد مقرون بالاوليات ليس لها على ادراك الضوابط المجرده من العزه والشرف والكرامه0
لاسيما ان الوقت ومايحويه من نبرات باتت في جوف الشاعر أشبه بشعره تنامت بين حناجره0

بين الصبر والياس
العمر واحد والشقاوي متاهات
شي تبيه النفس وشي تعوفه

والخير لاوصّل جميع العلاقات
مايقدر الانسان يرمي حتوفه

لاصار قالوا في جميل العبارات
كل اللذي مكتوب عينك تشوفه

يانفس ياللي راضيه كل الاوقات
وش يمنعك يانفس بأنك شغوفه

أقرب مسافه ثم تجيني مسافات
كني أعيش اليوم وقت(ن) اطوفه

يمضي علي الليل كله باهات
اااه على حزن واااه تروفه

مدري يعيد الوقت تصوير الابيات
أكتب حروفه ثم تلاشى حروفه

بين الالم والخوف كلمه ونظرات
بين الصبر والياس لحظه رهوفه

يامن لقى حسن نمى في ملذات
عايش سنينه في محبة هنوفه

ويامن لقى بالحب تقليد عادات
وعروق فكره كلها من حلوفه

ويامن وصل بالشوق ساعه وساعات
ويامن قطع بالشوق دمعه رفوفه

ويامن سري بالليل في صمت وسكات
ويامن صدح بالليل يضرب دفوفه

ويامن نوى يصدر علينا الاشاعات
كل ماسألته هز لك في كتوفه

ويامن صدر أقسى كلام الاهانات
يطعن بها كل ماتعالت سيوفه

ويامن يجيب الحب في خذ او هات
كل ماطرى يشهق معاليق جوفه

واللي يخز بعين قله سلامات
نظرتك هذي ماتوقف صروفه

مايستحيل الحب لوفيه أنصات
تحفظ كتاب الله اذا فيك خوفه

ندري عن اللي يعتلي بالمقامات
وندري عن اللي كاملات وصوفه

يالله ياللي لك علينا العبادات
يامعطي الانسان رحمه عطوفه

أرجوك ترحم حالتي والمعاناة
وتفغر لعبد مانساك بوقوفه

وختامها نور الهدى والتحيات
على نبي نرتوي من كفوفه