بدال ما تتعبين في دراسه او غيره خلينا نتزوج شايب غني انتي الاولى وانا الثانيه


2/ هههههههههههههههههه


1/ والله اني جاده بدال الدراسه والتعب وممكن تحصلين وظيفه وممكن لا واحتمال اكبر ماتحصلين تزوجي شايب


بتعيشين معه في نعيم وبيدلعك وماتفرق بينه وبين ابوك لانه بيحس بتانيب الضمير


اخذك وضيع شبابك معه وبيحطك فووق راسه مو مثل بزارين هالوقت بيكون رجااال بمعنى الكلمه ويخاف ربه ويصلي


شباب هالوقت يا يصلي في البيت او من جمعه لجمعه واغلب وقته نت و استراحه وشلته


2/ فكره مهي شينه


1/ بس مو اي شايب خوذي شايب رجل في الدنيا ورجل في الاخره عمره من 70 وفووق لا تاخذين اقل


ويكون ارمل او مطلق وعنده ملاين واولاده كلللللللهم متزوجين


2/ صادقه ان عاش خير وبركه وان مات بعد خير وبركه لاني بعد موته بورثه بياخذني اقدعها شاب عشان الفلوس


يعني في الحالتين انا الكسبانه


فيه حولك شايب في المواصفات هذي ؟
.
.


السلام عليكم ورحمة الله


هذا كان حوار بين بنتين اعمارهم 19 سنه


صارت كثير في الزمن هذا زيجات الشياب


وتحصله ياخذ بنت 17 8 9 ومايحب يطلع عن 20 سنه


والبنات يرضون يتزوجونهم ممكن عشان فلوس او عشان رجال وعاقل لان قليل تحصل شاب مثل رجال اول .؟


اغلب شبابنا طفرااان ويوصل لثلاثين وهو ياخذ من ابوه مصرفه اليومي وبعضهم متزوجين وابوه يصرف عليه وعلى زوجته

ممكن لانه شباب فاشل ؟؟


البنات يبون رجال يتحمل المسؤوليه يبون رجال عنده خير عشان ماتحس بالفرق اذا طلعت من بيت ابوها


وهو يبي يرجع شبابه على حساب حياة بنت صغيره


شيابنا انهبلوا صارت عندهم موضه اللي ياخذ بنيه صغيره


والشباب الطفران صار يروح لعالم النت والاستراحات بدال الزواج


عشانهم مو قادرين على مصرف الزواج ولا على المسؤوليه


وانتم اعضاء عيون ايش رايكم في هالموضوع


وتتوقعون زواج الصغيره من شايب زواج ناجح ؟؟


وايش الاسباب اللي خلت بناتنا يفضلون الزواج من شيااب ؟؟

__________________
يا صحبي في وقتنا وقت لألم منهو اللي مايضحك ْْاذا ذلتك دنياك وبكيت