البارت الثاني عشر
الساعه 7:15 الليل
رن جوال ريما
ريما بصوت نعسان: الوو
...: يالله قوموا
ريما وهي تصحصح: مين انت..!
...: انا ابراهيم
ريما انقزت من الفراش: من وين جايب رقمي
ابراهيم:ههههههههههه يعني بالله ما شفتي من المتصل
ريما: لا من أي جوال..!
ابراهيم: يا اخت ريما داق من جوال اخوك لان اخوك عيىـآ يقوم وقالي دق ع ريما وقلها تقوم البنات
ريمـا:آهـا اوك يالله باي
ابراهيم: قبل منتوا جايين عندنا
ريمـا:وين؟
ابراهيم: اكيد في قسم الرجال
ريمـا: هيه انت ناسي ان عندكم نايف فارس و خالد
ابراهيم: ايه لا تنسين انهم مو اخويانا وبس يكفي انهم رابين معنا و اخواتهم صديقاتكم و مثل اخواتكم يالله بلا مصاخه قوموا و زينوا لنا شيء و تعالوا
ريمـا: يوووهـ طيب باي
ابراهيم: باي
طوووط
ريمـا رجعت تكمل نومـتها <~.. سحبت البنت ههههههههااااي
الساعه 7:30
رن جوال ريما
ريمـا بصوت نعسان: نعم
محمد: يالله قوموا
ريمـا: طيب هذينا قمنا هاللحين نقوم .. وسكرت السماعه وجت بتنام شوي تسمع زعاق عبدالعزيز ينادي فرح
ريمـا: حرااام عليهم حتىـآ ع النومـه مو مخلينا فريح فريح قومي شوفي خطيبك وش يبي
فرح: بكــرا خليني انام
ريمـا: قومي و وجع ان شاء الله يوجع العدو نبي ننـام تسمعيـن ولا لا
فرح: آآوف ,, وراحت عن الباب الي بينهم وبين الرجال ,, نعم وش بغيت بسرعه بروح انااام
عبدالعزيز: خير خير ووينا فيه من المغرب للحين ما شبعتوا نوم وش برستيجكم انتوا
فرح: عزوز بروح انام بغيت شيء
عبدالعزيز: ايه مدامك بتروحين تنامين و البنات نيمات موب لازم نوديكـم الرياض جليري
فرح الي صحصحت: هاه اصلا من قال ان فينا النوم ,, مـتى بتودونـا..! ^ــــــ^
عبدالعزيز:هههههههه هاللحين خليهم يلبسن عبايتهم ويطلعون برآآ
فرح: من عيوني الثنتين تامر امر ما طلبت شيء 10 دقايق و تلقانا راكبين السياره
عبدالعزيز: اجل بسرعه ترانا برا نحتريكم
فرح راحت عند البنات و قومتهم قامو غسلوا و جيهم و غيروا ملابسهم و البسوا عباياتهم و اخذو شناطهم و رآحوا برآآ
نوره: نجد دقي ع ساره قولي لها اننا مو في البيت
نجد:يووهـ شحني بيخلص
نوره: وانا شحني خلص دقي بلا سماجه
نجد: بس انتي بتشحنين جوالي
نوره: ايه بس انهجي لا تجي ولا تلقىـآ احد في البيت
نجد: طيب
وصلوا الرياض قلري و نزلوا
ريمـا: انا بروح لـ اكسسواريز
ريناد: انا بروح للمغربي
افنان: وانا مع ريناد
فرح: انا معروف وين اتجاهي اكيد لـGAP
رغد: انا بروح لـ ZaRa
اريام و مروى: واحنا مع رغد
ريمـاس: انا بروح الكوفي شوب
نجد: انا بروح لمكياجي
نوره: مع نجد
مها : انا مع ريومـه
فارس: يا سلام وان شاء الله 13 بنت من بيروح معكم
نجد: واحنا مو بزران هاللحين عشان تجون معنا
نايف: وطلعلك لسان يا نجييد
نجد: اعجبك هع المهم وزعوا انفسكم
محمد: يا شيخه انتوا الي وزعوا انفسكم آوب آحنا
نوره: شف وين اخواتك فيه ورح معهم و الباقين يشوفون اخواتهم
العيال: ياصبر ايوب
ريمـا: انا بوزعكم انا و مها يجي معنا حمود و ريناد و افنان ابراهيم و فرح يروح معها عزوز او مشعل و ريمـاس يروح معها نايف و ياسر يروح مع اخواته و فارس يروح مع نوره و نجد خلصنا
ريناد: يا ملحي عندي اخت خطنطيــره ههههــأي
ريمـا: يالله كل واحد ياخذ مكانه و انتشار
كلن اخذ مكانه و ع قولة ريومه انتشار انتشروا كل واحد راح لمقصده و بدآ يدور بالمحلات الي جنبه بعدها رجعوا لعند ريماس و نايف الي بالكوفي شوب
محمد: انهد حيلي
فارس: اجل انا وش اقول ما خلوا محل ما دخلوهـ
ياسر: تووبــه اروح معكم كسرتوني
عبدالعزيز: يا حليل فروحتي راحت لـ محلين و خلصنا ^ــــ^
خالد: الحمدلله اني انا و مشعل جلسنا مع رموس
ريمـاس: اسم الله علي ما احسر
ابراهيم وهو يجلس: آآهـ يار بيه من وين لهم كل ذا النشاط
ريمـا:آوف آوف كل ذا وتعبتوا هاللحين ما رحنا إلا 5 اسوآق وتعبتوا اجل لو نلف المول كله وش بتسوون
ابراهيم: وكل هذا و ما بعد لفيتو المول ولا بعد 5 اسواق قولي 100سوق قولي الرياض جليري كله
ريناد: اقول اطلبوا لنا و اطلبوا لكم عشان تودونـا هاللحيـن لسنت ربوي
العيال: بعد
ريمـاس: ايه نبي نشتري هدايا لـ ابوآنـا ^ــــــ^
العيال: يا صبر ايوب طيب
و طلبوا لهم و قاموا يشربون و بعدين ركبوا السياره
العيال قدام البنات ورا الي يسوف نايف و الي جنبه عبدالعزيز
فرح: بنات مليت وش بنسوي بسنتر بوي
ريمـا: اكيد بنشتري هدايا لـ ابوآنـا
رغد + مروى + اريام: بستثنـأ نـا
ريناد: لا يا قلبي هالاسبوع داخلين ع رمضـان و رمضـان معناه تتعطل كل االشركـات الخاصه لين ما يخلص رمضـان يعني ابوكم بيجي
رغد: ما نبي نشتري له طيب
ياسر بعصبيه و لـ أول مـره: رررررغد بس
رغد من الخوف بلعت ريقها و سكتت
اريام: ياسر وش فيك معصب رغد ما قالت شيء
ياسر بكل معنى الغضب: بس انتي بعد اسكتي
ريمـا: فارس خلااص غير اتجاهنا خله لبيتنا
فارس: بس بنبات في الشاليه
ريمـا: بنروح نجلس شوي هناك و نجيب اغراض من هناك لليوم بس
فارس: طيب
و غير اتجاهه و راح لبيت ابو سليمان نزلوا العيال جلسوا في الحديقـه و البنات رآحوآ في الصاله
ريمـا: رغد اريام مروى خلاص لا تبكون
رغد: ياسر زاعق علينا اول مـره وشلون ما تبينا نتضايق
نوره: تراهـ مضغوط و الكلام الي قلتوهـ و الي يعرفه ولا تنسين الجرح الي براسه الي فقد فيه كل شيء عن الحادثه الي سواها
خلود: نوره بس خلااص حرام عليك ,, و طلعت خلود من الباب الي في المطبخ و راحت للحديقه الخلفيه الي فيها مراجيح و مسبح وشلال و جلسه المهم جلست ع المراجيح تبكي تبكي
نورهـ من ورا خلود: خلود تـرا والله ما كان قصدي اضايقك بـ كلامي والله ما كان قصدي
خلود وهي تصيح: ادري ادري بس تعبت وانا شايله الهم ... و ارتمت في حضن نوره
نوره: ادري والله ادري بس المفروض ياسر يعرف ليه انتي الي مكتوب عليك تحملين همه اصلا هو الي بادي بكل شيء اهو الي رمـى القزاز هو الي تهجم هو الي بدآ بكل شيء
خلود:لالا لحد يقوله الله يخليكم
نوره: انتي لين متى بتضلين تعزينه و تحبينه وفوق هذا كله تحملين الحمل كله بالي صار
خلود: نوره ادري ان بيجي يوم ولازم كل شيء يبان بس ياسر لازم ما يعرف بالي صار تدرين لو عرف بيكره عمره و بيذل نفسه وانا ما ابي هالشيء له
نوره: بس يا خلود
خلود: نوره لا بس و شيء انا راضيه بالي يصير بس لا تفتحون السيره عندي لان ذكراها بس يجرحني شلونا ذا قلتوهـا
نوره: طيب خلود الله يخليك تعالي ادخلي والله ماله داعي كل هذا
خلود: روحي وبلحقك
راحت نورهـ بس خلود سمعت صوت شيء يطيح و التفت لقت الكراتين طايحه وكأن احد طيحهم استغربت خلود
عند العيال
محمد: ياسر وين رايح
ياسر ساحب عليهم و متجه لم الباب
فارس:ياسر وين راايح له تكلم
نايف لحق ياسـر و طلع ياسر و طلع وراه نايف نايف مسك ياسر من يده ولفه و لقىـآ ياسر يصيح
نايف: ياسر وش فيك..!!
ياسر: راااسي راسي احس ان فيه شيء ناسيه و وراسي يحاول يسترجعه
نايف في هاللحظه خاف ان ياسر ترجع له ذكرىـآ الحادثه كان خايف بشكل جنوني لان ياسر اذا درىـآ ما يدرون وش بيسوي في نفسه
حبايب قلبي..
ابيكم تتوقعون وش بيصير لـ ياسر هل بيتذكر الماضي..؟
ومن الي طيح الكراتين وتسمع لحديث نوره و خلود..؟
و وشي القصه من اصلهـا هذي الي ما يبون ياسر يعرفها..؟
انتظروني مع البارت الخاص الثالث عـشر =)
نهاية البارت الثاني عشر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ