البارت العشـرين

(أجل أحببتك يا ملكة العيون

فماذا أفعل ....

وقد أدمنة داءكي المجنون.


من أجلك غيرت حياتي

وبت رساما˝)

في اجواء الرياض الجميله في بيت ابو عبدالعزيز ابراهيم سهران ما نام يبي الصبح يطلع بسرعه يبي يفاتح ابوهـ بالخطوبه مره ثانيه وفيما هو كل شوي يناظر الساعه انطق باب غرفته

ابراهيم: ادخلي

افنان: برهوم للحين ما نمت

ابراهيم: لا ما جاني نوم وانتي ليه للحين ما نمتي

افنان: ما ادري اشتقت لعزيز و فريح الي من راحوا ما اتصلوا

ابراهيم: اييه شهر عسلهم مخلص له اسبوع ليه ما ردوا

افنان: انت من صجك تبي عزيز يترك اجواء االفرح مع فرح هناك هو ما صدق ان عمي قالهم متى ما بغيتو سوو العرس من اول عشان درستها بس فرح ما تبي تكمل لانها ملت فـ راح اخوي مني اهئ

ابراهيم: هنيالك يا ابو ناصر يووهـ متى بيطلع الصبح

افنان:ههههههههههه وش فيك بو محمد هد حالك

ابراهيم: وش اهدي بالي ياربييه منك بارده

افنان: عندي لك حل

ابراهيم: وشو

افنان: ارقد و غمض عيونك بس من تغمضها بتلقىـآ امي جايه تقومك لصلاة الفجر

ابراهيم: حاولت انام بسس ما قدرت

افنان: شكلي بخرب سمعتك عندها

ابراهيم: افنااانوهـ جوزي عني احسلك

افنان: اييه هين بتشوف وش بقولها بكرآآ و شردت من الحجره و هي ميته ضحك

في بيت ابو عبدالله

خلود ما سكه دفتر مغطى بـ ريش عنابي و لامع و في الوسط مع وجه الكتاب قلب فضي كانت لامته وتبكي بحرقة قلب بكي وكأنها خزنة الدموع و اطلقت صراحها هدت شوي ومن بعدها مسكت قلم فوشي و افتحت الكتاب وبدآت تكتب
يامن قلبي قد نزف امامه بـ استمرار لكنه لم يلاحظ نزيفه ..

يامن شأء القدر ان يجعله يعرف الجرح القديم ..

احبه ولكن قلبي المفطور ليس قادر ع القبول..

ارجوك يا زمـان لا تقسوآ عليه مثل ما قسيت ع قلبي ..

نزلت دمعه من خلود وطاحت ع الصفحه صكت خلود الدفتر و حطته تحت سريرها و مسكت مخدتها الورديه الناعمه و غطت وجهها به و بدت تبكي لين نامت

سمر و مرام كانوا و اقفين عند غرفة اختهم وخايفين عليها لان صياحها يقطع القلب بعدين راحوا ينامون .. عبدالله دايم في الشاليه مع العيال

في الصباح في بيت ابو سليمان

قامت ريما و راحت الحمام تسبحت و طلعت لبست بنطلون جنز ابيض و بلوزهـ تركوازيـه نص كم و قصيـره و جعدت شعرها و حطت قلس زهري و مسكر و كحل و تعطرت و لبست عبايتها و نزلت تحت في الصاله الي كان فيها محمد و ام + ابو سليمان يفطرون

ريما: صباح الورد و الجوري و الكادي

الكل: صباح الخير

ريمـا: حمود خللص فطورك يالله تأخرت ع افنانوهـ

محمد: تدرين عاد الله يعين الي بياخذك

ريمـا بغرور: ايه الله يعينه بيستخف من جمالي

محمد: قولي بيرتاع منك

ريما بدلع: بابا شوف ولدك وش يقول عن ريومتك

ابو سليمان: يا ولد جوز عن اختك

ريمـا:حموودهـ يالله قوم تأخرت

ام سليمان: و اختك ريناد.؟

ريمـا: مواعده نواره و سارونه و نجود هنا

ام سليمان: ايه يالله حافظك ربي

راحت ريما و ركبت السياره و داها محمد لبيت عمه ابو عبدالعزيز ابراهيم كان طالع بيروح لـ عند العيال وشاف محمد مع ريما

ابراهيم: هلا بو وليد

محمد: هلا بو محمد اخبارك..؟

ابراهيم: عاايش

محمد:ياالله زين تعال معي اوصلك مو لازم تجي بسيارتك

ابراهيم وهو يشوف ريمـا وهي تدخل: لالا كنت بجيب غرض من السياره و ارجع

محمد عارف وش قصد ابراهيم وهو يبي يهبل فيه: اقوول تعال بس نروح هناك وخذ غرضك مو ضار

ابراهيم وهو متورط: ايه الي ابيه حوهـ خلني اروح اجيبه واجي

محمد ماسك ضحكته:لالا ابد موب لازم ولا اقول اتصل ع افنان تطلعه لك

ابراهيم:اييه تذكرت الاب حقي مقدر اروح من دونه وانا ما احب احد يلمسه

محمد شوي و يموت من الضحك: عندنا لاب توبات في الشاليه

ابراهيم بـ استسلام تنهد:طيب

ركب السياره مع محمد ومحمد ميت من الضحك و ابراهيم مستغرب

ابراهيم: هيه يا الخبل وش فيك تضحك

محمد:هههههههههههههههه ولا هههههههههههههه شيء

ابراهيم:الحمدلله ع نعمة العقل

محمد:هههههههههههههههههههههههههههههههههههههههههه

عند البنات

ريمـا:ههههههههههههههههههه اما ابراهيم و محمد خطيرين

افنان:هههههههه اوما اخوك هبل بأخوي

ريمـا وهي ميته من الضحك:اييه ولا كل شوي طايره عيونه بالبيت

افنان بخبث: تعرفين انتي ليه

ريمـا طقت افنان ع كتفها: وججع يوجع العدو

افنان:ههههههههههههههه يكفي ما نام الليل يحتري الصبح يجي عشان يكلم ابوي

ريما في نفسها: يالبيييه يا جعلني فدوهـ لعيونه الي سهرت (توجه الكلام لفنان) كلم عمي ..؟

افنان: ابوي قاله اصبر كم يوم لين ما يرد اخوك ويصير خير

ريمـا:اها

في بيت ابو ياسر

ياسر كان مشغل اغنية هذا اليم جنني تاعبني و شاغلني ومنسجم بالكلمات

رغد:ياهوووهـ يسوور تلفونك يرن يسوووور

ياسر يوخـر المايك:هلا

رغد:تلفوونك يرن

ياسر: يوهـ رد ياسر. الوو

..:اهلين استاز ياسر

ياسر بلع ريقه وغمض عيونه:اهلين ناجي (ناجي سكرتير ابو ياسر الخاص)

ناجي:استاز ابو ياسر راح يوصل بعد نص ساعه للمطار

ياسر بأستغراب: للرياض اللحين..؟

ناجي:ايه استاز

ياسر: طيب طيب

ياسر قال لاخواته يلبسون عبياتهم و قال لامه تجهز غداء كبير و تبخر البيت و الغرفـه بدون ما يعلمهم السبب اخذ اخواته وراح للمطار

بعد نص ساعه حطت الطياره الي تحمل فيها اكبـر صدمه للبنات اخذ الشنطاطه و حملهم و طلع مع البوابه وشاف 3 وردات و اسد واحد ينطرونه .. بس 3 وردات يمكن يذبلون لو يشفونه .. كان يمشي بكل شوق و حنين لهم وده يلم كل واحد فيهم بس ما يقدر كأن فيه شيء مقيده و مربطه و محرم من حضنهم قرب لمهم و البنات تفجأو من الي قدامهم رغد و مروى و اريام تخبوا ورا اخوهم وهم ما يدرون ليه سووا كذا .. ياسر كان يطالع ابوهـ وده يروح ويبوس راسه و يقوله الحمدلله ع السلامه يبه بس خاايف خااايف من ان ابوهـ يرده او انه يعصب خايف كثير ترد بالاول لكن صوت في عقله كان يشجعه ان يروح له ويحب راسه راح ياسر و باس راس ابوه

ياسر وهو يبلع ريقه وخايف: الحمدلله ع سلامتك يبه

البنات و ابو ياسر كانوا مندهشين من حركة ياسر

ابو ياسر ما زال ع اندهاشه بس رد ببرود تام: الله يسلمك و راحوا من المطار للبيت وهم في السياره ابو ياسر مشتاق لأم عيون سود للي شعرها انعم من الحرير للي بياضها ابيض من القطن للي طيبتها محليتها مشتااااق حتى لو ما يكلمها بس يكتفي يشبع عيونه من شوفها و انفاسها الي تعطر البيت وصلوا البيت و البنات هبوا لغرفة رغد و صكوا الباب ام ياسر طاح منها المبخر ابو ياسر توهـ بيروح لكن كأن فيه شيء مسكه ياسر لحظ خوف ابوهـ لكن مـسرع ما راح لـأمه

ياسر: ما تشوفين شر يا الغاليه .. Euro Euro come

يورو:yes sir

ياسر: Clean this fast

يوروk sir

ام ياسر: يااسر هذا ابوك

ياسر: ايه يمه شفيك هذا ابوي رجع من اسبانيا

ابو ياسر وهو يطالع ام ياسر بشوق و بصوت بارد: انا راقي ارتاح شوي تعالي طلعي لي ملابس و بعد 5 دقايق حطوا الغداء

ام ياسر الي مو مصدقه ان ابو ياسر هني في البيت: ان شاء الله .. ورقت فوق

ابو ياسر:غنيمة وش صار في غيابي

ام ياسر: ولا شيء يا ابو ياسر الحال هو الحال ما تغير إلا رجعت عيالك

ابو ياسر تنهد: وين البنات..؟

ام ياسر: تبيني اناديهم

ابو ياسر:لالا خليهم ع راحتهم

ام ياسر ودهـا تكلم ابو ياسر ودهـا تطول في الكلام نظر عينها و حبيبها رجع لها ونادها بأسمها بس سألت سؤال كان بخاطرها من شافته: ابو ياسر

ابو ياسر وده يقول لبيه او هلا بس صعبه تطلع كأن لسانه مربوط:نعم

ام ياسر: انعم الله عليك بس حبيت اسئلك وش الي خلاك تجي

ابو ياسر في نفسه: شوقي لكم و حرقت قلبي عليكم (يوجه الكلام لام ياسر) ابد جيت ارتاح كم شهر و ارد

ام ياسر: نورت بيتك

ابو ياسر: النور نور الي فيه .. انسدح وهو يفكـر بحركة ياسر لين جاه النوم و نام بعد ساعه كامله رن المنبه قام ابو ياسر شاف الساعه 3:30 اشتغرب ليه ما قوموهـ نزل تحت لقىـآ الكل مجتمع بالصاله

ياسر: هاه يمه هذا ابوي جاء يالله وين الغداء

رغد:Mom, I am hungry I want to lunch quickly

اريام:me to

ام ياسر: بس بس كليتوني هاللحين اقول لـ يورو تجيب الغداء

قالت ام ياسر لـ يورو تحط الغداء

رغد و اريام و مروى ياكلون شوي بعدين يطالعون ابوهم و يناظرون بعض و يردون يأكلون و يسوون كذا طول الوقت . ياسر وده يكلم ابوهـ بس ما يدري وش يكلمه عنه .. ابو ياسر قاعد يناظر اكله الي ما لمسه .. ام ياسر ما اكلت لان ابو ياسر ما بعد كل اهي متعوده اذا صار فيه تشاركه باللقمه بدون ما يحس

ياسر: يبه

ابو ياسر ارتعش جسمه من هالكلمه محد قد ناداه يبه كل البيت ينادونه ابو ياسر حتى عياله: نعم

ياسر: وش سبب رجوعك المفاجئ

ابو ياسر: والله تعبت من الشغل جيت اريح كم من شهر ولا ما تبوني

ياسر: وفيه احد في هالدنيا ما يبي ابوهـ بس كنت اسئل يعني ما خبرتنا من قبل

الكل و من بينهم ابو ياسر اندهش و تعجب من كلام ياسر الي مو راضي يفهمه عقول البنات

رغد: يمه انا شبعت ابي اروح اليوم عند ريما بنت خالتي

ابو ياسر: لا ما فيه روحه

رغد: بس يا اابو قاطعها ياسر

ياسر: رغد بالله انتي شاربه شيء منتهي وش يا ابو ما بعد فكرت بأسم ولدي قومي بس ابوي قال لا يعني لا

رغد بأستفزاز: انا ما كلمتك كنت موجهه الكلام لـ

ام ياسر: رغد قومي لغرفتك يالله

رغد: تامرين يا الغلا

اريام راحت لـ اخوهـا وهمست في اذنه:ياسر بالله اطلب من ابوي انه يطلعنا وباه الله يخليك باين ان مزاجه راايق وياك

ياسر يهمس في اذنها: اظن انه ابوك زي ما اهو ابوي ولا غلط كلامي

اريام وهي تهمس في اذنه: ايه عدل بس ما اقدر اقوله يبه وما اقدر اقوله لقبه المعتاد لانك بتعصب و بتعثب امي و مصيري زي مصير الاخت الي رقت تو

ياسر وهو يهمس في اذنها: قوليله وش بيضرك حاولي

اريام وهي تبلع ريقها و بصوت خفيف وناعم و ما ينسمع زين:يبه

ابو ياسر ناظر اريام لانه ما سمعها زين:ايش..؟

ياسر يهمس لها: علي صوتك

اريام خذت نفس عميق: يبه

ابو ياسر مو مصدق الي يصير واحد ورا الثاني يناديه يبه: نعم

اريام: نبيك تطلعنا

ابو ياسر بستغراب: وين بتروحون..؟

اريام بفرح: نبي نروح نتعشىـآ برا

ابو ياسر بكل معنى الفرح و الاستغراب من طلب اريام: هاه تبون تطلعون تتعشون..؟

الكل بأستغراب:ايه

اريام مو سايعتها الدنيا من الفرحه و ركضت بلا شعوري و حبت راس ابوهـا وقالت:الله يخليك لنا ان شاء الله ,, اهي حست بعمرها و خافت فتراجعت لين و صلت لكرسي اخوهـ و وقفت وراه و مسكت كتوف اخوهـا

ابو ياسر بأستغراب: تسلمين

مروى مطيره عيونه ع الي يصير يعني وش الي تغير في ابوي الي كله مشغول عنىـآ ولهي ولا نخاف نقوله نبي نطلع معك او شيء ياربيه بمسك ذي من شعرتها بعرف وش قالت لأبوي

مروى: الحمدلله دايمه ان شاء الله ,, اروم تعالي فوق ابيك

اريام وهي مبتسمه ابتسامة شامخه: طيييب

رقت اريام لغرفة رغد طقوا الباب و دخلوا

مروى: هيه انتي وش كنتوا تتساسرون

اريام: ما قلنا شيء كنت ابي ياسر يقول لابوي يطلعنا وهو قال قوليله انتي

مروى: يووهـ شكلك وانتي خااايفه تحووفه هع

رغد بملل: بيطلعنا

اريام: ايه رغد والي يسلم عمرك طلبتك ابوي مو كل يوم بيصير كذا خلينا نخلي الثلح يصير مويه و يجري في محله ملينا واحنا عطشانين نناظر الثلج وننتظره لين يذوب

رغد: وش دراك انه بيذوب

اريام: ابوي ما رفض و يرد علينا و البرود معاد صار يكلمنا فيه بالله قومي قومي تأسفي

رغد وفيها العبره: ودي ومن زمان بس اخاااف خااايفه ساعدوني

اريام لمت اختها: كلنا كنا خايفين تعالي انا معاك الله يخليك خلينا نناديه بالي لازم نناديه فيه

نزلوا البنات تحت و رغد كانت الدموع تسري من عيونها ابو ياسر خاف ع بنته وده يسأله بس للأسف خاف انها ما ترد عليه بكلمه زينه ولا تقوله يا ابو ياسر مو يبه

رغد ماسكه يد اخوتها مروى و اريام و كانوا يمشون لعند ابو ياسر: يبه .. و كانت تتنفس بصعوبه وهي تتكلم .. يبه .. يبه .. يبه .. بدت تبكي قالت هالكلمه الي خلت قلب ابو ياسر ينبض من جديد يحىـآ ع مسمعها

رغد بنفس النبره: يبه سامحني والله مو قصدي يبه اسفه يبه اسفه والله اسفه و بكت قام ابو ياسر ولم رغد والكل استغرب دمعت عين ابو ياسر

ابو ياسر: بس بس لا تبكين يا روحي و قلبي انتي والله دموعكم غاليه علي بس

مروى و اريام بكوا و راحوا لحضن ابوهم: يببببببه

ام ياسر وهي فرحااانه انهم راح يتمسكون مع بعض: الله يخلينا حق بعض

الكل: امين

ابو ياسر: ياسر تراا في مكان تعال

ياسر: ايه اشوىـآ تذكرتوني والله تو حسبتني ولد الجيران

البنات:ههههههههههههههه

ابو ياسر: محشوم يا ابو جاسم

رغد من بين دموعها: ههههههههههه ايه خلاااص سماه جاسم ههههههههههههه

ياسر وهو يتذكر الي قد قاله لـ رغد:ههههه والله من بلاهتك عارفه اني الولد الوحيد هنا اكيد لازم يصير اسمي ابو جاسم

ام ياسر: ايه الكل لقىـآ مكان ايه اروح ادور لي مكان في المطبخ اشتغل فيه

ابو ياسر: لا يا الغلا لك مكان بس مو هنا اذا رقينا

العيال:آوخ ـــــــــــص ههههههههههههههههه

ياسر: اقول بنات شكل غرفنا تنادينا تعالواا

البنات:ههههههههه طيب

بيت ابو ياسر دخل عليه الفرح التم ويا عياله انتهى شقاهـ

توقعاتكم حبايب قلبي

نهاية البارت العشرين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

اتمنى ردودكـم عشااان اكمل

=)