^4444^ الأب لأبنو : تعا يا ولد
الابن : نعم بابا
الأب : نعامة اللي ترفسك رفس .... تعا ولا
الابن : ليش شو سويت؟
الأب : سوّاك ضريب يخلع الرقبة شيتك
الابن : شو فيه؟
الأم : وشوه اللي يشوي عضمك .... لا ترد بوشّ أبوك ولااا
الأبن : أنا ولا ؟؟؟
الأب : ولاّك سيف اللي يشمط رقبتك شمط .. أي إنت ولا ونص كمان
الابن : ليش أنا شو حكيت ؟
الأب: وحكة اللي تهري بدنك يا حيواااان
الابن : حاضر ماما متل ما بتأمري
الأم : يحضر المأذّن على قبرك انشالله ... لما ابوك بيحكي انت بتخرس
الابن : اخرس؟!!
الأب : وخرسه إن شاء الله
الابن: ماشي
الأم: يبليك مشش بركبك ما تقوم منه انشالله
الابن :مشش ؟؟؟ شو هادا المشش؟؟
الأب: العمى بعيونك شو قليل حيا العمى ...عم بترد بوش امك كمان ؟ جيب العصاية وتعال لحالك
الابن: انا رديت على امي؟! أمي قولي شي كلمة
الأم: يقولوا قّوالك ..... قلتلك خرااااس
الأبن : !؟!؟!؟!؟!؟!
الأب: شو هالجيل قليل الحيا هاد ...احكي ولا ... شو بلعت لسانك هلئ
الابن : شو قول؟ اذا حكيت بتقولوا عني قليل حيا وإذا أكلت هوا وخرست بتقولو قليل حيا
الام :حيه الي تقرصك من بين عيونك ...
الابن : لاااااا اله الا الله !
الأم : الله ياخدك انشالله .... يا ريتني مخلفة كلب ولا جبتك
الأب: لك مالي عارف إيمتى بدك تصير زلمة ؟
الابن: طيب شو ساوي هلئ من شان صرلك زلمة؟
الأب: قلتلك اخراااس
الابن: يا الله .... يا الله ... يا جماعه شو صاير ... شو فيه ؟
الأم: صحي ابن عمي شو بدك من الولد لحتى ناديتلو ؟
الأب :بتصدقي يا مره اني نسيت.... نساني شو كنت بدي منه هالأبن الكلب
الأم : خلص نقبر على غرفتك هلئ وحلّ وظايفك