تكمله برامج الجائزة
3- النشاط الرياضي :-
الهدف: تحسين مستوى الأداء المهاري وتنمية عناصر اللياقة البدنية واكتساب معارف نظرية عن مهارات وتاريخ وقانون النشاط الرياضي الذي يختاره المشارك.
انواع رياضات:-
السباحة ، سباق الدراجات ، سبـاق السيارات ، رفع الأثقال ] ( كرة قدم ، سلة ، طائرة ، تايكواندو ، جمباز ، تنس طاولة ، ريشة طائرة ...الخ

4-برنامج الرحلات الاستكشافيه والمعسكر:-

هي إحدى متطلبات الجائزة والتي تهدف إلى تشجيع روح المغامرة والاستكشاف والوصول إلى درجة متقدمة من الاعتماد على النفس واكتشاف الذات إضافة إلى اكتشاف البيئة الخارجية.

تطبق على شكل معسكرات خارجية ميدانية وهي:

1رحلات الاستطلاع: هدفها المسير الطويل والاستطلاع، ويحتل الترحال جزء كبير منها مع قدر بسيط من الأنشطة المبرمجة. 2البحث والاستكشاف: هدفها الاستكشاف، ويحتل الترحال جزء بسيط ولكن تحتل الأنشطة المبرمجة الجزء الأكبر، (دراسة الآثار... الخ)

.......................................................................
وهيك بكون خلصت توضيح وشرح منشان تعرفول عن عن شو عم اكتب
...........................................................

انا احد مشتركات جائزة الحسن للشباب اجتزت المرحله البرونزية وحصلت عليها والان انا
اعمل بمستوى الجائزة الفضية
حيث انا اطبق بالمرجامج كالتالي
الخدمات بعمل بالبريد الاردني
المهارات ...الرسم
النشاط الرياضي .... السباحة
خيمت 6ايام مدة المستوى البرونزي في مكان اسمه غابه الحسن حيث كنا ننام بخيام محاطه بالحراسة من القوات المسحة الاردنية باوامر من سمو الامير الحسن بن طلال

وكانت تدربنا ملازم نسرين وتقود فرقتنا مس تمام الاكحل
...........................................
وهي بعض الصورة الي مع فرقتي الي كان اسمها اهل الهمة خلال رحله المخيم :-

هاد البرج ارتفاعه 60 قدم انا نطيت عنه وانا مقيدي بحبل واسم هاي النطة الانزال الجبلي
طبعا شعور رااااااااااااااائع كأنك طاير بسما

وهاي الصورة اثنا المسير حيث مشينا 16 كيلو متر دون توقف في منطقة ريفية وحنا قاعدين عم ننشيد اناشيد شعبيه وكان في سياره اسعاف ووصهريج مياه عم يمشوا ورا منشان ما نقصنا شي وبمتابعة عدة ملازمين

هاي الصور واحنا قاعدين نظف احد شوارع مدينة مادبا الاردنية في عمل تطوعي طبعا لا انسى كم ضحكنا هداك اليوم قعنا نلعب بالمي ونسينا النتظيف خخخخخخ وهاد القميص الي شايفينو هو زي الجائزة وشعار الجائزة عليه وكانت كامره التلفزيون الاردني تلقنا وين ما رحنا واحنا عم نظف وتصور فينا وطلع الي تصور على فضائية نورمينا الاردنية

هاي لما سوينها مسابقة مين تنظيفا اسرع ......ههههههههه

هاي برضن المسابقة بس هون الكل غرق من المي تبع الصهريج الي بلحق فينا

هاي لمن روحنا على بيت سمر الكلداني (مديرة مكتب الجائزة )القديم هناك اكلنا جاج مشوى وقاعدنا نحكي نقصص

هاي صورة لمس سمر كلداني

هاي واحنا واقفين صفوف جوا المخيم طبعا المغطيه صورتها ورا ام الحجاب الاحمر هي انا بس ممنوع تشوفوني

هادول الصور والعقيد عم بيسلمنا شهادات التخرج من المعسكر

هاي صورة مع بعض التوضيحات والمغطية me

هاي بعد تسليم الشهادات وعنا رافعينهوم لفوق

.................................................................
اتمنى الموضوع عجبكم واستمتعتم
مستني ردودكم على احر من الجمر
تحياتي
مجنونة ساسوكي