| يامنى روحي وقلبي تعبت اداري في اشتياقي
 .
.
.
.
.
.
.
.
.  لاتعتب إن ذاب صوتي في بحر دمعـي
كــل الليـالـي تعـاهـد تخـنـق أحـلامـي
لوجـات لألحـان حلـمٍ يعشـقـه سمـعـي
مافـيـه غـيـرك تمنيـتـه مـــن أيـامــي
اوقد لك سراج قلبي من عبـق شمعـي
في ليل بعدك وصمـت الـروح والآمـي
وإن غبت واصبح لطيفي نايـحٍ ينعـي
لاتقول راحت خلاص ..وتهدم خيامـي
يكفي زمانٍ كسرنـي ثـم عجـز جمعـي
يكفي عـذاب سجنـي واعلـن اعدامـي
يكفي ظمـاي لوجـودك والوجـع نبعـي
يكفي احتضاري بجرحٍ في الحشادامي
يكفي وأناأشكي وكني للجـروح ادعـي
حتـى جبـال التعـب هـدت لـي عظامـي
يكفي وانا اصبر وحزني غايته قمعـي
يجني محاصيل حلمي يقطف اعوامـي
يكفي قبيلة همومـي فـي العمـر ربعـي
ودمي نزف من وريدي حبـر لاقلامـي
اغليك واسمع ترى صدق الغلاشرعي
والحب دربي العفيف الصادق السامي
ولوملني وجه صبحك واتعبـك سمعـي
بـاهـديـك قـطـعـة خـفــوق للقـاظـامـي
ياآخـر الحلـم يـاأول مـن مسـح دمعـي
شفني علـى بـاب قلبـك تعبـت اقدامـي
ولوطـولـت بــي الليـالـي فالوفاطبـعـي
اصون عهدي لو إن الموت قداامـي.. ! مع حبي لكم / نبض دائم |