الجزء الثاني
الفصل الثالث
عند الشباب في الخيمة مابقى ولا احد الاالشباب
ثامر دخل معهم جو لانه متعود عليهم
بندر: الله ياخذكم ياشيخين والله اقلقتوا ام راسي
فارس: هههههههههه والله انت الي مندمج في الشغل
سامي: طيب ليش ماندمجتوا مثله
مشاري: فاضين لك احنا
مازن باستغراب : احلف انت واياه ايش كان عندكم
فزاع يحك راسه : والله انا ماكان عندي الا اني ازهق هالميري
ثامر : هههههههههههه اقول انثبر بس الا اقول راكان
راكان: امر
ثامر : انت تشتغل مع ابووك والله بروحك
راكان : لا انا لي شركتي الخاصة
ثامر باعجاب: يعني شركة الركني لك
راكان : ايه لي
هيثم : اقول الحين تبون تقلبونها تجارة اسمعو بس هذي النكتة
فزاع التفت عليه : قولها بس ياويلك تطلع بايخة مثلك
هيثم : اقلب وجهك
فزاع : على أي صفحة
وبدا هبال فزاع وهيثم
هيثم : على صفحة 120
فزاع : للاسف فاضية
هيثم : اكتب فيها
مازن يضرب يد بيد : الحمد لله والشكر
هيثم : ليه شبعت
فزاع : قوم غسل ايدك
وليد كان جالس معهم لانه بطبعه مايحب يتكلم كثير : اقول فزاع وهيثم ورا ماتسكتون
فزاع : نسكت والا نتكلم
وضلوا على هذ الحال لحد مازعق عليهم تركي وهجدوا
============================
عند الحريم نفس الشي مابقي الا العايلة
البنات ضحك وسوالف ورغد جالسة بروحها
وتتكلم في الجوال بدلع: ايوه والله جالسة غصب عني
فيصل : لا ياقلبي هذي ملكت اخوك مايصير كذا
رغد : والله ماينطاقون
فيصل( مغرورة والله لا اكسر خشمك): لا عادي انتي حاولي تتاقلمي معهم
رغد : ياروحي ماادري متى ارجع الشرقية جو الرياض ماينطاق لانك مو فيها
فيصل : بعد قلبي والله تسلميلي
رغد بمصاخة: ههههه الله يسلمك
فيصل ( الله يلوع كبدك ) : ويسلمك انشا الله
رغد شافت امها جاية لعندها : يلا فوفوا كلمك بعدين
فيصل : اوكي يلا باي ياعمري
رغد : بااااي
جات امها جلست عندها: ايش فيك ليه ماتجلسين مع بنات خالتك
رغد : ماما انا اجلس مع هذولا
ام خالد عصبت : رغد وبعدين كم مرة نعيد
رغد : ماما لا تعصبين تراهم مايستحقون
وقفت ام رغد : الله يهديك ماادري متى تبطلين هالحركات
راحت عند الحريم
============================
اخذها على مطعم هادي على الطاولة شموع وورد احمر والمفرش بعد احمر
واول ماوصلوا للطاولة بعد لها الكرسي حتى تجلس
غلا بخجل: شكرا
خالد : ههه طيب عفوا _ جلس_ غلاي قلبي ماتصدقي قد ايش انا مبسوط
غلا ابتسمة ونزلت راسها
خالد رفع راسها بايده ومسك ايدها : غلاي قلبي لو تدري اني اموت فيك من ايام كنا صغار تصدقيني
غلا من اول مامسك ايدها كل جسمها ارتعش وكانها كهرباء تجري فيه راح صوتها من الخجل:ايوه احم ايوه
خالد مبتسم : قلبي ليه تستحين مني عادي خلاص صرت زوجك
غلا : لا مااستحي بس لما اخذ على الوضع
خالد : طيب نشوف متى تاخذين على الوضع ياانسة غلا
غلا : خالد
خالد تنهد : اه ياغلا قوليها مرة ثانية
غلا استغربة : ايش الي اقولها
خالد مبتسم: قولي اسمي مرة ثانية يالله اول مرة اعرف انه اسمي حلو
غلا ابتسمت : هههه طيب خالد
خالد : لا لا يبغالها مرة ثانية
غلا : هههههههه
خالد : يالبيه هالضحكة انا
وقدر خالد يطلع غلا من خجلها وعاشوا احلى ليلة
=============================
عند البنات
ملاك بطفش : اف الجلسة بدون غلا مرة مو شي
هميس : احلفي وبقوووووووووووة بعد لا احلفي من جد
ملاك باستهبال : والله _ وتشدد على الكلمات
شذى : الحمد لله والشكر العقل نعمة
شموخ : هههههه هدي ياملاك اختها مي مهتمة
ملاك تطالع شذى : لانه ماعندها قلب
ريهام ساكتة لانها تحس بطنها يعورها شوي
شذى نطت في وجهها : احسن منك يالدلوعة
روان : شذى عليك فيها لاتسكتين لها
شذى : عارفة اجل باسكت لهذي الدلوعة
ملاك تطالع في روان: والله لك يوم يالخايسة
روان : ههههههه انا مالي دخل
شذى : اعوذ بالله من الشيطان ترمي بلا بعدين تقول مالي شغل
ريهام تضغط على بطنها وتضغط على يد هميس لانها جنبها : اممممممم هـــ مـــــــ يـــــــ س
هميس اخترعت ولفت عليها: ايش فيك رهوما
ريهام تتالم: أي بطني _ تبكي _ بسرعة اتصلي على وليد
جوا البنات والحريم عندها وسارة وملاك يلبسونها العباية وهميس وشذى ومي طلعوا للخيمة حتى ينادو أي احد ياخذهم للمستشفى
=============================
عند الشباب
وليد : فزاع لو ماتسكت والله لا ارفسك في ذاك
فزاع يستهبل: ترفسني لا ياوليد ارجوك
مازن بملل : وبعدين يافزاع خلاص
فزاع : خلص روح مليه
فارس : فزاع وبعدين
فزاع : خلاص طيب حسيتا ني زودتها
بندر حاط ايده على راسه: اوف الحمد لله بس انك حسيت
سامي بطفش: لا تتاملون الحين دقايق ويرجع مثل ماكان
تركي شاف البنات جايين قام بسرعة
سامي : ايش فيه
وراح ورا تركي يركض
=================================
هميس وقفت عند الباب تتصل على مازن ومعاها البنات واقفين جنبها
الا سمعت صوت تركي والتفتت
هميس : تركي بسرعة تعال
تركي بخوف: ايش فيه
مي تلاحق انفاسها : تركي رهام ماردي ايش فيها بسرعة
تركي : طيب يلا بسرعة جيبوها انا انتظركم في السيارة
هميس : لا تركي انت تعال شيلها مهي قادرة تتحرك
سامي : خلاص انت روح وانا اشغل السيارة
تركي راح يركض لجوا البيت
========================
عند البنات
ملاك ماسكتها : طيب انتي حاولي تقومين
رهام تبكي: لا ماما
ام عبد الرحمن جالسة جنبها : خلاص ياماما اهدي
رهام : ماما الله يخليك والله بموت
وصل تركي ورهام تبكي
تركي : يلا رهوم امسكي فيني
رهام للان تبكي : تركي نادي وليد
تركي : رهام الحين ايش لك فيه انا اناديه بعدين
رهام : لا الحين ناديه
تركي رجع شعره على وره وبتوتر: رهام خلاص دقايق وطلع جواله
========================
عند الشباب
مازن : ماادري ايش فيه تركي طلع وبعدها طلع وراه سامي يركض
وليد : والله ماني مرتاح
ثامر : طيب مازن انت قوم شوف ايش فيه
مازن : لا ماني رايح الحين هم يجون
فزاع وقف : انا راح ادخل
راح معاه فارس
وليد جواله يرن طالع في الشاشة (تركي): الوووو
تركي : وليد بسرعة تعال داخل رهام ماادري ايش فيها
وليد صرخ بخوف ووقف: أيـــــــش الحين اجي
قفل من تركي وراح يركض
=======================
فارس وفزاع شافوه سامي واقف عند الباب الرئيسي راحوا له
فارس: سامي ايش القصة
سامي : ماادري يقولوا رهام تعبانة
فزاع مااستوعب: ايش
فارس : رهام تعبانة
شافو وليد يركض للبيت
فزاع : اها الحين فهمت
============================
عند الحريم
تركي قفل من وليد: الحين يجي
رهام تبكي
ام عبد الرحمن : طيب شيلها انت
تركي : وهي راضية
في وحدة تراقب من بعيد : انا وملاك نساعدها
ملاك : طيب تعالي شموخ
شموخ : لا ملاك انتي امسكي يدها وانا ارفعها
ملاك سوت مثل ماقالت لها شموخ وقدرو يوقفون ملاك
شموخ : انتبهي اشوي شوي
رهام ماسكة يدهم : طيب انتو ساعدوني
انفتح الباب دخل وليد
وراح يركض لرهام وشالها
===========================
عند الشباب
مازن : لا انا ماني قادر اتحمل انا طالع
وطلعو الكل معاه
شافوه وليد طالع وبايده وحده شايلها راح له مازن
مازن بصراخ : ايش فيها
وليد مرتبك : ماادري
ركبها في السيارة الي فيها سامي
وراحوا على طول للمستشفى
==========================
عند الحريم
تركي واقف مو عارف ايش يسوي
ام عبد الرحمن شوي وتبكي : يلا ياتركي وديني للمستشفى
تركي : يلا يلا
شموخ بخوف : انا ابغى اروح معكم ياخالة
ام عبد الرحمن : يلا يابنتي
ملاك : وانا رايحة معكم
تركي : يلا بسرعة بسرعة
وطلعوا مع تركي وراحوا للمستشفى
===========================
عند الشباب
مازن : يلا شباب ادخلوا داخل
ثامر : لا انا باخذ اهلي ونروح
مازن : ياشيخ اجلس
ثامر يطالع في ساعته : لا والله الوقت متاخر الساعة 2
مازن : والله راح الوقت وماحسينا فيه
تركي جا لعندهم
تركي : شباب انا رايح المستشفى
مازن شاف الي طلعوا من الباب : ومن رايح معاك
تركي : امي وملاك ووحدة اسمها شموخ
ثامر : من شموخ رايحة معكم
تركي : ايه ليه تعرفها
ثامر : ايه اختي
تركي : اها _ وراح_
ركب السيارة وركبوا معاه دق على سامي وساله عن المستشفى وراح على طول
===============================
وصلوا للمستشفى
نزل تركي بسرعة يجيب كرسي متحرك
سامي : يلا ركبها هنا
وليد : مايحتاج
سامي يصارخ: ركبها
وليد ركبها وصار يدف الكرسي ووصلوا للرسبشن
سامي : لو سمحتي معنا وحدة حامل مرة تعبانة وين نوديها
السستر: تعالوا معاي
وودتهم لغرفة وجات على طول الدكتورة
الدكتورة : لو سمحتوا اطلعوا برة
وطلع وليد وقف برا وسامي راح بعدما اتصل عليه تركي قال له يجي
===========================
تركي وصل للمستشفى
جاهم سامي : تعالوا معاي
تركي : وين ودوها
ام عبد الرحمن :وين بنتي
شموخ ماسكتها : اهدي يايمه
ام عبد الرحمن كيف اهدا وبنتي ماادري ايش حالها
ملاك تمشي وهي تبكي
شموخ التفتت على ملاك : ملاك وبعدين
ملاك تبكي: والله خايفة عليها
شموخ تحاول تمسك نفسها حتى تهديهم
تركي ماشي جنبهم ويسمع
سامي : تعالي هميس
شموخ : انا مش هميس
سامي : من اجل
شموخ : انا شموخ اخت ثامر
سامي : اها
ووصلوا لعند وليد وهو واقف عند الدكتورة
============================
عند الحريم
كلهم جالسين وساكتين
رغد تهمس لامها : يمه وبعدين راح نجلس كذا كاننا في عزا
ام خالد بنفس الهمس: طيب اتصلي على ابوك يجي ياخذنا
رغد : طيب _ ووقفت وطلعت بر_
=============================
في السيارة
وهو ماسك ايدها ويغني مع الاغنية : ياللي ماحبيت عمري الا منك من هو يقدر يشغل التفكير عنك
غلا تكمل: لو عطيتك ماي عيني مو كثير لو تشاركني مو كثير هههههههههه
خالد مبتسم : غلا انتي مبسوطة معاي
غلا بابتسامة : اكيد
خالد يكمل مع الاغنية : جابك الله لي هدية من السما مثل الشوف لعيون العما صرت اشوفك دنيتي ياحياتي
ووصلوا البيت خالد شاف رغد عند الباب
=================================
في المستشفى
طلعت الدكتورة
وليد شافها وراح لها : ايش فيه يادكتورة
الدكتورة : لو سمحت تعال معاي لازم نسوي لها ولادة مستعجلة
وليد اخترع : ايش ولادة مستعجلة هي لسا مادخلت في التاسع
الدكتورة : انا عارفة بس لازم لانه اذا ظل الجنين في خطر عليها
وليد جلس على الكرسي الي جنبه ورجع شعره على ورا بتوتر: ياربي
جا سامي : ايش فيه
وليد : يارب صبرني
تركي : ايش فيها رهام
وليد بخوف : يبغون يسون لها ولادة مستعجلة
ام عبد الرحمن : ايش _ بكيت_ يابعد قلبي يايمه
شموخ ماسكتها : ارتاحي يمه
ام عبد الرحمن جلست وتبكي
شموخ : ملاك جيبي لها مويه بسرعة
سامي : انتي اجلسي لنا اجيب لها
راح سامي وجاب لها المويه
شموخ : اعطيني اياها
اعطاها سامي المويه
شموخ شربتها المويه
ملاك : شموخ شفتي والله كنت حاسة انه فيها شي
شموخ : وليد لازم توقع
وليد: والله اني خايف عليها
شموخ دكتورة:خلاص اوكي انا راح ادخل معهم _ تكلم الدكتورة_ لوسمحتي
الدكتورة: اهلين
شموخ: لو سمحتي ابغى اعرف اذا كانت العملية فيها خطر على رهام والله لا
الدكتورة : طيب تعالي معاي الغرفة
شموخ :طيب_التفتت على ملاك_ ملاك تعالي معاي
تركي : لا انا اجي معاك
شموخ بحرج: طيب
وراحوا مع الدكتورة
==========================
شافها واقفة عند الباب استغرب وقفتها
خالد : رغد ايش فيك واقفة عند الباب
رغد : لا بس رهام تعبت واحنا نبغى نرجع البيت
غلا بخوف : ايش ايش صار لها
خالد : هدي حبيبتي
غلا دخلت تركض لداخل وراح خالد عند الشباب
وفتحت الباب
غلا : يمه ايش فيها رهام ووين ملاك
ام سامي :شكله جاها الطلق
غلا : ايش لسا ماجا وقتها
ام سامي : طيب عادي
جلست غلا وهي خايفة مرة
==========================
عند الشباب
بندر: انا ابغى اودي اهلي للبيت
فزاع : وانا بعد ابغى اخذهم للبيت
فواز : يلا كلنا نروح
دخل خالد
خالد : السلام عليكم
الكل : وعليكم السلام
مازن : هلا بالمعرس
خالد : هلا فيك
بندر وقف : يلا انارايح
خالد : وين
فزاع : ارتاح يالنسيب يبغى يودي اهله لبيتهم
خالد : وانا بعد ابغى اوديهم بس جيت اسلم
فزاع : طيب روح يالنسيب
خالد : ايش فيك انت كنك مفجوع اني صرت نسيبك
فزاع : ارتااح يـــــا
قاطعه خالد : والله عرفت اني نسيبك
فزاع شق الخشه : لا كنت ابغى اقول ارتاح يالحبيب صرت نسيب
خالد : احلف
الكل : هههههههههههههههههه
ثامر وقف : يلا شباب بالاذن ابغى اروح البيت
وطلع بره يتصل على اهله
وطلع وراه خالد يتصل على اهله
========================
في مكتب الدكتورة
شموخ : طيب دكتورة يعني نسبة الخطر مرة ضئيلة
الدكتورة باعجاب: ماشا الله عليك من وين تعرفي هالامور
شموخ : لاني ادرس طب
تركي : طيب دكتورة مشكور نقدر نسوي لها العملية
الدكتورة : الحين بس وقعوا لي على الاوراق
تركي : خلاص انا اوقع
الدكتورة : ليه هذي زوجتك
تركي: لا مو زوجتي اختي
الدكتورة : اجل هذي زوجتك_وتاشر على شموخ_
شموخ باحراج وتكذب: لا مو زوجته بنت عمته
تركي ابتسم : ايه بنت عمتي
وطلعوا
=======================
في المستشفى
رجعوا عندهم
وليد اول ماشافهم راح لهم: ايش صار
تركي: ماصار شي غير اني وقعت على العملية
وليد : يعني ايش
تركي : وليد رهام مرة تعبانة واذا ظل الجنين راح يسبب لها خطر
شموخ راحت لام عبد الرحمن: يمه تطمني رهام مافيها شي
ام عبد الرحمن : الله يطمنك
وجات سستر ومعها الدكتورة
الدكتورة تكلم وليد: احنا الحين راح ندخلها غرفة العمليات
وليد : طيب اوكي
دخلت بعدين طلعت ورهام على السرير ويدفونها
شموخ : شوفيها يمه_ تاشر على السرير_
قامت ام عبد الرحمن تركض لجهة السرير : يمه رهام لاتخافين
رهام مسكت ايد امها: يمه ديري بالك على روحك يمه انا اسفة اذا قصرت معك بشي
شموخ تجمعت الدموع بعينها: رهام وبعدين
رهام : سامحيني شموخ انا مااتصل عليك ولااسال عنك وانتي ياملاك
ملاك تبكي : والله مسامحتك بس لا تقولي هالكلام
رهام : كلكم سامحوني
شموخ : خلاص رهام لاتتعبين روحك
اخذتها السستر ودخلوها غرفة العمليات وهم ينتظرون
=======================
في الحديقة
كان رايح لسيارته
:ثامر
ثامراستغرب: نعم
خالد :ثامر انت زعلان مني
ثامر : وليه ازعل منك انت ولد عمي
خالد : والله كان نفسي انك انت الي تجهزني وتوقف معاي يوم زواجي
ثامر ( الي انكسر مايتصلح ) ابتسم : بس هذا الي تبغا
خالد ( حاس فيك ياثامر من ورا قلبك): لا ابغاك تسامحني
ثامر : اسامحك على ايش والله ايش
خالد برجا : ثامر الله يخليك سامحني على كل شي سويته معاك وانا اوعدك اني ماراح اكررها
ثامر: احاول
خالد دمعت عيونه: الله يخليك حاول قد ماتقدر لاني ياثامر تعبت من دونك كثير
ثامر : اوكي يلا بااي_ ركب سيارته واتصل على اهله_
خالد واقف مكانه ( قسيت كثير يا ثامر بس يحق لك)
واتصل على اهله طلعوا له لانهم جاهزين
===================================
عند الحريم
ام ثامر : يلا نوف نروح البيت اتصلي على اخوك
نوف : طيب يمه _ وقفت الا دق جوالها_ شوفيه هو الي اتصل
نوف: الووو
ثامر : يلا اطلعوا نا بره
نوف : طيب دقايق_تكلم امها_ يلا يمه هو برا
=============================
في الستشفى
بعد نص ساعة طلعت الدكتورة
شافوها كلهم وقفوا وراحوا لها
وليد بخوف : هاايش صار يادكتورة
الكتورة تفرك ايدها في بعض : والله ماني عارفة ايش اقولك
سامي بصراخ : بسرعة اتكلمي
الدكتورة: ؟؟؟؟؟؟؟؟؟؟؟؟؟؟
=================
نهاية البارت
الفصل الثاني
تحياتــــــ دكتورةــي.gif "thanks")
توقعاتكم:77: