اشكرك اختي عاشقة الانمي ساسكي على مرورك الرائع
&^%$#@!الجزء الثالث!@#$%^&
فرح بعصبية:خير هادا وقت احد يغازل فيه
فيصل:بس انا ما اغازل
فرح:اجل وش تبي
فيصل:ابي اعرف اسمك
فرح باستهزاء:يا شيخ الظاهر عطيتك وجه بزيادة وليه ان شاء الله تبى تعرف اسمي
فيصل:اعصابك امم علشان اخطبك
فرح رددت ببلاهة:تخطبني
فيصل:ايوة يعني اعتبري نفسك من اليوم زوجتى وما في طلعة بدون اذن
فرح:ضف وجهك وسكرت فوجهه ..هاذا اما انه مريض نفسي او انه يلعب على بس مو انا اللي اعمل شئ ينكس راس اهلى
فيصل بعد ما سكرت فوجهه راح لأماني وهو واصل حده من حركتها اللي بنظره سخيفة ما يدري انه المفروض كل البنات يكونوا كذا
فيصل بعصبية:اماني
اماني فزت من مكانها:هلا
فيصل:صاحبتك هذيك فرح ايش اسمها بالكامل
اماني شافته معصب ما حبت تناقشه:فرح منصور القصيمي
فيصل هدى شوي وراح لغرفته وهو على الدرج حس بدوخة خفيفة لكن كمل طريقه وطلع لغرفته خذ جواله ودق على ابوه
فيصل:هلا يبة
ابو فيصل:هلا يا وليدي خير
فيصل:يبة انت عارف ابنك صار رجال...
ابو فيصل قاطعه:ادخل بالموضوع بدون لف ولا دوران
فيصل:ابي اعرس
ابو فيصل:اخترت ولا تختار لك امك
فيصل:لا اخترت
ابو فيصل:ومن هي سعيدة الحظ
فيصل:فرح القصيمي صديقة اماني
ابو فيصل:زين ما اخترت صديقات اماني كلهم بنات قبايل والنعم فيهم
فيصل:زين كلم ابوها يشوف رأي البنت وبعدين نخطب رسمي
ابو فيصل:طيب ابشر بكلمه
فيصل:كلمه الحين
ابو فيصل:قلت بكلمه اركد شوي يلا سلام
فيصل:سلام قفل منه وراح توضى وصلى قضاء حاجة ودعى ربه انها تكون من نصيبه

كان جالس يتمشى ساقته رجله لعند مبنى البنات شاف فرح اخته لابسة جلالها وغطوتها وواقفة عند المسبح قام حب يسوي فيها مقلب تسحب بشويش من ورا ظهرها ودفها بسرعة فالموية جلست ترفس وتحاول تطلع
مشعل:فرح لا تستهبلي تراك سباحة ..وفجاء نزلت وما طلعت مشعل بسرعة نط وراها وطلعها رفع غطوتها شاف احلى بنت شافها فحياته وجهها ملائكي كانه هي اللي قال فيها الشاعر:
الليل في عينيك ينسكب والصبح في خديك يلتهب
والبحر ساج موجه فإذا سويت شعرك فهومظطرب
وكنوز ما اذخر الخليج على يمناك ينثرها فتنتخب
لشفاهك الياقوت متقداولمبسمك اللؤلؤ الرطب
وأنا أمام غديراعينك الرقراق حقل موحش ترب
بعد مافاق من صدمته بجمالها جلس يدوس على بطنها بشويش لحد ما خرجت كل المويا وبعدين قام بسرعة وكلم هديل
مشعل:هديل تعالى بسرعة عند المسبح
هديل:عندكم
مشعل:لا انا تحت عندك
هديل قلبها انقبض:طيب سلام
قفلت ونزلت جريوصلت للمسبح لقت وحدة ممدة على الرض وجالسة تكح ومشعل ماسكها
هديل:خير استر يا رب وصلت لعنده
مشعل امسكيها بسرعة طلعيها بدلي لها ملابسها لا تبرد
هديل شافت وجهها لونه كنه بنفسجي شهقت:ايمان مشعل ايش صار ليه ايمان كذا
مشعل بصراخ:مو وقته خذيها بسرعة بعد ما تسوي اللي قلت لك عليه كلميني وانا اشرح لك
هديل:رفعتها وسندتها عليها لحد ما طلعتها غرفتها ساعدتها تبدل ملابسها لبستها بيجامة بيضا ثقيلة علشان تدفى ونومتها على سريرها وراحت لغرفتها تكلم مشعل
مشعل كان مصدوم من جمالها عمره ما شاف احد بهالجمال انفها صغير ودقيق وشفايفها كنها حبات كرز وخدودها متوردة وعيونها لوزية واسعة وكانت ملونة خليط بين الازرق والاخضر اكيد هاذي بنت السورية مرت عمي عمر قطع عليه افكاره جواله اللي دق بالنغمة المخصصة لهديل رد بسرعة وهو ملهوف انه يتطمن على اللي سرقت قلبه فثواني
مشعل:هلا هديل طمنيني ايش صار
هديل استغربت من لهفته:كل خير لبستها ملابس ثقيلة ودفيتها مظبوط ونامت
مشعل:الحمد لله
هديل:زين احكي لي وش صار
مشعل:لقيتها واقفة ولابسة جلال فرح حسبتها هي دفيتها بالمسبح لأني ادري ان فرح سباحة المهم البنت نزلت وما طلعت نزلت وطلعتها خرجت المويا اللي شربتها من بطنها وعلى طول كلمتك
هديل:اهاا بس شكلك كذا حبيتها
مشعل:صراحة ما اكذب عليك البنت هبلت فيني كنها ملاك مو بشر واسمها لابق عليها هي بنت عمي عمر صح
هديل:لا ما شاء الله كمان صاير ذكي علشانها عموما البنت متدينة ومحترمة وما عليها قصور بس اصحك تسوي معها حركة من حركاتك مع البنات تراها مو راعية ذي الحركات
مشعل بسرعة:لا والله ابي اتزوجها مو لعب
هديل:انت من جدك كل ذا علشان كم دقيقة شفتها فيهم
مشعل:والله اقولك هبلت فينى واباها الحين قبل بكرة وابيك تجسي نبضها علشان اكلم ابوي ونروح نخطبها رسمي
هديل:طيب لما تصحى يصير خير يلا سلام
مشعل بسرعة:هديل
هديل:ها
مشعل:خلي فرح تجي تكلم ابوي فالحديقة
هديل:طيب ان شاء الله خير سلام
مشعل:سلام
قفلت منه وراحت تنادي فرح
هديل:فرح فرح
فرح:هلا
هديل:البسي وروحي لأبوي بالحديقة يباكي
فرح استغربت وعقدت حواجبها:ما تدرين ليه
هديل:الله اعلم
فرح:طيب لبست جلاها وغطوتها اللي صارت مؤخرا دايم تلبسها اقتداء بهديل وراحت لأبوها كان جالس على كراسي بالحديقة راحت وجلست مقابلة له
فرح:سم يبة بغيتني
ابومشعل:ايوة سمعى يا بنيتي تراك كبرتي وصرتي عروس وفي واحد طالبك يبي يخطبك
اسفة على اللخبطة اللي حصلت