|
( الجزء السابع)
غاليه : راحت لامها امي انا مو موافقه خلاص لا احد يكلمني,,, انا مو موافقه مو موافقه .... وراحت تبكي وخرجت من الغرفه.. هنا امها مو مصدقه ترفضين الدكتور سليمان ليش يا غاليه ليش..,, راحت امها لها وتقولها,, غالي هانا كلمت ابوك لاني كنت متاكده انك بتوافقين وابوك طاار من الفرحه وقال انه راح يتطمن عليك معاه يا غاليه لا تحطمين فرحه ابوك ليش تسوين كذا,,, كلنا مرتاحين له.. قولي تكلمي وش فيك ليش غيرتي رايك..... انا ادرى فيك انتي موافقه بس شي صار خلاك تغيرين رايك....
غاليه ما ترد على امها وضاعت بالتفكير,,, انا احبه انا احبه ليه يا قلبي توقف بطريق حلمي,,,, ليه بس ليه,,,
مرت الساعات على غاليه مثل الجبال... امها: غالي هانا شلت يدي من هالقصه خلاص ابوك يكلمك انا تعبت منك .. وراحت.. غاليه لآلآ ابوي ما اقدر اواجهه لآ ابوي فرحان لي وطاير من الفرحه......
بعد العشاء... الكل شاف غاليه متضايقه ومو على طبيعتها ليش .. مستغربين... الا ابوها عارف ... راح الغرفه وناداها... غاليه غاليه تعالي وانا ابوك ابيك بكلمتين... غاليه: هلا يبه وحبت على راسه ااامر عيوني لك.. ابوها: تسلم عيونك الغاليه بس امك قالت لي انك منتي موافقه .. صح.. فيه شي الدكتور سليمان,, غاليه: لا ما فيه شي بالعكس بس انا.. انا... ابوها: ها كملي وش فيه... غاليه: لا بس ابوي ابي اكمل دراستي.. ابوها: بس هذا الي تبينه انا راح اخذ راي الدكتور وش رايك.. هنا غاليه قلبها صار يدق بسرعه و زاد ولعها باسم الدكتور سليمان... بس ما تقدر تتنازل عن حلمها..
ليش.... يا غلاوي ,, تتنازلين عن حلمك بس هاذي فرصه ما راح تتكرر,,, ابوها: يناديها غاليه وين رحتي خلاص انا راح اكلمه واعطيك خبر.... غاليه ما قدرت تتكلم.... راح ابوها.....
بعد يومين.. ابو صالح: هلا دكتورنا.. سليمان: هلا ياعم وش اخبارك.. ابوصالح: الحمدلله وش اخبارك انت.. سليمان: الحمدلله بخير.. امر ياعم... ابو صالح: حبيت اخذ رايك بموضوع يخص غاليه... هنا انقبض قلب الدكتور سليمان وهو يفكر بمصير قلبه بين الموت والحياه.. سليمان: تفضل ياعم.... ابو صالح: البنت موافقه بس تبي تكمل دراستها ها ايش قلت.... هنا انعقد لسان الدكتور سليمان من الفرحه وده يبوس عمه ابوصالح: الوو الووو وينك.. سليمان: هنا ياعم هنا موجود ياعم قولها موافق حتى لو تبين تدرسين برا ما عنده مانع يجي معاك وهو راح يشجعك عشان تاخذين احسن الدرجات....
غاليه الحين جالسه بالغرفه وتفكر بكلام ابوها وامها تعبت وراحت تصلي استخاره... وحست براحه مو طبيعيه وقالت بنفسها.. الخيره فيما اختاره الله ربي بيوفقني وراحت لامها وعلامات السعده واضحه على وجهها....
يمه.. امها: هلا ببنيتي غاليه: اليوم صليت الاستخاره.. امها: بشري,,, غاليه وهي ترمي نفسها بحضن امها.. موافقه يا امي... امها جلست تزغرد وطارت من الفرحه وقالت زين ما سويتي يا يمه ربي يوفقك ياارب قلبي راضي عنك...... غاليه حاولت تتناسى الي يضايقها وتفرح مع فرحه امها وتقول يمه ابوي كلمني والحمدلله قلبي مستريح..
امها تحضنها وتقول ربي يريحك دووم يا عمري,,,,, واشوف احلى عروس,,,,
هنا ام غاليه راحت تتصل على سمر وتبشرها: هلا ببنتي سمر.. سمر: هلا يا خاله احس عندك خبر حلو.. ام صالح: الخير بوجهك واكيد الخبر حلو مثلك .... سمر: بشري,,, ام صالح: غاليه موافقه.. سمر: الله يبشرك بالخير الحين راح يطير اخوي من الفرحه ,, والله خايفه على قلبه لا يوقف ههههههههههه ام صالح: الله يسعدهم .. سمر: ااامين يارب...
سمر راحت جري عند اخوها بسرعه اعطيني البشاره سليمان... ها ما يحتاج تعطيني شي انا عارف غاليه مو موافقه وهو يضحك بسره عشان هو عرف بموافقه غاليه بس يبي يلع باعصابها..
سمر: ايه هارد لك ما تبيك تصدق,,, سليمان يلف وجهه للناحيه الاثنيه ويضحك بصوت خفيف.. سمر تقطع قلبها على اخوها و سحبته من يده عشان تواجهه مبروووووووووووووووووووووووووووك...
سليمان.: يسحب يده ويقول روحي انتي تضحكين علي ويسوي مثل الاطفال.. سمر: ههههههههههههههههه والله جد جد....
سليمان: والله وياخذ اخته بحضنه ويقول يا احلى اخت بالعالم ربي لا يحرمني منك.. سمر تقول بلا دلع وهات الشيك بسرعه... وعلى بياض. سليمان: هههههههههههههههههه بس ما طلبتي شي واعطاها دفتر الشيكات كله خذي العبي فيه هههههههههههههههههههههه...
سمر : انا عارفه انك اكبر بكاش بالعالم هههههههههههههه,,, سليمان طاير من الفرحه خلاص حلمه بيتحقق وغاليه صارت قريبه منه... اه بس متى تعدي الايام و تكونين جنيي يا احلى مافي الوجود........ وغرق باحلامه...
سمر تتصل على غاليه : هلا غاليه مرت اخوي.. غاليه: هههه هلا سمر.. سمر: بس لو تشوفين سليمان يحز بخاطرك... غاليه: ليه عسى ما شر.... بخوف,, سمر: لا بس فرحان وطاير من الفرحه.. غاليه: امممممم سمر: غاليه متى العرس يالله بسرعه ابي اشوفك ببيتنا بسرعه,,,,
مرت الايام و غاليه انقبلت بكليه الطب وصارت ايضا الفرحه فرحتين الزواج والقبول بالجامعه.... غاليه راحت تصلي صلاه الشكر ,, لانها حست بالدكتور انه حلم واتحقق وحب مستحيل تلقى مثله...
الحين قربت ملكه غاليه ..... والدكتور ينتظر بفارغ الصبر... وغاليه خايفه حدها... وسمر تلعب بالاثنين... سليمان: طيب يا سمر بكره نملك وما عاد احتاجك ومذلتك هاذي,,, سمر: ههههههههههههههههههه وين بتروح من يدي ,,
طيب الايام جايه هههههههههههههههههه... اليوم هو اليوم الموعود اخيرا راح اشوفك يا غاليه... اليوم كان حاسم بحياه غاليه الكل متجمع حواليها و مها بس تتكلم فوق راس غاليه وغاليه تشوف العالم بس ما تسمع ....
الحين هي بعالمها... خوف وفرح ودموع و ضحك..... غاليه الحين باجمل طله تلبس فستان احمر يبين جمالها الخلاب... وعيونها الفاتنه... سمر تقول لغاليه: حرام عليك شوي شوي لى اخوي ترى قلبه ضعيف هههههههههههههههه.....
غاليه نزلت راسها من الخجل... جا امها و اخذت غاليه للغرفه الحين خلصت مراسم النكاح وصارت غاليه زوجه سليمان... بس ينتظرون دخول الدكتور الغرفه و بدء الفرحه... غاليه تجلس بوسط الصاله والبنات يرقصون حولها والكل فرحان ومها تحاول تضحك غاليه.. وتقومها ترقص.. غاليه مو قادره تتحرك... يامها اتركيني,,, مها: طيب يقولون سليمان جاي يالله قومي اهربي هههههههههههههه اشوف تقدرين تتحركين او لا ههههههههههه
غاليه: ها اممممم... ودخل الدكتور وكل البنات راح يتغطوا وطبعا عينهم على رجل يسحر العيون والشماغ زايد حلاوته العربيه.. كان كله رجوله وهيبه بالمكان الي يدخله.. عم السكون المكان الى ما بدات الزفه... عيون الدكتور سليمان على عروس تاخذ العقل حوريه ملاك عيونها براقه... وكلها حلا وجمال وشعرها المنسدل على كتفها وخجلها واحمرار وجنتيها,,, ما اجملك يا غاليه... سلم عليها و غاليه ما قدرت ترد,,, ضحك وجلس جنبها وبدا الطق والتصفيق.. واخته سمر ترقص طايره من الفرحه هي وام غاليه... بعد كذا راحت غاليه مع زوجها بعد ما لبسوا الدبل.. سليمان: هلا غاليه.. كيفك.. غاليه: الحم الحمدلله... سليمان: تعرفين القمر,, غاليه:ايه... سليمان: يقولك تعالي مكاني.... اانا مالي جلسه... غاليه: ابتسمت... سليمان: بس لو يشوف ابتسامتك اظن راح يتشقق من القهر.. غاليه: ههههههه.. سليمان: تسلملي هالضحكه... مرت الساعتين على الدكتور سليمان مثل الثواني ... وودع غاليه وراح بيتهم...
سمر: مبرووك يا عريس مبرووك.. سليمان: الله يبارك فيك. سمر: شفت القمر مرتك.. سليمان: الله يخليها لي وربي لا يحرمني منك يا احلى اخت طبعا انتي وقفتي معاي...
سليمان: سمر ابي رقم مرتي.... سمر: ها وش قلت.. سليمان: الي سمعتي استحيت اطلبه منها.. سمر: والله تعرف كل شي بثمنه... سليمان: طيب اضغط على نفسي وهذا اخر ثمن بس يالله... سمر : ههههههههههههههههههههه تحسب اني باطلب شي هين يا حليلك... سليمان: اطلبي يالله... سمر: بكره اروح السوق.... سليمان: سوق انتي ما شبعتي,.. سمر: ها .... بكيفك باي اروح انام.. سليمان: طيب طيب خلاص الله يعينني..طيب وتعطيه سمر الرقم ويروح يمشي,, ها: ما تحتاجني يعني طيب ولا شكرا حتى..... سليمان يروح غرفته ويطنشها,,,هههههههههههههههه.... طيب يا سليمان....
يرن تلفون غاليه ما ترد تشوف رقم غريب.... تعب وارسل لها رساله انا البدر يا قمر.... تطنشه غاليه...... ويرجع يرسلها... انا سليمان ولد ابو سليمان ههههههههه ويرجع يتصل عليها... غاليه تخجل وترد...هلا,, سليمان: هلا بحياتي وشلونك اكيد تعبانه ... غاليه: ايه.. سليمان: بس ما حبيتا نام قبل ما اسمع صوتك... غاليه: شكرا:.. سليمان: شكرا شكرا طيب مع السلامه حبي.... غاليه مع السلامه... توقف غاليه عند الشباك وتشوف القمر وتضحك ... الله لا يحرمني منك يا البدر....
يتبع**
|