| الفصل العاشر
بدت الدراسه وكل واحد منهم انشغل بعمره
حتى فاطمه المهمله وسماح
صاروا يذاكرون زين عشان يجيبون نسبه حلوه
وسامي بعد كان يذاكر زين عشان اخر سنه بالجامعه
مرت هذي السنه سريعه بدون احداث مهمه
سامي خلص الجامعه و بيتوظف بشركه ابوه وزوج خالته (ابو فاطمه)
بس لما تبدا الدراسه يعني بعد ثلاث شهور
اما فاطمه خلصت اختباراتها مع سماح
بس ما طلعت النتايج لسى وهم خايفين يبون نتيجه مشرفه شوي
على قد اللي طمحو له
***************************************
بعد اسبوع
ابو فاطمه وام فاطمه يسمعون فاطمه تصرخ فرحانه
و مستغربين من بنتهم وش فيها
حتى كريم وريم وليالي
كريم: وش فيك الله يشفيك من االلي انتي فيه
جالسه تصارخين
فاطمه: طلعت نتيجتي
ابو فاطمه : ها كم بشري ؟
فاطمه: كم تتوقعون ؟
كريم: 70 بالميه وتخب عليك بعد
فاطمه: لا والله هذا مستواك انت
ابو فاطمه : اخلصي كم
فاطمه: 97 بالميه ههههههههه
كريم: كذابه والله اتحداك
فاطمه: اكل تبن والله من جد
ام فاطمه قامت تزغرط: كللللللللللللللللللللوش
ابو فاطمه: تعبك ما راح على الفاضي ما شاء الله عليك يا بنتي
فاطمه: ايه بروح ادق على سماح واخبرها بنتيجتي ونتيجتها
كريم: ليش هي ما تطلعها من نفسها ؟
فاطمه: ما عندها نت حالياً
راحت الى غرفتها
ودقت على سماح
فاطمه: هلا سماح السلام عليكم
سماح : ها بشري
فاطمه: هههههههه طيب ردي السلام لحووول
سماح: يلا فطوم تكفين انا من اليوم على اعصابي
فاطمه: انتي نسبتك
سماح: ايه
فاطمه: اممممممم 94 بالميه
سماح: الحمدلله لك يارب
وانتي ؟
فاطمه: ما شاء الله ما شاء الله والله اكبر عليك
سماح: ايه ما شاء الله بس قولي ما بحسدك انا
فاطمه: 97 بالميه
سماح: وهذي شلون جبتيها ؟
فاطمه: الله اكبر عليك حسوده
سماح: هههههههههه امزح معاك
ما شاء الله كلنا ترا زي بعض تقريبا
فاطمه: ايه وانتي صادقه يلا انا بروح عند امل الحين
سماح : باي
فاطمه نزلت تحت
فاطمه: اقول كريم توديني عند امل شوي بس تكفى
كريم: ان شاء الله من عيوني بس عشان نسبتك
فاطمه: مشكور
وراحوا بيت خالتهم دخلوا وسلموا عليها
ام سامي: ها فطوم بشري عن النتيجه ؟
فاطمه: الحمد لله ممتاز
ام سامي: ما شاء الله تبارك الله الله يوفقك
فاطمه: طيب انا بروح لاموله باي
وهي راكبه الدرج قابلت سامي
وسلمت عليه
فاطمه : كيف الحال سامي ؟
سامي ابتسم: هلا فاطمه والله لك وحشه من اول ما بدت المدرسه ما شفناك
فاطمه : الدراسه شغلتني
سامي: وبشري طلعت النتيجه والا لسى
فاطمه: ايه طلعت
سامي: ها علمي والا متفشله من نسبتك
فاطمه: ليش اتفشل انا نسبتي احسن من نسبتك
سامي: انا كنت 91 بالميه اتحداك تجيبين اكثر منها
فاطمه: انا جبت 97 بالميه صدق او لا تصدق
سامي فتح عيونه قامت فاطمه تضحك عليه
فاطمه: ههههههههه وش فيك بحلقت صل على محمد
سامي: ايه ما شاء الله بس شلون !!
فاطمه: كلامك زي كلام سماح صديقتي
تقول شلون
سامي: سماح الحلوه
فاطمه: ايه الحلوه
سامي: هههههههه الين الحين تغارين ؟
فاطمه : طبعا لا
سامي: طيب ولا تزعلين ترا انا ما عمري شفت احلى منك
فاطمه استحت: طيب باي انا بروح لامل
سامي: ههههههههه يا حليلك استحيتي
حقرته فاطمه وراحت لامل وهي متقطعه من الخجل
فاطمه: اهلين اموله
امل: هلا فطوم ها بشري وشلون نسبتك ؟
فاطمه :حلووووووووووه مره بس كم تتوقعين
امل: ما ادري بس قولي
فاطمه لاتوقعي اول
امل: امممممم ما ادري بس مع مذاكرتك كلها اكيد ممتاز
فاطمه: ايه صح
امل: ها كم ؟
فاطمه: توقعي
امل: 94 بالميه
فاطمه: لا هذه نسبة سماح اما انا نسبتي 97 بالميه
امل: كذابه احلفي
والله انا وما جبتها
فاطمه: لا من شطارتك عاد
امل: حتى انتي مو شاطره بس لالالاما اصدق انك تجيبينها حتى لوذاكرتي
حتى 94 بالميه اللي قلتلك عليها وايد عليك
بس قلت ارفع معنوياتك
فاطمه: ههههههههه يا حليلك
امل: امشي ننزل تحت
فاطمه: لالالا سامي اخوك تحت
امل: ههههههه رجعنا على طير ياللي
تراا الحين انتوا شبه منفصلين
يعني ما له علاقه فيك ولا لك علاقه فيه
فاطمه: لا تفهمين غلط بس هو يقول كلام والله استحي
امل: طيب امشي بس ما عندك سالفه
فاطمه: امري لله
ونزلوا تحت
ابو سامي: ايه اخيرا نزلتون
فاطمه: ههههه ايه عشان كذا نزلنا لأن احنا نوحشكم
سامي يطالع بفاطمه ويبتسم
فاطمه حقرته وجلست هي وامل جنب بعض بس مقابلينه شوي
وقعدوا يسولفون ويضحكون
فاطمه لاحظت ان سامي بس يتاملها
انحرجت وبنفس الوقت تضايقت من نظراته
فاطمه: يلا كريم نمشي
ابو سامي: ليش يا بنتي بدري اقعدوا
فاطمه: لا عمي بس امي قالت لا تتاخرون
سامي: سهله اتصلي فيها وقولي انكم مطولين شوي
طالعت فيه فاطمه وصدت عنه
فاطمه: يلا عمي وخالتي مع السلامه
كريم: ايه عبد الله امش معي بنزل فاطمه ونروح ناخذ احمد ونطلع
عبد الله : طيب يلا بجي
فاطمه: لا والله ما ني نازله اجل بروح معكم
كريم: وين تروحين انتي ووجهك طلعات اولاد
فاطمه: مصدق عمرك انت عادي انا بطلع بعد تكفى
ابو سامي: لا الحين الجلسه عندنا تتاخرين وطلعه معهم لا عادي
فاطمه: لا اتصل على امي واخبرها
ابو سامي: على راحتك طيب ادري ما تبين تجلسين عندنا
فاطمه: لا عمي مو كذا بس خلاص ما ابيكم تطفشون مني
سامي: انتي مستحيل احد يطفش منك
فاطمه: مشكور يلا باي
وطلعوا بالشارع وركبت فاطمه ورا بالسياره
فاطمه: ها تركي بروح معكم اوكي
تركي: طيب طيب
عبد الله: والله البنات بلشه
فاطمه: اسكت انت بعد جاي معانا وتطردني
عبد الله: افا وانا اقدر اطرد فاطمه خلاص امزح بالعكس ما تحلا الطلعه الا بك
فاطمه: ايه اشوا احسب
لحقهم سامي
سامي: اصبروا لاتمشون "
كريم: ها وش تبي ؟
سامي: بروح معكم
كريم: طيب اركب
سامي: طيب انا بركب ورا عشان عبد الله قدام
عبد الله: طبعا احد قالك برجع اصلاً
وركب معهم
فاطمه: عبد الله ممكن تجي مكاني وانا اجي مكانك ؟
عبد الله: ليش ياخي والله ورا احلى
سامي: انت ما فهمت ما تبي تجلس جنبي
عبد الله: اها وانا اقول
لا اسف ماني راجع
الا يمشي كريم بدون ما يشاورها ولا شي
فاطمه: كريم من قالك تمشي انا ابي اجي قدام
كريم: اقول بس اهجدي ترا عادي هذا سامي خطيبك
فاطمه: نعم نعم اكل تبن انت واياه
قال خطيبي قال
احنا انفصلنا ومو ناقص غير نفسخ العقد وننتهي
كريم: ايه انتي ما تدرين انه كلم ابوي اليوم عشان ترجعين
وابوي وافق طبعا
فاطمه ما صدقته بس قالت اها هذا اللي يفسر نظراته لي من اليوم
فاطمه: ههه بالمشمش بعد
كريم: والله ابوي قال ترا غصب عنك
فاطمه: تخسي انت واياه
كريم: ابوي!!!
فاطمه: لا سامي وبعدين اذا هذا بيجي معنا
نزلني بيتنا ما ابي اروح معكم
كريم: مو بكيفك خلاص بنوصل بيت احمد
فاطمه: واذا وصلنا بيت احمد خذه ورجعني بيتنا
كريم: لا سوري
فاطمه: سخيف
قعد سامي يضحك ويطالع بفاطمه
وهي متنرفزه منه وحاقرته
راحوا الخبر وتمشوا على البحر
بعدين راحوا للمطعم كانوا بيروحون للملاهي بس فاطمه ما وافقت
فاطمه: لا ما ابغي الملاهي اكرهها
سامي: صح وهي صادقه لي في الملاهي بعد ذكريات مو حلوه
فاطمه: لا اما انا ذكرياتي بالملاهي حلوه مره بعد افتكيت فيها من ناس مالهم داعي
احمد: أي اذني عورتني واحد عن يميني والثاني عن يساري انا وش جلسني جنبكم
فاطمه: اسفه والله مو مني من ناس ثقيلين طينه
احمد: لا عادي
فاطمه: المهم ما ابي اروح للملاهي
احمد: ايه ما نبي ملاهي
كريم: كيفكم اجل وش تبون نروح ؟
وقرروا انهم يروحون للمطعم وراحوا للمطعم واتعشوا
راحوا للمطعم الصيني وسامي كل شوي يقول لفاطمه
خليني اجيب اكل زود
فاطمه : انت ما تفهم انا اكرهك خلاص لوعت جبدي اوووووووووف
كريم: اصصصصصصصصص ووجع
اكرهيه لين تشبعين بس قصري صوتك فشلتينا
فاطمه: وش اسوي له ما عنده دم هذا يرفع الضغط
سامي: خلها ما عليك منها هذه ماعليها شرهه
فاطمه: انا ما علي شرهه يا ..
قاطعها كريم: بس بس اص يا ويلك تكملينها مو ناقصكم
فاطمه: احسن محد قالك تجيبني معك
كريم: انا غلطان ان جبتك مره ثانيه
فاطمه فكه
وخلصوا عشا وركبوا السياره ووصلوا احمد
واول ما نزل احمد وعبدالله راحت فاطمه وجلست قدام
جاء سامي عندها وقال لها: بتندمين يا فاطمه
بصوت واطي حتى كريم ما سمع وش قالها ومشى
كريم: وش قالك سامي
فاطمه: واحد سخيف وش تتوقع يقول
كريم: عيب عليك
وراحوا للبيت ونامت فاطمه
اليوم الثاني قال لها ابوها ان سامي طلب انه يرجع لفاطمه
وهو وافق وقالت له ما ابيه بس قال مو على كيفك انتي كنتي تبينه مو كل شوي
تغيرين رايك
وقعدت تصيح وجلست اسبوع تحاول تقنعه انه يرفض
بس ابوها ما رضا قال غصب عنك
وفعلا رجعها ابوها لسامي وقرروا يعملون حفله عائليه
فاطمه وااهلها وسامي واهله وبس
في نهاية الأجازه
فاطمه بس تصيح وامل تحاول تسكتها بس ما قدرت عليها
فاطمه: اخوك ما عنده كرامه كل يوم اقوله ما ابيك ما احبك
يقول لي انا ابيك اخوكك عديم احساس
امل: ما عليك انتي تحبينه مافيها شي
فاطمه: انا ما احبه هو اللي يحبني
يا خي انا من يوم فسخت خطبتي منه وانا اكرهه بس هو ما يفهم
امل: خلاص ما يمديك تغيرين شي بس انتي لا تفضحينا عند الناس
تراا هذي الحفله لك الكل فرحان لك
فاطمه: امري لله والله لو علي كان ما اناظر فيه ابد بس عشان ابوي انا مستحمله
امل: ايه شاطره امانه ما تسوين شي حبيبتي
فاطمه: ان شاء الله
طبعا جابت كوافيره للبيت وحطت لها ماكياج خفيف
يناسب مناسبه عائليه
واستشورت شعرها وفكته
ولبست فستان سماوي
امل: ما شاء الله لا اله الا الله عيني عليك بارده قمر والله
فاطمه: مشكوره عيونك الحلوه بس حسافة الشياكه هذي كلها على اخوك
امل: ها رجعنا خلاص !!
فاطمه: طيب طيب
ام فاطمه : يلا حبيبتي فطوم اطلعي الأهل كلهم موجودين
طلعت فاطمه وجلست على كرسي مخصوص لها ولسامي وكأنهم لأول مره
يقابلون بعض
وبعد ساعه دخل ابوها واخوها كريم وسلموا عليها
وبعدهم وصل سامي ودخل وهو يشوفها من جد ملاك بعينه
ولما قرب منها باسها على جبينها : وووع
قعدضحك وما قال شي وطلعوا كلهم وما بقى غير سامي
سامي: فاطمه شكلك اليوم يجنن والله انك قمر
فاطمه يوم اتذكرت شكله يوم اول ما وصل وطالع فيها
سامي فرح على باله مستانسه
سامي: جعل الضحكه ما تفارق شفايفك
فاطمه كشرت: مو شغلك
سامي: ههههههه يا حليلك والله دايم لسانك طويييييل
فاطمه: بعد مو شغلك
فجأه جاتهم سماح
سماح: السلام عليكم
سامي ابتسم يبي يقهر فاطمه: هلا والله سماح وعليكم السلام
فاطمه عصبت بعد حافظ اسمها ما يستحي
سماح: هلا فيك بس حبيت ابارك لك
سامي: الله يبارك فيك عقبالك ان شاء الله
سماح: بس امانه تحضر زواجي
سامي: بس كذا من عيوني
سماح: تسلم عيوني
عصبت فاطمه ما تدري وش تسوي اخر شي سحبت سماح على جهتها
وخلتها تجلس على الارض وقالت لها كلام باذنها
خلتها تروح
سامي: ههههههه تغارين علي يعني
فاطمه: ههه تحلم بعد بس اخاف على صديقتي منك
سامي: هاهاهاهااهاها ادري انك تحبيني بس ما تبين تعترفين
فاطمه: انت مسكين تكسر الخاطر
مره ماخذ مقلب بنفسك كنت احبك بس اكتشفت انه مو حب صجي
سامي: طيب حتى لو انتي الى الان تحبيني
فاطمه حقرته وقامت
سامي وين رايحه انتظريني
التفتت له فاطمه: وانا وش لي فيك ما تعرف تروح لحالك والا تخاف تضيع
سامي: ايه اخاف اضيع والا اخلي سماح توصلني
فاطمه : انت وقح ولا تستحي
سامي : عيب عليك انا زوجك وكلامي لك مزح انتي عارفه
وظلوا يتهاوشون
امل وأم فاطمه وأم سامي جاوا لهم لما سمعوا صوتهم عالي
امل: شفيكم ؟!!
فاطمه: شوفي اخوك وقح مره
سامي: فاطمه احترمي نفسك مو قدامهم
فاطمه: لا ماني خايفه منك
ام سامي: بس انت واياها فشلتونا الأهل ما طلعوا كلهم
ادخلوا داخل يلا
فاطمه: وانا وش كنت بسوي بس ولدك الوقح ما يفهم
ام فاطمه: بس يا بنت ادخلي يلا وبلا طول لسان
ودخلوا داخل فاطمه وسامي وامل وام فاطمه وام سامي
اما شهد ورنا ما دخلوا طبعا هم وش دخلهم ماهم من العايله
والبنات الصغار ما دخلوا ما لهم دخل فيهم
فاطمه قعدت تصيح: مو كفايه مزوجيني اياه بالغصب بعد تهاوشوني
ام سامي: محد غصبك على شي يا فطوم
فاطمه :الا غصبوني كلهم والا انا الحين اكره ولدك
ام فاطمه: بس يا فاطمه والله ما تستحين
ام سامي: من جد كلامها يا اختي ؟
أم فاطمه: لا مو من جد بس تلقينه نرفزها عشان كذا قالت كلامها
فاطمه ما ردت ما تبي امها وخالتها يتهاوشون
فاطمه: خالتي امزح ترا انا احب سامي
وهو بعد يحبني بس كنا نمزح معاكم بنشوف ردة فعلكم
ام سامي: من جد والا تسكتينا ؟
فاطمه: لا من جد احبه " ومسكت يده"
ام سامي: طيب اجل بنروح ونخليكم لحالكم تاخذون راحتكم مع بعض
فاطمه: لا عادي اجلسوا
ام سامي: لالالا وعندنا ناس يبي لنا نوجبهم
وطلعوا كلهم ومن سكروا الباب فكت فاطمه يدها من يد سامي بقوه
سامي: يعني من جد تحبيني ومستحيه تعلميني
فاطمه : انا احبك انت تحلم
سامي: اجل ليش قلتي قدامهم كذا؟
فاطمه :عشان ما يصير زعل بين امي وامك بسبتنا
سامي: اها بس الكلام اللي كنتي تقولينه احسه من قلبك
فاطمه: والله من لساني مو من قلبي حتى ولا حسيت فيه
وجلست على كرسي وهي تعبانه مره من اليوم الطويل
سامي جلس على الكرسي اللي جنبها
سامي: حتى انا ما احبك بس رجعتك عناد
فاطمه: عااااااااااااااااااااااااااااااااااااادي
انقهر سامي من برود فاطمه بس ما علق يبي يقهرها
ورجع الكل للبيت
*********************
مر الشهر بسرعه
وفاطمه جات لها بعثه الى فرنسا
ووافقت انها تروح بس لما عرف سامي رفض
قال لا مرتي ما تسافر برا وتدرس مع رجال
فاطمه: بابا شوف هو اللي بدا بالشر مو انا
ابو فاطمه: طيب هو صادق يمكن يغار عليك
فاطمه: انا ما جبت النسبه العاليه الا عشان اضمن لي بعثه واخر شي
يجي ويخرب احلامي ببساطه
ابو فاطمه: انتي اتفقي معه هو زوجك وحر اذا وافق روحي
فاطمه انقهرت من ابوها كل ما قالت شي قال لها زوجك
فاطمه اتصلت لسامي بس عشان نفسها
فاطمه: السلام عليكم
سامي: هلا والله اخيرا تنازلتي ودقيتي
فاطمه: انا ابي اقولك شي
سامي: امري تدللي وش تبين ؟
فاطمه: انا ابي اروح للبعثه لا تخرب مستقبلي ياخي
سامي: لا هذا اسلوب تطلبين من زوجك شي
فاطمه: وش تبيني اقولك يعني !!
سامي: تكلمي بشويش وبأدب وساعتها افكر
فاطمه: اففففففففف اللهم طولك ياروح
طيب لو سمحت انا ما ذاكرت ثالث ثنوي كلها الا عشان ابي اروح
بعثه برا فلو سمحت وافق لي
سامي: هههههههههههههههه يا حليلك وانتي مؤدبه
فاطمه: اففففففففف انا ما امزح الحين
سامي: طيب
فاطمه: شكرا
سامي: مو طيب ايه
طيب بفكر واذا قررت بعلمك
فاطمه: متى ان شاء الله ؟!!
سامي: خلاص قررت
فاطمه :ها وشو
سامي: لا
فاطمه: ليش ؟!!
سامي: بس
فاطمه: تكفى لو سمحت
سامي: بشرط
فاطمه: وشو بعد ؟
سامي: تقولين انك تحبيني
فاطمه: انا ما عرف اكذب
سامي: اجل كيفك
فاطمه: خلاص خلاص
سامي: يلا اسمع
فاطمه: اففف احبك " قالتها من غير نفس"
سامي: لا وش رايك تضربيني
قوليها باحساس
فاطمه: انت ما حددت قلت قولي انك تحبيني وبس
سامي: طيب الحين قررت
فاطمه : أحبـــــك " قالتها باحساس بس مو من قلبها"
ها وش رايك
سامي: الله وانا بعد احبك
فاطمه: ها وش رايك وافقت خلاص انت قلت الشرط وانا سويته يعني موافق
سامي: لا مو موافق
فاطمه: وليش ان شاء الله ؟!!
سامي: حر
فاطمه قعدت تصيح: انت ما عندك احساس
سامي عوره قلبه على فاطمه اللي قعدت تصيح
بس سكرت السماعه بوجهه
ورمت نفسها على السرير وقعدت تصيح
دق عليها سامي ثلاث مرات وما ردت عليه
تقول بيقعد يخفف دمه علي وانا مو ناقصه
اخاف اقوله كلمه كذا او كذا غلط ويصير شي يخليني اندم
الا انرسلت لفاطمه رساله
قرت الرساله
" فاطمه ردي علي بقولك شي مهم مره"
ودق مرتين وما ردت
رسل رساله مره ثانيه
" كيفك كنت بقولك اني وافقت على البعثه بس شكلك ما ودك تروحين "
على طول نطت ودقت عليه وقبل ما تقول أي شي
سامي: ههههههههههههههههه
فاطمه: ليش تضحك؟
سامي: ايه لو شي ثاني ما دقيتي
فاطمه: خلاص يعني وافقت
اجيب لك الاوراق توقع عليها
سامي: لا الحين بطلت عشانك حقرتيني
فاطمه: ترا مو لازم توقع اقدر احط أي توقيع من راسي هم مو فاضين يدققون
سامي: ما تقدرين
فاطمه: وش دراك انت تشوف والله لسويها
سامي: عادي اعلم ابوك
فاطمه: يعني مو موافق طيب
وصكت السماعه بوجهه وقعدت من جد تصيح
خلاص طفشت منه ما تدري وشلون كانت تحبه
وشلون كانت مستحملته
تنتظره يدق عليها يقول انه وافق بس ما دق عليها
الين الساعه 4 بالليل دق عليها وهي كانت تصيح ردت عليه
فاطمه وصوتها صياح: نعم انت وش تبي احد يدق هذا الوقت !!
سامي: فاطمه وش فيه صوتك كانك تصيحين
فاطمه: انت وش على بالك
انت قاعد تدمر مستقبلي باستهبالك هذا وعنادك
سامي: طيب انا وافقت
بس كذا كنت اعاند معك
والا انا ما ابي اقهرك
اصلا ما توقعتك صاحيه للحين
انتي من متى قاعده تصيحين ؟
فاطمه: من اول ما سكرت منك السماعه اول مره
سامي: اف لك ست ساعات هذا دوام كل هذا تصيحين
فاطمه: ليش يعني يهمك هالشي
اصلا ولا على بالك
سامي: فاطمه انا اسف
سكتت ما ردت ولا شي
سامي: ها سامحتيني ؟
فاطمه: اذا انت من جد تحبني طلقني
سامي: نعم صدق ما تستحين
فاطمه: خلاص خلاص اسفه بس لاتكنسل البعثه
سامي: لا ماني مكنسل البعثه بس مين بيروح معك مرافق
فاطمه: ما ادري يمكن كريم
سامي: لا
في مرافق ثاني بيروح غيره
فاطمه: ومن هو ؟
سامي: انا
فاطمه: نعم وشو انت طبعا لا
احنا ما تزوجنا شلون تبي تروح معي
عيب وش يقولون الناس عنا
سامي: انا مو قاعد اشاورك
انا قاعد ابلغك
واصلا خلاص جهزت اوراقك ووديتها من اول وخلاص
بعد اسبوعين بنسافر انا وانتي عشان ما بقى شي وتبدا الدراسه
والناس ما لهم شغل فينا
انا بروح معاك واحنا مو متزوجين عادي
واذا رجعنا في الصيف ان شاء الله نتزوج
فاطمه: بس انا ما ابيك معي
سامي: اقول انزلي تحت واتعشي
واكلي لك شي واشربي حرام اللي تسوينه بنفسك
فاطمه: ان شاء الله عمي تامر شي ثاني
سامي: هههه والا اقول انزلي تحت بطلع انا وياك
فاطمه: نعم الحين انت صاحي؟!
لو احد يشوفني وش يقولون عني طالعه نص الليل
سامي: ايه صاحي
بس يلا انزلي اصلا انا من اول عند باب بيتكم
فاطمه : بس ما ابي اطلع
سامي: اقول يلا انزلي انا اما اشاورك
فاطمه: طيب
ولبست ونزلت له تحت وركبت جنبه وهي مو متغطيه
فاطمه: السلام عليكم
سامي: وعليكم السلام
فاطمه: والله اخاف اهلي يصحون وما يلقوني بالبيت
سامي: لا عادي وحتى لو صحوا يدقون عليك ويلقونك معي
فاطمه: طيب
سامي: طيب تغطي
فاطمه :عارفه بس احنا عند باب بيتنا يعني محد يشوفني امش اول
سامي: طيب من عيوني
وتغطت على طول ومشوا
فاطمه بعد شوي: وين رايحين ؟
سامي: الحين تشوفين
فاطمه: طيب لا تروح مكان بعيد
الحين ابوي يقوم للصلاة وما يلقاني لمن يجي يصحيني عشان اصلي
سامي:: ههههههه اخيرا قلتي ابوي
فاطمه: وش اسوي كلهم يقولون كذا وما ادري سقطت سهوا
سامي: طيب طيب دايما الله يعافيك خليها تسقط سهوا
فاطمه: لا ان شاء الله
ومشوا وراحوا حديقه قريبه
ونزلوا فيها وقعدوا يمشون
سامي قطف ورده حمراء حق فاطمه
سامي: تفضلي هذه الورده تعبير عن حبي لك
فاطمه: مشكور واخذت الورده
سامي: بس مشكور ما في يا حبيبي
فاطمه :لا
سامي: افا طيب ما ابي اقول ك شي عشان ما خرب الجو الرومانسي هذا
وجلسوا بالحديقه يتمشون ويضحكون
واذن الفجر وصلوا وشوي الا دق جوال فاطمه كانت المتصله امها
فاطمه : اهلي يدقون الحين وش اقول لهم
سامي: عادي قولي لهم انك طلعتي معي
فاطمه: الو هلا ماما
فاطمه: طي .... طيب اسمعي
فاطمه: انا مع سعود برا
فاطمه: طيب كلميه عشان تصدقين
سامي: هلا خالتي
سامي: والله اعذريني كلمتها واخذتها حتى هي رفضت
وانا قلت على مسؤليتي
سامي: ان شاء الله شوي واحنا جايين ان شاء الله مع السلامه
سامي: ههههههههه
فاطمه: لا والله تضحك وانا اللي اتهزاء
سامي: ليش وش قالت لك
فاطمه: مو شغلك اسرار عائليه
سامي مسكها من كتفها وقربها منه مره: وليش انا مو من العيله
فاطمه نزلت راسها استحت منه
رفع راسها له: ها ردي
فاطمه: الا ولد خالتي بس مو كل شي لازم تعرفه وفكني
فكها سامي: وزوجك بعد
فاطمه: ايه طيب
سامي: يالله امشي نرجع عشان امك قالت لا تطولون ارجعوا الحين
فاطمه جلست على العشب اللي بالارض
فاطمه: لا ماني راجعه انا انبسطت هنا وابي اشوف النور وهو يطلع روعه
سامي: انتي اللي روعه وانبسطتي اكيد عشانك معي
بعد ساعه رجعوا للبيت
نزلت فاطمه من السياره بدون ما تقول له شي
مشت خطوه ووقفت بمكانها حست نفسها غلطانه مفروض تشكره
وسامي كا ن واقف يتظرها ترجع للبيت بس استغرب وقفتها
فاطمه دقت عليه نافذة السياره وفتحها
سامي: ها وش بغيتي حبيبتي ؟
فاطمه ابتسمت له: مشكور سامي تعبتك
فرح سامي من فاطمه : لا شكر على واجب وتعبك راحه
فاطمه: طيب سلام
سامي: مع السلامه
مشت فاطمه قربت من باب البيت وبتدخل الا ناداها سامي
سامي: فاطمه
فاطمه التفتت له وراحت عنده: هلا بغيت شي
سامي: ايه خذي ذي اوراق البعثه عندك
لاتنسين بعد اسبوعين بنسافر باي
فاطمه: ان شاء الله ما تبي تنزل معي عشان نتهاوش مع بعض
سامي: ههههههه لا مشكور راسي مو رايق للمهاوشات
فاطمه: طيب يعني انا عادي اتهاوش وانت لا
سامي: طيب عشان خاطر عيونك بنزل واقول لهم ما يهاوشونك
فاطمه: لا امزح اجلس
سامي: من جد
فاطمه: ايه من جد
باي
ودخلت البيت ولقت امها بالصاله جالسه هي وابوها
فاطمه: السلام عليكم
الجميع: وعليكم السلام
أم فاطمه/ ماشاء الله عليك
طلعتي بدون ما تقولين لي خوفتيني عليك
فاطمه ارتاحت عشان ما هاوشوها
فاطمه: عاد وش اسوي سامي قال على ضمانتي
ام فاطمه: ما شاء الله اشوف القلوب صافيه
فاطمه ما ودها ترد وتبي تضيع السالفه: بابا خلاص سامي سوا اوراق البعثه
ابو فاطمه: ما شاء الله طيب من بيسافر معك
فاطمه وهي مكشره : يقول انه هو بيجي
ابو فاطمه: ايه اشوا
يعني بتتزوجون خلال هالأسبوعين قبل لا تسافرون
فاطمه : لا يبه
هو يقول بنروح على اساس احنا مخطوبين
وفي الصيف اذا رجعنا السعوديه نتزوج ونرجع هناك
ابو فاطمه : براحتكم
بس اهم شي انتبهي لحالك فاهمتني
فاطمه " ان شاء الله يبه لا توصيني
وطلعت غرفتها وشالت العبايه
شوي الا يدق الجوال لقته سامي قامت تضحك عليه
فاطمه: هلا
سامي: ها بشري
فاطمه: هههههههه لا لا تخاف ما قالو لي شي بالعكس
بس قالوا خوفتينا
سامي: ايه اشوا اجل طمنتيني عليك
تصبحين على خير يا حبي
فاطمه: وانت من اهله يا بعلي ههههه
سامي :ههههههههههه
وسكرت السماعه وقعدت تضحك
لانها تحب سامي بس كانت تكابر
بس تذكرت كلمته وهو يقول بتندمين
من جد كان يتكلم والا بس يمزح
وسكتت نفسها ونامت لان اليوم هذا كان مجهد من كثر الصياح
وطول هذي الاسبوعين وهي تتجهز للسفر
وشرت لبس واغراض هي وامل يروحون مع بعض وسامي
احيانا يوديهم واحيانا كريم
عاد بهذي الاسبوعين صارت فاطمه تتهاوش كثير مع سامي
على اسباب تافهه
المهم دخلوا محل ملابس الرجال وقال سامي لها
تشتري له لبس حلو له ونقت له بلوزه سوده
وبنطلون اسود مع حلو
سامي: يا ساتر اسود باسود
فاطمه: مو عاجبك لاتشتريه
سامي: لا عاجبني بس ليش التشائم هذا كله
فاطمه: مو تشائم بس انا يعجبني الولد اللي يلبس اسود باسود يطلع شكله جنان
سامي: حتى انا
فاطمه: قلت الاولاد كلهم ههههه
عاد راعي المحل طول هذا الحوار كان يضحك
سامي: انت ليش تضحك ؟
راعي المحل: ها لا ولا شي خذ اللبس اللي طلبته والمقاس
سامي: ايه شكرا
ودفع الفلوس وطلعوا من المحل
سامي: عاد الحين دوري انا بنقي لك لبس
فاطمه: لا ما طلبت منك
سامي: وانتي ليش تنقين لي اجل
فاطمه: انت طلبت وطفشتني لين وافقت ونقيت لك
سامي: اجل حتى الحين بغصبك وبشتري لك لبس وبعد على حسابي
فاطمه :لا مشكور عندي فلوس تكفيني وزياده
سامي: معليش انا زوجك
يعني مفروض ماتاخذين من ابوك
شي أي شي تبينه تقولين لي انا
فاطمه: ان شاء الله
ومشت ودخلوا محل ملابس واختار سامي ملابس
سامي: وش رايك باللبس هذا؟
التفتت فاطمه بس عيونها طارت يعني من جد ذووووووووق روعه
فاطمه: ايه حلو بس ما ابيه
سامي: مو كيفك كم مقاسك
فاطمه: ما ادري
سامي: خلاص انا اعرف مقاسك وباخذه لك
فاطمه كانت تتمنى ان سامي ياخذه لانه حلو
واخذه سامي وحاسب
بعد ما خلصوا من السوق
راحوا مطعم بيتعشون
سامي: ها وش تبون ؟
امل: انا ابي صحن مشويات مع بيبسي
سامي: وانتي يا فاطمه
فاطمه: امممممممم ما ادري
سامي: وشو ما تدرين يالله قولي
فاطمه: طيب جيب لي سندويتش سناك
واثنين سندويتش كباب وصحن تبوله وصحن ستيك
وزياده صحن حمص
سامي: اووووف كل هذا بتاكلينه
فاطمه: الله اكبر عليك ترا شوي هذا
ايه نسيت اطلب لي السندويتش بدون مخلل
سامي: من عيوني اوامر عمتي
فاطمه :سلامتك بس بسرعه
وراح سامي واشترى لهم وركبوا السياره
وبعدها حنان نزلت في بيتهم
وامل وسامي رجعوا بيتهم
في اليوم الثاني
فاطمه بدأت تجهز اغراضها لأنها بعد يومين بتسافر
وفي يوم السفر
الكل حزين و يصيح
حتى ام سامي وابو سامي
طبعا كل العيله موجوده وصاحبات فاطمه وامل موجودات بعد
ام فاطمه: خلاص يا بنتي بتروحين
والله ما اصبر على فراقك
فاطمه ان شاء الله يمه برجع لك
بس ما برجع الا وانا رافعه راسكم ان شاء الله بشهادتي
ام فاطمه: والله بتوحشيني
فاطمه: وانتي اكثر
وحضنوا بعضهم وظلوا يصيحون
ابو فاطمه : خلاص استهدي بالله يا ام فاطمه
وخليهم يروحون
سامي: يلا فطوم بنروح تأخرنا
سلموا عليهم كلهم وركبوا السياره ووصلهم كريم
********************
في المطار
فاطمه حضنت كريم وهي تصيح
كريم: اقول فشلتينا عيب مو قدام الناس
فاطمه وهي تصيح: ماخوي وبتوحشني
كريم : وانتي بعد بتوحشيني بس عيب مو قدام الناس
فاطمه : طيب
سامي : يلا كريم مع السلامه
كريم: الله يسلمك
عاد ما اوصيك انتبه لاختي وحطها بعيونك
سامي: لاتوصي حريص
وبعدها سلموا عليه وراحوا
شنووو راح يصير بأوضاع فاطمه وسامي؟!!
فاطمة هل بتتغير معاملتها مع سامي للأحسن ؟!!
سامي بيطلق فاطمه ؟!!
وشنوو كان يقصد بتهديده لها ؟!! |