.,
حسبي الله يا زمن حبه اسرني
امطرت دنياي بعيوني مصايب
ناعم الإحساس بصدوده قهرني
قو باسه اوقد بصدري لهايب
ان بغيت انساه نسيانه ذكرني
من محطات الزمن شد الركايب
انت وينك كل من حولي فقدني
حاضر وذهني مع الحرمان غايب
امتنع والسحر بعيونك جذبني
هبت بروحي من النظرة هبايب
بك عصيت النفس وكلي ما عذرني
نبضي ينادي هلا يا اغلى الحبايب
أصدق الإحساس يكتبها و أغني
في جماله جيش وعيونه كتايب
ويش أسوي قلبي العاشق أمرني
أتبعه والحب من ربي وهايب
:ht: