باليوم الثاني...قامت فداء وهي تعبانه ناظرت السرير الصغير اللي جنبها خاطرها تشوف ولدها ومن حسن حظها كان على وقت دخلت النيرس..
النيرس/صباح الخير يا ست الكل..
فداء بإبتسامه/صباح النور ..
النيرس/عامله إيه النهار ده..إنشالله كويسه..
فداء/الحمدلله أحس إني أحسن من أمس..
النيرس وهي رايحه لسرير البيبي/وأخبار البيبي اليوم..؟
فداء/زين...أعطيني إياه ..
وشالته النيرس وباسته وأعطته فداء وهي تقول ..
النيرس/مشالله بيقنن الصغنن ده ..
فداء وهي تشيله وتبوسه/مشكوره.هذا من ذوقك ..
النيرس/مرت عليك الدكتوره اليوم..؟
فداء/إيه مرت علي ببداية الصباح...بس رجعت نمت ..
وبعدها قعدت تناظر فداء بولدها وهو بحجرها...كانت مبسوطه حيل عليه..مع إنه كان نايم ولا يتحرك..بس كانت تراقب تنفسه وتتأمل ملامحه كانت تمسك يده اللي كان قابض عليها بقوه وتفكك أصابعه ومبهوره منه ومن صغر حجمه كأنها أول مره تشوف طفل..بس يمكن لأنه غير لأنه ولدها؟؟...على قولة الكويتيين(حشاشة يوفها)..تحط يدها على راسه بحذر لأنه تحسه باقي طري..وهي تناظره تذكرت إنه فيصل كان يقولها إنه بياخذه منها..وإنه بس ينتظرها تولد...حست بالدمع بعيونها..مع إنه فيصل أمس حلف لها إنه مابياخذ ولدها منها..بس حتى ولو فكرة إنه بياخذه تثير أحزانها وحسرتها..بخاطرها(لا مستحيل أي حد بالعالم ياخذ ولدي مني) ناظرت ولدها وهو نايم ولا حاس بشي من العالم ولا بمشاعر أمه اتجاهه..لمته فداء إلى صدرها بنعومه وقعدت تصيح بدون صوت...
.
.
دخل عليها فيصل بعد ساعه يزوها..كانت قد وقفت صياح وولدها بجنبها على السرير كانت منسدحه على جنب وهو بجنبها ماملت منه
فيصل بإبتسامه/صباح الخيــر على الحلوين ..
رفعت نظرها فداء له وبدون نفس/صباح الخير ..
كانت باقي حاقده عليه من تهديده إنه بياخذه منها ..
فيصل راح لها وقال/ممكن اعرف ليش زعلانه..؟ .
فداء من دون اهتمام/مانيب زعلانه ..
فيصل ينحني لها/و نبرة الصوت هذي...وش نسميها..؟
فداء سكتت ناظرته وبعدها ناظرت ولدها..
فيصل جلس على طرف السرير ..
فيصل يناظر ولده/يا حبي له..مشالله على ولدي يهبل..
سلم عليه فيصل..
فيصل يكلم فداء/شخباره اليوم..؟
فداء/بخيـــــر..
فيصل يلف فداء عليه ..
فيصل/فداء وش فيك؟؟؟...منتي طبيعيه؟؟؟
فداء بعصبيه/ليه شايفني هبله ..
فيصل/لا مو كذا..بس أحسك زعلانه ومتضايقه ..
فداء/زعلانه ومتضايقه..عندك مانع ..
فيصل بهدوء/لأ ماعندي مانع...بس ممكن أعرف ليش..؟ .
فداء/والله لو تعرف أكيد بتزعل فعشان كذا خلني ساكته ..
فيصل/مني يعني..؟
ناظرته فداء بكبر وهزت راسها بالإيجاب ..
فيصل انقهر منها فحب يقهرها ..
فيصل/والله عاد إذا جيت أزورك انتي تعالي تكلمي بس أنا جي أزور ولدي...
تفشلت فداء بس ردت عليه ..
فداء/والله اللي يزور ولدي يزورني واللي يزورني يزور ولدي انا وهو واحد(تناظره بغيض)ومستحيل أي احد بالعالم يفرق بيني وبينه.....
فيصل يناظرها/وشو يفرق بيني وبينه ومسوية لي مسلسل مصري....
فداء بعدم اهتمام/والله مسلسل مصري ولا هندي افهمها زي ماتفهمها....
فيصل مسوي بريء/طيب أبي انضم معكم لحزبك أنتي وولدك عادي..؟
فداء/لا...
فيصل يكلم نفسه بصوت عالي(يستعبط)/والله وراح عليك الدلال يافيصل خلاص يا فداء الحين صرت صفر على الشمال والحب كله راح لولدك..؟
تناظره فداء بإستغراب(طالع وش يقول اللي يسمعه ماكأن امس طقني وقال ان بيني وبين حسام علاقه)
فداء تناظره بإستغراب وتقول/أي حب وأي دلال لك مني..؟أصلا كل شي بينا انتهى..وانت قلت بطلقني ...وانا بس بدق على اهلي ويجون ياخذوني انا ومحمد ..
فيصل/من محمد..؟
فداء/ولد الجيران...يعني مين اكيد ولدي انا سميته محمد عشان عمي الله يرحمه مو عشان وجهك ..
فيصل بجديه شوي/والله أنا اللي طلعت ولد الجيران ومثل الأطرش بالزفه عسى ماشر..بتاخذينه وتروحين لأهلك.. ليه انا وش موقعي بالإعراب طال عمرك؟..
فداء ببرود/والله مالك موقع بالإعراب...محذوف من القائمه
فيصل/والله يا قلبي شكلك أنتي اللي بتنحذفين...هذا إذا باقي للحين ما انحذفتي ..
فداء/والله عاد أنا وولدي مع بعض إذا نحذفت فهو معي ..
فيصل ماحب السالفه تكون جد وهو اللي من أول مارجع أمس البيت قرر إنه يستأنف حياته مع فداء ويرجعها مثل أول...لأن هذا الشي اللي صار كله بسببه ويحق لفداء تزعل لان اللي سواه لها مو شوي ...
فيصل بمزح/وش فيك الله يهداك معصبه كذا هدي..
فداء/والله ماسمعت انت وش تقول؟..
فيصل يراضيها ويسندها حتى تعدل قعدتها ..
فيصل/يابعد قلبي يافداء..إنتي وهالنتفه اللي أنتي جايبتها..لا تزعلين والله أمزح.. ..
فداء راحت تشيل ولدها بحظنها/وبروح بيت اهلي وارجع اعيش عندهم
فيصل/تبين تروحين مع السلامه..بس ولدك بيقعد هنا..تبين تقعدين معنا الله يحييك إذا ما شالتك الأرض أشيلك بعيوني ..
فداء تناظره بإستغراب/وش هالحب الفجأه اللي نزل عليك وصرت تحبني مو انت تشك فيني..؟
فيصل بجديه/والله من زمان وأنا أحبك وماعمر مشاعري تغيرت بلحظه وانا احبك واموووووووت فيك ..
فداء/أحاول اصدقك بس مافيه فايده..
فيصل/طيب وش قلتي بتقعدين معي أنا ومحمد ولا لأ؟..
فداء/طبعا لأ أنا بروح وهو معي عند اهلي وإذا تبي تشوفه مر عليه..
فيصل يمزح/شوفي تتحكمين إذا صار هالولد لك بحالك بس لا تنسين هو شراكه بيني وبينك...يعني لي فيه خمسين بالميه..
فداء معقده حواجبها/عسى ماشر شراكه...لاحبيبي هذا ولدي بحالي
فيصل قعد يضحك...قام وباسها..
فيصل/أنا طالع اللحين امر على الدكتوره أشوف متى خروجكم..
.
.
بالعصر اهل فداء جاو عندها واهل فيصل..
سوسن/مبرووك يا فداء والله ماتتخيلين فرحتي بولادتك..
فداء/الله يباااارك فيك ماما..
نداء/مبروك يا فداء(وكان الولد بحظنها) يجنن ولدكم...مشالله ماتوقعت إنتاجكم كذا..
البندري/شوي شوي على الولد ترى باقي صغير..بس شهادة حق شكله مره مغري إنك تشيلينه..
جواهر/هاتوه أعطوني إياه ولد اخوي خل أشوفه..
وقامت نداء وأعطته إياه وهي بس تقرا عليه وتسمي وتذكر الله
وبعد فتره بسيطه دخلت العمه ام حسام و لجين...وسلمت على فداء ...وراحت لجين جلست جنب جواهر..وأخذت الولد منها...وهي الثانيه تذكر الله عليه
وبعدها استأذنوها وطلعوا...بعد كذا بساعه جاب فيصل لها وله عشاء وكانت الساعه سبع...اول مادخل لقاها منسدحه شكلها تعبانه اول ما بغى يرجع ويطلع..سمع فداء تناديه
فداء/فيصل ..
فيصل/هلا...إنتي صاحيه..؟
فداء/إيه بس كنت منسدحه وش عندك..؟
فيصل/لا شكلك تعبانه...بس كنت جايب عشاء و
تقاطعه فداء وهي تعدل قعدتها/لا بالعكس احس إني أحسن
راح لها وسحب الطاول المثبته بالسرير وحط العشا
ووقف..
فداء/وش فيك ماتبي تتعشا..؟
فيصل/ِشكلك تعبانه..يالله بأستذن انا تامرين على شي..؟
فداء واللي ماحبت تتمسك فيه زياده/أبد سلامتك..
وراح يسلم على ولده اللي كان بالسرير..
فيصل/انا اول مره ادري إني بحب إنسان كثر ماحبيته
وبعدها سلم عليه وطلع..

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت عبدالعزيز..
نداء جالسة بغرفتها وتصيح دقت على ريم
ريم/هلا وغلا..
نداء وهي تبكي/ريم وينك..؟
ريم/وش فيك حبيبتي احد مزعلك ليش تصيحين..
نداء/ريومة انا ابي اشوفك اللحين..
ريم/طيب قولي لي ليش اللحين تصيحين..؟!
نداء/انا ابي اشوفك واقولك عن كل شي
ريم/طيب اللحين اخلي سعود يوديني..
نداء/تكفين لا تتاخرين..
قفلت الخط من عند ريم ودقت على مشاعل
مشاعل/الو..
نداء/مشاعل ابي اشوفك اللحين..
مشاعل/ندو ايش فيك وش صاير لك..؟
نداء/ولا شي بس ابي اشوفك اللحين..
مشاعل/طيب انتِ وقفي صياح وانا اللحين اجي لك..
قفلت من مشاعل وماوقفت صياحها ظلت تبكي
ليش انا كذا اللحين وش اقول لابوي والله مابي اكسر كلمته ياقهري شسوي اللحين..
قطع حبل تفكيرها دخول امها عليها..
سوسن/ايش فيك حبيبتي..؟
نداء/لا مافي شي بس بطني يعورني..
سوسن/تبين السواق يوديك المستشفى..؟
نداء/لايمة الم خفيف واللحين يروح..
سوسن/كيف ياحبيبتي خفيف وانتي تبكين..
نداء/لا مابي مستشفى اللحين يروح..
سوسن/طيب حبيبتي ..
\\\\\\\\\\\\\\\\\\\\\\\\\\\\\\\\\\\\\
في بيت ريم..
كان سعود توه ... نازل من الدرج ... ومتكشخ اخر كشخه...كان شكله مرره حلوو...خصوصا جسمه الرياضي ...
ريم/سعود....سعووود
سعود وهو يشوف نفسه عند مرايه جنب الباب/نعم
ريم بتوسل/تكفى سعود وديني والله نداء تعبانة موووت..
سعود حتى من دون ما يطالعها/اسف لااستطيع..
ريم بقهر/ليش قول لي ليش..؟
سعود ببرود/انا حر وبعدين من نداء هاااه هاذي هي اللي كان تلعب معاك عيونها عسلية اللي يحبها عــ ..
فجاءه تدارك نفسه واهم شي ان ريم ما سمعت..
ريم بدون نفس/اية هي..
سعود بستهبااال/اللي اختها سمراوية وشعرها طوووويل تهبل..
ريم/استحى على وجهك اختها متزززوجة..
سعود بحزن متصنع/صدق خساره من سعيد الحظ..
ريم وهي شوي و تجن /خال عزام فيصل..
سعود حس بقهرها وحب يطول السالفه/ماشاء الله متى..؟
ريم و ضغطها واصل مليوووون/خلصت سنتين ومادري كم شهر توها والدة امس..
سعود بفضول/وش جابت..؟
ريم وعيونها حمراء/ولد..
سعود حب يقهر ريم اكثر/يوووة اللحين خقق..
ريم واصله معاها/مصدق نفسك انت سعود وديني عند ندو..
سعود يستغبي/ومن هذي ندو بعد ..
ريم بإنفجار/نــــــــــــــــــــداء رفعت ضغطي..
سعود ببرود/ادري..
ريم بقهر/طيب ليش تسالني.؟
سعود بعناد/كذا شتبين فيها..؟
ريم تتوسل/حرااام عليك تعبانة..
سعود حب يقهرها/اسف ابي اطلع مع عزاام..
ريم/طيب وديني على طريقك..
سعود/اشوف..؟
ريم/اللحين...
سعود/لأ لأ
ريم/ليش ...؟
سعود/كذا ..
ريم ميته قهر/هين ياسعود
/////////////////////////////////////////////
في بيت ابو عزام
مشاعل تكلم نداء
مشاعل/يووة حبيبتي السواق راح يودي امي وابوي مو هنا وعزام طالع مع خوياة..
نداء بطفش/وريم تقول سعود رفض يجيبها
مشاعل/وش نسوي..
نداء/طيب انا بجي عندك وامر لريم..
مشاعل/مايصير انتي ياقلبي محتاجتنا وانت تجي..
نداء/شسوي مافي غير هالحل..
مشاعل/طيب ..
//////////////////////////////////
في بيت ابو حسام...
كانوا كلهم خايفين...
و مو عارفين ايش اللي خل حسام...
يختفي هالمده..
ليلى وهي تبكي/اكيد الحين الولد حصل له شي لازم تتصرف يا خالد انا خايفه على ولدي ..
خالد يحاول يهديها/الله يهديك بس ولدك مو صغير اكيد الحين طالع مع ربعه..
لجين/طيب ليش مقفل جواااله..؟
خالد/يمكن مافي بطاريه..
البندري/اقوول هدوء نفسكم شووي..
البندري جالسه في بيت اخوها خالد من يوم ما ماتوا امها وابوها عشان كذا اخوها خلاها تجلس في بيته..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في المستشفى ...
كتبت الدكتورة لفداء خرووج...
كان ابوها عندها
النيرس/مدام فداء الدكتورة كتبت لك خروق..
فداء بفرح/صدق..
النيرس/اه دا الوأتي بتطلعي..
عبدالعزيز/يلة فداء ياقلبي انا بوديك ع البيت..
وفداء ماصدقت...فيها ...الحمدلله يعني بجلس بيت هلي
فداء/حاضر اللحين البس عباتي واخذ البيبي
عبدالعزيز/منتظرك عند الباب
فداء/طيب..
لبست فداء عبايتها ..واخذت ولدها وطلعت لابوها ..عند الباب
عبدالعزيز/يلة حبيبتي..
مسكتها النيرس من خصرها...وكانت تمشيها لين برى ...
فداء/خلاص مشكورة اللحين انا بروح
النيرس/دا واقبي يالله بتروح عننا ياحمادة
وقعدت النيرس...تلعب محمد ...
النيرس/الله يحفدُه ليكي..
فداء/امييييين..
النيرس/يالله سلاااام..
فداء/الله معك..
راحت..فداء وابوها ع السيارة ..
عبدالعزيز/اركبي حبيبتي..
ركبت فداء ومشوا..
\\\\\\\\\\\\\\\\\\\\\\\\\\\\\\\\\\\\\\\\\\\
وفي بيت سلطان ..
سمر/سلطان ..
سلطان/هلا سوسو..
سمر/ابي اروح عند فداء ولدت..
سلطان/ماشاء الله.... وش جابت ..
سمر/ولد وسمته على اسم المرحوم ..
سلطان بحزن/الله يرحمة لوكان عايش كان فرح ..
سمر/وكيف ع اسمة الله يغفر له..
سلطان/يارب..
/////////////////////////////////////
في بيت عبدالعزيز..
بعدمااستاذنت نداء..من امها...
راحت لعند السواق..
نداء/إقبال..
إقبال/نأم..
نداء/ابيك توديني عند صديق انا..
إقبال/يالله روه عند سيارة وانا اللهين ايجي ..
نداء/عجل..
راحت ...نداء عند السيارة ....جاء إقبال
إقبال/ابي روه عند مشاعل..
نداء /لأ ابي عند صديق اول ريومه تذكر بيت هي
إقبال/لا انا ماارف..
نداء/يووة صح صح انت ماتدل بيتها اقول طول...
..
..
الفرحة تغمر قلبها..اخيرا بتجلس بيت اهلها ..يافرحتها حنت لبيتهم..اول مادخلت تذكر ايامها..هي واخواتها ..ماقدرت توصف الفرحة اللي بقلبها ...بغير البكاء..اول ماحطت رجلها ..ع بيتهم ..دمعت عينها
اباء/هلا هلا تو مانور البيت..
فداء وهي تبكي /منور فيك يالغلا وين امي..
اباء/ ليش تبكين ياقلبي اللحين ارتاحي ياقلبي وانا اللحين انادي لك امي..
يمة ..ماما…امي.. …mom,,اباء/
تدق على امها باب غرفتها ..
اباء بفرح/ماما ..
امها/هلا قلبي..
اباء/ماما فداء جت..
\\\\\\\\\\\\\\\\\\\\\\\\\\\\\\\\\\\\\\\
..
..
وصل السواق نداء على بيت ريم..
نداء تدق على ريم..
نداء/ريومة اطلعي انا عند الباب..
ريم/حاضر اللحين..
طلعت..ريم ..اول ماطلعت ع السيارة..
..نداء ضمت ريم ...
ريم/ ياحبيبتي ايش فيك..؟
نداء/مقهورة ياريم..
اقول إقبال وديني بيت مشاعل..
إقبال/هاضر..
وصلوا نداء وريم...بيت مشاعل ...
مشاعل/هلا هلا تو مانور البيت..
ريم /منور باهله..
نداء/هلا فيك قلبوا..
مشاعل تناظر نداء باستغراب/نداء ايش فيك ذبلانة..؟
نداء بحزن/سالفة يامشاعل سالفة الا كاااارثه
مشاعل/طيب يله ع المجلس وقولي لي وش سالفتك
نداء/مابي المجلس خلينا نطلع غرفتك احسن..
ريم/اية صدق شكل السالفة مايبي لها قعدة مجالس..
عزام اللي كان يستمع لهم ...بعد معرفته بجيتة البنات من مشاعل...هو كذا نفسة يعرف السالفة ...ماقدر ينتظر لين تقوله مشاعل...لانة يدري عنها تقول لة بكل شي ..قال استمع احسن
عزام يقول بخاطرة ""اه يانداء ياقلبي عليك "..
طلعوا البنات لغرفة مشاعل...تطمن عزام بان البنات طلعوا وقفلوا الباب قام طلع ع فوق وقف عند..باب غرفة مشاعل ..ويسمع نداء وهي تقول
نداءبقهر /اه يابنات وش اقول لكم كل مااتذكر السالفة تجيني نفس للبكى..
ريم بحزن/عمري ماشفتك كذا ضعيفة يانداء وينها نداء المبتسمة..
مشاعل بحزن/ندو قولي لنا بالسالفة يمكن نلاقي لها حل..
ريم/ايوة يالله بسم الله بديناء..
نداء/بسم الله السالفة وكل مافيها اني مابي اتزوج ابن صديق بابا
هناعزام بغا يموت من الفرحة يوم سمع نداء ..
نداء/يابنات موعشان الشخص لا بالعكس الرجال كامل والكامل الله وحده..
مشاعل/طيب ليش ماتقولي لابوك انك ماتبية..؟
نداء/انا خايفة اقول لبابا اني ماابية اكسر كلمة بابا عند صديقة والله حرام مايصير انزل راس بابا..
هنا عزام حس بالحزن وخطر بباله انوا نداء تبي توافق بس في قرارة نفسها ماتبية..
مشاعل/اقول نداء هذا مستقبلك لازم تتخذي قرار جاد..
نداء برتبااك/ بناااات لا تصيروا لزقه .. ..الصرااحه بنات ابي اعترف لكم اعترااف خطير..
و هنا عزام قرب من الباااب اكثر..
ريم بفضول/وشو؟..
نداء مرتبكه/انا انا..
مشاعل/وشو؟..
نداء/يابنات انا احب واحد وكل مايخطر ببالي انسى فكرة الزواج واحس بالحزن ومابي اكون لغيررره..
عزام شوي ويدخل الغرفه من كثر ماقرب من الباب..
مشاعل بلقافة زايدة/من هو سعيد الحظ..؟
هنا دق قلب عزاام بشكل جنوني كلمة نداء جات على الوتر الحساس بقلبة..
ونداء اللي راحت ببحر من الدموع..والبنات بيهدوا فيها
ريم/ياقلبي عليك يانداء طيب منو اللي تحبيه
مشاعل/نداااء يالله عااد قولي..
هنا نداء مسحت دموعها و عقدت حواجبها وقالت بكل جرأتها
نداء/انا احب عزام
هنا عزام طارت فيه الدنيا ماهو مصدق نفسة ماحس بنفسة الا يفتح باب الغرفة بقوووه وكلهم اتجهت انظارهم لباب الغرفه من هذا يتجرى و يفتحه و بكل هالقوه...
عزام و دموعه في عيونه وبصوته الرجولي /وانااحبك يانداء والله ا اااااحبك..
ريم وهي تصرخ وتغطي وجهها /ههيه اطلع
نداء هنا وقفت وماهي مستوعبة ..عزام يحبها لالا مستحيل يبادلها نفس الشعوور الله قد ايش الحياه تلونت في وجهها
مشاعل بصررراخ/عزاااااااااااام وين احنا اطلع ..
هنا عزااام تدارك الموقف وطلع من الغرفه على طوول..
قامت مشاعل وقفلت باب الغرفة وراه/ماشاء الله ..
عزام اللي مصدوم من اللي سواة/انا شسويت فاتح عليهم الباب صدق اني مااستحي..
راح لغرفتة....يالله ماني مصدق نداء تحبني
وجلس يفكر ....
في غرفة مشاعل
مشاعل/نداء مسويين لنا فلم هندي مشاء الله عليك و مع مين مع هذا الشي عزاام..
نداء بزعل متصنع/وليه هذا الشي مو مالي عينك..!
ريم/ههه احلى احلى وقمنا ندااافع..
نداء استحت/غيرووووا الموضوووع بليييييز..
مشاعل/والله اخوي زاحف يفتح الباب كذا لااحم ولا دستور..
ريم /والله هستر ..
نداء/هههههههههههههههه..
وضحكوا البنات بصوت عالي من اللي سواة عزام ماهم مستوعبين
//////////////////////////////////////
في الاستراحة..
. كانوا الشباب مرره مستااانسين....
بس ناقصهم شي واحد....عزاام
جواد/اقول اتصلو على عزام شفية تاخر..؟
سعود/اللحين انا ادق عليه
دق سعود على عزام...
سعود/الو
عزام بفرح/سعووووووووووووووود..
سعود بخوف/خير خير وش صاير..
عزام بفرح/اعترفت ...اعترررفت..
سعود/مييييييين اعتررفت..
عزام/نداااء تحبني تحبني
سعود/صددددق ..تعاال قوولي السالفه..
عزام/يالله انا جااي..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
وفي المطاااار..
كان مسافر....
رااح يودع كل شي له هنا....ذكرياته كل شي حلو....بالنسبه له اماله ...طموحاته مستقبله...واهم شي اهله امه وابوه واخوانه...واهم شي حبيبت قلبه فدااء ....بس كان لازم يضحي...و يطلع من حياتها...ويخليها تعيش حياااه حلووه...كان يشوف كل شي حووله يودع...البلد اللي تربى فيها...
تنهد حسام قبل ما يدخل من باب الرحله وقال بصوت اقرب الى الهمس/مع السلامه فداء
رااح و ركب الطياره واول ما قلعت الطياره حس بقلبه بيوقف معقوووله... لا لا ما رااح اشووف فداء مرره ثانيه ...ليش مكتوب لي العذاااب ليش ليش ...و يصرخ من دااخله والله احبك احبك يا فداااااااااااء احبك مووووووووووت... وغطى وجهه بيده وبدء... يبكي بطريقه هستيريه...حتى اللي جنبه بدو يلاحظون عليه
\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت عبد العزيز..
.. كانت فداء جالسه مع امها وسواليف... و ضحك ..
فداء/ايه يمه يعني رااح يكوون ولدي اكبر من ولدك
امها/ههههههه اكيد..
فجاءه جوال فداء يررن..
و طلعت امها من الغرفه..
فداء/الووو..
فيصل وهو واصل حده/مين سمحلك تطلعي من المستشفى من دوون اذني..
فداء/والله اطلع ما اطلع هذا شي بكيفي و اذنك انا ايش ابي فيها عشان ..اخذها معي
فيصل/ها ها ها تنكتين؟..
فداء/ايه مو عاجبك؟..
فيصل/اقوول فداء ايش فيك تغيرتي كذا..
فداء/انا اللي تغيرت صدق انك غبي واللي بغيتة انت نفذتة من اللي مايبيني انا بعد مابية لا تنسى كلامك انك ماعاد تبيني عاد انا رحت بيت هلي..
فيصل/فدااااء ايش فيك..
فداء/انا اللي ايش فيني انا يافيصل.... وماراح انسى لك اتهامتك تتهمني انا بنت عبد العزيز ماتسوي كذا ..وقامت تصيح
فيصل/افاا فداء.. خلاااص لا تصحين ..
فداء/بس يا فيصل انا مستحيل ارجع لك..
فيصل/ايش اللي مستحيل المستحيل اني اعيش بدونك..
ارجووك يا عمري ارجعي وانا اوعدك انسيك كل اللي سويته والله يا فداء اللي صار مو بكيفي ..
فداء وهي تمسح دموعها/اجل بكيف منو..؟
فيصل بترجي/يا فداااء يا عمري يا قلبي يا كل نااااسي انا اسف ما كنت وااعي اللي قداامي الغيره عمت عيووني يوم شفت حسام..
قاطعته فداء/ارجووك فيصل لا تعيد هالسالفه..
فيصل/انتي امري بس..
\\\\\\\\\\\\\\\\\\\\\\\\\\\\\\\\\\\\
في بيت سلطان
كانت سمر جالسه تكلم في الجواال
سمر/ههههههههه صدق متى..؟
...../بس بدري حبيبي
في هالوقت دخل سلطان..
سمر/اووك انا بعدين اكلمك باااي..
سمر وهي تلف على سلطان..
سمر/هلااا سلطاان..
سلطان وهو عاقد حواجبه/لا هلا ومسهلا..
سمر بإستغراب/سلطان ايش فيك..؟
سلطان/سمر تكلمين منو..؟
سمر/اكلم اخووي..
سلطان/متاكده..؟
سمر/سلطان ايش فيك تشك فيني..
سلطان/يحق لي اشك فيك..
سمر/ليش انا ايش سويت..؟
سلطان/لا ياست الحسن ما سويتي شي..
سمر/سلطان ايش فيك احد زعلك بشي..
سلطان/لا ما احد زعلني..
وترك سلطان سمر و طلع غرفته وترك سمر بحيرتها
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت عبدالعزيز..
قررت انها تدخل عند ابوها..
وتقوله كل اللي في خاطرها..
بس ايش بيكون حال ابوها...
هل رااح يزعل والا لا ..؟..قررت تدخل وبس
جمعت نداء كل جراتها ودخلت عند ابوهااا اللي كان بمكتبه
نداء/قووه يبه..
ابوها/هلااا نداء الله يقويقك..
نداء/يبه انا حبيت اقولك بخصوص الموضوع اللي قلته لي..
ابوها/هاا بنتي نقول مبروك..؟
نزلت نداء راسها و هي تفرك يدها
نداء/لا يبه انا مو موافقه..
ابوها/ليش يا بنتي الرجال ما فيه عيب..؟
نداء/لا مو بخصوص الرجال بس انا مابي اتزوج الحين..
ابوها/ليش يا بنتي فداء وهي في عمرك كانت لها سنه متزوجه..
نداء/يبه فداء غير وانا غير..
ابوها/على راحتك يا بنتي..
نداء راحت عند ابوها وحبت راسه
وطلعت من عنده وهي فرحانة
وعلى طول انطلقت غرفتها تكلم ريم و مشاعل
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
..
..
كان مساعد يلف بسيارته في الشوارع و معاه صديقه مشاري
مشاري/اقوول مساعد كم مرره مرينا بهذا الشارع..؟
مساعد اللي كان سرحان/هااه ... والله ما حسيت..
مشاري/هههه وين بالك ..
مساعد/ياخي افكر فيك ما اقدر امنع قلبي وعقلي انهم يسرحون فيك..
مشاري/يااااااااي...ما يمديني عالرومنسيه..
مساعد/اذلف..
مشاري/افاا..اهوون عليك..
مساعد/ايه تهوون..
مشاري/طيب هذا جزاتي..
مساعد/احمد ربك اني مارك واخذتك معااي..
مشاري/لااا .. زين خلاااص نزلني..
مساعد/اقوول اقعد لا تكوون زعلت..
مشاري/ايه زعلت..
مساعد/ياهوو ومن متى اخر التطورات وصرنا نزعل..
مشاري/ليه قالوا لك انا مو انسان ما احس..
مساعد/اقووول ميشو ترى مالي خلق هواااش..
مشاري/وش ميشووو... اصغر عيالك انا..؟
مساعد/خلااااص ولا يهمك مشاااري هااه وش تبي بعد.؟
مشاري/ابيك الحين تعزمني عالعشاء..
مساعد/ما طلبت شي بس انت اختار المطعم..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

__________________
إذا كان عمر الإنسان يعد
بلحظات السعادة التى يعيشها
فاكتبوا على قبرى مات قبل أن يولد