نزل في لندن
وهوحاس بالضياع..
وعدم الاستقرار..
وما يدري وين يرووح..صح انه قد زار لندن اكثر من مرره...لكن هالمره غير..كان كانه مشرد ..حس الدنيا قافله في وجهه..وطلع جواله وفتحه..ولقي يمكن فوق 55 اتصال من اهله ومسجات لكن ولا اعطاها..بال راااح دق على الرقم..اللي كان متعود انه يدق..عليه كل ما حس نفسه ضياع او بضيق..
حسام/الوو..السلام عليكم..
سلطان/وعليكم السلام هلا حسام وينك يا بو الشباب يومين واحنا ندورك..
حسام بكل برود/انا بالندن..
سلطان/وشوووو.. لندن..؟
حسام/ايه يا سلطان مابي احد يعرف اني داق عليك..
سلطان/بس امك وابوك مشغولين عليك وتعال انت ايش وداك لندن..
حسام/عرف كل شي ..عرف كل شي يا سلطان..
سلطان/منهو اللي عرف..؟
حسام/فيصل..
سلطان/ايش تقوول انت عرف وشلوون عرف..؟
وقال حسام لسلطان كل السالفه من طقطق لسلام عليكم..
حسام/وهذا انا بلندن..
سلطان/لا حوووول ولا قووه الا بالله..
حسام/بالله يا سلطان ايش اسوي الحين..
سلطان/انا انشاء الله بكره احجز واجي عندك لندن واقولك ايش تسوي..
حسام/لااا ماله دااعي تخلي ولدك وزوجتك وحدهم..
سلطان/لا انا مستحيل اتركك في الحاله اللي انت فيها ..اقوول حسام تعوذ من ابليس ودق على امك و طمنها عليك..
حسام/يصير خير..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في الاستراحه..
سعود/صدق هي قالت انها تحبك..
عزام/ايه ايه يا سعوود مو مصدق واخيراااا..
...../وين اللي يقول انه مستحيل يحب..؟
عزام /فاااااااااارس خرعتني..
فارس/اقول اقول كمل السالفه..
سعود/شوف الخيانه يا فارس طلع يحب واحنا ما ندري..
فارس/لا وبعد يقول مستحيل احب هذا وانا شايفه الحين ميت حب فيها...
سعود/الله الله بس واحنا يا غافلين لنا الله..
هنا عزام وصل حده/اقوول انتوا الاثنين مالكم شغل فيني احب ما احب هذا الشي راجعلي..
فارس/الشرهه مو عليك الشرهه علي اللي قاعد يكلمك ..
سعود/ايه والله خلنا نقوم من عنده احسن لنا..
عزام وهو معصب/بالطقاااااق..
وطلعوا سعود وفارس من الاستراحه وهم ميتين ضحك على عزام اللي رفعوا عنده الضغط والسكر..
(عزام وسعود وفارس اصحاب من ايام الابتدئي الى الحين وهم في الجامعه صداقتهم مستمره ولا احد فيهم يخبي على الثاني شي)
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت عبدالعزيز..
كانت سمر عند فداء تزورها ..
وكانوا جالسين في المجلس و اباء وامهم كانوا هنااك..
فداء/ايه والله يا سمر ما يخليني انام كله يبكي ..
سمر/كذا بس في البدايه بعدين تتعودين..
اباء/ايه ما احد ضربكم على ايدكم وقالكم تزوجوا بعدين تتشكون..
فداء/انتي ما احد شكالك..
سوسن/هههههه طول عمركم اطفال وحق هوااش..
الكل/ههههههههههه..
سمر/ايه طول عمرهم الاخواات كذا..
سوسن/ايه من زماان وانا احاول اغير فيهم هالعاده بس بلا فااايده..
سمر/ههههههه شكل ما ينفع معاهم الا العين الحمراا..
اباء/هيه هيه اقوول لا تقسين قلب امي علينا..
الكل/هههههههههه..
وشوي جوال سمر يدق..
سمر/هلااا سلطان..
سلطان/يالله اطلعي انا عند الباب..
سمر/يالله دقايق وانا عندك..
سلطان/مع السلامه..
سمر/مع السلامه..
قفلت سمر..
سمر /يالله انا الحين بروح..
فداء/يووه سمر ما جلستي معانا..
سمر/ايه انشاء الله المره الجايه سلطان بررى..
فداء/يا حليله مشتااااق..
سمر/هههه ايه مرره..
وقامت اباء وامها يوصلون سمر عند الباب..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت ابو حسام..
كانوا البندري ولجين قاعدين في غرفه لجين و شابكين ع النت..
ورايحن فيها ضحك و وناسه..
البندري/ههههههه اقوول قولي لها اسمي براء..
لجين/لا وشوو براء اقولها جوزيف احسن ههههههههه..
البندري/ههههههههه ايه ايه..
وجوال البندري يدق..
البندري/هلااا والله مساعد..
مساعد/اخبارك..؟
البندري/زينه وانت..؟
مساعد/انا نحول..
البندري/هههه تتطنز..
مساعد/ههه اقوول وينك..؟
البندري/ويني يعني اكيد في بيت خالد..
مساعد/اهااا . ..
البندري/مساعد فيه شي..؟
مساعد/لا بس اقوول لو ترجعين البيت احسن لاني مره طفشاان وانا وحدي..
البندري/بس انت طول الوقت مع ربعك..
مساعد/يوووووه البندري خلصينا ..
البندري/انشاء الله بجي انا ولجين..
مساعد/اهم شي تجين ..
البندري/بس بكره..
مساعد/اوووك يالله باااي..
البندري/بااايااات..
\\\\\\\\\\\\\\\\\\\\\\\\\\\\\\\\\\\\\\\\
في سياره سلطان..
كان الجو مرره ... مكتئب مافي الا صوت راشد...الصغير
راشد/بابا ..بابا..
سلطان/عيون بابا..
راشد/ليث حال حثام ما عاد يذي عندنا..
سلطان/هااه..خال حسام مشغول..
راشد/مثغووول في ثنو؟....
سلطان/خلاااص رشودي عن اللقاافه
جلس راشد في حضن امه و يبكي ..
سمر/سلطان ايش فيك ع الولد..
سلطان/ايش اسوي انا بابنك الملقوف..
سمر/ابني...هو ابنك بعد..
سلطان وهو يضحك بسخريه/هه ايه ابني..
سمر/سلطان ايش فيك اكيد ابنك والا راح يكون ولد منو..؟
سلطان ما رد عليها لانه كان سرحان ..
سمر/سلطان وين وصلت..
سلطان/هااه..ارجووك يا سمر مصدع و مابي اسمع أي صوت..
سكتت سمر و ما قالت شي ..
وكانت سيارتهم واقفه عند الاشاره ..
و جنبهم سياره فيها سواق..
و 4 بنات قامت وحده من البنات فتحت الشباك و بصوتها كله..
البنت/واااااو مررررررره خقق شوفوا يا بنات مرره قمر و عيونه خضر وكانه مو سعودي..
البنت الثانيه/وااااااااااو مرررررره يهبببببل يااهوو ممكن الرقم..
هنا سمر عصبت و وصلت حدها ..
سمر/سلطان ممكن تمشي..؟
سلطان اللي كان سرحان ومايدري عن شي..
سلطان/هااه..ايش فيك انتي انجنيتي..
سمر/لا ما انجنيت ..بس ايش فيك كل شوي سرحاان..
سلطان بنفسه ""يووه يا سمر ما تدرين ع اللي مخليني كله سرحاان حسام مرره محتااج اني اسااعده""""
سمر/سلطان ايش فيك ما ترد..
سلطان/هااه ..مافي شي..
راشد/الاسارة ساااارت خدلا هييييه..
مشى سلطان ع البيت..
وهو ما يدري ايش يسوى مع حسام..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت عبدالعزيز..
كانت سرحانه وما تدري ايش...
تسوي تسامحه ع اللي سواه..
والا لا واذا ما سمحته..ايش تسوي تتطلب الطلاق...
لا مستحيل و ولدي..وين بيعيش وشوي امها تدخل
سوسن/حبيبتي فيصل هنا..
قامت فداء تعدل جلستها /وينه يمه ..؟
سوسن/عند ابوك والحين جاي هنا عندك
فداء/اووك يمه..
وقامت فداء تعدل نفسها كانت منسدحه على جنب وابنها جنبها و نايم وهي مبتسمه وهي تشوفه وشوي دخل فيصل انبهر من جمال فداء اللي كان شكلها مرره ناعم ابتسم فيصل ..
فيصل/السلام عليكم..
فداء/وعليكم السلام..
جلس فيصل ع الارض جنب فداء على ركبته و كان صدره جنب السرير
فيصل/اخبارك حبيبتي..؟
فداء ببرود/تماام..
فيصل/هااه لسه زعلاااانه..؟
فداء/......
فيصل/خلاااص حبيبتي والله انا ما اقدر على زعلك..
فداء/لو انك ما تقدر على زعلي كان ما سويت اللي سويته فيني ..
فيصل/بس يا فداء كنت في لحظه غضب..
فداء/حتى لو يا فيصل انا كنت حامل ومرره تعبانه وانت ما قصرت فيني..
وهو يتكلمون ارتفعت اصواتهم و صحي حمودي الصغير وكان يبكي
قامت فداء جلست و اخذته في حضنها وقاعده تهز فيه..
فيصل/شفتي مايبي امه وابوه بينهم مشاكل..
فداء/لااا ..وانت ايش درااك..؟
فيصل/شوفيه يبكي...
فداء/اكيد لانك ازعجته..
قام فيصل وجلس جنب فداء ولف يده على خصرها وقاعد يلعب حمودي الصغير...
فيصل/حبيبتي انا اسف انتي تدرين اني ما اقدر اعيش من دونك
فداء/بس...
فيصل حط يده على فمها ..
فيصل/اصصـ انا احبك وانتي تحبيني صح والا لا
فداء/صح..
فيصل/اجل خلاااص ننسى المشاكل اللي بينا..
فداء وهي مبتسمه/على شرط..
فيصل/امري تدللي ..
فداء/ابي اسمعك وانت تقول احبك يا فداء..
فيصل/بس ما طلبتي شي..
وقف فيصل وباعلى صوته/احبببببببببببببببك موووووووووووت يا فداااااااااااااااااء..
ودخلت سوسن الغرفه وهي تجري
سوسن/ايش صاير ايش صاااير ..
فداء/هههههه لا يا ماما مافي شي..
سوسن/ومين اللي يصااارخ..
فيصل وهو مبتسم/هااه..انا..
سوسن/ليش فيه شي؟..
فيصل/هههههه لا بس كنت العب ولدي..
سوسن/هههه اجل لعب ولدك بس خفض صوتك شوي..
الكل/هههههههههههه..
فداء تقول في نفسها"الله يالتصريفه"
,,

حبيبي كل مافيني...يذوب بملح همساتك...
حبيبي كل إحاسيسي..
يعشقــــونك...يعشقـــــونك...
حبيبي طالبك تكفى... أبيك لكلك لذاتك..


أبي أكون جنبك مثل ظلــــك...
ولا أبي شي من دونـــــك...

أبسهر في وسط عينـــــك...
وابشرب كاس نظراتك..

وإلى مني بغيت النوم... أبي أنام بعيونك...

وأبي أصحى بكلمة..صباح الخيـــر...بشفاتك...

وأبي فنجال حبك...
والغلا تمده جفــــونك...

وأبي أهيم بك...لامن نثرت عطور كلماتك..

واعيش مقابلك دنيا..
ينورها قمر لونك..

أبي فنك.. وأبي سحرك..
وأبي جذاب بسماتك..

أبسأل وش كثر حبي؟؟

وأبي منك إجاباتك.. وأبيك تجاوب بضحكه...
معاها هزة متونك..


عشقت الدمع بأحزانك..
عشقتك عند ضحكاتك..
عشقت اللي يعرفونك..


بروحاتك.. وجيــــاتك..
بجياتك... وروحـــــاتك..


أخاف الناس ياعمري..
يصيبونك يحسدونك..

تعاااال واطلب الغالي..
تعال وهات رغباتك...


فداك اللي تبي آمر... أنا صرت مجنــــــونك..
وإذا ودك أأكد لك..
تعال وشف مساحاتك..

بوسط الخافق اللي لك..حلف لايمكن يخونك..

لك الله صورتك بعيني..تذكرني بجلساتك..
تذكرني واقول
شلون أعيش أوقاتي بدونك..


تراني لاتباطيتــــك..
أحن لصوت نبراتك...
عسى الله لايخليني بعيــد..

وأعطش دوم لمزونك..
وعساني ماانحرم منك..

لأن عيوني الثنتين..
يحبـــــــــــــونك.....يحبــــــــونك,,


,,,الوفي لك طول عمره...
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
كانوا يفرفرون في السياره ...
في التحليه و رايحين فيها والاغاني...
و وناااسنه ..
سعود/يووه البناات هالايام محلوووات..
فارس/.......
سعود/شوف شوف يا فااارس هنااك ثنتين مرره حلوات..
فارس/......
سعود/يالله خليني افتح البلوتوث و ارقم.. ..
فارس/.......
سعود/اقووول فارس ايش فيك ساكت وانا اهذر على حالي..
فارس/انا بطلت هالحركااات.. ..
سعود/اخسسسس..لا يكون انت الثاني تحب..
فارس/انااا ....لا مستحيل انا مو مثل عزام.. ..
سعود/والا شكلك اخس منه طاايح طيحه..
فارس/اناا ... لا اقوول سعود ودني البيت تعباان وابي ارتااح..
سعود/فارس ايش السالفه انت و عزام كنتوا اكثر اثنين في السعوديه يكلمون بناات ايش صااار اخر التطورات..
فارس/سعود ترى عطيتك وجه بزيادة اقوول وصلني البيت..
سعود/بكيفك بس اقوووولك من اللحين الحب ما يجي من وراه الا عواار الرااس وفتح على اغينه بلا حب بلا وجع قلب..
ورااح يغني معاااها بكل صوووووووته..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
كان مشعل عند فيصل صديقه المقرب ..
كانوا فيصل ومشعل ابدا ما يفرقون ابد..
واسرارهم كلها سوا..
مشعل/والحين هي مسامحاك..؟
فيصل/ايه ..بس والله يا مشعل احس اني غلطت على هالبنت كثييير..
مشعل/ايه تووووك داري..
فيصل/اقووول مشعل اذلف..
مشعل/افااا .... ليه..؟
فيصل/الحين اشكي عليك و انت تزيد الطين بله..
مشعل/اسف يا بومحمد حقك علينا..
فيصل/الله وناااسه ابو محمد والله حلوو مرره لايق علي هالاسم
مشعل بسخريه/ايه...مرررررره لايق..
فيصل/اخر همي ...رايك..
مشعل/كيييييك..؟....اخبار حسام..
فيصل/تصدق من بعد الحادثه ما شفته و اهله ما شافوه صارله الحين 3 اسابيع مو مبين تخيل انا خايف لا يكون سوى في نفسه شي يا مشعل والله ما راااح اسامح نفسي..
مشعل/طيب دق عليه وشوف..
فيصل/مافي فايده دقيت اكثر من مرره بس هو مغير رقمه..
مشعل/اسال هله..
فيصل/ما احد يعرف..
مشعل/احسسسن
فيصل يطالعه بستغراب/احسن بعينك ايش فيك؟..
مشعل/لا ولا شي ..
فيصل/هااه ..مشعل ايش فيك..؟
مشعل/ولاااااا شي بس كذا قلت اشووف لسه تحبه والا لا..
فيصل/مهما كان هذا يبقى ولد اخووي..
مشعل/عندي فكره..؟
فيصل/اتحفنا يا ابو الافكار..
مشعل/اكيد رقمه الحين عند الايطاالي..
فيصل/الايطااالي..؟
مشعل/فيه غيره ولد اخووك سلطاان..
فيصل/ههههههه ومن متى ايطااالي..
مشعل/ههه لانه بعيونه الخضر صاير كانه ايطاالي..
فيصل/ايه صح ليش ما خطر على بالي سلطان خلني ادق عليه..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في لندن ..
كان توه طالع من الحمام...
و كان شعره مبلول ...
والمنشفه على خصره و مشى ...
وانسدح على السرير...
وشوي جواله يرن..
حسام/هلااا سلطااان..
سلطان/اخباررك؟..
حسام/يعني بذمتك ايش بتكون اخباااري..
سلطان/المهم ...فيصل دق علي يبي رقمك..
حسام وهو يقوم من على السرير/لا تكوون اعطيته..؟
سلطان/لا قلت له ما اعرف..
حسام/ايه احسن..
سلطان/وانت مو ناوي ترجع امك مرره مشتاااقه لك وابوووك واخوانك اقوول صلى على النبي وارجع..
حسام/لو ما انت اعز الناس عندي كنت قفلت في وجهك مو قارد مو قااااادر انت ما تفهم ما اقدر ارجع مكاان هي فيه والله بمووت شووق لاجل اشوفها وابووس رجلها و اتمنى لو تسامحني انا احبهاااااا يا سطاان انا مييييت عليها..
سلطان/اللي تفكر فيه مستحيييل ياحسام وبعدين بعد اللي سويته تتوقع تسامحك وهي صارت متزوجه وام بعد يعني مااتوقع تخرب بيتها..
حسام وهو مو مصدق/وشو..؟ صارت ام من متى ووش جابت..؟
سلطان/ليش انا ماقلت لك ..
حسام/لا يالحلو ..
سلطان/جابت ولد
حسام بلهفة /وش سمتة ؟..
سلطان/سمتة على اسم جدي محمد الله يرحمة..
حسام/الله يرحمه سلطان يالله اللحين انا ابي ارتاح وبعدين ادق عليك..
سلطان/يالله مع السلامه بس لاتنسى اني جاي عندك..
حسام/ليش تتعب نفسك ياسلطانوة والله ماله داعي..
سلطان/اذا ماجيت عشانك عشان من اجي ..
حسام بعصبية/سلطان واللي يرحم والديك اجلس عند مرتك وولدك احسن لك..
سلطان/مرتي قبلتها منك لكن ولدي أي ولد ياحسامووه..
حسام وهو مصدوم/كيف أي ولد ولدك راشد ياثور..
سلطان/راشد مو ولدي ياحسام..
حسام بصدمة/لا اجل ولدي انا سلطان ايش فيك مانت بصاحي
سلطان بكأبه/مو ولدي ياحسام مو ولدي مدري ولد منو ..؟
حسام/شارب شي الاخ..؟
سلطان/حسام انا محتاجك زي ما انت محتاجني عشان كذا بجي عندك لندن محتااج افضفض لك بكل اللي في قلبي..
حسام/يووه سلطان مهموم كل هالهم وانا ما ادري اسف ثقلت عليك بمشكلتي..
سلطان/لا ثقلت و لا شي عاادي والله حبيبي يالله انا برووح اصلي الحين
حسام/يالله مع السلامه..
سلطان/مع السلامه..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت عبدالعزيز..
كانوا فداء ونداء واباء جالسين سوا وضحك ووناسه ..
اباء/اقوووول بلا كذب مافي شي اسمه حب ماااااااافي..
فداء/الا فيه و الله لو تحسين فيه تنسين حتى نفسك..
نداء/ايييه والله اجمل شعوور في الدنيا..
اباء/يويو لا تكووون الاخت تحب..؟
نداء/هاااه... لا شلوون احب..
فداء/علينااا الا شكلك غرقاانه حب..
نداء/اقوول انقلعواا عني..
اباء/خخخخخخ خجلت الاخت..
نداء/اقلبي وجهك..
اباء/أي صفحه..؟
نداء/على صفحه المتخلفين
فداء/هههههه احلى شي..
اباء/الا اقوول فداء وين دبدوبك..
فداء/دبدوبي..؟
اباء/فيييه غيييره اكيد حمودي..
فداء/قولي مشاء الله والله ولدي مو دبدوب..
اباء/لا تخااافين عيني بااااارده..
نداء/حطيها في الفرررن..
اباء/هاهاها تنكتين..؟
نداء/احاااااول..
فداء/ههههههه تااافهين ..
اباء/تافه وجهك..
فداء/اباء بلا قلة ادب..
نداء/ادب والا نحو..
..فداء واباء يناظرون لنداء
اباء/والله لاخت تنكت اليوم..
فداء/تحاول تخفف دمها..
نداء /والله اكلتوني بقشوري ..
اباء/والله كان ودي اكلك وانتِ مكشنة بس جوعانة..
فداء/خخخخخخ..
نداء/صدق من قال انك تافهه اصلا الجلسة معاكم مامنها فايدة والله اقوم احسن لي..
راحت نداء فوق غرفتها..
دقت على ريم..
ريم/هلا هلا تو مانور جوالي ..
نداء/منور بصاحبتة. بس مالاحضتي شي انتِ والاخت مشاعل..
ريم/وش فينا..؟
نداء/اختي والدة صار لها 3 اسابيع متى تشرفوا..
ريم/والله يالغلا منتظرة بطاقة الدعوة..
نداء/تطنزين انتِ ووجهك..
ريم/ايه مو عاااجبك..
نداء/الشرهه مو عليك الشرهه على اللي دااق عليك..
ريم/يوووه لا يكون زعلتي..
نداء/مو شغلك..
ريم/بس يا ند...
تيييين تيييين تيين..
ريم/ياهووو وصرنا نقفل في وجيه الناااس هين هين والله مردوده هالحركه..
و دقت ريم على نداااء..
نداء/خيييييييير..
ريم/خير بوجهك..
نداء/اقوول ريم انا مو طااا..
تيييين تيييين تييين..
نداء بصوتها كله/نذللللللللله..
وفي غرفه ريم..
ريم/هههههه احسن تستاااااهل..
....../من اللي تستاااهل..
ريم بخووف/بسم الله...سعوووود ايش تبي ومن سمح لك تدخل
سعود/توني جاي من وزاره الخارجيه وسمحوا لي ادخل..
ريم/هاهاها تضحك..
سعود و هو يجلس ع السرير/ما اعتقد اني قلت لك اضحكي..
ريم/ايش تبي الحين.؟
سعود/ابي اعررف انتي كنتي عند مشاعل لما عزام قال انه يحب نداااء..
ريم بخووف/هاااه ....لا ايه يمكن مادري نسيت
سعود/يعني اختااار اممم اختاااار ايه..
ريم/اقووول سعيدووون اطلع برررى..
سعود يتلفت يمين وشماال/وينه ...وينه خليني اوريه شغله..
ريم/منوو..؟
سعود/سعيدوون..
ريم/غبي والا تستغبي..
سعود/للاسف اني غبي خلقه من عند الله يعني ما اعرف استغبي
ريم/سعووووود عن المصاااله اقلب و جهك..
سعود/لا ابي هذا الوجه ما احب اغيره او اقلبه..
ريم/من كذب عليك وقالك انك خفيف دم..
سعود/...........
ريم/سعود اطلع ابي اكلم صديقتي..
سعود/........
ريم/سعوووووووود انقلع برررى..
سعود/........
ريم/ياهووو ياعااااااااااالم وين سرحت..
سعود/...........
ريم بكل صوتها/سعوووووووووووود..
سعود/..........
ريم وخلاااص اخلاقها راحت فيها/سعووووووووووووووووووووووووووووووووووووووووووووووووود
سعود/أي خدمه..؟
هنا ريم شوي ويغمى عليها/ايش فيك بالله انت صااحي ..؟
سعود/لا والله لسه نااايم على السرير..
ريم/هاهاها والله ما اقدر على خفيف الدم..
سعود/شكرا..
ريم/سعووود ايش هالبرود ايش فيك؟..
سعود/توني جاي من الثلاجه..
ريم/لا لا لا اكييييييد انا اليوم بموووت..
سعود/بشرك الله بالخير واخيرا سمعت خبر حلووو..
ريم/ممكن يا اخ سعود تذلف بررى..
سعود/لاءء..
ريم/حلوووه لاءء..
سعود/وين بيتهم..؟
ريم/ميييين؟..
سعود/الحلووه ابي اشوف ذووقك حلووه والا لا ..
ريم/سعوود والله وااااصله حدودي..
سعود/سلميلي على سلاااح الحدود..
ريم ما قدرت تتحمل مصاااله اخووووها وقاامت اخذته بيده حتى عند الباب ورمته ..
ريم/انتوووا يا شباااب ما ينفع معاكم الا العين الحمراا..
سعود/حتى انتوا يا بناااات ما ينفع معاكم الا العين الفسفوريه..
ريم قفلت الباب بكل قوتهااا ..
سعود/خخخخخخ تستاااهل رفعت الضغط والسكر عندها هع هع هع هع ههههههااااووو..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

__________________
إذا كان عمر الإنسان يعد
بلحظات السعادة التى يعيشها
فاكتبوا على قبرى مات قبل أن يولد