كانت البندري في بيتهم كانت مرره طفشاانه
3 اسابيع وهي ما تطلع من البيت ..
.البيت صار ما يسوى شي من دوون امها وابوها....
كل ركن فيه يذكرها بذكرى معهم ..
طلعت غرفه مساعد لقته ناايم..
البندري/مساعد ..مساعد..
مساعد/هااه..
البندري/مسااعد قووم طلعني مرره طفشاانه..
مساعد/خليني اناااااااام..
البندري/يانااايم يا برى مع ربعك وانا هناا وحدي طفشاانه اليوم برجع بيت خالد..
مساعد وهو يجلس/خلاااص يالله انا قاايم ويطاالع البندري هاااه امري يا اخت البندري..
البندري/الله يخليك يا مساعد طلعني اتمشى شووي مرره طفشانه..
مساعد وهو رايح الحمام/و وين تبي الحلووه اوديهااا..
البندري وهي فرحانه/ياحبي لك المكان اللي يعجبك..
مساعد/بندري ايش رايك نسافر..؟
البندري/نسااافر..؟
مساعد/ايه وليش لا نسافر انا وانتي..
البندري بحزن/بس انا مو متعوده اسافر من غير امي وابوي..
قرب مساعد منها وحضنها/ولو حبيبتي ادعي لهم بالرحمه والمغفره..
البندري وهي تحاول تخفي دموعها/الله يرحمهم..هااه وين تبينا نساااافر..
مساعد/هاذي البندري اللي اعررفها ايش رايك لننننندن
البندري بفرح/وااااااو ايه ابي لندن ..
مساعد/اوك حبيبتي اليوووم برووح احجز..
البندري/فيه طلب ثااني..
مساعد/امرري..؟
البندري/ابيك توديني اليووم عند فداء..
مساعد/ما طلبتي شي..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت ابو سيف(بيت فارس)
كان فارس يدق على عزام ..
مليوووون مرره لكن لا حياه فيمن تنادي ..
فارس بطفش/يوووه يا كرهك يا عزام لما تنااام ادق على تلفون البيت احسن ..
دق فارس على بيت عزام..
مشاعل/الووو..
فارس في نفسه"فديت الالوو.."
مشاعل/الوو مين..؟
فارس/هاااه...السلام عليكم..
مشاعل في نفسها"يوووه ياهالصوت الحلو"
مشاعل/وعليكم السلام هلا منو..؟
فارس/انا فارس ممكن اكلم عزام..؟
مشاعل/والله اسفه..عزام نايم..
فارس في نفسه""عارف ماجبتي شي جديد"
فارس/اوووك لما يصحى قوليه اني دقيت عليه..
مشاعل/انشاء الله..
فارس/يالله مع السلامه..
مشاعل/مع السلامه..
بعد ما قفل فارس من مشاعل
كانت احلامها الورديه توديها وتجيبها
الله شكثر صوته حلوو و هو حلوو
بعد مرره وسيم يوووه يجنننن..
وفي الجهه الاخرى ..
كان فارس يفكر في مشاعل
يوووه معقوله هالبنت
مرره صوتها حلوو
يووه لا يكون احبها ..
بس اكيد هي حلووه لان عزام مرره وسيم ومستحيل تكون اخته ماهي حلوه
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في شركة ابو خالد
كان جالس في الشركه ...
ومشغول مرره باوراق في يده...
ما يدري يحط شغله وين..
هاذي كانت حاله من يوم ما مات ابوه
كان صوت الباب يدق..
خالد/ادخل..
السكرتير/استاذ خالد الاستاذ مساعد برى..
خالد/خله يدخل..
السكرتير/انشاء الله طال عمري..
وشوي دخل مسااعد..
مساعد/السلام عليكم..
خالد/وعليكم السلام هلا والله باخووي الغالي..
مساعد/هلااا فيك..
خالد/اخبارك واخبار البندري..؟
مساعد/والله تماااام وانت..؟
خالد بحزن/انا ايش اقولك يا مساعد ..
مساعد حس بحزن اخوه/انشاء الله يرجع يا خالد خل املك بالله قوي ياخوي..
خالد/بس انا مادري وين ولدي يا مساعد..؟
مساعد/اكيد مسافر مع ربعه هاذي عادته..
خالد/ما اعتقد لو كان بخير كان دق علي وطمني ..
مساعد/اقوول خالد ابنك مو صغير عشان يضيع وتتطمن اكيد هو بخير..
خالد/اتمنى يا مسااعد..
مساعد/انا جااااي عشااان اطلب طلب..
خالد/امر تدلل..
مساعد/ابي اسافر ومحتاج فلووس..
خالد/ليه ما عندك فلوس..
مساعد/الا عندي بس ابي حق شخصين..
خالد/شخصين..؟
مساعد/ايه بنروح انا والبندري لندن..
خالد/وايش المناسبه..؟
مساعد/ياخي الناس اجازه والبندري ضايق خلقها بعد اللي صار..
خالد/انشاء الله يصير خير الحين بحولك على حسابك..
مساعد وهو يوقف/يالله انا استاذن..
خالد/تو الناس..
مساعد/والله مشغوول شوي..
خالد/اووك مع السلامه.
مساعد/مع السلامه.
\\\\\\\\\\\\\\\\\\\\\\\\\\\\\\\\\\\\
في بيت عبدالعزيز..

كانت البندري ولجين وحنين عند فداء
فداء/يا حماااره وحشتيني مووت ..
البندري/وانتي اكثر يا قرده...
فداء/قرده في عيينك..
حنين/هههههه احسن قوموا تهاوشوا...
لجين/ايه يالله يالله انا بشجع حمودي..
فداء/وحمودي ايش دخله..؟
لجين/مادري يافداء احس ولدك جنني ونساني كل شبااب السعوديه الصراحه.. وسامه خطييره..
فداء/اكييييد وانا امه..
لجين/الا قولي عشان فيصل ابووه..
فداء/انثبررري..
البندري/الا لجين حسام رد والا لا..؟
لجين بحزن/لا والله يا بندري ما رد ولا ندري هو وين الحين..
فداء بخوف/ليه صاير شي وانا مادري..؟
حنين/ايه حسام اخو لجين طلع من البيت قبل شهر وللحين ما يدرون هو وين...
فداء حست بحزن وكان باين على وجهها/يووه طيب ما دوروه وما سالوا احد عليه ..
لجين في خاطرها""قسمـ ان ما كانت هناك علاقه بين فداء وحسام"
لجين/سالنا عنه كل مكان مافي شي جديد..
البندري/بس حسام مو صغير واكيد بيرجع..
لجين/الله يسمع منك..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت ابو عزام..
كانت جواهر جالسه هي وابنها عزام و بنتها مشاعل..
جواهر/هااه توك صاحي..
عزام/ايش اسوي يمه امس كنت سهراان مع اصحابي..
مشاعل/اقوول عزام صديقك دق عليك وقلتله انك نايم..
عزام/صديقي منوو..؟
مشاعل/يعني مين توم كروز..
عزام/يوووه والله زهقني هذا يبيني امثل معاه وانا مابي اووف ناس ما عندها كرامه..
مشاعل وامها/ههههههههه..
مشاعل/صديقك فارررس..
عزام/فارررس ايش يبي غريبه خلني ادق عليه واشووف..
فارس/الوو..
عزام/هاااااي..
فارس/هاي بوجهك..
عزام/لاه لاه لاه ايش فيه القمر زعلان..؟
فارس/اقووول لا يكثر نعم ايش عندك داق..؟
عزام/ابي صرف خمسه ابو ريال عندك..؟
مشاعل/ههههههه..
فارس سمع مشاعل وهي تضحك فارس فب خاطره"اااه يا زين صوتها
فارس/ايه عندي متى تبيها..؟
عزام/اقوول اقلب وجهك مصدق انت...!
فارس/عادي كل شي جايز..
عزام/هاااه قوول ايش عندك..؟
فارس/عندي سرير ومكتب و دفتر وقلم و مفتاح سيارتي و دولاب ملابس و بـ........
عزام/ااااوف ايش فيك انت قلت وش عندك دقيت علي اوول..
فارس يستغبي/اهاا ...قول كذا من بدري والا نسيت ان فهمي بطي..
عزام/والله نسيت بس الحين تاكدت..
فارس/هههههههه اهم شي يا قصير العمر..
عزام/قصير عمر في عينك..!
فارس/هههههه كنت بقولك انا احنا طالعين الثمامه..
عزام/نعععم وش تبوون..؟
فارس/ننظف هناك انت تدري ان شباب هالايام يروحون هناك وما ينظفون محلاتهم...
عزام/ههه حلوووووه ..
فارس/انت تسال ياثوور اكيد بنتمشى ايش يعني..
عزام/متى اليوم ..؟
فارس/لا امس..
عزام/هههاي حلوة هذي...
فارس/رقمها..
عزام/قالوا لي انها مخطوبة...
فارس/اجل دور غيرها..
عزام/فارس تراك رايق وانا ماني فاضي لتفاهاتك متى بتمشون..؟
فارس/اوووف اكلتني بقشوري..
عزام/ياولد خلصني متى..؟
فارس/اليوم..
عزام/اجل سلامـ..
فارس/يالله مع السلامة..
...عزام وهو..معصب وواصل حدة من فارس دق علية..سعووود
سعود/ولكوووووووم..
عزام بطفش/بسرعة أي خدمة..؟
سعود/ايش فية الحلو معصب..
عزام/ياخي هو كذا أي خدمة..؟
سعود/الشباب طالعين ع الثمامـ....
عزام قاطع سعود/يااناس درينا طفشتونا ايش فيكم..
سعود/من خبرك..؟
عزام/فارس توة قافل.
سعود/مانت جاي ع الاستراحة..؟
عزام/الا بس باتروش واكشخ وجي..
سعود/يالله سلام مااعطلك..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت خالد (ابو حسام)
ليلى زوجتة جالسة بغرفتها وتبكي على ولدها حسام
وفي الطرف الثاني...من البيت كانت دنيا جالسة بالصالون تشوف التلفيزيون ...
ودخلت عليها دينا..
دينا/السلام عليكم..
دنيا/وعليكم السلام..
دينا/ايش تشوفين..؟
دنيا/فلم..
دينا/اهاا..حلو..؟
دنيا/ايه..وين امي..؟
دينا/كالعاده تبكي في الغرفه..
دنيا/كله من حسام ليه ما يرجع..؟
دينا/اكيد صاير معاه شي.!
دنيا/انت ايش درااك..؟
دينا وهي توقف/يالله تبين شي..
دنيا/وين..؟
دينا/عند خوله..
دنيا/اهاا..الله وياك..
دينا/مع السلامه.
دنيا/مع السلامه.
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
مشاري يدق على مساعد..
مساعد/هلااااا ..
مشاري/هلاا ميمووو..
مساعد/عسى ماشر ميموو..تمون..؟
مشاري/اكيد امووون..
مساعد/هااه..قول ايش عندك داااق..
مشاري/افاا.. هذا وانا ابي اتطمن..؟
مساعد/لا ابشرك انا عال العال وبكره مسافر..
مشاري/لا ما توقعتها منك وانا اخر من يعلم..
مساعد/من قالك اخر من يعلم انت اول واحد يدري..
مشاري/اكيد الواحد بعد الالف..
مساعد/اقووول ميشو لا يكثر..
مشاري/سلامات..
مساعد/ايش فيك..؟
مشاري/انت ما تبيني اناديك ميموو وانا مابيك تناديني ميشو..
مساعد/افاا..ميشو بس انا احس ميموو وكانه اسم حفاظات اطفال..
مشاري/هههههههههه ايه احسن..
مساعد/انثبر احسنلك..
مشاري/الا ما قلتلي انت ومين مسافر و ليش انا مو معك الا انت ما تتخلى عني..؟
مساعد/لا انا رااايح مع الاهل..
مشاري/اهاا..قول كذا من اوول..
مساعد/وهذا انا قلتلك ايش تبي بعد..؟
مشاري/على وين مسافر..؟؟؟
مساعد/لندن..
مشاري/اااااه ياليتني معاااك ..
مساعد/اكيد ورى الاه هذي قصه..؟
مشاري/ايه فيه.. البنااات فيه غيرهم..
مساعد/هههه كم قلتلك جووز عن هالحركاااات..
مشاري/ايش اسوي ما اقدر..؟
مساعد/قلت هذي الحركات مايجي من وراها الا المشاكل..
مشاري/بدا ...بدا..المصلح الاجتماعي..
مساعد/اقوول اقلب وجهك انا وراي بكره سفره وشغل..
مشاري/اوووك ماحبيت اعطلك..
مساعد/افاا عليك انت عطلتني ..
مشاري/هههههههه اوك مع السلامه..
مساعد/مع السلامه..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
في بيت عبدالعزيز......
كان فيصل عند فداء....
فيصل/هااه..حبيبتي بكره بترجعي معاي البيت ..
فداء/يووه فيصل ليش بكره..؟
فيصل/فداء انتي لك عند اهلك اكثر من اربعين يوم..
فداء بدلع/يووه فيصل تكفى مابي مابي..
فيصل/اقول الدلع راح طاح كرته منك الحين دور حمودي..
فداء/هييه وانا وين رحت..؟
فيصل/مادري اسالي نفسك..؟
فداء/اجل مانيبرايحة معاك البيت بجلس هني..
فيصل/اقووول فداء..
فداء/سم..
فيصل/لو يمتلي البيت كله عيال بتبقين انتِ دلوعتي..
فداء بخجل/فديتك يالغلا ..وانا من لي غير فيصل..
فيصل/اجل يالله روحي معي..
فداء/وانا اقول شسالفه هالمدح الا يبيني اروح..
فيصل/فداااء ..
فداء/هلا..
فيصل/بكرة بتروحين ع البيت مشتاقلك حتى البيت اشتاقلك مايسوى من دونك شي..
فداء وهي خجلانة/وانا بعد بس خليني هنا اسبوع بس..
فيصل بصوته كلة/يووووووه اسبوع مافيني اصبر ..
فداء بغنج/واللي يسلمك فيصلوه..
فيصل/هزمتيني وش اسوي لك ويلوموني فيك..
فداء/خلاص فيصل ترى خجلتني..
فيصل ..وهو يرفع راس فداء بايده وجات عينه بعينها/فديت اللي يخجلون..
///////////////////////////////////////////////////////////////
في الجهة الثانيه من بيت..عبد العزيز..بغرفة النوم
عبدالعزيز/قالت لك عن نداء..
سوسن/وش فيها..؟
عبدالعزيز/رفضت عريسها..
سوسن/ايه قالت لي وجات بتموت من الخوف تقول لي اخاف ارفض ابوي يزعل مني ..بغتني انا اقولك بس انا رفضت خليتها تتشجع وتقول لك..
عبدالعزيز/وليش ازعل مو من نصيبها..
سوسن /اية وانت الصادق..
عبدالعزيز..جلس يناظر لبطن سوسن..
عبد العزيز/يوووه سوسنوه متى بيجي..؟
سوسن وهي تمسك على بطنها/لاتستعجل بيجي بيجي..
عبدالعزيز/ان شاء الله ولد..
هنا سوسن حست بحزن..وقالت بخاطرها الحين يقول..هذي فالحة الا في البنات..
سوسن/عزوووز..
عبد العزيز/سمي قلبوا..
سوسن/اللحين انت زعلان اني جبت لك كلهم بنات..
عبدالعزيز/ليش ياقلبي منو اللي قالك هالكلام.. ؟
سوسن/بس احسك متلهف للاولاد بشكل كبيييير..
عبد العزيز/اللي يجي من الله فيه الخير يمكن ربي مقدر لي كلهم بنات وبعدين ليش ازعل يكفيني انة انتي عندي..
سوسن خجلت...ونزلت راسها..
عبد العزيز/فديتك وفديت سواد عيونك..
////////////////////////////////////////////////////////
دخلت الغرفة بكل..هدؤء ...كانت تدور بكل مكان بالغرفة....بكل ركن في الغرفه ... بس ما لقت شي ..بس حاولت تفتش اكثر..و فجاءه لقيت ورقه..تحت السرير مكتوب فيها..
؛؛والله احبك يا فداء موووت بس ياليت تحسي فيني،،
انجن جنونها لالا مستحيل حسام و فداء معقوله تكون فداء خاينه عمي فيصل بس ليش ليش ابي اعرف لييييييش؟؟؟
..../ايش تسوي هنا..؟
لجين/زيد هلااا خرعتني..
زيد/لجين ايش اللي في يدك خليني اشوف..
لجين خبت الورقه ورى ظهرها /لا مافي شي مهم..
زيد/طيب ابي اشوف..
لجين/لا مافي..
زيد/ليش..؟
لجين/اشياء ما تخصك..
زيد وهو يجلس على السرير/اجل تخص من.. ؟
لجين/مادري
زيد/فداء مثلا
لجين وهي خايفه/هااه..فداء ايش دخل فداء
زيد/انا عارف كل شي وعارف ان حسام سافر عشان فيصل اكتشف كل شي
لجين/صدق توي ادري عن هالكلام
زيد/انا كنت عارف و عرفت بالصدفه
لجين/كيف؟
زيد/تتذكري اليوم اللي طلع حسام من البيت؟
لجين/ايه
زيد/كنت انا طالع فجاءه سمعت صوت في غرفه حسام و قفت عند الباب و سمعت حسام يبكي بكى يقطع القلب
لجين/يبكي؟؟؟
زيد/ايه يبكي و كان يقول ،،طيب انا احبها احب فداء و فيصل اخذها مني و الحين عرف كل شي لازم اطلع من حياتهم يكفي يكفي الام اللي عشتها،،وطلع يجري من الغرفه ولما شفته كانت عيونه مره حمر طالعني بنظره حزن وطلع
لجين ودموعها في عينها/يا حبيبي يا حسام كنت تعاني واحنا ما ندري عنك
زيد/بس المصيبة وين راح حسام..؟
لجين/توك تسال توك تسال يازيد قولي ليش ماقلت من اول يمكن ليقنا حل
زيد/ياحبيبتي تبيني اخرب بيت البنت
لجين بعصبية/يخرب في ستين داهية لكن اخوي يروح وعشان منو عشان وحدة خاينة
زيد/لجيييييين احفظي لسانك وبعدين انتِ يالفيلسوفة اش دراك انة في علاقة بين فداء وحسام يمكن حسام اللي يحبها وهي مي عاطيتة وجة
لجين/شوفوا منو يتكلم..
زيد/منو يعني...؟ زيد في غيرنا بالغرفة
لجين/لا لا بالله تعال طقني احسن على اللي يسوى والله مايسوى
ارتفعت اصواتهمـ ،، سمعت امهم ،،اصواتهم جات تجري بسرعة،،
امهم بخوف/وش السالفة ليش هالاصوات كلها
لجين/اسالي زيدووة وهو يجاوبك
زيد/انا يالجين اساليها وش تبي جاية غرفة حسام هذي بنتك تفكيرها وسخ ماتستحي متهمة بنات الناس
لجين بصوتها كلة/وشو..؟وشو..؟وشو..؟
امهم بعصبية/ع الاقل احترموا وجودي هنا
طلع زيد بكل عصبية ....وسكر الباب باقوى ماعندة ...
ولجين تورطت مع امها وش تقولها ..وبهدوء وهي ترقع لها تصريفة زينة ومقنعة..
امها/لجين وش السالفة..؟
هنا لجين مالقيت وش تقول ..من كثر الارتباك جلست تهلوس على امها
لجين/هذي امل تقول انة عليا تطلع مع شباب ..وزيد يدافع عنها وانا شفتها انا وامل
فهاللحظة كانت لجين تدور لها على تصريفة وهي تمشي بهدوء لناحية الباب ..امها جات على راسها علامة كبيرة استفهام
لجين في صدرها"""انا ايش جالسة اهلوس على امي الله يالتصريفة وبعدين منو امل وعليا""
وصلت لجين لعند الباب
وجررررررت لغرفتها(الصراحة تصريفتها جنان)
//////////////////////////////////////////////////////////////////
في بيت راشد(ابو سلطان)
الساعة 2:16
كان زيد لسة عند ماجد
ماجد/وش هالمشاكل صارت تجينا من كل صوب
زيد/وش نسوي..؟
ماجد/اقول زيووود شوف الساعة كم صارت
زيد/2:16
ماجد/لا انا ماسالتك عن الساعة انا اقولك مانت ناوي تروح
زيد/وش اعتبرها طردة..؟
ماجد/لا موطردةبس الحين اهلك خايفين عليك
زيد/ياخي انا مابي اروح بجلس عندك بتخليني والا بروح اروح الاستراحة
ماجد/وش استراحتة تجلس هنا غصبن عنك
زيد/اية هذا ماجد اللي اعرفة
/////////////////////////////////////////////
في بيت ابو خالد........
كانوا الشغالات يجهزون لهم شناطهم عشان رحلتهم ع الساعة6:00
الصباح
مساعد/البندري دقيتي ع فيصل وقلتي لة..؟
البندري/اية وقال بيجي يوصلنا ع المطار هو
مساعد/اية احسن واللة
البندري/خالد قال بيجي بياخذ ايميليا و ني ني وحليمة(الشغالات)
مساعد/وش فية ماجا لين اللحين..؟
البندري /مادري..
.........../السلام عليكم
.........../السلام عليكم
مساعد والبندري/وعليكم السلام
البندري/اعماركم طويلة تونا نتكلم عنكم
فيصل/تتكلمون والا تحشون
مساعد/شدعوة فيصلوة نتكلم فيك انت لا حشى ماسويها
خالد/اجل انا ماقصرتوا فيني
الكل/هههههههههههههههه
البندري/ولا انت بعد مانتكلم فيكم الا كل خير
خالد/الخدامات اجهزوا..؟
البندري/مادري والله خلني اروح اشوفهم
خالد/الحين يشوفوني يقولون مهرب مجهولات
الكل/هههههه
فيصل/يوووة اتخيل شكلك والله وناسة
خالد/وناسة انت ووجهك..
مساعد/لا احسن تهاوشوا
فيصل/هذا مايقبل المزح شسوي فية
البندري /يالله باذنكم بروح اشوفهم
/////////////////////////////////////////////////

__________________
إذا كان عمر الإنسان يعد
بلحظات السعادة التى يعيشها
فاكتبوا على قبرى مات قبل أن يولد