| قصيدة في علم النفس
في فن علم النفس وانماط الحياه
مصيبتك طلع وراها فايده
لاينتثـر فكرك على كذا اتجاه
الخصخصه فن العقول الرايده
وان سـاد من حولك شعور الاشتباه
خذ لشعورك منطقه محايده
الثقه سقف العقل ,, والناقص ذكاه
من حسسك بأن فيه حاجه زايده
والابداع ؟ ماهو لعب شد الانتباه
على حساب الغاء فكره سايــده
والضيق ضيق الافق واكضام الشفاه
وفهم الحياه على انها مزايده
افضل وسيله للسعاه والنجاه
سهله على الراغب ولاهي كايده
توحد الله صدق وتقيم الصلاة
وجعل الفواحش عن حدودك نايده
وتكف يدك وتحمد الله عل الغناه
وتخشر هنودك معك في المايده
ولا تخاوي لاشيوخ ولا رعاه
خاو اصدقا تفكيرك وفرايده
والشيخ من توضعه يسبق عطاه
يتعودون الناس من عوايـده
والحب ذروة كل شي ومنتهاه
ومحلا من وضوحه سوا مكايده
يبكي الرجال ويبحث خفاه
ويعلمه شرح الحظوظ البايده
والي يحب احدن ماهو في مستواه
يبطي وعينه بالمدامع جايده
ياوجد حال الشاعر ويا امه واباه
وجود من هاوش لأخوه وصايده
الي اتمنى اعيش واتوفى معاه
حتى فعيده ماقدرت اعايده
الحزن طاقه للدعاه وللطغاه
وانا طلعت من الجروح بفايده
ان لم تزد شيء شيئا على هذه الحياه
فتأكد انك انت حاجه زايده
__________________ راقب أفكارك لأنها ستصبح أفعال راقب أفعالك لأنها ستصبح عادات راقب عاداتك لأنها ستصبح طباع راقب طباعك لأنها ستحدد مصيرك للتواصل عبر الاميل او الماسنجر اسف عل التاخير في الرد عليكم |