أهلين عيال و بنات أخباركم إن شاء الله تمام

اليوم جبتلكم قصائد حزينة أتمنى أنكم تقرونها وتقيمون وتردون .

بسم الله نبدأ بالقصائد:
القصيدة رقم 1:

جاني يصيح يقول يايمه اذبحوها..... حبيبتي راحت يايمه من ايدي
والله أدرى انهم اغصوبها..... عليّه والدمعات تذرف خفيّه
يايمه راحت اللي له حيروها..... راحت حبيبة قلبي يمه الوفيّه
يايمه ثوب العرس له لبسوها..... يايمه هذا خاتمها ببكي عليّه
يايمه شوفي وش قساوة أبوها..... يدفنها بيده وهي بعدها حيّه
يايمه من شوفها لي احرموها..... عيو تودعني ليه البنيه
يارب يبليهم مثل مابلوها ..... ويارب تسعد هالادميّه



ياوليدي لاتشكي وتلعن أبوها..... هذي ترى العادات وهي ابدويه
ياوليدي من شانك عيوني بكوها..... مدري شسوي شلي طالع بديّه
ياوليدي لغيرك تدري عطوها..... انسى خلاص الدنيا ماهي خليه
ياوليدي خلق الله مايعذروها..... راحت وصارت للعوايد ضحيه
ياوليدي لاتصرخ خلاص اذبحوها..... خلاص راحت منك هالأدميّه.

القصيدة رقم 2:
جاني الخبر يا صاحبي واظلم الكـــــــون*** قـدام عــيني ثـم نــطقـت الـشـهـاده

على العــمــوم اقــولـها الف مـليــــــون*** مــبـروك مـن قــلـب شكـالـك ابــعاده

مــبروك لا يهمــك سواليف وضـنـــــون*** مـن عــاشــق يــهديك فـــرحة فـــؤاده

ســو الــفرح اليوم وابليس مـــلعـــــون*** واللــي يشــب الـــنار يــجني رمــــاده

انـــا اول الــــعـالم على القصر يلفـون*** اول مــــعـازيم الـــــفـــرح والــحــداده

ابشر انا برقص على العرس بالهــــون*** كـــــل يـــــعـبـر فـــرحــتـه بــاجتهاده

لــــو الـــبلا رقــــصي يقولون مزيـون*** الـــمــشكلــه الــقلب يــفـضـــــح وداده

يـــوم الـعذارى في دخــولـك يغنــون*** وعـروستك باحلى ثـواني السعــــــاده

كــنت اتــمنــى بـــدالها والـله اكـون*** واحـط انـا كـفي تحت راسك وســــــاده

واشلون ابكتم صرختي يوم تمشــون*** تـــكــفى ..خــذنــي للعروسه قـــــــلاده

حتــى مـعـازيـم الفرح قامو يمشـون*** واصبــحت انــا وحدي بدون استفـــــاده

وطـــفو عــلي الــنور مــن غير يدرون*** قــصر الــفرح يـا قـبر(مـنيرا) ومهــاده

وصــيتي لـو جــاك بــنت وانــا امــون*** سمــيتــها لك (مــنيرا) قــبل الــــولاده

القصيدة رقم3:
يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني.





أتمنى ردودكم

__________________
عيون العرب أفضل موقع