قصة لشايب يودع 500 ريال يوميا في البنك لمدة شهرين ؟؟
استغرب موظف البنك من قدوم هذا الرجل الكبير يوميا للبنك منذ شهرين ليودع 500 ريال يوميا , فذهب الموظف لمدير الفرع فأخبره عن قصة هذا (( الشايب )) .
فقال المدير لعله يحسب ان الايداع مثل السحب من الصراف الالي , وان الحد الاعلى للإيداع هو 5000 كما هو في السحب اليومي
فقال المدير للموظف اذا جاك غدا خله يمر علي ..
جاء الشايب على موعده اليومي .
وقاله: الموظف مر على المدير
فقال الشايب : خير أن شاء الله , و بعدها مر على المدير ...
سأله المدير : ماقصة ايداع ال 500 اليوميه؟ لو كان عندك مبلغ كبير تقدر تودعه مرة واحده ! .
رد الشايب وهو يضحك قال: ماعندي مبلغ , هذي اكسبها يوميا .
قال المدير : عندك محلات يعني
رد الشايب : لا , بل اني اراهن يوميا من 500 واكسب الرهان
استغرب المدير و قاله : كيف ؟
رد الشايب : طيب انت تراهني الحين من 500 اني احب ( أقبل ) عيني
فإذا بعينه تركيب اخرجها وحبها ( قبلها ) و ارجعها لمكانها , فكسب 500 من المدير
فقال تراهني ثانيه اني اعض اذني , طمر المدير على اذانيه يشوف هي تركيب او لا , فإذا اذنيه ماهي بتركيب ..
بعدها طلع الشايب طقم اسنان وعض اذنه و رجعها .
المهم اخذ من المدير 1000 وراح الشايب ..
في اليوم التالي المدير راح للموظف وقاله: اذا جاك الشايب خله يمر علي .
جاء الشايب , وقال له الموظف : مر على المدير يبيك ..
فقال الشايب : ربع ساعه واجيه ..
المهم دخل الشايب على المدير , و قاله المدير : يااخي حرام عليك انت ضحكت علي امس واخذت فلوسي دون وجه حق ... الخ
فقال الشايب : طيب تراهني الان واذا فزت انت اعطيك فلوسك وفوقها 500 , واذا فزت انا ما ابي منك شي.
فكر المدير قليلا , الا العرض مغري مو خاسر شي في الحالتين مو خسران
قال الشايب : انا اراهنــــــــك إن سروالك الداخلي لونه ازرق
قال المدير : فزت عليك سروالي ابيض
فرد الشايب : خلني اشوفه حتى اتأكد ..
قام المدير وفسخ ملابسه وقال شفه ابيض , جب الفلوس
حينها ضحك الشايب و هو يناوله الفلوس , فقال المدير متعجبا : وش اللي يضحك !!
فرد الشايب : لأني صراحة مراهن كل موظفين البنك على اني اليوم افصخك ملابسك بمئة ألف ريال