| أبوذيّات سيّاب الشعر البصري
مرجعلكم
عسل وبحلگي وكتي مر جعلكم
ومرجعكم الگـلبـي ومرجعلكم
صـرت ايـة بهـواكم مرجعلكم
خذيتو منين فتوه وخنتو بية
+*+*+*+*+*+*+
شفتهمنه
اشفنة من عمرنة شفتهمنة
وهمنة گبال عينك شفت َهمنة
ذبحنة وفوك ذبحة شوف تهمنة
يگلهم بالذبح تعبولي ادية
+*+*+*+*+*+*+
عليك القيت حجة والقيامه
ويامه باذنك اقرا والقي يامه
تدري الحشر يمته والقيامه؟
القيامة والحشر زعلك عليه
+*+*+*+*+*+*+
شفافك عسل حصتي مره منهن
وگطعلي جلاي سهمك مره منهن
جم مره الحگتلك مره منهن
مو انته طلعت وشصار بيه
+*+*+*+*+*+*+
تشتت ونهدم ياناس حلفي
بسبب حظي ابد مايوم حَل في
أريد انزل وأحط بديار حلفي
وأشكيله هظم دهري عليه
+*+*+*+*+*+*+
ها تــــــعبني حبك ها اذاني
دخت ها يا صلاتي ها يذاني
اكول التوبة ما احب هاي اذاني
اهد ذاني ويرد حبك علية
+*+*+*+*+*+*+
بنا قصورة عباله اهوةبنا دام
جرحنا لچن ما بيّن بنا دام
ابن حوا شرط يطلع بن ادم ؟
لان حوا اطلعت موش ادمية
+*+*+*+*+*+*+
عدل صوبك جدامي جرعدل لك
وادليك بحجي المر جرعدل لك
اثگل كافي بسّك جرعدل لك
زعلت؟؟؟لتجر عدل حقك عليه
+*+*+*+*+*+*+
صراير عشگ روحي وگصرتلك
ونفس وكت المنازع وك صرتلك
طويل واعلى منك وگصرتلك
حتى تلوح من تبوس اديه
__________________
فوالله لن تلبثوا بعد طردي من المنتدي الا اذلة خائفين تهول اهوالكم وتتقلب احوالكم ويسلط الله عليكم من يجرعكم مرارة الذل والهوان يسقيكم مصاب الهزيمة والخسران ويذيقكم مالم تحتسبوه من طعم العناء ويريكم مالم ترتجوه من البلاء ولا يزال بكم على هذا الحال حتى يحول بكم شر فأل جموع مثبورة صرعى في الروابي والفلوات حتى اذا انقضى عديدكم وقل حديدكم ودمدم عليكم مدمر عروشكم وترككم أيادي سبأ واورث الله المستضعفين ارضكم ودياركم واموالكم فاذا قد امسيتم لعنة تجدد على افواه الناس
|