| السلام عليكم و رحمة الله و بركاته
وصلنا لحد ما أعطت تسونادي مهمة لساكورا
الجزء:
ناروتو طلع من عند تسونادي و راح يتمشى بالشوارع يشوف الناس شو بيعملو إجا شاف حدا
ناروتو:أهليييييييييييييييييييييييييين بهالعينتين،كيف أبو الحواجب اليوم؟
لي:فعلا إنك قليل ذوق بس رح أرد السلام،هلا.
ناروتو:إيه والله وأذان الدب هون كمان
تن تن:اسكت أحسن لك.
ناروتو ببياخة:ياماميييييييييييييي......شو رح تعملي ؟رح تخلي المستر أبو شعر طويل و عروق ناطة يضربني؟ولي على آمتي رحت فيها...
تن تن عصبت و ما عاد طاقت ناروتو كانت رح تهجم عليه و تضربو بس نيجي مسكها
ناروتو:ليش ما تركتها تضربني؟ع أساس رح تقدر يعني بس خلي وجهها يبرد
نيجي:اسكت يا وجه البس ملاحظة:بس=قط
ناروتو برد وجهو و تركهم ومشا وتوجه لمطعم الرامن إجا لقا ساي بالطريق
ساي:مرحبا ناروتو
ناروتو :هلا بالميت
ساي طار عقلو و صار يطل ع حالو و يقول:ولي أنا متت؟؟؟؟شلون و مين موتني و أميت؟؟؟
ناروتو:هففففففف ولا شي سلامتك
ساي :سلامتي من الموت؟ناروتو انت بتحبني؟بس شلون بدي أرجع؟آآآآآخ يا ناروتو لو أرجع لأعزمك ع رامن؟بقدر أرجع؟شلون بدي أرجع؟
ناروتو طق وقاطعو :يا فهمان انت ما متت
ساي :عن جد؟
ناروتو:لا عن مزح
ساي:يعني بعدني ميت؟يااااا ضياع شبابي
ناروتو ضرب ساي كف وقال:ساي انت توجعت؟
ساي: أي
ناروتو:طيب الميتين بتوجعو؟
ساي :لأ
ناروتو:شو منستنتج؟
ساي :إنو الميتين بتوجعو؟
ناروتو:لااااااااااااااااااااااا..................انت مو ميت
ساي : يااااااااااااااااااي يللا حبيبي ناروتو ع مطعم الرامن
ناروتو نسي الدنيا و مشى معو
بمطعم الرامن :
ناروتو بدأ أكل و ما خلا لأنو الدفع ع ساي
ساي بيتفرج ع ناروتو بعدين سألو:ناروتو شلون رجعتني ع الحياة ؟؟؟فعلا إنك واحد خطير
ناروتو:إنت أصلا ما متت
ساي :بعرف إنك بتحبني و أنا عايش بقلبك دائما بس شلون رجعتني للحياة؟؟؟
ناروتو:بحكيلك انت ما متت أبدا مابتفهم؟
ساي:ييييييي شو عرفك إني ما متت أبدا؟؟؟؟يعني إنت بتعرفي من و أنا صغير؟؟؟؟لهيك بنحب بعض؟
عيون ساي دمعت و رح يبكي
ناروتو:ييي غير السيرة يللا انا تأخرت بدي أروح انام مشان بكرة في احتفال لازم أطلع حلو<<<صدق حالو
صاحب المطعم: بس ما بدك تدفع؟
ناروتو:لا الدفع ع ساي
ساي:مين قال؟
ناروتو:إنت
ساي :إيمت؟
ناروتو:لما كنت مفكر حالك ميت
ساي :ليش الميتين بيحكو؟؟؟
ناروتو:لأ
ساي:لكان شلون أنا حكيت وأنا ميت؟
ناروتو: بس إنت ما متت!!
صاحب المطعم بعصبية:يلللللللللللللللللللللللللللا
ساي :يللا انا رايح سلام
ناروتو:استنى!!!
صاحب المطعم:يللا ادفع
ناروتو :بس هو لازم يدفع
صاحب المطعم:هو ما أكل يللا ادفع
والمسكين ناروتو دفع خيرات الله وتحلف لساي و راح نام و هو يبكي
و عند ساكورا:
كانت ماشية مع وفد نفسيات تعرفهم ع القرية إجو مرو جنب محل أواعي بتشتري منو ساكورا
قال واحد من الوفد:محل أواعي حلوة
ساكورا :شكرا،من هون بجيب كل أواعيي
الي من الوفد:ما كملت،بليق بالمشردين و الحثالة
ساكورا طنفرت بس مجبورة تنفذ أوامر تسونادي
بعد شوي كانو بالطريق ع مقر الهوكاغي
إجا قال نفس الواحد:ريحة عطر حلوة
ساكورا عرفت إنو هي لأنو ما في غيرها حاط عطر
ساكورا :شكرا
الي من الوفد:متل ريحة عطر كارلوس>بعرف مو اسم ياباني الأخ متأثر بالثقافات الثانية
ساكورا :عن جد ؟؟؟أكيد هو شخصية مهمة و إلو مكانة و متل مكانتك و أعلى
الواحد:لا كارلوس كلبي<<<متل المسلسل لما باكون يكون يحط عكر ساكورا نفسو
ساكورا تمنت تنشق الأرض و تبلعها بس وصلو للهوكاغي و ساكورا مشلن ما تتفشش بحدا راحت و نامت
يللا خلص الجزء بدي ردود حلوة لأكمل هاد الجزء ما كان حلو لأنو كنت زعلانة لأنو ما في ردود
و بدي تصويت و تقييييييييييييم وشكرا غلبتكم معي
__________________
رب اغفر لي ولوالدي وللمسلمين والمسلمات الأحياء منهم والأموات
أستغفر الله العظيم وأتوب إليه
اللهم لك الحمد كما ينبغي لجلال وجهك وعظيم سلطانك
لا إله إلا أنت سبحانك إني كنت من الظالمين
|