اقتباس:
المشاركة الأصلية كتبت بواسطة نـاايـومــــي
 أتمنى تتقبلين رأيي بدون زعل..
وبالنسبه لكلام كايدوس ماهو نسب هذا وطنك اذا ماافتخرت فيه
بايش تفتخر ؟
"أنا أفتخر باني سعوديه بنت سعودي
وجد جدي سعودي
وراسي مرفوع فوووووق هام السحب" |
أولا أنا متقبلة رأيك وتفكيرك ..
لكن أسمحيلي أقول انو كلامك خطأ
تدري ليش؟؟
لأنو كل اللي قلتيه مالو أي شيء من الصحة
أنا قلت انو الشي الوحيد اللي ممكن نفتخر فيه هواا الحرمين الشريفين وأضيف لكلامي اننا مسلمين بس
هوا دا الشي اللي ممكن نفتخر فيه ..
أما تقولي نفتخر اننا سعوديين
روحي شوفي وساافري في الدول اللي برااا
أسمعي ايش يقولو عننا
ماشاء الله عالتطور والرقي اللي احنا فيه
سيارات القمامة مكشووفة وبااينة لكل الناس روحي شوفي سيارات القمامة في الدول المتقدمة ..بصرااحة لاتعليق أبداا
ومياه المجاري اللي طاافحة شوارع واركان جدة قوليلي أي تطور اللي احنا فيه ؟؟
والشوارع المكسرة هاادي حتى السياارات لو تلاحظيهاا وهيا مااشية تروح يمين وشماال من سبب الشوارع المكسرة والمطبات العشوائية مافي تنظيم مافي ترتيب مافي أمانة في الشغل أبداااا.. قوليلي بإيش تفتخري ؟؟
تفتخري بدي الأشيااء ؟؟
انتي فخوورة بيهاا ؟؟
وبعدين أنا قلت انو مو الكل اللي كذااا
الربع الوحيد ممكن المهتم بالتطور والحضارة واننا نكون من الدول المتقدمة ,..
أما الثلاث أربااع ...للأسف لاتعليق عليهم وزي ماقال كايدوس ينحطو بين قوسين (************)
وانتي قلتي اني فكرت أبتكر شي ولا لا
ياحبيبتي مو شرط كل وااحد يبتكر شي كل وااحد وعلى حسب ميوله
يعني أنا من ميولي اني أكوون بزنسس وأفتح شركة كبيرة ومن ميولي كماان اني أكون طبيبة وأعمل بكل جهد وإخلاص وأهم شي بأمااااااانة
مو شرط اني أخترع شي كل وااحد وعلى حسب ميوله
بس يكون في تطور في البلد يعني يد بيد انشاء الله راح نبنبي مستقبلناا ونكون من مصاف الدول المتقدمة
وأهم شي والسبب الرئيسي اللي من بعد الله سبحانه وتعالى راح ننجح هوة بالقراااااءة
لازم نقرأ كتير لازم نتثقف
وأنا من اهتماماتي القرااءة أحب أقرأ
يعني مو شرط انك تقولي أبتكرتي شي ولا لا !!
وأنا أخوي ماشاء الله عليه يحب الاخترااع ودايما يخترع وحتى مرة شارك في مسابقة اخترااع
أنا مابأقول كدا عشان افتخار لا
عشان أبينلك انو كل واحد وعلى حسب ميوله ياأختي ...
ولازم يكون في تشجيع ودعم من البيت ومن المدرسة ومن الدولة كماان صح ولا لا !!
وأنا ماقلت انو كل السعوديين بيفتخرو بالماال والفلووس
أنا قلت انو في بعضهم وهما الأغلبية <<أذا سمحتي أقرأي مزبوط وأنتبهي للي بقولو قبل ماتتكلمي
يعني في منهم مو كداا وأنا عارفة دا الشي وأنا قلت انو مو الكل كدااا
لكن الأغلبية كداا...للأسف طبعاا
وأنا أيدت رأي الأستاذ فايد العليوي لأنو كلااامو كلوو وااقعي وصح
وأنا عندي قريبة لياا بتدرس براا وقالتلي عن أجانب كانو بيتكلمو عنننا
لمن شافو بعض من الشباب السعوديين ولابسين طيحني وسلاسل وبيقلدو الزنوج قاعدين يضحكو ويقولو هدول السعوديين متخلفين شوف بس كيف شكلهم يحسبو انو الكل معجب بشكلهم ...
يعني فئة قليلة من الشباب السعودي ممكن يخرب سمعتنا قدام الدول الأخرى
يعني من جد لاتعليق ...
وانتي بتقولي انك بتفتخري طيب ياأختي أفتخري انتي حرة بكفيك
وأنا أقول انو الدولة اللي من حقها تفتخر هياا اليابان والله من حقهم
ومن بعد اللي حصل لهيروشيما والسلاح النووي اللي مااتو الآآآآلاااف بسببو شوفي ماعدا عليهم كم سنة وبنو نفسهم من جديد وأحسن من أول
لأنو كاان في عزيمة في اهتمام بعقلية الطفل في دعم من البيت ومن المدرسة ومن الدولة
وسارت من الدول المتقدمة
أما السعودية ....
لاتعليق أبدااااااااااا
اوك يلا أفتخري بالوضع اللي احنا فيه وأرفعي راسك زي مااتبي لكن كل واحد وعلى حسب تفكيرو وفهمو للي بيسير
وشكرا لك على صراحتك في الرد ...