يوم الاربعاء:
نهى: يممممممممه تكفين ماشريت هديه للفهده خل نروح احنا ثلاثه منب ميتين
ندى: يلللله يمه خلي فهد يحطنا واذا خلصنا جينا
ام فهد: طيب بس لاتتاخرون وانتي يانههووه والله ان سمعت انك مهبله باحد منتيب طالعه طول عمرك
راحو البنات للسوق وهم يدورون راحو لمحل هدايا وشرو منه كل وحده شي
نسايم:وش رايكم نغلفها مع بعض
نهى: طيب بس نغلفها تغليفه على ذوقي
ندى: صبر في عطر فهده كانت تبيه بروح اجيبه عشان نغلفهم مع بعض انتظرو وراحت
وارحت لوجوه
ولقت العامل اللي ماقصر تحفا فيها وهو لبناني الجنسيه وقعدت تسال عن بعض الاشيا وجا واحد من الشباب
ندى: عندكم عطر ستيلا
الشاب: عندكم عطر ايس تي ديبونت
ندى التفتت وعطتها نظره بس هو مغسول وجهه بمرق
وكل ماسالت شي سال
اللبناني: لوسمحت شوف الاخ هونيك فاضي روح الالو اكيد رح يخدمك
ندى عاد السانها لازم يذب كم كلمه: صدق فكنا
الشاب: ايش افكك وبدا يعلي صوته الحين انتي من ساعه ناشبه وتقولين فكنا
ندى ضرب فيوز عندها: ههيييييييييييييييه خير انت ماتدري من يلاحق الثاني
وبدت الطقاقه تحمى بينهم وتجمعو الناس وندى مو راضيه تتنازل والشاب يبي يسوي مشكله
نواف وصديقه بالجهه الثانيه من المحل بس عند قسم بعيد
وليد:شف شف تعال والله فيذاك مطاقه شكلها حاميه
نواف: امش نشوف وش السالفه
وراحو نواف ماعرف انها ندى وبدت ندى تصيح لانها مقهوره ومظلومه وكالعاده اللسانه ماسكتت وهي قاعده تجادل الشاب وهي كانت متغطيه بطرف الطرحه وجها باين بس مو كثير
وعرفها نواف مايدري وش يسوي في الف راي وراي والف فكره وفكره براسه وقطع عليه التفكير
وليد: بنت اللذين حلوه له حق يتبلى عليها
نواف انفقع: انت ماتستحي على وجهك حرام عليك تخيل لوها اختك
ونواف دخل بين الناس ووصل عندها
ندى كانت تتكلم كانها لقت ظالتها: نوااااااااااف تعال شوفه........ وتشاهق ....قاعد يتبلى علي وقام نواف التفت عليها: خلا ص لاتصيحن
الشاب: ماجمع الا وفق هو قالها ولا ماقالها اوووووه
نواف امسكه وبدو مطاق وندى قامت تصيح ازوووووود خلاااااص نواف قم ماعليك منه وخرو عن بعض مااستحملت وطلعت وقعدت تصيح عند واجه المحل دخلو السيكيورتي وفكوهم وطلع نواف وهو معفوووووووس وحالته حاله
يوم شافها راح لها
ندى قامت: نواف عسى ماجاك شي والله هو اللي قعد يغايظني.....
نواف مسك كتفها وقال: والله ان شفتك هايته بالحالك بالسوق لاوريك شغلك وهالغطوه حقت الفقر لاعد تلبسينها تغطي زي الناس سامعه
ندى: صاحت ازود من يحسب نفسه راحت لدوره المياه( وانتو بكرامه) وغسلت وشربة مويه وعدلت نفسها وراحت
نواف جلس مكان ندى وكان شكله معفوس وثوبه مفتحه ازاريره وشعره اللي مطوله عالموضه معتفس
طلع له وليد
وليد: نواف اسف ماكنت ادري انها بنت عمك
نواف: حاط يده على جبينه
والتفت وقال حصل خير
وليد: طيب وينها؟؟
نواف: راحت بقريح اللي مايحفظها هاوشتها خليتها تعرف الادب
وليد: والله انك غبي هذي بنت عمك مفروض انك هديتها وخليتها ترتاح انت ماسمعت اللبناني حق المحل وش قال شهد انها ماسوت شي تقوم تهاوشها والله حرام
نواف: ندم قد شعر راسه
وليد: انا بطلع
نواف كان مو معاه دخل للمحل وقال للبناني
نواف: الزبونه اللي كانت تو هنا تتهاوش ايش كانت بتشتري
البناني:مسكينه هيدا ابن الحرام بدوه ضرب
نواف اسكت لاتزيدها علي
اللبناني: طلع العطر : هيدا هو
ندىراحت لنسايم ونهى وقالت لهم انها مالقت العطر وكملو تغلف الهديه وراحو وهم طالعين كان نواف بعدهم وشاف ندى وعرفها من اطراف عبايتها الحمرا
ندم دبل الندم اللي كان نادمه وبعد ماجت بلحالها يعني كملت انت غلطان على البنت يانواف
ندى لمى ركبت السياره كانت ساكته ومنقهههههره بقوووووه وصلو ونزلو استقبلتهم فهده وندى راححت على طول عند المرايه عشان تعدل اللي اخترب من مكياجها وسلمو وجلسو يسولفون لحد مايوصلون البنات الباقين
ــــــــــــــــــــــــــــــــــــــــــــــــــ ـــــــــــــــــ