في الممشى عبد العزيز ومشعل يتمشون ومشعل طفش من سكوت عبد العزيز
مشعل: ياخي قل شي لساني اوجعني من كثر البربره
عبد العزيز ابيتسم: وش اقولك يعني
مشعل: ياخي لاتذبحني عندك جامعه تدرس فيها وعندك دوام مع عماني وعندك اخويا لاتقول وش اقولك
عبد العزيز: سكت
مشعل: شف موب هذاك عمي سلمان وحمد بعد
عبد العزيز : الا
مشعل صدق طفرر منه
وراح وسلم عليهم وجلسو يسولفون ويدردشون
حمد: عبد العزيز كيفك
عبد العزيز وهو يناظر بنظرات عميقه: بخير
مشعل: وش عندكم هايتين بالشوارع
حمد: فهيده مسويه عيد ميلاد وطاردتنا
عبد العزيز رفع عينه وحمد لاحظ بس سكت وكمل
: وقلت خلنا ادوج مع عمي اوريه الدنيا من بعد ماراح وش صار
مشعل لااااااااهي قاعد يبلتث (يعني يرسل ويستقبل من البلوتوث)
وسلمان يطل بالجوال
حمد: يالمراااهقين وش تسوون
سلمان: ياناس ابي من هذاا ياشر على الجوال
عبدالعزيز رفع حاجبه انتو برى ماعندكم
سلمان: الا بس محد يشتريه وانا قلت بكشخ وشريته وكل ماسويت بحث ماطلعلي احد بعته وشريت هذا
مشعل : اللي برى عمليين موب زينا متسدحين عند المكيفات
سلمان طلع جواله ودق
ترن ترن
:سلمان: الو
فهده: هلا
سلمان: وش ذا الخيانه قولي عمي مسيكين يهنئنني شي بس جحده
فهده: حرام عليك لاتفهمني غلط بس هذي حفله بناتيه. يعني مالك داعي افهم
سلمان: وانتي وهاللسان ماتبتي تأدبي
عبدالعزيز سحب كرسيه وقرب حمد مطير عيونه وشسالفته هذا حمد يفهم عبدالعزيز من نظرته وهم دايما مع بعض
فهده: اخلص ترى ورانا رقص وهبال باي وسكرت السماعه
سلمان: افاااا باي
ــــــــــــــــــــــــــــــــــــــــــــــــــ ـــــــــ
في بيت ابو فهد
الجده والجد
الجده طاااااالعه معصبه ماااااااااااااااره وحالتها حاله وفهد كان بوجهها وهي تمشي بسرعه وتتسند على عصاتها
و وراها شغالتها بشنطتها
الجده: فهد ققققققققققووووم ودني لبيت عمك بو حمد
فهد: بسم الله فذالليول انت اصلا وش مقومك
الجده: قم لااروح بلحالي
وقام فهد وداها وهي بالطريق تصيييح وحالتها حاله
فهد: يمي ساره وش فيك قوليلي
والجده: سسسسسسساااااااااااااااكته مافيه صوت غير صياحها
وصلو البيت
وفهده والبنات موسعين صدورهم على رقص وغنا وهبال
الجده: دخلت بندفاع وراحت للمطبخ ورقت فوق للصاله اللي فوق ولقت ام حمد جالسه
ام حمد: هلا والله خالتي وش فيك
الجده: وش اللي موب فيني اذا هذي هي علومه
ام حمد وش صاير قولي روعتيني
الجده: اجل حمد بعد هالعمر بيعرس علي وتصيح وتكمل قال ايش بخليها ممرضه بعرس عليها كذا ينصب علي وتصيح وتشاهق كنها بنت امس
ام حمد كاتمه الضحكه وف نفسها هالشيبان مايتوبون:
افا هذا علوم خالي ماهقيتها وانت ياخالتي وش قلتي له؟؟
الجده: قلتله يطلقني بشوف حياتي مابقى الا هذي
ام حمد ماقدرت تمسك نفسها:هههههههههههههه
الجده: لاتضحكين وانا صادقه عندربي
ــــــــــــــــــــــــــــــــــــــــــــــــــ ـــــــــــــــــ
البنات تحت رهف: فهيييييد ماعندك سامري
فهده: عندي نحمد الله
رهف: عز الطلب روحي جيبيه
فهده: مااالي نفس روحي انتي
رهف: فيه احد فوق
فهده:لا بس امي
رقت رهف الدرج ويوم دخلت الصاله لقت جدتها واستغربت
رهف: هلا امي ساره وش خبارك
الجده: سفهتها
ام حمد: وش عندك رهف
رهف: ابد ابي اجيب اشياء من غرفه فهده وهي تاشر يعني وش فيها
ام حمد تغمز لها روحي ماعندك احد الا وش اخبار عبير
رهف: بخير غثتنا هي والحمل
ام حمد : الله يعين
رهف: عن اذنكم وراحت
ونزلت بنااااااااااااااات تدرون امي ساره فوق
فهده: ياوييييييلي اكيد كشفت خطتي
رهف: لا زعلانه وحالتها حاله
البنات:::؟؟؟؟؟؟؟؟؟؟؟؟؟؟؟؟؟؟؟؟؟
مشاعل : يمكن طفشت وجت هنا
نسايم: وييييييين مصدقه امي ساره الساعه تسع تشخر
ندى ساااااااااكته وتناظرهم
ــــــــــــــــــــــــــــــــــــــــــــــــــ ـــــــــــــــــــــــــــ
الجد تحسف انه قالها هذا الكلام هو يمزح ولوهو فيه شده عرس
ومايدري وين راحت يدق على جوالها
الجده: طلعت جوالها برنس وحاطه فيه ميداليه ومكشخته وشافت رقمه : مالك الا السفهه ياولد لطيفه
والجد يدق ويدق ولا احد يرد
دق على فهد اللي راح عند الشباب وعمك اصمخ مايرد لان الجده محلفته مايرد
مشعل: تراك غثيتنا انت وجوالك رد ولا قفله
فهد: ودي بس مااقدر
عبد العزيز : ليش؟؟؟؟؟؟؟؟؟
وكل الشباب زاد عندهم الفضوول
وقالهم فهد السالفه
حمد: ياحليلهم هالشيبان هههههههههههههه
سلمان: والله امي مب هوينه
حمد: وفهيده طالعه عليها الله يعين اللي بياخذها
وجلسو يسولفون
ــــــــــــــــــــــــــــــــــــــــــــــــــ ــــــ
في شوارع مدينه الرياض كان يدووج وطفشااان حالته حاله ناظر الساعه 11 مالي الا اروح اخمد في بيتنا خست من ثلاث الين الحين
ــــــــــــــــــــــــــــــــــــــــــــــــــ ــــــــــــــــ
نسايم وندى ونهى بيطلعون لان الكل راح ومابقي الا هم والعنود
نسايم: عنوووووووده تعالي بنوصلك
العنود: ليش لا يلا
فهده: ندوش وش فيك اليوم هاديه وين لساانك
ندى تبتسم تسكتها يعني: مافيني شي بس فيني النوم
نهى/ فهده اذا عرفتي وش فيها امي ساره قولي لي
فهده: ابشري رويتر ابنشر الخبر
وسلموا وطلعو
نهى استغربت بالفان ندى ماعمرها ركبت ورى دايم طقاق هالمره ركبت ورى من دون أي نقاشات
وجلسو يسولفون يوم وصلو كان نواف توه واصل العنود مانزلت بسر عه سلامات وسواليف ماتخلص جا نواف وطق الشباك على السواق
نواف: هلا باشا كيف حال انت
باشا: كويس
وراح ومن باب الميانه المعهوده فتح باب الفان وش اخباركم بنات
نهى: بخير نسلم عليك وش اخبارك
نواف يناظر ندى: بخير
العنود: ايا يالسوسه تستغل فتره خروجي وتروح لوجوه بلحالك ماهقيتها عطني الكيس بصادر اللي فيه
نواف: اتحداك
العنود: بدفاشه سحبت الكيس وخذته وشهقت ونواف يحاول ياخذ الكيس
العنود: نوااااااف وش ذا
نواف: وش دخلك؟؟؟؟؟
العنود طلعت اللي بالكيس وطلع العطر نفسه الي كانت بتشتريه ندى
ندى: انصدمت ومبين على شكلها والحمد الله انها ورى
العنود: اعترف شاريه للمين وليش ومتى
نواف نرفز وقرب وياليته ماقرب بين شكله
العنود:هييييييه من الليي سوى فيك كذا
حوسه الطقاق مازالت على حالها وندى كل مالها وتندهش وش صاير
نواف : هييييييييه يالدبه جيبيه ومالك شغل
العنود: نواف علينا ش جايك اعترف
نواف: خذى الكيس وراح
وندى مصدووومه وكل الافكار براسها تدور وش السالفه ليش كذا وش خلاه يشتري العطر و ووووو