اسمحيلي احكي بالعامية لانو مسطلة شوي 
بتعرفي حبيبتي وين المشكلة بقضية القدس بشكل خاص وفلسطين بشكل عام انو في جهل كبيررر بالقضية
بتنصدمي انو في جزء مش بسيط من الناس ما بعرفو اشي عن فلسطين وقضيتها الا شغلتين :
الفلسطيني باع ارضو والفلسطينية اصولهم ولحد الان ولاد خيم ومخيمات << وبتمننو عالفلسطينية بهالحجج شوفي التناقض بهالمعلومات اللي جيل ورا جيل من المختلين عقليا عم بتوارثوها ,, وطبعا الفضل كلو برجع للصهاينة لانو هدفهم الاول والاخير كان ارض فلسطين يعني لا هدفهم نفط ولا هدفهم موارد لاااا
الهدف هو تهجير الفلسطينين ونهب الاراضي والبيوت والاموال ,, وكيف هدفهم بدو يتحقق باخفاء دولة كاملة بشعبها واصلها وتراثها؟؟؟؟؟ :77:
اول اشي بيخدرو العالم بقضية المحرقة وبعد المحرقة كل مالاعلام العالمي يلقي الضوء على قضية فلسطين متل سنة ال2000 وقت انتفاضة الاقصى بدا العالم يصحى بس فاعت قصة وصور محمد الدرة وايمان ,,, عالسريع كان رد الصهاينة بتفجيرات اميركا لسحب الاضواء كليا 
واللي بستغربو في ناس عرب صدقو اللي صار مع انو في ادلة كتير بتدل على غباء الحدث بس صدقو تاني اشي بخدرو باقي العالم انو فلسطين ما كانت موجودة او بالاحرى كانت بدون شعب او عمار الا العرب المتنقلين اللي باعو اراضيهم وراحو على مخيمات الدول المجاورة << كيف صارت ملايين باعو اراضيهم وسكنو بمخيمات "طبعا الجاهل اللي بدو يصدق لانو اكيييد ما رح يعرف يفرق بين المهجرين بالغصب من بيوتهم بالنكبة "اللاجئين" وبين باقي الفلسطينين غير المهجرين اللي تغربو للعمل او غيرو متل اي شخص عربي وفي كتير ما بعرفو انو فلسطين كانت عمرانة وفيها متاجر وبنوك ومقاهي وموانئ تجارية قبل نكبة ال48 بعقوووود وهاي الصور اللي بتسرقها اسرائيل وبتعمل انها صارت بعد ال48
تالت اشي عم بسرقو تراثنااااااااا يا عالم الصهاينة عم بلبسو لبسنا الشعبي وبعرضو فيه ازياء باوروبا وبلبسو الحطة تاعتنا "الكوفية" بس نقشتها بتختلف انها على شكل نجمة داوود 
وبعملو انها تاعتهم ,,, حتى دبكتناااااا عم بدبكوها بحفلاتهم طبعا شو النتيجة؟ انمحى كل شي فلسطيني اراضي وتراث وفلكلور يعني ما في فلسطين وهاي هي اسرائيل والاغبى من هيك بطلعلك واحد جاهل بنهق وبقول على فيديو دبكة فلسطينية عاليوتيوب مثلا: ""مفكرين حالكم حررتو فلسطين بهالرقص شعب فاشل وهمو الرقص ,, بدل ميتبرعو لاخوانهم بفلسطين "" ^44^ ^44^ 
تراثنا صار رقص
مين قالك يا ابو العرّيف انو الفلسطيني المقتدر بالخارج وحتى الداخل ما بتبرع لشعبه واهله واخوانه بفلسطين؟!!!!!!!! ولا لازم كل متبرع بقرش ينشر عالاخبار :00: ااااااخ بس
<<< ما ضيع فلسطين غير هالاشكال اللي بتتخوت شوفي الصهاينة كيف عم بسرقو كل شي وبعرضو عالعالم,,, واحنا الجهلة اللي عنا اللي مفكرين حالهم حررو فلسطين بتخلفهم بس شاطرين بالتعليق على تراثنا اللي منفتخر فيه وشاطرين يركضو ورا الفضايح ويحولو اي اشي لرقص او نساء او شهوة "اتق الأحمق أن تصحبه إنما الأحمق كالثوب الخلق كلما رقعت منه جانبا صفقته الريح وهنا فانخرق" وعم بخرقو تاريخنا معهم هالحمقا هاد الشخص الجاهل عامل اساسي بضياع القدس وفلسطين وهو مش عارف والمشكلة خيتي لو تعطيه بارودة بروح فيها ما بعرف بوزها من ايدها طيب بهاي الحالة كيف بدنا نلوم الاجانب انهم مو واقفين معنا اللي مابعرفو غير اشي اسمو اسرائيل وتاريخها وتراثها وفلكلورها ؟؟ ليه ما نلوم الاقرب اللي المفروض يعرفو؟؟؟ رابع اشي عم بهودو المناهج وبعملو على تهويد مقدساتنا التاريخية والاسلامية بغيروها لاسماء عبرية وبضموها لاسرائيل والمشاكل كتيرة متل الحرم الابراهيمي بالخليل بئر وقبرسيدنا يوسف عليه السلام بنابلس مسجد بلال بن رباح ببيت لحم و و و و و القائمة طويلة على فكرة في "مشروع مدرستي فلسطين" :ht: عم بحارب هالتهويد داخل مدارس فلسطين وخامس اشي الفتنة برا فلسطين وجواها اكيد همي معروفين بهالشغلة بامتياز وباخدو وسام الشرف وخلينا نعترف بصدق انو قبل ال48 عملو زعزعة بين الفلاحين والمدن بفلسطين وهاد ساعد عالنكبة وهاي غلطة من اغلاطنا والمفروض كان تعلمنا منها بس للاسف تكررت ,,,,المفروض هلا ما نفرق بيفلاح ومدني وبين حماس وفتح وبين نابلسي وقدسيو فلسطيني وغير فلسطيني المفروض عقولنا اكبر من هيك وكل الناس خير وبركة وبكل شعب فيه المنيح والمش لاااااااازم نكون ايد وحدة هون بيجي دورنا احنا المفروض ننقل هالتراث والتاريخ والفلكلور وصور فلسطين القديمة للعرب وغير العرب المثقفين اكيد ,,, يعني الواحد يعمل اقل اشي ليحفظ تاريخ بلدو من الطمس صح ولا لا؟ ومتل مهمي عم بعملو خلينا نرد عليهم بما انو اللي متلي ومتلك ما في بايدنا نعمل اشي؟؟ انقلي تراث بلدك للعالم وهاي النت مفتوح باوسع ابوابه دورّي فيه
لو كل واحد فينا تبنى اشي ليدافع عن بلده بطريقتو ان شاءالله ما بتتهود
:ht: :ht: فلسطين :ht: :ht:
وان شاءالله النصر قريب
تحياتي .gif "thanks")
واسفة عالاخطاء الاملائية واللغوية والنحوية 