عيون العرب - ملتقى العالم العربي - عرض مشاركة واحدة - اخوان حنا لو يجي بيننـا شيـن ومـا نفتـرق دام المحبـه نديـه << الصداقه

**A t h E e R** · #1 09-06-2010, 01:20 AM


	الصداقة هي عقل واحد في جسدين... إليكم هذا الشعر مرررررررررررررره حلو نزعل ونتكبر وحنـا مـن الطيـن والكل منـا صـد لا اقبـل خويـه نفخر نقول انا على الصد قاويـن وهي علينا فـي الحقيقـة قويـه نشفق على الطيبة وكسب الكريمين وهذي بنـا لا شـك فعلـه رديـه ننسى نهايتنا وعلى وين ماشيـن وننسى الزمان اللي جمعنا سويـه المشكله ماهي بحاجـه لتخميـن ولاهي بعد يا ناس صعبه القضيـه دق الرقم كيفك هلا فيـك واهليـن انا الخوي اللـي مزعـل خويـه قله تغيب وصورتك داخـل العيـن ويبقى لحبك فـي خفوقـي بقيـه اخوان حنا لو يجي بيننـا شيـن ومـا نفتـرق دام المحبـه نديـه خلك قوي لا تحتكـرك الشياطيـن قبل الفوات وقبـل وقـت المنيـه كلم خويك باطيب الهـرج والليـن واعرف جميل الهرج يمسح رديـه هذي هي الدنيا من الحين للحيـن لا بد بين الناس تحصـل خطيـه ومن لا يقدر غلطة احبابه الحيـن يقرأحروفـي ويعتبرهـا هـديـه باكر تمر سنين وسنيـن وسنيـن والكل يرحـل فـي دروب المديـه صدقني تندم واذكر حروفنـا زيـن تندم على خلـك اذا غـاب ضيـه دنيا غريبه واكثر الناس ماشيـن وكم صاحـب والله دفنتـه بيديـه