يابه بس اكول فوتو ولد وبنات واشبعو ضحك عل
شد الولد منظومة وستلم اشــارة ****وطــار من الفرح او وزع بشارة
سوه فورمات للحاسبة وعرف الديلنك ****نوبة النت يمه ضـعيف ونوبة طيارة
فتح ماسنجره وتلقى التـهاني ****واحبك موت خــلاها العبارة
دخل جــات ومنتدى ولطش على بنية ****بت محافظته العزيزة وربع ساعة بالسيارة
برسالة خاصة لو بالخاص كام يدك نـاعم ****واجيبك للدرب هذا شـعاره
البنية ادوهنت وكــالت هذا خوش وليد ****ولزك من الصبح لليل وهي محــتارة
وكالعادة ممكن نتــعرف انه من محافظتج **** اي ممكن. نشنش الولد وطكله جكارة
كاللهه انه طالب وسيارتي بيجو 2006 **** وبيتي دبل فاليوم عبالك عــمارة
عجبني اسلوبج بالحوار وشخصيتج الفذة *** واسمج بعد احلى كله حب وشـطارة
وماطولها عليكم صــارت ميانة **** وحبهم المايكروسوفت وصلت اخباره
يكلهه احبج وحبج ما ينوصف وصفا ****وهي تكله اسكت من اشوفتك كلبي يفتح ازراره
كاللهه شنو نقالج اسيا لو عراقنا لو اثير****حتى واحد يتصل بالاخ ونقوي العـلاقة
خطية البنية على نياتهه وتعلقت بي **** وصارت مكابله الحاسبة وتلزم خـفارة
هسه يدخل بعد شوي يدخل وهو مــاكو****تتصل بي يسد التلفون وشغل الحقارة
ذاك اليوم دخل وكالتله شنو نـهايتنه **** ويمته تخطبني ونزوج ونعلكها بالــحارة
كاللهه سكــتي انه مدمر وحالي بالضيم **** كالت شبيك مريض سويلك جـارة
كاللهه لا حــبي مو شغلت مرض كالت ****شنو? كال ابوي جبرني ازوج بت عمي سارة
__________________ |