 نصيحه
يقول طاوعني ولا تجيب سيره
ابنصحك يا عل في الامر خيره
طوف علشان اتعدل امورك
وجامل خصوصا فالامور الكبيره
وسولف مع هذا وهذا وهذا
وحتى اللي مايفهم بشي استشيره
رفع لخلق الله وضبط معاهم
الدنيا حرب اختار دورك وصيره
اما تكون سلاح والناس هذي
ذخيرتك والا تكون الذخيره
ونافق شفيها ياخي لما تنافق
لا اول ذنوبك ولاهي الاخيره
واكذب يا عمي اصلا الكذب متعه
يكفيك من شره ويعطيك خيره
واذا بلاك الله بقول الصراحه
قول الصراحه فالامور الصغيره
ازعجتنا بالصح والحق والصدق
الصدق ما ودى هل الصدق ديره
وخلص كلامه صاحبي وانا ساكت
ومن عقب ذاك اليوم صاحبت غيره
__________________ الصاحب اللي كان مشغلني برد الأسئله00؟؟ حتى سكت00!! وبعدها صار السكوت أفضل جواب ماهو غرور ولاتواضع كل ما بالمسأله00؟؟ ياصاحبي أني رفضت اضرب لغير الله حساب000 طرد السرآب لمن يحسبه ماء ماهي مشكله00 المشكله طرد السرآب لمن يعرف انه سرآب 0 |