| وهـ بس فدييت حاآآمد وشعرره..
خوالها واعمامها من جده
وش جابها للشرق والمرباعه
لا هيب مختاره..ولا محتده
حظي زرعها بالطريق زراعه
دايم كذا يلعب على المرتده
ومشرعٍ قلبي على مصراعه
لو ان حظي شخص..كان أهده!
وان اتصل..بسكر السماعه
الله يادار الرخا والشده
لا فيك لا برقع..ولا دراعه
بناتها غير البنات برده
الطايشه مع طيشها طماعه
لا حبتك لازم تكون بشده
جاهز لها على مدار الساعه
واللي يسوي شي ماهو قده
كنه يشب القاز بالولاعه
والبنت هذي بالحشا من مده
من يومها ترضع..من الرضاعه
لا صوبت..مافيه جمب القده
تعرف خريطة خافقي واضلاعه
يكفي شعرها ماتطول..تكده
كنه عباة الراس عـ/ الشماعه
مديت قلبي..وأفسقت بالمده
خلت ربع..وأخذت ثلاث أرباعه
ماهو عشان المستهيم ووده
عشان اذا ملت..تغسل شراعه
أحبها من كل عرق..و غده
واذا سمعتوها ماهيب أشاعه
وان وقفوا كل الخلايق ضده
عناد فيهم.. زدت سمع وطاعه!
قولوا وقع في حب..ماهو بقده
من شافها حتى قيام الساعه!!
__________________ أستبدل كلمة ( أف حر ) بـ : إلهي إني أعوذ بك من نار جهنم فهي أشد حراً
 |