الجزء العاشر

الشباب قاعدين عالبلكونة والبلكونة خلف الشاليه ,, جراح : اقول احمد .
احمد : سم جراح .
جراح : ابي اروح اسوق دباب ,, شرايك تجي وتسابقني ؟
احمد : اوك .
طلعوا الاثنين وكان الوقت ظهر والشمس ساطعة بقوة وهذا الوقت اللي اختاره جراح عشان ياخذ راحته بعيد عن البنات .
,,,,,,,,,,,,,,
في صالة الصبايا الملونة


اريج تطالع فيلم رومانسي ومتنهدة على مركه وتاكل فصفص ,, اما اريج تسولف بالشات ,, حياة نايمه والكتاب مفتوح بوجهها ,, اما الهنوف كانت في المطبخ تاكل ايس كريم الي من يد الخدامه ,, كانت تفتح فمها على اخر عشان الايس يدخل ,, وكأنها طفل ,, كانت تطالع قبالها ,, بس ماتشوف الناس ,, رن جوال اريج واتجهت تفتح غرفة البنات عشان مافيها احد وتاخذ راحتها مع المتصل ,,, قامت حياة وهي تشوف عقرب الساعة عند اي رقم ,, اما ام طلال وام دانه فكانوا عند مسبح الاطفال يسولفوا والظاهر بيضربو بعض من الانسجام ,, دانه في غرفتها تنوم ولدها بيبرس ,, الهنوف بعد ماخلصت ,, جابت الخدامه منديل مبلل بموية ومسحت الاثر حول شفايفها ,, طبعا مافي فرق بين الايس كريم الفراولة وبين شفايفها ,, حست الخدامه انها قطعت شفايفها وهي على بالها ايس كريم الهنوف ,, قررت الهنوف انها تطلع برى والخدامه معاها ,, طلعت وعرفت ان الوقت ضهر لان الشمس فرن عالمنطقة ,, رن جوالها وردت : الو .
مي : شلونك الهنوف ؟
الهنوف عند حافة البلكونه : بخير ,, شلونك ؟
مي : انا عن نفسي ,, الحمد لله ,, توني ادري ان الجنس الاخر طيب وحنون عالمرأه .
الهنوف : ليش ؟؟؟ ومن قالك ان الرجال قاسي ؟
مي : والله هذا اللي اشوفه بالقصص ,, بس تصدقي ,, طروق ماقصر معاي حتى السفينه شراها لي وكتبها بأسمي .
الهنوف دمعت لحظ صاحبتها : الله يخليه لك .
مي : وعقبالك يالهنوف .
الهنوف : شلون الاستاذات ؟؟؟ للحين تكلميهم ولا مقاطعتهم ؟
مي : اوفففففففف ذكرتيني بمعاناة المتعسة الله يخسها .
الهنوف : المتعسه !!!!!!!!!!!!!؟ هههههههههه.
مي : الله ,, من زمان ماسمعت الضحكة الحلوة .
الهنوف : طيب شلونك مع زوجك ؟؟؟؟ اكيد تذبحيه بالدلع الزايد .
مي : هو يذبحني بالدلع الزايد مو انا ,, وبعدين انا من حقي اتدلع .
الهنوف : من حقك مشالله عليك ,,, بس ماعلق على قصرك ؟
مي : لا ياحبيبتي هو يموت بالقصر لانه طويل وهو مايحب البنت اللي اطول منه ,, يبي هو اطول منها .
الهنوف : هههههههههههه,, الله يخليكم حق بعض .
مي : امين ,,, عصفورة ,,, انا مضطره اسكر .
الهنوف تغمز : جاء حبيب القلب !!!!!!!!!!!؟
مي : وياعمري هو فديته فديت حنانه وووووووووووووووه بس .
الهنوف : ههههههههههههههه,,, يالله باي .
مي : باي .
لما سكرت الهنوف ,, طلبت من الخدامه تدخلها ,, دخلتها عند الحريم والبنات موجودات ,, جلست على اقرب كرسي لها ,, ام طلال تطالع فيها وكأنه معجبه : بنتي ,,, جوعانه ؟؟
الهنوف : لا ياخالتي ,,, انا توني ماكله ايس .
ام طلال : شتبين باللي يخلي اسنانك تتسوس ,,,, كولي فواكه احسن لك .
الهنوف : اصلا الايس فيه كالسيوم .
ام طلال : كالسيوم ,,, هذه حجتكم في الايس ,, عالعموم بالعافيه .
الهنوف : الله يعافيك .
اريج قعدت جنب ام طلال : يعني من شاف احبابه نسى اصحابه ؟؟
ام طلال : ومن اللي قال اني نسيتك ؟
اريج : بصراحة : كلما تشوفي الهنوف تنسيني وكأن من زوايد الحب مو مقصدها !!!!!!.
ام طلال : اقول اعقلي عاد .
ام دانه : خليها ,, خليها هي وعقلها اللي كأنها ام سبع سنين .
الهنوف : خالتي .
ام طلال : عيون خالتك .
الهنوف : ابي اطلب منك طلب .
ام طلال : طلباتك مجابه ,,, ايش تبين ؟؟
الهنوف : ممكن اخذ جوالك ,, لان فيه اناشيد حلوة .
ام طلال : طيب ,, بس شلون بتشغليه ؟
الهنوف : عندي خدامتي اللبنانيه .
ام طلال : طيب ,, خذيه .
طلعت الهنوف مع الخدامه شاديا واتجهوا لملعب البنات ,,, حطت السماعة عند اذانها وضغطت لها شاديا على انشودة لولا الامل
لما سمعتها ,,, ذاب قلبها للحن الحنون ,, حست ان المنشد يواسيها ,, صحيح انها بعالم من السواد ,, بس يكفي لحن الانشودة يخليها تحس انها على ثيل ,, تحس انها وصلت لوسط القطعة الخضراء ,, تحس انها القطعه الخظراء تشيلها وكأن الثيل غيم ,, كانت لابسه بنطلون سماوي وبلوزة صفره كلها لمعه بيضه ومسويه بشعرها ذيل حصان ,, تمشي وهي تحن لايام النظر الطبيعي ,, حست انها وحيده ,, حست انها عاشت في عالم اخر " ياترى اللي صار لي امس حقيقة ولا خيال ؟؟؟؟ معقولة فارس احلامي ركبني الحصان ؟؟؟ ولا ووعد نفسه انه بكون له ؟؟؟ معقولة ولا قاعده اتوهم ؟؟؟ هذا اكيد جني ,, لان الجني يتلبس على هيئة انسان ويسوي نفسه رومانسي ويخلي البنت في عالم اخر ,, لالا جني "
نادت الخدامه : شاديا .
الخدامه اللي جالسه عالدرج بعيده عنها تتأمل الثيل ولما سمعت صوتها اتجهت لها ركض : نعم مدام .
الهنوف : تعرفي وحده تقرى رقية ؟
شاديا مستغربه : ليش ؟؟؟؟
الهنوف : شاديا ,,, انا حاسه ان فيني جني ,, وهالجني مايجي الا لصرت لحالي ,,, لما طلبت من الخدامه موراس انها تتركني ,, تركتني ولحظتها حسيت بجسد جالس جنبي ويسمع كل كلمة اقولها وانا على بالي قاعده مع اريج ,, وصارت فيني للمره الثانيه ,, نقلتني الخدامه للمسبح بس استغربت ان المسبح دخل فيه واحد ,, لحظتها تأكدت انه جني بس حبيت اجاريه .
شاديا : والله يامدام انا مبعرف ولا وحدي بتعرف رقية ,, بإمكانك تحكي اللي صار معك مع بيك ,, اما انا مبئدر افيدك بشي .
الهنوف : انتي عارفه ابوي ,, فيه السكر وانا مابي اخوفه ,, تكفين ,, دبريلي اي وحده .
شاديا : حاظر مدام .
الهنوف جت بتطلب منها تروح بس خافت يجيها وفمنعت افكراها تصيطر عليها ,, نادت الخدامه : شاديا ,,, حطيلي قران .
شاديا : حاظر ,,, بس يامدام والله مابصدئ كل كلمة ألتيها .
الهنوف : شاديا ,,, انا ابي ابعد الافكار الشيطانيه عني ,, والله خايفة ان فيني جني وانا مدري ,, وسبحان الله ,, مايجيني الا اذا كنت لوحدي .
شاديا : طيب ,,,, انتي حسيتي بعوار براسك او ايدك بارده ؟
الهنوف : ليش ؟؟؟؟ شدخله ؟؟؟
شاديا : مدام ,,, ازا فيكي هالشي تأكدي ان اللي بداخلك جني .
الهنوف تتحسس يدها بس يدها درجة حرارتها معتدله : يدي ساخنة .
شاديا : صار معك شي ؟
الهنوف : قلتلك يدي ساخنه .
شاديا : طيب شو العملل( سكتت لما شافت شخص يأمرها ماتفضحه ) ؟؟
الهنوف : شادو ,,, شفيك ؟؟؟
شاديا تطالع طلال وهو يأمرها انها تنفي وجود احد هنا : لا مابني شي مدام ,, بس عن ازنك .
الهنوف : شاديا ,,,, تكفين ,, لاتتركيني .
شاديا : وليش ؟؟؟
الهنوف : اخاف الجني اللي حسيت فيه امس وقبل امس يطلع لي الحين .
شاديا عرفت ان الجني طلال : ايه بس في جنيات كتير ضريفين .
الهنوف : شاديوه ,,, بلا استهبال وتعالي هنا .
شاديا تطالعه وهي يبتسم لكلامها : ايه بس انا كتير مشغولة ,,, خليها لوأت تاني .
الهنوف : شاديا ,,, لاتتركيني .
شاديا تركتها : عن ازنك.
الهنوف نزلت دموعها : شاديا ,,, لاتتركيني ,,, والله اخاف من ان الجني يطلع لي الحين .
التفتت بتدور مخرج ورفعت يدها بس يدها صدنت صدر شاب لابس تيشرت فسفوري وبخوف : يمه !!!!!!!!!!!
طلال ابتسم لخوفها ,, الهنوف تحاول تلمس شي يدلها على انه جني او انسان ,,, طلال حب يخوفها ,, طلع من جيبه اسنان التركيبه تبع الوحوش وركبها بأسنانه وقرب ليدها وعضها ,, الهنوف بخوف : يمه !!!!!!!!!!!!!!!! هذا جني زي متوقعت .
قرب لها : هلابك يالجنون .
الهنوف : نفس الصوت اللي سمعته امس وقبل امس ,,, ابي اعرف ياجني ,,, شتبي مني ؟؟؟؟
طلال : ابي بوسه !!!!!!!!!.
الهنوف : هاا ,,, شقلت ؟؟؟؟
طلال ابطى بالكلمة : بوووووسه .
الهنوف تبي تستطره بس بعده عنها اسرع من سبقتها عالسطره ,, الهنوف : يمه !!!!!!! هذا جني .
طلال : لو صارختي او فكرتي تسوي شي !!!!! لخلي عيونك حمره .
الهنوف : يعني شسوي ؟؟؟؟
طلال : ابيك اذا جلستي مايكون معك احد ,, عشان اعرف كل تفاصيل يومك واسرار قلبك ,,, فاهمه ؟؟؟
الهنوف : طيب طيب ,,, بس لاتسوي فيني شي .
طلال : ابشري ,,, انا رح اطير للخيال ,,, باي .
الهنوف : تطير في الخيال !!!!!!!! انت جني ولاايش سالفتك ؟؟؟
طلال : انا مو جني ,,, انا روحك طلعت منك وتبي تقعد معك عشان تعرف ايش الاشياء اللي تسويها من وراه .
الهنوف : طيب ,,, مارح اقول لاحد .
طلال : انتي الحين ,,, اوك .