بسم الله الرحمن الرحيم
الجزء الاول 1....

العم سالم شخصيه عنيده وقاسيه لابعد درجه مافي قلبه ولا ذره رحمه توفى اخوه بدر واخذ بناته الخمس وسكنهم معه هو ويا زوجته دايم سكران وهاذا الشي مايعرفه الا البنات وزوجته
زوجته بدور انسانه في قمه الحقاره والنذاله تكره شي اسمه بنات بدر غيوره حقوده ماتحب غير نفسها
بنات بدر وبطلتنا هوم ...
نجلاء اسم على مسما عيونها تطيح الطير من سماه خشمها سله سيف سمراء مايله للبياض عمرها 23 متخرجه من الجامعه وكان تخصصها اداره اعمال طيوووبه من يوم كانت صغيره اهي الي تهتم في خواتها
الهنوف مدلعه نفسها بنفسها بيضاء رويانه شعرها كيرلي
عيونها واسعه عسليه واثقه من نفسها الي يقول لها كلمه ترد عليه بعشر عمرها 20 مادخلت الجامعه بسبت النسبه ضعيفه
رنا طيووبه وفي حالها نعومه وتحب تكتب شعر بيضاء شعرها نااااااااااعم يوصل لاكتافها ولها غمازه في خدها عمرها 17 ثاني ثانوي علمي
سمر توام رنا تشابه رنا في كل شي الا الطبع مرجوجه وتحب تضحك دايم والكل متوذي منها ومن مقالبها وهي ادبي مو مثل رنا علمي لانها مو يم دراسه ابداا
غلا اصغر وحده وهاذي هي الي وامها تولدها توفت داااايم الحزن في عيونها لانها تشوف البنات الي في نفس عمرها عندها اوم وابو وهي ماعندها جذااااااااااابه حيل ولها شامه في رقبتها مخليتها وااو عمرها 15

*******
نجلاء وهي تدخل غرفة رنا وسمر :رنو سموور لي مانتو يلا على النوم
سمر : نجول فديتك ساعه بس ابي اكلم جوان على المسن
رنا : شوي نجول بصلح حواجبي شوفي وش قايله
نجلاء :سمر الحين بيجي عمي يذبحك صكريه احسن لك
سمر مدت بوزها:ماعليه بقفل الباب ولا راح يعرف اني مابعد نمت
نجلاء: نص ساعه اجي القاكم نايمين فاهمين
سمر :اووف نجلاء الساعه 12 تونا بدري بعدين حنى مو بزران عشان تنومينا
نجلاء: ولو انا ماارتاح الا اذا نمتو نص ساعه ولا خليتها ربع اذا ماسكتتي
سمر : لاخلاص خلاص بسكت
********
غلا : نجوووووووووووول نجوووووووووول
جت هنوف تركض من المطبخ : خير وش فيك نجلاء فوق تسبح
غلا: اووووووف كنت بامثل عليها
الهنوف وهي ترفع حاجبها: ليه وش بتقولين
غلا : ابي اغيب مليت من الدراسه
الهنوف: تدرين لو تدري نجلاء انك مابعد نمتي وش بتسوي
غلا:عارفه ههههههههههههه بتنجن
الهنوف : اجل يلا نامي
غلا: الله يخليك نوفي سوي لي خطه ابي اغيب بلللللللللليز
الهنوف وهي تفكر : اوكي بس بشرط
غلا : اوكي باسويه بس ابي اغيب
الهنوف : اكييييييييييد تسويينه ولا تقولين اخااااف
غلا : لا ماعليك باسوي الي تبينه بس غيبيني
*******
نجلاء طلعت من الحمام : بسم الله الرحمن الرحيم وش فيك تطالعيني كذا
بدور : ابي ادخل الحمام يابنت بدر كفي شرك عني
نجلاء : ان شاء الله خالتي بس خفت من نظراتك كاني مسويه لك شي
بدور : خوا جنبك بلا كم مره قلت لك لاتقولين لي خاله انا مااتشرف اكون اخت امك الله لا يجزاها خير راحت وحطتكم في كبدي
نجلاء: هي هي انا مااسمح لك تتكلمين عن امي كذا وتذكري انها متوفيه يلي ماتخافين ربك وبعدين نحن جالسين في بيت عمنا مو في بيتك ولا على راسك ياعيوني
بدور : وعمكم يتمنى فرقاكم اليوم قبل بكره
نجلاء : مالت حتى مالت لولا ان عمي صقر ماعنده اولاد كبار وادري مارح ياخذون راحتهم اذا سكنا عندهم ولا كان رحت لهم ولا ترددت دقيقه وحده
بدور :ايه قولي ماتبين عمك سالم عشانه مربيك ولا خلاك على راحتك مع عيال الحرام
نجلاء امتلت عيونها بدموع على الكلام الكبير الي ينقال لها وفضلت الصمت :............
دخلت الهنوف الي كانت تسمع كل الكلام : ومسكت شعر بدور وصرخت في وجهها : هيه انا مااسمح لك تتكلمين عن شرف اختي الي اشرف منك ومن الي خلفوك ولا اذكرك وش كنتي
بدور وهي توخر يد الهنوف بقوه : انا اوريك اذا ماخليتك تندمين على كل كلمه قلتيها مااكون انا بدور ياالهنوف تشوفين انا تمدين يدك علي جعلها الكسر قولي امين
نجلاء وهي تبكي : بس الله يخليك هنوفه بس ولله تعبت من هالعيشه حرام عليك يابدور ارحميني وش سويت لك طول عمري احترمك واعتبرك مثل اختي الكبيره
الهنوف بصراخ : تخسى الا هي تكون اختك ماعاد بقا الا هي وحده مثثل هاذي تكون اختك
بدور : اقول هي انتي من مفكره نفسك وليه كل هالغرور طول عمرك تاكلين معنا وتشربين معنا وحتى لبسك الي تلبسينه من يعطيك اياه الجيران
الهنوف : لا ياعيوني مو الجيران زوجك السكير النكير الي تلوع كبده اذا مر طاريك بس ياليته مسكنا في عشه ولا يوكلنا ولا يشربنا بس يعاملنا مثل الناس المنافق قدام عمي صقر صاير لنا الاب ومن وراه العدو
نجلاء خلاص ما قدرت تتحمل اكثر اغمى عليها :......
الهنوف : تجلاااااء وش فيك اسم الله عليك نجول حياتي ردي علي نجوول
بدور بابتسامه فرح : ياجعلها ماتقوم
الهنوف دموعها تنزل على وجه نجلاء : نجول ردي علي الله يخليك نجول لا تتركيني
******
في صباح يوم جديد
بيت تملئه السعاده والفرح بيت العم صقر
(عائله صقر العم الحنون الطيب الي ماعمره زعل احد ويموت على بنات اخوه بدر بس ماسكنهم عنده لانهم كبار واولاده كبار واخذهم عمهم سالم عشان ماعنده اولاد
الام جواهر طيبه بمعنى الكلمه تموت على بنات اختها الي هم اولاد بدر لان ساره زوجة بدر تصير اخت جواهر
رائد الولد الكبير ذراع ابوه اليمنى وسيم ويمتلك جاذبيه
عيونه عسليه وحواجبه مرسومه وخشمه سله سيف وجسمه رياضي له هيبته الكل يحسب له الف حساب عم7
راكان وسيم بس مو احلا من رائد عمره 22
جوان دلوعه العائله صديقه سمر الروح بالروح مرجوجه مثل سمر عمرها 17 )
راكان : جوان عطيني الجبنه
جوان : مابي
راكان : جوان خلي عنك الدلع مو فاضي اتوطاك على الصبح
جوان تطلع لسانها : قلت لك مابي يوووه من ذا الاخو مايفهم
راكان قام يضربها بس وقف مكانه لان رائد نزل قام يصرف : ههههههه اصلا ماكنت بضربها
رائد : وبعدين معك طلع شنبك وانت مناجر مع هالبزر
جواهر : اي ولله صادق بس من جالس تفهم راكان هاذا دون من البزران
صقر : خلو ولدي على راحته وش فيكم عليه
جوان : لااا ولله وانا مو بنتك يعني حلال الي يسويه فيني
صقر : هالمره امسحيها في وجهي زين بابا
جوان : اوكي عشانك بابا موعشانه
راكان يطلع عليها لسانه : ..........
جوان : بابا شفت وش يسوي لي
رائد بصراخ سكتتهم : بسسسسسسسسسسس وين حنا حظانه خلاص استحو كبرتو
صقر: وشفيك وانا ابوك معصب كل شي ينحل بالتفاهم
رائد : انا رايح يبه الشركه تجي معي ولا مع راجو
صقر : لا انا بجي ع الساعه 8 مع راجو
جواهر : الله معك ياوليدي سم وتوكل على الله
ر ائد وهو يبوس راس ابوه ثم راس امه : ان شاء الله يالغاليه
*******
سمر : رنوووووووووه وصمخ كم مره قلت لك لا تلبسين جزمتي شوفي صارت وصخه وانا ولا مره لبستها
رنا بهدوئها المعتاد : اوكي خيتي لا تزعلين المره الثانيه مالبسها
سمر رحمتها: لا عادي البسيها
رنا وسمر :ههههههههههههههههههههههههههههههههههههه
دخلت عليهم غلا : وجع وش هالضحك على الصبح
رنا :غلوي مو كنتي بتلعبين على نجلاء وتغيبين ليه اشوفك لابسه
غلا :ليه مادريتو وش صار
سمر وعرق اللقافه اشتغل نطلت الجزمه وجت تركض : لا وش صار
غلا : امس اختي نجول اغمى عليها لانها تهاوشت مع بدور
رنا : يؤؤؤيؤؤؤ انا قايمه اشوفها
سمر : العن بليسها بدوروه متى اتزوج افتك منها
غلا : وانتي ماهمك الا الزواج
سمر : اكييييييييييييد
*********
الهنوف : نجول خلاص روحي ارتاحي انا اصلح الفطور لهم
نجلاء : لا مااقدر لازم اشوفهم قبل مايروحون ولا ماارتاح
الهنوف: خلاص طيب اجلسي على الكرسي وانا اصلح الفطور
دخلت رنا : سلامات خيتي تقول غلوي اغمى عليك امس
نجلاء : لا كنت اتدلع على الهنوف بشوف غلاتي شكثر
رنا وهي تبوس نجلاء : فديتك البيت من دونك مايسوا شي عسى الله لايحرمني منك
نجلاء : ولا منكم
سمر توها داخله : هههههههههههههههههههههههههههههههههههههههههههههههههه هههههههههههههههههههههههههههههههههههههههه فل هههههههههههههههه م هههههههه هند هههههه ي
الهنوف : سمور وجعوه روعتيني قصري صوتك لا يجي عمي يموتك
سمر وهي تمسح دموعها بسبت الضحك : ماتشوفين رنا ونجلاء مسوين فلم هندي الله يصبرني على هالخوات ياربي متى اتزوج
نجلاء : وانتي لو ماتدخلين الزواج في كل موضوع يصير لك شي
سمر : افا عليك لازم الا وش مسوين لنا على الفطور
الهنوف : ولا انا ماعرف اطبخ سويت شاي ووحشو لكم خبزه في جبنه
رنا : كله بسبت الهنوف طولت لسانها على بدور خلتها تحرمنا من الخدامه
الهنوف : وهاذاني سويت لكم فطور
نجلاء: تسلمين بعد قلبي الا وين غلاوي
غلا دخلت وهي تصيح : نجووول بطططني يعورني مااقدر امشي
سمر: هههههههههههههههههااي وشلون جيتي
نجلاء قامت من مكانها : اسم الله عليك اقول لمراد يوديك المستشفى اذا راحو البنات المدرسه روحي بدلي مريولك
رنا تطالع التمثليه وراحمه نجلاء بس ماتقدر تتكلم لانها مامنتها
الهنوف رحمت نجلاء : نجول تراها تكذب صديقني من امس وهي تبي تغيب لا تضيقين صدرك
نجلاء : لا انا اعرف غلا ماتكذب صح غلوي
غلا : ايه حتى اربع مرات رجعت
نجلاء : اسم الله عليك وليه ماصحيتيني
غلا وهي اندمجت مع التمثيل : خفت تخافين علي
نجلاء : خلاص روحو رنا وسمر المدرسه لان اذا رجع مراد بروح انا وغلا المستشفى
غلا : لا الا المستشفى مابي اروح له لانه يزود الم بطني
نجلاء :عرفت انها تكذب : اقول حياتي روحي البسي جزمتك حقت المدرسه وتعالي افطري وبلا دلع تاخرتو الساعه 7 الا ربع
الهنوف وسمر ورنا :ههههههههههههههههههههههههههههههههههههههههههههههههه ههههههههههههههههههههههههههههههههههههههههه
ههههههههههههههههههههههههههههههههههههههههه
نجلاء : ياربي من هالبنت ياكثر ماتكذب وانا المجنونه اصدقها
الهنوف : قلت لك من امس وهي تبي تغيب ماصدقتي
*****
العم تركي متزوج عنده 3 اولاد وبنتين
زوجته منيره حبوبه وعلى نياتها
الولد الكبيرفارس عمره 27 صديق رائد
نايف عمره 26 ملامحه حاده مغازلجي مغرور
ابراهيم عمره 22 مرجوووووووج ومملوح
يارا عمرها 23 تدرس تخصص طب وهي صديقه نجلاءالروح بالروح )
يارا: الو
بدور :هلا يارا كيف الحال وش اخبارك امك عساها بخير
يارا في نفسها وجعوه خفي علي شوي: حمد الله بخير وانتي خالتي اخبارك واخبار عمي والبنات
بدور يعني لازم تكدريني بسيرتهم ياجعلهم المرض : ايه الحمد الله طيبين
يارا : خالتي ممكن تعطيني نجلاء
بدور : ان شاء الله بناديها من فوق
الهنوف وهي تقلب في التفزويون : خير من الي على التليفون
بدون من غير نفس : هاذي يارا قومي نادي اختك بسسرعه تبيها
الهنوف كشرت في وجهها :اوكي بقوم
الهنوف تصرخ : نجوووووووووووووووووووول نجووووووووووووووووول
نجلاء وهي راسها كله شباصات تستشور : هلا ااا
الهنوف : تعالي يارا على التليفون
نجلاء : اوكي نازله
يارا : هلا ولله وينك مو قلتي بتجين
نجلاء : اي قلت باجي بس مو الحين شوفي الساعه كم بجي المغرب
يارا: جيبي البنات معاك
نجلاء : لا ولله هالايام امتحانات خليهم يذاكرون بجي انا واذا الهنوف تبي تجي
يارا: اها الله يوفقهم
نجلاء : امين يلا اشوفك
يارا: باي
نجلاء :باي
بدور بسخريه :وين بتصيعين فيه اليوم
نجلاء :............
بدور : الله يستر ولله حاسه انك بتجيبين لنا العار
دخل سالم : سلاام
نجلاء: وعليكم السلام
بدور : وينك فيك ليه ماجيت من امس
سالم : بدور اسكتي لا انسيك حليب امك
بدور :واذا ماسكت يالسكير وش بتسوي
سالم عليها الكاس الي كان على الطاوله بس صقع في الجدار ماجاها شي : ياحيوانه يلي ماتربيتي
بدور : مااسمح لك تقول عني كذا
سالم : مانتظرك تسمحين لي قومي جيبي لي غدا بسررررررعه
بدور : نجلاء قومي خلي ميري تحط الغدا لا يذبحني الحين
سالم كان سكران انسدح على الكنب ونام وهو يهلوس : ياحيوانه يالي ماتربيتي
نجلاء تطالع عمها بقرف : بس هو نام كيف يتغدا
بدور بصراخ : قومي ولا عليك اوووف
نجلاء : اوكي
*****
صقر : رائد ياوليدي وش صار على الاسهم
رائد : ماعليك يايبه كل شي تمام
صقر : وصلتا مصروف بنات عمك
رائد : ايه رحت بيت عمي وطلع لي عمي سالم وخذ المصروف يقول بعطيهم اياه
صقر : ايه الله يستر عليهم ولله ودي اجيبهم وخليهم يربون قدام عيني بس وش اسوي
جواهر : اي ذكرتني بتصل عليهم يجون لنا ولله اشتقت لبنيات اخيتي الله يرحمها
صقر : الله يرحمها ويرحم بدر
جواهر : امين
جوان تنزل من الدرج وتصارخ:يمه فكيني من شر ولدك شوفي كل ثيابي مويه قومني من النوم تخيلي كب على راسي كاس مويه بارد
جواهر تنهت: لاحول ولا قوه الا بالله هالولد شاب وهو الا الحين مجادل مع هالبنت
رائد قام ومسك اذن جوان : جوين انتي وش مسويه له اكيد مسويه له شي مو كاب عليك مويه من دون سبب
جوان وهي تحك دقنها: اممممممم مو شي كبير بس كسرت لاب توبه
رائد ترك اذنها : بسسسسسسس
جوان : بسسسسس شفتني ارحم
رائد وده يضحك بس مسك ضحكته : شوفي جوين ان سويتي له شي مره ثانيه ياويلك وبعدين فكينا من المشاكل راسي مصدع
جوان : اوكي بس اذني عورتني ياكلب
رائد : وش قلتي
جوان : انا ماقلت شي
رائد قرب عندها: لاقولي وش قلتي
جوان : قلت انا احبك يااخوي الكبير
رائد :هههههههههههههههههههههه
صقر : فديت بنتي شفت البرائه
رائد: ايه هين من جنب البرائه
جواهر : روحي بدلي ملابسك لا يدخلك برد
جوان : اوكي
رائد : يلاانا رايح بيت عمي تركي
جواهر : الله معاك
*******
يارا : يو نجول تونا بدري
نجلاء : لا بروح اذاكر لغلا بكرا عليها امتحان
يارا: يو الله يعينك وانتي صايره كانك ام
نجلاء نجمعت في عينهاالدموع: الله يرحمها
يارا في نفسها الله يلعني انا وش قلت يو : نجلاء ولله ماكان قصدي ازعلك فديتك سامحيني
نجلاء مسحت دموعها : لا عادي ماصار شي
يارا : بتجون يوم الخميس المزرعه
نجلاء: مدري بس اكيييد
يارا : يالله ونااسه
رن جوال نجلاء المتصل مراد: الو
مراد: ميس نجلاء انا عند الباب
نجلاء: اوكي مراد انا الحين بطلع
مراد : اوكي
يارا : بشتاق لك متى يجي يوم الخميس
نجلاء باستها : وانا اكثر يابعدي
يارا :بااايوو قلبو
نجلاء : باايو
طلعت نجلاء ووقفت عند مرايه الحمامات تلبس عبايتها
******
فارس : رائد بس شغل انا عازمك عشان نتونس مو نشتغل كفايه الشغل في الشركه
رائد : اي ولله صادق صدعت من الشغل
فارس : انا بروح اجيب شي نشربه
رائد : وانا بطلع اشرب لي زقاره مصدع حدددي
****
نجلاء وهي طالعه طاحت شنطتها : يووو انكب كل الي فيها
رائد يطالع البنت الي اطلعت من باب الحريم وخااق على عيونها : معقول هاذي يارا لالا مو يارا هاذي احلا بكثيييير
نجلاء رفعت كل شي وركبت السياره وراحت
رائد طاحت عينه على جوالها الي مرمي على الارض : شكلها ماشافته يالله
*****
سمربصوتها المبحوح : عمرك سمعت بطير يحب سجانه من شافك انتا نسا وش تعني جنحانه انا تراني طيرك الي يحبك موت لو حب قلبي غيرك بدعي عليه يموت بدعي عليه يموت في قربك انتا نسا انا يعمري طير ماتشدعينه سما ولايريد يطير هاذا الغلا والحب من الله سبحانه
عمرك سمعت بطير ويحب سجانه
دخلت عليها غلا وكملت :انت زرعت الوفا وامسيت هدانه انت الوحيد الذي احيا على شانه مااقدر اعيش بدونك يادنيتي والكون ولله وغلات عيونك منساك مهما يكون فقربك لقيت الدفا لانك ياحبي غيركلما حلمت بوفا القاك له تفسير هاذا الغلا والحب من الله سبحانه وعمرك سمعت بطير ويحب سجانه
دخلت نجلاء : هاذا الي عندها اختبار بكرا تغني وانتي ساكته لها
غلا: نجلاء انتي تبيني اربعه وعششرين ساعه فاتحه عيوني في الكتاب ماصارت
نجلاء :مو فايدك غير دراستك
غلا : هاذا انتي تخرجتي وجلستي في البيت وش استفدتي
نجلاء: ولا شي بس عندي شهاده واذا بغيت اتوظف اقدر يا خبلله
غلا: مالت خليني اخلص دراسه عشان اتوظف
سمر : يوو كنا نغني وش حلاتنا جت الدافوره نجول بالاهي انتي ماتملين من كثر ماتذاكرين لها
نجلاء : لا اله الا الله وين هنوفه ورنو
سمر : الحيوانات دخلت اتسبح وطسو السوق
نجلاء : كيف وانا رايحه مع مراد
سمر : راحو مع صديقه رنا
نجلاء : اوووف الحين وش يفكني من لسان بدور
سمر : ماعليك منها اسفهيها
نجلاء : يلا غلوي تعالي اذاكر لك
غلا : مابي بدخل قيمزر
نجلاء بصراخ: غلا انا كم مره قلت لك لا تدخلين هالموقع ها ؟؟
سمر : جد غلوي ناس وصخه لا تدخلين مره ثانيه
غلا : اسمع من يتكلم يوم تركك ركون قلتي الموقع مو حلو
نجلاء : ومن ركون ان شاء الله
سمر قامت وباست راس نجلا : اسفه ولله معاد ادخلها
نجلاء: اوكي وعد
سمر : وعد
نجلاء : وانتي ياغلا اذا دخلتيها مره ثانيه احرمك من الاب توب شهر
****
نايف : يؤ يؤ تشوف الي اشوفه
راكان : اي ولله اشوف
براهيم : لا يفوتونكم هاذوليك الي تخلو محل *****
نايف : ولله اخوي عنده ذوق ولله انهم خقق
من جهه ثانيه الهنوف ورنا وبسمه ونجد
بسمه : اااااه فديتهم شوفي يا نجد الي واقفين برا المحل وش حلاتهم
نجد بلعت ريقها: يقطع شكلهم وش هالزين
الهنوف : وش تتساسرون تقولون انتو
نجد : شوفي هاذوليك الي عند الباب يخققون
الهنوف طالعت لمحتهم : اي ولله يجننون كاني اعرفهم مدري ليه كني قد شفتهم
رنا : اقول وين بتشوفينهم فيه اااااه ياهم يخققون خاصه ابو بلوزه سودا فديته يخقق (تقصد راكان )
الهنوف : لا ولله ابو ثوب احلا تحسين انه رزه وله هيبه (تقصد نايف)
نجد : اقول مليت يلا نطلع
بسمه : صادقه وتاخرنا وامي قايله الساعه 10 ترجعين البيت
البنات : يلا نطلع
نجد : بنات ابي موكا بليز خلونا نجلس شوي ربع ساعه مو ضاره
بسمه:اوكي
الهنوف: يلا انا بروح اطلب وانتو اجلسو هنا
رنا : بس انا بروح الحمام (اكرمكم الله)
نجد:اوكي روحي بعدين تعالي ولا تبينا نجي معك
بسمه : لا مالي خلق امشي روحي لحالك
رنا:اوكي
ومن بعيد في عيون تراقبهم
راكان : ااااااه فديتها بروح الحقها
نايف : وانا بروح اشوف الي تطلب لهم
براهيم : انا بستهبل على الي جالسين على الطاوله

وبسسسسسسسسس الا هنا وينتهي البارت الاول واذا شفت ردود انزل البارت الثاني اليوم الفجر

توقعاتكم
وش راح يصير لرائد الي اخذ جوال نجلاء ؟؟
وش بيصير للبنات ؟؟
الاولاد الي يلاحقونهم يقربون لهم ولا لا ؟؟