| الجزء الحادي عشر
دخل سامي واتجه للصالة ,,, المكان فاضي ,, اتجه لغرفته وطلع من غرفة الملابس ثوب ابيض مو قلابيه وبدون كبك ,, جت الصوره على سامي وهو يضبط الشماغ الملون بطريقة الجبل ,, ضبط السبعة ,, شاف عوارضه "كويس ,,, مسويه لون رصاصي بوجهي " طلع من غرفته ولما تحرك وقفه صوت امه : سامي .(كانت متكتفه )
سامي التفت واتجه لامه وحب راسها ,, ام سامي : متى رجعت ؟
سامي : توني .
ام سامي : طيب ,,, ومرتك الساحرة خليتها هناك ؟
سامي : ايه .
ام سامي : مدري ليه مو مرتاحه لها !!!!!.
سامي : يمه ,,, والله ان حنان عكس اللي ببالك ,,, انسان حبوبه و.......
ام سامي قاطعته بصراخ : ماتهمني محبتها ,,,, بس ابي اعرف ,,, انت ليش ماترد على اتصالاتي ؟؟ ولا غرقان معاها بالحب والغرام ؟
سامي : يمه ,,, والله انها بنت حلال ,, ومو راعية سحر وهالخرابيط .
ام سامي : طبعا ,,,, غاسلة مخك ,,, مو مخليه ولا كره بعقلك .
سامي : يمه ,,,, ابي اعرف شي واحد ,, انتي ليش تكرهيها ؟
ام سامي بصراخ : مو شغلك ,,, المهم ,,, ابو عبد الوهاب اختارك شاهد عالملكة .
سامي : طيب .
ام سامي : سامي .
سامي يطالعها : نعم يمه .
ام سامي : التبنه زوجتك شتقولك لصرتوا لوحدكم ؟؟؟؟
سامي مطيرعيونه على تدخل امه بهالشي المحرج : يمه ,,,,, يعني في اشياء بين الزوجه وزوجها ,,, ليش تتدخلي فيه ؟
ام سامي : حرام ولا هذه وصية من وصايا زوجتك ؟؟؟؟؟
سامي : يمه ,,, البنت كبرت بعيني لما فضلت عشقها لي على غربتها وبهالشي تشكي فيها ؟؟؟
ام سامي : حبيبي ,,, تلقاها الحين ,,( وتضرب كتفه بقوة ) تكهكه مع الشباب .
وتركته منصدم من كلامها :!!!!!!!!!!!!!.
........
حنان ماحبت تطلب الفلوس من سامي لانها كرهت الفلوس كره الجراثيم ,, حست انها مسالمه بدونها ,, اتجهت للصالة اللي جدرانها قزاز ,, وقفت عند الشباك الطويل العريض ,, تأملت البحر بحزن ,, طالعت لون السماء السماوي من بعيد ,, اللون رومانسي في شمس الغروب ,, جلست على الكرسي وتنهدت عليه وهي تطالع البحر : والله كأني اشوفك ياسامي ,, صورتك مطبوعة في السماء والبحر ,, حتى غيوم الغروب رسمت صورتك عليها ,, ( رفعت عيونها للسماء ) حتى السقف ,, اشوفك وغصبا علي ابتسم ,, احبك ,, احبك حيل .
اما سامي فكان مع الرجال ومو معاهم ,, يشوف عبد الوهاب جالس بجنب الشيخ وقلبه عند حنان ,, ماشرب الشاي ,, كلمه نواف بهمس لان كان جنبه : عقبالك .
لف سامي وجهه مايدري انه متزوج ورجع لعالم الافكار :!!!!!!!!.
مر يومين على ملكة هايدي وعبد الوهاب واللي صاروا حبايب على اصوله اما حنان فحست ان الجوع قتلها لان بالثلاجه مافي شي وهي متعرف لغة البوسنه ,, وخايفة اذا طلعت بالشقة تصير مشاكل بالرجعه لان الشقة مايعرفها الا اللي عينه حساسه ,, حست انها بتموت ومايمر يوم الا ويغمى عليها وهذا الي خلى سامي ماينام كويس ومرات يمرض ومرات بس ينسى اشغاله بالشركة .
ام سامي خايفة ان ام هايدي تشك بسامي خاصة انها لاحظت عليه انه مابارك لها بملكه هايدي ,, اما سعاد فكانت تواسيه على حاله ,, وخالد في ليلة الملكه لما دخل يسلم على عبد الوهاب عشان يباركله طاحت عينه على فستان اعجبه لونه ومع مر الايام يفكر في الفستان يبي يعرف مين صاحبته !!!!!!!!!!.
..............
خلاااااااااااااااص وصل حال حنان للفقر ,, لازم تسوي شي عشان تعيش ,, فتحت باب غرفتها بصعوبه واخذت نص ثيابها وطلعت ولاشي يهمها واتجهت للرصيف وشافت وحده واتجهت لها ,,سوت اشارة الفلوس ومدت لها الكيس والبوسنيه فهمت قصدها وابتسمت موافقه واخذت الكيس وعطتها 5 ,, اتجهت لاقرب سوبر ماركت وشرت باونتي وشاني واتجهت للفندق واكلت اللي شرته ,, بس حست ان الحاله زادت ,, خاصة ان ماعندها شي تلبسه غير 5 بناطيل ومجموعة بلايز ,, طلعت للحديقة وجلست عالارض وحفرتها ,, دققت بالحفرة شافت مجموعة حبات الطماط ,, اخذتها وكلتها من الجوع ,, بسمع مر يوم ,, حست ان اليوم اخر يوم بحياتها لانها اغمى عليها قبال البحر وهذا اللي خلى سامي يكح من الماء ,, حس ان في شي ,,, طلع من البيت واتجه لطيارته الخاصة ,, بعد ماوصل للفندق فتح الباب واستغرب السكون فيه ,, فتش غرفة غرفة بس مالقى اثر لحنان ,, استغرب وجود شنطة ثيابها في الصالة ,, في الدريشه البعيده شاف من بعيد شي لونه فسفوري عند البحر وكان الجو مطر غزير ,, طلع برق وكان بيطيح اكثر من مره ,, شهق لما شاف جثة حنان ,, اتجه لجثتها وشالها ببكاء: حنوووووووون ,, حنوووون ردي علي .
حنان كأنها ميته ,, سامي توقف خوفه وبكاءه لما سمع منها هالكلمة ,, حنان مغمى عليها وبهمس : احبك .
سامي بصدمة رومانسيه : يإلاهي !!!!!!!!!.( ودمعت عينه )
حست بعطر رجالي ففتحت عيونها بلهفة : المعشوق حظر .
سامي يطالعها مصدوم : حنون ,,, شصاير بغيابي ؟
حنان بكل حب : تحملت الجوع لجل ماتتضايق المشاعر .
سامي جرت بعيونه الاف الدموع :!!!!!!!!!!!!!!.
جاب سامي دكتور لان لاحظ ان حنان بس يغمى عليها واكتشف ان فيها فقر دم حاد ولازم تاكل وشافت حنان احلى معاني الدلال بحياتها رغم انها ماتبي تتعبه بس هو يعاندها دلال .
اذا الجزء هذا قصير سامحوني عالقصور واذا طويل فأسفة عالعيون التعبانه |