البارت الخامس......
بعد مارجعت كل العوايل من الكباين وعاشو اسبوع من احلا ايامهم كانت ملكة اسيل باقيلها ثلاث ايام وهي لسة ماجهزت شي
في صباح يوم الخميس ....
اسيل _ ماما ياويلي باقي ثلاث ايام وانا ماعندي ولا حتى فستان ولا حجزنا قاعة ولاشي ياربييييييي
ام اسيل _ يابنتي لاتتوتري ماعليكي اليوم ننزل على السوق ونزبط لك كل شي لاتخافي
دق جوال اسيل
هيام _ هااااي اسولة كيفك
اسيل _ والله مررة خايفة هيومة بتجنن ثلاث ايام وماعندي ولا شي
هيام _ حبيبتي ماعليكي حنا وغرام بنزبط كل شي شوفي انا ارسلت التصميم حق فستانك لخياطة صحبتي وحنا في الكباين وقالتلي اليوم حاستلمه وفساتين باقي الشلة بكرة
اسيل _ ياعومري ياهيام والله تعبتك ماشاء الله اشتغلتي وحنا هناك
هيام _ اجل حبيبتي انتي ومراهقك كمان مستعجلين مررة بعدين اذا ماتعبت لصديقة عمري حاتعب لمين
اسيل _ تسلمي نتعبلك في ملكتك ان شاء الله بس لاتقولي مراهق زي بيومي
هيام _ هههههههه يازينها بيومي اقول بس الحين لاتعطليني بروحلها واجيب الفستان واجي عندك
اسيل _ تعالي في بيت غرام حنروح هناك نزبط للملكة
هيام _ اوكي مع السلامة
اسيل _ مع السلامة
ام اسيل _ يازينهم صحباتك والله لو خواتك ماسووها شفتي يابنتي فستانك وخلص قلتلك هونيها بس
اسيل _ ايوا والله يازينهم من صحبات ياربي لايحرمني منه
اسيل _ يلا ماما ننزل السوق
&&&&&&&&&&&&&&&&&&&&&&&&&&
في بيت غرام ......
غرام _ ها بسام وش اخبار القاعة
بسام _ والله من امس ومالقيت بس اليوم بدور كمان
غرام _ طيب لو مالقيت عادي خلينا نسويها في بيت اهل اسيل احسن اصلا مابنعزم ناس كثير
ام غرام _ لا والله انا ولدي ملكته في البيت وكيف اعزم ناسي اللي اعرفهم
غرام وهي معصبة – والله مو لازم تعزميهم اعزميهم في زواجه
بسام _ يمى والله غرام معها حق مااظن اني بلاقي قاعة حلوة لملكتنا اصلا كيف يمدينا نعزم الناس وباقي 3 ايام
ام غرام _ والله انكم ناوين تفشلوني دام كذا بقولهم ماسوى ملكة احسن لي
غرام عصبت من امها مررة وجات بترد عليها
بسام _ حبيبتي غرومة دام كذا يلا البسي ننزل السوق ونشوف كيف حنزبط مع اسوله
غرام _ لا ماعليك انا اعرف وحدة تشتغل منسقة حفلات بخليها تجي البيت وتنسقه عشان الملكة
&&&&&&&&&&&&&&&&&&&&&&&&
في المغرب ....
اسيل دقت على غرام
اسيل _ وجععع وينك كان مارديتي احسن
غرام _ روقي بالله كنت مع المنسقة
اسيل _ ايوا طيب اعطيها عنوان البيت واتفقي معاها عن كل شي ويلا باي بروح اكلم بسومي
غرام _ ياللي ماتستحون تتكلمو قبل الملكة
اسيل _ غرومة مسويتلي المؤدبة اقول دوبي خلصت من السوق بمرك عشان نشوف الفستان هيومة جاية
غرام _ اوكي حياكي باااي
اسيل _ بااي
&&&&&&&&&&&&&&&&&&&&&&&&&&
اتجمعت الشلة عن غرام
هيام جات اخر شي وهي تعبانة
اسيل _ بدررررري وينك
حنان _ وش فيكي هيومة شكلك مررة تعبانة
هيام وبصوت متقطع _ بلا في شكلها السيارة الكفر حقها بنشر في بداية الشارع شلت فساتينكم وجيت مشي
فرح _ ياعومري ليش ماديقيتي طيب نجيكي
دنيا _ ايوا والله انك خبلة كان دقيتي جيناكي
هيام _ تسكتون ولا كفين هذا وانا جبت لكم فساتينكم يادلخة انتي وهي
اسيل _ كيف مو قلتي فساتين باقي الشلة بكرة
هيام _ ياشيخة الله يعطيها العافية خلت كل الخياطات اللي يشتغلون عندها يشتغلون بس على فساتيننا
غرام _ زين ماسوت اجل كذا كله صار تمام البيت والمنسقة قالتلي قبلها بيوم يجو يحطو كل شي ونزلت انا وفرح وجبنا هدايا واشياء للملكة
حنان _ وانا زبطتلك هرجة المصورة
دنيا _ وانا اتفقت مع المطربة وكله تمام
اسيل وعيونها دمعت _ ياقلبي عليكم لولاكم انا مااسوى شي
دنيا _ يووه على الدراما بدينا
حنان _ دنيا انطمي ماعندك احساس
غرام _ ياقلبي يااسولة تستاهلي اكثر
هيام _ اقول بس ترديها لنا في افراحنا
دنيا _ هههه واثقة الاخت انها بتتزوج
هيام _ وجععع بيومي اسكت
اسيل تمسح دمعتها وتضحك على دنيا وهيام
&&&&&&&&&&&&&&&&&&&&&&&&&&&&
في يوم الملكة
على الساعة 4 العصر
الكل بالصالون
غرام _ هيا بنات ماخلصتو نروح نلبس بالبيت ونشوف وش الاخبار
حنان _ كلنا خلصنا تقريبا
هيام _ ايوا خلصنا
اسيل _ بتروحون وتسيبوني
فرح _ ههههه جربي احساسي يااسولة
غرام _ مامتك بتقعد معاكي وش فيكي
ام اسيل _ لا انا لا خلصت بروح
دنيا _ اسولة اجيب بسام يونسك
اسيل _ ايوا ياليت

دنيا _ مالت يالمراهقة ماصدقتي
&&&&&&&&&&&&&&&&&&&&&&&&&&&&&&
في البيت ......
فرح _ والله يابنات البيت رووعة صار زي القاعة واحلا بعد
هيام _ ايوا والله يجننن اللي زينه فنان
غرام _ طلعت خطيرة المنسقة هيا فوق نلبس
طلعو البنات عشان يلبسو فوق
&&&&&&&&&&&&&&&&&&&&&&&&
عند الرجال ....
كان مكان الجال بالحديقة لان الحديقة حقت بيت اسيل مررة كبيرة نصبو فيها خيمة كبيرة وحطو انوار وزينة كان شكلها حلو
بسام _ خلاص كل شي تمام
خالد _ تراك من الصبح ازعجتنا والله كل شي تمام
فيصل _ والله معذور
عمار _ طبعا الاخو مجرب عقبالي
خالد _ حتى انت ياعمور بتنضم للائحة المتزوجون
عمار _ ههههه عجبني اسمها ايوا وش فيها وليش وانت منت ناوي تنضم
خالد _ ايوا بس بعد عمر طويل ان شاء الله خلني اعيش حياتي
بسام _ اقول في اشياء جوا الفلة بجيبيها مين يجي يشيل معايا
خالد _ اخخخ ياظهري مدري ليش يعورني ( وراح وسابهم )
فيصل _ ها يبى تنادي
عمار _ ههههههههههه انا بروح معك
بسام _ نذالة مايعتمد عليكم
&&&&&&&&&&&&&&&&&&&&&&&&
غرام _ وش رايكم بفستاني لايق عليا
فستان غرام كان بمبة ستان قصير وفيه حركات قماش شيفون اسود حمالة رقبة وظهر مفتوح
هيام _ يازينه عليكي مرة حلو طيب وفستاني
كان بيج ساده ومنفوش من تحت من الركبةعلى شكل مدرجات شوي ومن دون حمالات
اما حنان فستانها اسود داخل فيه نوعين من القماش بطريقة حلوة طويل وفيه فصوص من عند الصدر ومن غير حمالات
فرح _ الله ياحنو ملك الالوان خطيررر
فرح فستانها تركواز ماسك على الجسم وطبقات من تحت وموزعة فيه كريستالات فضي وفيه فتحة للفخد
هيام _ يجنن فروحة مرررة حلو عليكي بنات وين دندون الهبلة
غرام _ راحت تلبس في الغرفة التانية تعرفيها تتاخر على بال ماتلبس يلا حنا خلينا ننزل تحت ونشيك على الاشياء
نزلو البنات وكان امهاتهم وصلو وخواتهم كل لعوايل اللي بالكباين
ام هيام _ يازينكم يابنات وش حلاة فساتينكم ماشاء الله يحفظكم
ام اسيل _ عقبالكم يارررب
فرح _ في حياتك ياخالة تسلمي
هيام _ ياملقوفة ماتقصدك انتي مو مخطوبة ياهبلة
فرح _ وانتي ايش دخلك
&&&&&&&&&&&&&&&&&&&&&&&&&
عمار _ بسام كيف حندخل والحريم بالداخل
بسام _ غرام قالتلي انهم كلم تحت بندخل من باب الورا تقول عند الزرع ونطلع فوق ونجيب الاغراض بسرعة
دخلو بسام وعمار وطلعو فوق ودخلو غرفة مجلس وشالو منها الاغراض
بسام _ شوف انا بنزل اللي هنا بس في اغراض ناقصة استنى خليني اتصل على غرام واشوف وين حطوها
غرام _ ايوا بسوم اخر غرفة بالممر ع اليمين
بسام _ طيب با اسمع انت روح تقول اخر غرفة بالممر على اليمين
عمار _ طيب
ونزل بسام وراح عمار يدور الغرفة
عمار _ هذا وين قال مافي غرفة يمين يالله
&&&&&&&&&&&&&&&&&&&&&&&&&&&&
غرام _ ياويلي ماقلت لبسام الدلخة هاذيك فوق يلا عادي اكيد مابيشوفوها الاغراض مو بالغرفة اللي هي فيها
حنان _ اشبك تهرجين مع نفسك
غرام _ لا لا ماعليكي تعالي نشوف مكان البوفيه
&&&&&&&&&&&&&&&&&&&&&&&&&&
عمار دخل للغرفة اللي دنيا فيها
كانت دنيا لابسة الفستان وواقفة في المرايا وتغني و تزبط في روحها وماانتبهت لمن عمار دخل
عمار في نفسه _ ياعمري هاذي دندون تجننن ماشاء الله قمر
كان فستان دنيا احمر وفيه شريطة عريضة تحت الصدر لونها اسود وماسك على جسمها وقصير الين الركبة ومن غير حمالات
ولفت دنيا الا وانتبهت ان عمار موجود في الغرفة
دنيا _ هااااااااااااا وااااااي عمار وانت ايش مدخلك هنا
عمار _ حسيت انك هنا
دنيا _ تستهبل انت يلا لو سمحت برا لو جا احد وشافك هنا وش بيقولون
عمار _ يقولون اني بخطبك يادندون
دنيا _ لااا انت مررررة زودتها هيا براااا
عمار _ شكلك حلو وانتي معصبة
دنيا _ انت شكلك منت ناوي تهوينا
وراحت بتخرج لكن عمار كان واقف عند الباب
دنيا _ بعد ابغى اخرج
عمار _ دندون حبيبتي اسف بس ماقدرت اخرج على طول لمن شفت كل هالجمال
دنيا _ ياقليل الادب حبك برص ابعد عن طريقي
ودفته وخرجت وجري على تحت
ووقف عمار للحظة وهو متفاجيء ومبسوط في نفس الوقت وخرج وجاب الاغراض ونزل للرجال
بسام _ بدري ماكان جيت
عمار _ انا ادري عنك يادلخ ماتعرف توصف توهتني
&&&&&&&&&&&&&&&&&&&&&&&&&&&&&
نزلت دنيا للحريم وهي ترتجف
هيام _ اشبك يابت
دنيا _ حسبي الله عليه بغى يوقف قلبي
غرام _ مين هو
دنيا _ عمار ماغيره وحكتهم عن اللي صار
هيام _ ياحركات بيخطبكي
دنيا _ اقول اسكتي فال الله ولا فالك عساه بحمى فجعني
حنان _ ياعمري اهدي شوي
فرح _ خلاص حصل خير
ام اسيل _ يابنات تعالو
&&&&&&&&&&&&&&&&&&&&&&&&&&&&
عمار يتكلم في نفسه _ يالله شكلها زعلت مني مرررة لازم اعتذر منها
وكتب ورقة يعتذر فيها لدنيا
عمار _ يزوني حبيبي تعال
يزن _ نعم عمور
عمار _ ياللي ماتستحي معتبرني صاحبك اسمي عمو عمار المهم الحين شوف ايش رايك نروح انا وانت للبقالة واشتريلك اللي تبيه
يزن _ الله ايوا ايوا يلا نلوح <<< يعني نروح
عمار _ راح اوديك بس تودي هالورقة لعمة دنيا طيب وبعدها اوديك
يزن _ ليش اوتيها <<<< يعني اوديها
عمار _ حبيبي انت وديها من غير سؤال ولا تقول لاحد طيب ولا مافي بقالة
يزن _ تيب
&&&&&&&&&&&&&&&&&&&&&&&&&&&
يزن يشد في فستان دنيا _ عمة عمة
دنيا _ نعم حبيبي ايش تبغى
يزن _ عمو عمار قالي اعطيتي هاذي الولقة <<<< اعطيكي + الورقة
دنيا _ ياللي مايستحي مخلي ابن اخوي البريء مرسال غرام
اخذت الورقة وشافتها و مكتوب فيها
دنيا والله انا اسف مو قصدي بس انا من يوم ماشفتك وانا تغيرت دنيتي وصارت احلا
اكرر اسفي لاتزعلين مني مااقدر على زعلك وعلى فكرة شكلك بالفستان يجننن
دنيا انتي دنيتي كلها
زوج المستقبل
عمور
دنيا _ وجع يوجعه ان شاء الله هذا وش يبي مني
&&&&&&&&&&&&&&&&&&&&&&
يزن _ هيا عمو نلوح البقالة
عمار _ اعطيتها الورقة
يزن _ ايوا
عمار _ طيب هيا
&&&&&&&&&&&&&&&&&&&&&&&&&&&&
غرام _ دنيا وين المطربة ترا المعازيم قربو يوصلو الساعة 10 مايصير
دنيا _ مدري عنها دحين اتصل عليها
حنان _ اسيل خلصت وعلى وصول
فرح _ والمصورة جات
&&&&&&&&&&&&&&&&&&&&&&&&&&&
اسيل وصلت وهيا بغرفتها جو كل البنات لها
غرام _ وش هالجمال يامرت اخوي اخاف بسام يروح شوربة
حنان _ ياقلبي شكلك يجنن
فرح _ ياحياتي تهبلي وش احساسك اسولة
اسيل _ والله مبسوطة ومتوترة وخايفة وفرحانة
دنيا _ كوكتيل احاسيس
هيام _ انتي تموتي لو ماتريقتي
دنيا _ ايوا عندك مانع
وسلموعلى اسيل واخدوها بالاحضان
فرح _ بنات يلا ننزل ترا المعازيم وصلو
دنيا تبغى تقهر اسيل _ ايوا ونهيص ونرقص ياحراام يااسيل بتقعدي هنا
غرام _ لا يختي بسام طالع عندها يلا خلونا ننزل
اسيل _ ايش وحتسيبوني لحالي معاه
هيام _ نعم اجل نقعد محرم يعني
دنيا _ لو تبغيني اقعد ترا عادي اجيب عبايتي واجلس
غرام _ اشوف بيومي ماصدقت يلا بنات
ونزلو البنات
فستان اسيل كان بمبة فاتح مررة وبسيط وفيه كريستالات فضي من غير حبال
كان لايق مع بشرتها وملامحها البريئة وسوت مكياج برز ملامح وجهها وشكلها الجذاب
&&&&&&&&&&&&&&&&&&&&&&&&
بسام _ ياحياتي يااسولة تجنني
اسيل وهي مرتبكة _ تسلم عيونك الحلوة
بسام _ تدري ياعمري انا من اول مرة شفتك فيها وانا تعلقت فيكي وصرت احبك
اسيل _ يعني حب من اول نظرة
بسام _ ايوا ياحبيبتي اسولة ماقلتيلي تحبيني ولا
اسيل وهي خجلانة _ الا
بسام _ الا ايش
اسيل خدودها صارت طماطم _ احبببك
بسام _يابعد عمري كنت استنى هالكلمة منك يازينها من فمك
اسيل وهي خلاص وصلت حدها من الخجل _ خلاص بسوم
بسام _ يازين اسمي على فمك احلا مرة اسمع فيها اسمي قوليها ثاني
اسيل بضحكة خفيفة _ خلاص بسوم
بسام _ ياويل حالي انا
نسيبيهم يحبو في بعض ونشوف ايش يصير تحت
&&&&&&&&&&&&&&&&&&&&&&&&
قعدو البنات يرقصو ومبسوطين
وبعد فترة وقت الزفة
انزفو من فوق الدرج
دخلت اسيل والكل اعجب بجمالها وشكلها دخلت على موسيقى وشعر حلو مذكور فيه اسم اسيل وبسام ولايق على قصتهم
وبعدين اشتغلت اغنية الزفة
وكانت اسيل مبتسمة بس من جواتها حتموت من الخجل
وبعد ماوصلو للكوشة
وبعد مالبسها الدبلة وهي لبستو الدبلة
فرح _ يلا دندون وقتها اطلعي
دنيا _ اوكي ادعولي بس
هيام _ يارب يطلع نشاز
دنيا _ هيا مني طالعة
روان _ اقول خلصينا واطلعي
طلعت دنيا ومسكت الميكرفون وغنت اغنية العروسة

الف مبروك زفينا الجميله
الليله الفرح ليله من الف ليله
قمر ويا الشمسجالس
ربنا من الحسد حارس
الله يتمم لكم فرحه الليله
الحسن ياناس ظل محتاربيها
الجواهر والذهب تتمنى يديها
حلو ثوب العرس لايق عليها
العروسهوالعروس الاثنين حلوين
الحمد له جمع هالزينه بالزين
ومنك مال ومنها عيالطيبين
تفاجأت اسيل لانها ماكانت تدري
وصارت غرام من بعيد تأشر لبسام واسيل وتقولهم قومو ارقصو
قام بسام وقوم اسيل وصارو يرقصون
اسيل كانت فريزر يدها باردة ومستحية مرررة
وكانت دنيا مبدعة في الاغنية وتهز يدها كانها ترقص معاهم وطبعا كانت لابسة عبايتها عشان بسام
&&&&&&&&&&&&&&&&&&&&&&&&&&&
ورجع بسام عند الرجال
ابو اسيل _ مبرووك ياولدي خلي بالك من بنتي
بسام _ الله يبارك فيك في عيوني لاتوصي حريص
خالد _ قصدك لاتوصي حبيب
احمد _ مبروووك بسام
بسام _ الله يبارك فيك عقبالك انت واخوك الدلخ ذا
عمار _ ومافي عقبالك ياعمار
بسام _ عقبالك واولهم بعد
عمار _ ان شاء الله
فيصل _ والله شايفك ياعمور هالايام محروق على الزواج
عمار _ غرت منك انت وبسام
ابو دنيا _ مبرووووك ياولدي
بسام _ الله يبارك فيك تسلم
وصارو كل الرجال يباركوله ويسلمو عليه
&&&&&&&&&&&&&&&&&&&&&
خلصت الملكة و اخد بسام اسيل وتعشو برا وبعدين رجعها على بيتهم
غرام _ يازينهم يجننو كانو
فرح _ ايوا والله تستاهل اسولة
حنان _ يارب خليهم لبعض
ام اسيل _ والله يابنات وقفتو معاها لو عندها اخوات ماسووها معاها
هيام _ لا ياخالة لاتقولي هالكلام اسولة زي اختنا واكثر
ام اسيل _ ياعمري عقبالكم يارب
غرام _ تسلمي ياخالة
دنيا _ اقول ترا محد شافني اليوم والا قالي عقبالك تشاءمت والله
هيام _ هههههه يارب اشوف يوم ملكتك مع عمار
دنيا _ وجععععع لاتقولي اتزوج لا كمان مع عمور هذا قليل الحيا مااطيقه وجع
فرح _ عمور ها
دنيا _ والله مااحبه ثقيل دم مررررة
روان _ مين هذا اللي ثقيل دم
دنيا _ هاا قصدي على بسام كان ثقيل دم لمن انزف
غرام _ نعم يختي والله ماغيرك ثقيلة الدم
دنيا وهي مرتبكة _ ههههه امزح قصدي على خلود اخوي قعد يمزح معي الاهبل
روان _ اها
دق جوال غرام
غرام _ بنات عن اذنكم
غرام _ مين ياربي رقم غريب لايكون بس اللي في بالي
غرام _ الوو
بندر _ الوو غرام ؟؟
غرام _ ايوا غرام بندر؟؟
بندر_ ايوا بس كيف عرفتيني
غرام _ احساسي
بندر_ اسف اذا الوقت متاخر
غرام _ لا عادي اصلا مافي متاخر بالاجازة
بندر _ ايوا على قولتك كيفك
غرام _ بخير وانت كيفك
بندر _ الحمد لله
غرام _--------------
بندر _-------------
بندر _ غرام لو في احراج اني اكلمك ممكن اقفل معاكي وامسح رقمك من عندي
غرام _ لا مافي احراج
بندر _ كت متردد اتصل عليكي من كم يوم بس قررت اتصل اليوم
غرام _ وايش معنى اليوم يعني
بندر _ ماادري بس يمكن عشان انا بكرا مسافر
غرام _ ليش بتسافر
بندر _ حاكمل دراسات برا
غرام _ توصل بالسلامة الله يوفقك
بندر _ تسلمي ودي ياغرام اتعرف عليكي اكثر
غرام _ اممم طيب اناغرام ويقولولي غرومة وعمري 18 سنة وبدخل الجامعة قسم انجليزي وانت
بندر _ انا عمري 23 سنة خلصت الجامعة قسم لغات درستها بتركيا لان امي تركية
غرام _ اها ماشاء الله وانا اقول هالعيون الزرق من وين
بندر بضحكة خفيفة _ وجينا بداية الصيف وسكنا بجدة
غرام _ دوبك سكنت بجدة وحتسافر تاني
بندر _ ودي اكمل دراساتي برا عشان كذا
وصارو يهرجون مع بعض وكانت غرام كل المعلومات اللي تقولها عن نفسها صح على غير عادتها
دنيا _ اقول غرومة ترا رايحين
غرام _ طيب بندر خمس دقايق وارجع ادق عليك بودع صحباتي واجي
بندر_ اوكي انتظرك
هيام _ مين تكلمي يابت
غرام _ بنات لحقو علي مبسوطة فرحانة بتجنن
دنيا _ واشبكم اليوم على الاحاسيس المختلطة اشبك
غرام _ دندون حبيبتي فاكرة بندر
دنيا _ ذاك الوسيم ايوا طبعا
غرام _ دوبه كان يكلمني
وسوت نفسها كانها حدوخ
حنان _ غرام انتي متى بطلي هاذي الهبالات
غرام _ هاذي مو هبالات صدقوني ترا يكلمني باحترام عكس الدشر اللي اكلمهم
فرح _ حركات يالمحترم في بدايتها بس ترا
غرام _ وجععع لاتخربي فرحتي مرررة مبسوطة
دنيا _ هههههه كله بفضلي
غرام قامت تبوس دنيا _ لبيه باي شي تبينه
هيام _ يلا امهاتنا ينادو
غرام _ ايوا بالله روقوني ابغى ارجع اكلمه
وسلمت على البنات وودعتهم وطيراان على بيتها وغيرت ملابسها ودقت على بندر
بندر_ هلا
غرام _هلا فيك اسفة على التاخير بس اليوم كانت ملكة اخوي
بندر _ ماشاء الله مبرووك عقبالك
غرام استحت _ تسلم
بندر _ الله يسلمك ومافي عقبالي ولاتبغيني اعنس
غرام _ههههههههههه كيف تعنس اصلا اشك ذا مو نص بنات جدة جرو وراك
بندر_ ههههه وكيف عرفتي
غرام _ اممممم مابقولك
بندر _ ليش
غرام _ استحي
بندر_ ليش كنت حتقولي من جمالك
غرام _ يووه بس لاتكون مغرور ترا مااحب المغرورين
بندر_ لا تخافي ولا انا مااحب الغرور بس لو بتغر حتغر لاني اكلمك
غرام _ ليه يعني
بندر _ امممم مابقولك
غرام _ هههههه لا تقولي عشان جمالك
بندر_ يالله لاتكوني مغرورة ترا مااحب المغرورين
غرام _ ههههههههههههه
بندر _ هههههههههههههه
وصارو يتكلمو وعدت حوالي ساعتين
غرام _ تصدق بندر لنا ساعتين نهرج
بندر_ والله ماحسيت ابدا انتي دخلتيني معك في عالم تاني
غرام _ ها بس وش رايك بعالمي
بندر _ حلو ويجنن زيك
غرام _ عاااد انا اجنن طيب مااشوفك في مستشفى المجانين
بندر _ هههههههههههههه لو تبغيني ادخل عادي
غرام _ تدخل مستشفى المجانين عشان بنت مايصير
بندر _ اذا كانت انتي مايهمني
غرام _ اشوف بندورة مو من اول مكالمة تقولي كذا
بندر _ وانتي مو من اول مكالمة تقوليلي بندورة
غرام _ ههههههههههه
بندر _ اخوكي بكرة مسافر وانا مسافر تخيلي نكون على نفس الطيارة
غرام _ اوووه تخيل بس ماراح تعرفو
بندر _ لو شفت أي ولد ملامحه حلوة حيكون اخوكي
غرام _ اووف عل كذا نص المطار اخواني
بندر _ ههههههههههههه
غرام _ خلاص بندر حرام روح نام بكرة طيارتك قصدي اليوم العصر يادوب تلحق تنام
بندر _ خايفة علي
غرام _ طبعا عشرة ساعتين ونص
بندر _ هههههههه حاشتاقلك
غرام _ خلاص كل ماتشتاقي كلمني
بندر _ طيب انتي ماراح تشتاقيلي
غرام _ اامممم افكر طيب انت قفل واشوف يمكن ماشتاقلك
بندر _ لا اكيد حتشتاقيلي
غرام _ قلتلك مااحب الغرور
بندر _ بس هاذي ثقة
غرام _ طيب يالواثق مع السلامة
بندر _ اشبك تبغي تتخلصي مني
غرام _ الشره علي وانا ابغاك تنام
بندر _ طيب كيف حااقدر انام بعد ماكلمتك اكيد حاقعد افكر فيكي
غرام _ وقتها مو ذنبي لو رحت تعبان
بندر _ ليش مو ذنبك مو افكر فيكي
غرام _ انا ماقلتلك فكر فيني
بندر _ طيب مع السلامة
غرام _ في امان الله خد بالك من نفسك
بندر _ ان شاالله وانتي بعد
غرام _ اوكي مع السلامة
وقامت وصارت تنطط فوق السرير زي الاطفال مبسوطة
بندر _ خلتني اتعلق فيها من ساعتين اكلمها بس
&&&&&&&&&&&&&&&&&&&&&&&&&&&&&
وطبعا محد نام بندر قعد فعلا يفكر في غرام
وغرام مانامت من الفرحة عشان كلمت بندر والحزن على سفر اخوها
ولا اسيل اللي قعدت طول الوقت وهي تكلم بسام
&&&&&&&&&&&&&&&&&&&&&&&&&&&&&&&
في الظهر ....
بسام _ صباح الخير غرومتي
غرام _ صباح النور يالعريس
غرام _ كيف نمت مزبوط
بسام _ لا والله قعدت طول الوقت وانا اكلم اسيل
غرام _ اها وانا اقول جوالها مشغول
الا ويدق الباب
غرام _ اسولة وش جايبك من دحين
بسام _ ياهلا باسولتي
اسيل _ هلا حبيبي
غرام _ اوووه شكله مالي مكان وسطكم اقول بسوم بطلع اشوف شنطك وازبطها لك
بسام_ اوكي
غرام _ افا مافي عزومة أي كلام طيب
اسيل _ غرومة حبيبتي في احد يناديكي فوق
غرام _ ياشيخة طيب حاروح
&&&&&&&&&&&&&&&&&&&&&&&&&&&
طلع بسام عشان يلبس
غرام وهي جالسة تبكي _ مااتخيل يوم يعدي من غير مااشوفه
اسيل وهي تبكي بعد _ ياقلبي ياغرام وانا كمان مااقدر اعيش بدونه
غرام _ يالله يابسام سنة كاملة مااشوفك والله مقدر
وحضنو بعض وهما يبكو
نزل بسام
بسام _ بديتو المسلسل قبل لااجي
ابتسمو وهما يبكو
بسام _ يالله كيف حاسافر واسيبيكم كذا مااقدر
اسيل _ الله معك حبيبي خلي بالك من نفسك
وضمها وصارت تبكي اكثر
بسام _ حبيبتي خلي بالك من نفسك من غرام
احبك
اسيل _ وانا بعد احبك
وبعدها ضم غرام
غرام _ كيف بسام حتسافر وتسيبيني هنا لحالي مين حيقعد معاي مين حيحسسني انه عندي اهل وسند ياقلبي والله مااتخيل البيت من غيرك ماتخيل يوم يعدي ومااشوفك بسام لاتروح بساام الله يخليك والله مالي غيرك محد يفهمني ويسمعني قدك خدني معاك بسام الله يسعدك
بسام وهو يسمع كلام غرام ماقدر يمسك دمعته اكثر من كذا دمعت عينه
اسيل من كثرت البكا قعدت على الكنبا
غرام مهي راضية تسيب حضن بسام _ مالي غيرك بعد ابوي ماييصير تسيبني والله يابسام مااسوى شي بدونك بساااام ( وتبكي وهي منهارة )
بسام _ حياتي غرام ماقدر اروح واسيبك كذا الله يخليكي لاتصعبيها علي خلي بالك من نفسك غرومتي ومن دراستك خلاص انتي صرتي كبيرة الحين وقد المسؤولية انك تعيشي من غيري وبعدين مابطول كلها سنة وبرجعلك
غرام _ بسام ليش تبي تبينا نتفرق دحين حنا من صغرنا وحنا مانتفرق وانت وعدتني ماتتركني
بسام _ حبيبتي انا حاكون معك لحظة بلحظة ماراح اتركك
نزلت في ذا الوقت ام بسام من فوق
راح بسام وسلم عليها _ يمى الله يخليك انتبهي على غرام وتقربي منها
ام بسام _ توصل بالسلامة
وخرج بسام ووده يقعد مايسافر
وراح خالد وعمار يوصلوه للمطار
&&&&&&&&&&&&&&&&&&&&&&&&&&&&&&&&&
في العصر
جو كل البنات لغرام عارفين انها زعلانة
هيام _ ياعمري ياغرام يكفي بكا كذا والله مايصير
فرح _ بسام ماراح يرضى انكم تبكون كل هالبكا
حنان _ يووه اسولة يكفي كلها سنة ويرجع ونحضر زواجك
دنيا _ وااااي عليكم كانه مات استهدو بالله ياهووو
هيام _ اسكتي وجع في احد يقول زي كذا
غرام واسيل مهم قادرين يتكلمو بس يبكو
والبنات من حزنهم على صحباتهم دمعت عيونهم وهما عاجزين يهدوهم
&&&&&&&&&&&&&&&&&&&&&&&&&&&&&&
بسام وهو قاعد بكوفي بالمطار قام من الطاولة ونسي فيها جواله
واحد كان قاعد جنبه بالكوفي _ يالاخو يالاخو
بسام _ هلا
_ تراك نسيت جوالك تفضل
بسام _ يالله شكرا ولو نسيته مصيبة
_ العفو
وبعد ماركب بسام الطيارة
بسام _ اووه حظي جنب اللي انقذ جوالي
_ ههههه هلا
بسام _ هلا فيك
_ سياحة ولا عمل
بسام _ لاوالله دراسة اول مرة حاقعد كثير برة الديرة الله
_ الله يعين جامعة
بسام _ ماجسيتير
_ حتى انا قسم لغات
بسام _ من جدك انا كمان قسم لغات
_ وش هالصدف معاك بندر
بسام _ هلا بندر وانا بسام
بسام _ اخذت الجامعة من جدة ولا
بندر _ اخذتها من تركية ورجعت استقريت بجدة ورجعت سافرت عشان الماجيستير
بسام _ ماشاء الله حلو الدراسة برة اكيد احسن
بندر _ اكيد وين ساكن بجدة
وصارو الاثنين يهرجو وهما مايدرو انه بينهم رابط
&&&&&&&&&&&&&&&&&&&&&&&&&&&&&&
بعد مرور وقت طويل
غرام _ اسولة اسولة تعالي بسرعة هذا بسام
بسام _ هلا حبيبتي
غرام _ حمد الله على السلامة وحشتني
بسام _ وانتي بعد وحشتيني الله يسلمك يالغلا
غرام _ كيف الرحلة حبيبي طويلة
بسام _والله تمام ماحسيت بيها قعدت اهرج وبعدها نمت
غرام _ الحمدلله خلاص كلمني بالليل خذ اسولة
بسام _ هلا بحبي انا
اسيل _ هلا فيك حبيبي كيفك
بسام _ والله بخير الحمدلله اشتقتلك
اسيل _ وانا بعد حمدالله على سلامتك
بسام _ الله يسلمك اوكي حبيبتي حاكلمك بالليل ماشي
اسيل _ اوكي حبيبي باي
دنيا _ اشوف الثنتين فمهم مفشوخ
غرام _ بيومي احترم نفسك
حنان _ ياحبيبتي حمد الله على سلامته
غرام _ الله يسلمك
اسيل _ وصل بالسلامة الحمدالله
وحضنت اسيل غرام وهما مبسوطين
هيام _ اشوف اليوم مكثرين احضان
دنيا _ ايوا والله بديت اشك فيهم
فرح _ ههههههههه والله انكم سيئات ظن
غرام واسيل طنشو دنيا
دنيا _ اقول بس لاترمقوني بهالنظرات المهم بكرة مباراة السعودية وسنغافورة
هيام _ ايوا والله مررة متشوقتلها
حنان _ حقت ايش
دنيا _ مالت عليكي حقت تصفيات كاس العالم ياهبلة
غرام _ فللة والله بس الله يستر ويكون النصر حليفنا
دنيا _ ان شاء الله شوفو بكرة الجمعة عندي وبيت عمي بيجون كمان
فرح وهي تغمز لدنيا _ يعني عمور جاي
دنيا _ وجع فرح لا تخليني اجي ادوسك الحين ايوا جاي بس ايش عليا فيه قلتلك مااطيق سيرته حتى
هيام _ علينا
دنيا _ هيومة اهجدي والله اتعصب كل ماتجي سيرته
غرام _ من الحب
دنيا قامت وضربت في غرام
والبنات يضحكو عليها
فرح _ ماتوقعت ان دندون لمن تحب تعصب ههههههه
دنيا _ انتي يالمراهقة والله لو ماهجدتي لا اوريك شغلك الحين
هيام _ خلاص ياستي انتي تكرهيه وتكرهيه بتلاتة كمان
اسيل _ ليه حتطلقو خخخخخخ
وصارو يضحكو على ششكل دنيا اللي ياحرام من جد معصبة
وقعدو البنات يتمزحو شوية عشان يخففو على غرام واسيل وبعدين راحو وباتت اسيل عند غرام
&&&&&&&&&&&&&&&&&&&&&&
بندر _ هلا غرام
غرام _ ياهلا وغلا حمد الله على السلامة
بندر _ الله يسلمك
غرام _ كيف الرحلة وكيف الجو هناك
بندر _ والله رحلة حلوة بس طويلة لكن نمت فيها
غرام _ اووه شكلك مانمت امس
بندر _ ايوا مو قعدت افكر فيكي
غرام _ ياراجل معقولة وانا كمان
بندر _ قعدت تفكري فيني ؟
غرام _ لا مو فيك في بندر
بندر _ بالله يختلفو عن بعض
غرام _ ايوا كثير لدرجة انه مافي اختلاف بينهم
بندر _هههههههههههه
بندر _ ها غرام مااشتقتيلي
غرام _ وليش تبغى تعرف
بندر _ لقافة
غرام _ يالله نسيت اقولك مااحب الملاقيف
بندر _ غرومة هيا قولي
غرام انبسطت لمن قالها غرومة _ طيب اشتقتلك بس ترا قليل مو كثير
بندر _ ومتى بيكثر
غرام _ يمكن بعد كم يوم اممم ماادري
غرام _ الحين روح نام وانا بعد
بندر _ اخاف ماتنامين وتفكري في بندر
غرام _ لا والله بنام على الاقل بندر نام بالطيارة انا لا
بندر _ طيب على طول بعتيني كذا
غرام _ خلاص بفكر خمس دقايق بعدين انام
بندر _ طيب يلاتصبحي على خير
غرام _ وانت من اهله احلم فيني طيب
بندر _ طيب حبيبتي يلا باي
غرام _ باي
غرام _ اسوووووووووووووولة الحقي علي قالي حبيبتي
اسيل _ وجعع فجعتيني بت اهجدي وش يعني قالك حبيبتي
غرام _ معذورة ماجربتي احد عيونه زرقا يقولك حبيبتي
وحضنت المخدة ورقدت على السرير
اسيل _ انتي اللي من جد مراهقة
&&&&&&&&&&&&&&&&&&&&&&&&&&&&
بكذا خلص هذا البارت
انتظروا البارت الجاي فيه احداث كثيرة المباراة وعمور ودنيا وبندر وغرام
حتصير اشياء ومفاجآت شوفوه واعرف
&&&&&&&&&&&&&&&&&&&&&&&&&&&&&