كل عاااااااااام وانتو بخير حبايبي عيدكم مبااااااارك :88:
وهاذي العيدية 
البارت السابع
في يوم زواج فرح ....
في الصالون ..
حنان _ بنات ماني مصدقة اليوم فروحة حتصير مدام
دنيا _ ايوا وحابطل هبال معاها
غرام _ ايوا خلاص صار زوجها
هيام _ اقول اسولة زبطتي الهدية
اسيل _ خلاص جاهزة وانتو ماجهزتو
غرام _ كالعادة بيومي ماخلص
دنيا _ اقول احترمي نفسك خلصت يلا
&&&&&&&&&&&&&&&&&&&&&&&&&&&&&&&&&
في القاعة عند الرجال ....
عمار _ مبروووك ياعريس عقبالي
محمد _ منك المال ومنها العيال
فيصل _ الله يبارك فيكم
فهد _ والله يافصول كبرت وصرت عريس
فيصل _ لاتكون ابوي وانا ماادري
والعيال يضحكو
&&&&&&&&&&&&&&&&&&&&&&&&&&&&&&
في القاعة عند الحريم
ام هيام _ مبروووك الله يوفقهم
ام فرح _ الله يبارك فيكي عقبال بناتك
ام دنيا _ وش فيهم البنات تاخرو في الصالون
ام حنان _ ماتعرفيهم دوم يتاخرو ماعليكي تلاقيهم الحين على وصول
ام هيام _ عقبال بناتنا واولادنا يارب
ام عمار _ امين يارب
&&&&&&&&&&&&&&&&&&&&&&&&&&&&&&&&
وصلو البنات الساعة 10
هيام _ هنودة تعالي
هنادي _ هلا
هيام _ فروحة ماوصلت عادها
هنادي _ ايوا والله يمكن قدامها ساعة وتجي
غرام _ هنودة وين نروح بالعملاق هذا
هنادي _ يالله يابنات كلفتو على نفسكم كفاية وقفتكم
دنيا _ اقول هنادي مو وقت مجاملات خلصينا دلينا على مكان نحطو فيه
هنادي _ خلاص بيومي روق تعالو وراي
&&&&&&&&&&&&&&&&&&&&&&&&&&&&&&
بعد ماحطو البنات هديتهم في الغرفة وزبطو نفسهم ونزلو هدو القاعة رقص ووناسة
وكانو ملفتين للنظر بجمالهم وفساتينهم وفلتهم
ريم _ بنات فروحة وصلت
دنيا _ بدري ماكان جات احسن
حنان _ لا ياشيخة ومين ينزف
اسيل _ عادي نطلع دندون وعمور يكملون الزواج
دنيا اعطت اسيل بكوعها وبصوت واطي _ بت ريم واقفة اسكتي
غرام _ بنات هيا نطلعلها
هيام _ ريومة فصول عندها
ريم _ لا بس الحقو بسرعة قبل لايجيها ولايفكها بعدين
&&&&&&&&&&&&&&&&&&&&&&&&&&&&&&
حنان _ فروحتي وش هالجماااااااال تجنني
اسيل _ يازينك يافروحة الله يوفقك ولا يحرمكم من بعض
فرح وعيونها امتلت من الدموع _ ياعمري ياسولة تسلمي
دنيا _ ارتحتي يالمراهقة افتكيتي مني اخيرا
فرح تبتسم ودمعة تنزل من عينها
غرام _ فروحة والله مايصير عروسة وتبكي
هيام _ فروحتي الله يسعدك يارب
دنيا _ اووه فتحتو مسلسل درامي ياهوو مايصير لاتخلوني اروح انادي فصول
حنان _ اووه مااصدق انتي تناديه
دنيا _ ايوا مو جرى الزمن وصار زوجها مااقدر اكلمه
البنات يضحكو على شكل دنيا لانها تقولها بحسرة
غرام _ بنات خلينا نعطيها الهدية الحين بعد الزفة والله فصول مابيسيبها لنا
هيام _ تعالو اسولة نجيبها
وجابت اسيل وهيام العملاق اللي كانو يهرجو عنه
وشالو التغليف عنه وكانت صورة لفرح وفيصل في ملكتهم مبروزة بس بحجم طول الانسان مرررة كبيرة
فرح _ الله تهبل يابنات مو معقولة والله كثير كفاية هداياكم والله كثير
كانت الصورة مرررة روعة ومن ورا البرواز ممكن ينكتب عليه فكل وحدة من البنات كتبتلها شي عليه
حنان كاتبة
ياعمري يافروحة الف مبرووووك تستاهلي كل خير
حتوحشيني فصول حياخدك مننا شوية يارب يخليكم
لبعض وتجيبو احلا كتاكيت بدنيا يااعز الناس على
قلبي والله اليوم فرحانة كثيررر لفرحتك يارب يسعدك
دووووم تذكرينا مو فصول ينسيكي لنا الله يوفقك
حنان
دنيا كاتبة
مبروووك يالمراهقة الله يسعدك مع مراهقك بس
برضو خليكي محترمة مو عشان صار زوجك
تتدلعي يلا حبيبتي الله يوفقك حاسيبك بس بشرط
اول بنوتة تسميها على اسمي بيومي وابشرك
حتتطلع هادية وعسولة بالرفاه والبنين يالمراهقة
دندونة المزيونة اسم الشهرة
بيووومي
غرام كاتبة
الله يسعدك فروووحة و يوفقك واقول لا تخلي فصول
يلهيكي عننا ترا والله نوريكي ونجي نعيش عندك ها
اقول يابنت ترا ابغى اصير خالة جيبلنا بنوتة او ولد
عسول زيك الله يخليكم لبعض ويدوووووووم الحب
بينكم وتجيبو عصافير حب لك مني احلا بوسة
الحبوبة غرووومة شفتي الثقة
اسيل كاتبة
مبرووووك يااحلا فروحة بالدنيا تستاهلي كل
خير وعقبالي يارب شوفي فروحة من دحين
بنوتتك لولدي او العكس انا عندي الحجز قبل
الوصول ها اشوف يابنت فصيل ياخدك مننا
ترا اسلط بيومي عليكي الله يوفقك فروووحة
اسيل
هيام كاتبة
لوووووليييي كلوووووش مبرووووك فروحة
تستاهلي كل خير الله يخليلك مراهقك ويخليكي له
اشوفك فروحة تتغيري بعد ماتصيري مدام
نهارك اسود حنطلقك منه ترا الله يوفقكم اخاف
فصول يغار مننا احبك فرووووحة الله يسعدك
هيومة العسولة
تذكريني كل ماتشوفي فستان زواجك
فرح وهي تضحك وتبكي بنفس الوقت على الكلام اللي كتبوه صحباتها _ الله يخليكم لي ولا يحرمني منك تسلمولي يارب
هيام _ الله يسلمك اهم شي عجبتك
حنان _ ياعمري تستاهلي اكثر من كذا
غرام _ ايه والله هذا مو من مقامك
واخدو بعض بالاحضان ونزلو البنات بعدها للقاعة
&&&&&&&&&&&&&&&&&&&&&&&&&&&&&
فرح وفيصل
مطرت القاعة عليهم ورود كان الحب لهم عنوان
دخلت فرح من باب وفيصل من باب دخلت فرح قبل فيصل وصار الكل يصارخ ويهتف باسمها وهي ترمي عليهم ورود من فوق ودخل فيصل من باب التاني ونفس الشي كلهم يغطرفو ويهتفو باسم فرح وفيصل وفيصل يرمي على المعازيم ورود وكان على موسيقى هادية وحلوة وبعدين تلاقو فرح وفيصل في الوسط وباس خدها والبنات زادو صراخهم ونزلو من سلم يتوسط القاعة ومزين طبعا بالورود والحركات بالقماش الابيض على اغنية زفة روعة
ورقصو وهيصو
وخلص الفرح حق فرح وكانت فرح يومتها اسم على مسمى طايرة من الفرح
&&&&&&&&&&&&&&&&&&&&&&&&&&&&&
جو صحباتها يودعوها بعد ماودعوها اهلها
حنان _ياعمري يافروحة لاتبكين
هيام _ بنت مين حيزبطلك مكياجك
غرام _ شكلها تبغى فيصل يغير رايه من اول يوم
وطبعا كان اسيل وحنان وفرح يبكون لكن الباقين يخففو عنهم
دنيا _ فرفر خلاص لاتخليني اجي معاك عشان اهديكي
هيام _ انتي تبغي تحشري نفسك معاها على طول
اسيل _ الله يخليكم لبعض طلعتي اليوم قمر
حنان _ احلا عروسة بالدنيا
غرام _ تجننو وباين عليكم تحبون بعضكم
هيام _ يسعدكم يارب دووووم
دنيا _ فروحة في احد ماكل لسانك اشبك ساكتة
فرح تضحك وسط دمعة الفرح _ لا يابيومي بس والله حتوحشوني
دنيا _ اقول تراها كم يوم وبتبدي الدراسة وبنشوفك
اسيل _ على بالك بيومي هاذي حتسيبك تلاقيها كل يوم ناطة تزورك
واخدوها بالاحضان وسلمو عليها وراحت فروحة لبيتها الجديد ويا فيصل بيت احلامهم اللي يحلمو فيه من زمان انهم يكونو مع بعض
&&&&&&&&&&&&&&&&&&&&&&&&&&&&&&
ام هيام _ ماجدة خلاص المفروض تفرحين اليوم بنتك زواجها وشوفيها يازينها كيف فرحانة
ام فرح _ ايه والله الله يسعدهم بس ياسعاد هاذي اخر العنقود والله البيت فضي من غيرها
ام فيصل _ وانا اختك لايهمك فيصل بيجيبها لكم دووم
ام دنيا _ البنت قمر ماشاء الله عليها طلعت لها طلعة
ام عمار _ الله يخليهم لبعض
والامهات كانت عينهم تدمع بس دموع فرح في زواج فرح
&&&&&&&&&&&&&&&&&&&&&&&&&&&&&&&
بعد ماوصلو فرح وفيصل لبيتهم
فيصل _ ياهلا فيكي في بيتك ياست البيت نورتي البيت ونورتي شمعة حياتي يافرحتي انتي يافرح
فرح بخجل _منور فيك بعد
فيصل بصوت عالي _ احبك احبك احبك فروحة
وشالها وهي بفستان الفرح وصار يلف بها
فرح مبسوطة تضحك _ ونا بعد اموووت فيك
فيصل _ فرح انا ماني مصدق خلاص تحقق حلمنا وصرنا لبعض اخيرا
فرح _ انا اليوم حلم حياتي تحقق لو مت حاموت مرتاحة
فيصل _ بعيد الشر عنك عسى يومي قبل يومك
فرح _ بسم الله عليك حبيبي وش جاب طاري الموت خلينا في فرحتنا
فيصل _ انتي فرحتي ودنيتي يابعد عمري
نخلي العرسان ونشوف البنات
&&&&&&&&&&&&&&&&&&&&&&&&&&&&&&&&
تفرقو البنات وكل وحدة راحت على بيتها
اسيل راحت تكلم بسام وتحكيه عن كل شي
وغرام تكلم بندر لانها تعودت مايمر يوم الا وتكلمه
وحنان راحت تنام بس ماجاها نوم من فرحتها على حبيبة قلبها فروحة
وهيام قعدت مع امها واختها شوي ونامو
اما دنيا
ام دنيا _يازينها فرح اليوم كانت تهبل ماشاء الله عليها
دنيا _ ايوا ماشاء الله
ام دنيا _ عقبالك يارب واشوفك بفستان الفرح يارب
دنيا _ ماما وش هالسيرة فال الله ولافالك
ام دنيا _ مدري عنك تكرهي طاري الزواج على العموم اسمعي بغيتك في موضوع
دنيا _ هلا يمى آمري
ام دنيا _ شوفي انا ابغى اخطب لاخوكي احمد وش رايك
دنيا _ ماشاء الله وش هالخبر الحلو وفي بالك عروس معينة
ام دنيا _ ايه والله وش رايك بصحبتك غرام
دنيا متفاجأة _ ميين غرام ماغيرها
ام دنيا _ ايوا غرام ماشاء الله جمال ودلال ومال وبنت حلال وش زينها
دنيا _ ايه يمى مااختلفنا غرام صحبتي واعرفها ماتتعيب بس يمى اممم يمى غرام محجوزة من زمان لواحد من اهل امها
ام دنيا _ هما اهل امها مو الشرقية ولامرة شفتهم
دنيا _ ايه يمى بس هي يعني مرة قالتلنا انها محجوزة لواحد لهم
ام دنيا _ ياخسارة بس وش نسوي نصيب الله يكتب لاحمد بنت الحلال
دنيا _ امين يارب
وبعد هذا القعدة دخلو نامو
&&&&&&&&&&&&&&&&&&&&&&&&&&&&&&
في اليوم اللي بعده ....
فيصل _ صباح الجمال والعسل والدلال على احلا فروحة بالدنيا
فرح _ قول مساء الخير
فيصل _ معك صرت ماافرق صباح من مسا مااشوف غيرك
فرح _ اوووه على كذا حياتك بتوقف
فيصل _ لو عشانك عادي
وباسها
فيصل _ فروحة ماني مصدق اصحى من النوم والاقيكي جنبي لايكون بس حلم
فرح _ لا صدق هذا مو حلم لان اللي كنا نحلم فيه تحقق
فيصل _ احس حياتي صارت احلا هاذي هي الحياة اللي من زمان تمنيتها
فرح _وانا بعد يابعد عمري انت حياتي الجديدة
فيصل _ اقول ترا دلعتك كثير قومي سويلي فطور
فرح _فيصل بسم الله عليك في ثانية تقلب
فيصل يضحك _ يازينك صدقتي قومي يلا نفطر برة
فيصل _ يلا تعالي اختارلك ملابسك
فرح _ ها
فيصل _ تعالي بس تعالي
&&&&&&&&&&&&&&&&&&&&&&&&&&&&&&
هيام _ الو
دنيا _ ياربي ابشرك اليوم حيكون نحس
هيام _ بسم الله ليش
دنيا _ من وجهك اول مااصحى اسمع صوتك اكيد حيكون يومي نحس
هيام _ دندونة خلاص بلا هبل
دنيا _ خير وش تبي
هيام _ بغيت اقولك ايش رايك ننزل السوق اليوم باقي يومين على بداية الدراسة وحنا مااشترينا شي
دنيا _ والله معك حق خلاص اوكي اليوم بعد المغرب ننزل السوق
تعالي ماعرفتي اخر الاخبار
هيام _ ايش
دنيا _ مو امي تبغى تخطب لاحمد
هيام _ ماشاء الله الله يوفقه ومين العروس
دنيا _ ماتتوقعي مين حزري
هيام _ مين وحدة من بنات عمي
دنيا _ لا غرام
هيام_ غرام غرام
دنيا _ ايوا غرام صحبتنا
هيام _ ماشاء الله يافلة ثالث وحدة من الشلة بتنخطب
دنيا _ اقول روقي قلت لامي انها محجوزة لواحد من اهل امها اللي بالشرقية
هيام _ بالله بس ماقد قالتلي انها محجوزة لهم اصلا هي ماتحبهم
دنيا _ والله انك دلخة ياغبية مهي محجوزة لهم بس انا قلت لامي كذا
هيام _ ليش طيب قلتي كذا
دنيا _ انا الصراحة احب غرام ومن اعز صديقاتي بس الصراحة مابغاها تكون زوجة اخوي
هيام _ ليش يابت حرام عليكي
دنيا _ هيومة كانك ماتدري ان غرام مغازلجية وتكلم اولاد وتستهبل معاهم وتقابلهم وكمان الحين تكلم الولد هذاك ابو عيون زرقا ماظنتي اصلا بتوافق
هيام _ اها تصدقي معك حق في هاذي الله يهديها يارب
دنيا _ ايه والله الله يهديها والله لو انها مو كذا كنت اتمنى تكون زوجة اخوي
هيام _ الله يهديها
دنيا _ خلاص انقلعي الحين ابغى اروح اكل والبس وننزل السوق
هيام _ اوكي يلا سلام
دنيا _ مع السلامة
&&&&&&&&&&&&&&&&&&&&&&&&&&&&&&&
غرام بصوت كله نوم _ الووو
بندر _ ياصباح الخير على خبري انه عندكم المغرب قرب
غرام صحصحت على طول _ ياهلا صباح النور
بندر _ هلا فيك ايش منيمك الى الحين
غرام _ لا ياشيخ مو انت كنت تكلمني امس بعد الزواج
بندر_ يالله يعني بندر السبب
غرام _ شفت كيف هيا عاقبه
بندر _ ولايهمك دحين اروح انحره
غرام _ بسم الله ماصدقت وجععع
بندر_ تخافي علي
غرام _ طبعا
بندربخباثة _ ليش
غرام _ مالك شغل شي خاص بيني وبين بندر
بندر_ يالله انتي لسة ماعرفتي انه انا بندر
غرام _ بالله بس برضو ماراح اقولك
بندر وهو يضحك _ خلاص طيب روحي الحين صحصحي وبعدين اكلمك
غرام _ اوكي ياعسل باي
بندر _ باي حبيبتي
غرام _ ياقلبي وش هاليوم اللي يهبل تصبحت بصوت حبيبي
وبعد فترة بسيطة دق جوال غرام ماشافت الاسم ردت على طول
غرام _ ياهلا وغلا مسرع دقيت
محمد _ هلافيك بس وش السالفة
غرام وهى متفاجاة _ محمد
محمد _ ايوا حبيبتي اجل مين
غرام _ لا بس احسبك ابوي تدري ابوي سافر
محمد _ اها يرجع بالسلامة كيفك يابعد عمري
غرام في نفسهها _ وجع في شكله هذا متى افتك من خلقته
غرام من غير نفس _ بخير
محمد _ وش فيكي حبيبتي عسى بس تعبانة
غرام وهي معصبة _ وجعع انت تبغى تمرضني يعني
محمد _ لا عمري عسى فيني ولافيك
غرام _--------------
محمد _ حبيبتي اليوم شكلك معصبة
غرام _ ايوا عندك مانع
محمد _ طيب ليش معصبة
غرام _ يوووه محمد ماحب اللقافة صرت مرة ممل
وقفلت في وجهه الخط
غرام _ وجع الله يعكر مزاجه عكر مزاجي هذا مايبغى يفهم لصقة
&&&&&&&&&&&&&&&&&&&&&&&&&&&&&&&&
حنان _ ياعمري يافروحة اليوم اول يوم لها بحياتها الجديدة
وسن _ تراكي من امس اقلقتينا فروحة وفروحة خلاص
حنان _ وسونة انتي ليش ماعندك احساس
وعد _ واحنا مهما كان عندنا احساس ماراح يكون قد احساسك انتي
حنان _ اوووه خجلتوني
وعد _ مسرع تصدق
وسن _ ههههههههههه حرام على نياتها
&&&&&&&&&&&&&&&&&&&&&&&&&&&&&&&&
نرجع تاني لغرام دق جوالها على طول بعد ماسكرت من محمد
غرام _ هذا اكيد الزفت محمد والله لاوريه واسحب عليه
غرام _ نعم يازفت وش تبي مو قلتلك صرت ممل
بسام _ بسم الله حبيبتي غرام وش فيكي انا بسام
غرام _ بسام يالله سوري حبيبي بس واحد معفن طفشني وهو يعاكس
بسام _ غرام قفلي جوالك او اعطي اي رجال نعرفه يرد عيه يأدبه او اقلك هاتي الرقم بس
غرام _ لا بسوم خلاص لاتكبر السالفة عادي صايع معليك منه اصلا بيطفش وماعاد يدق
المهم انت كيفك وحشتنيييييييي موووت
بسام _ بخير بسماع صوتك وانتي بعد يادلوعتي وحشتيني
غرام _ والله باقي كثير على رجعتك تدري قاعدة اعد الايام
بسام _ ياعمري ماعليكي الايام تعدي بسرعة
غرام _ كيف هناك الحياة معاك
بسام _ تمام بس للحين مااعرف احد
غرام _ ياقلبي ليش مافي عرب هناك
بسام _ والله فيه بس لسة يعني ماقابلت احد فيهم وتعرفت عليه
&&&&&&&&&&&&&&&&&&&&&&&&&&&&&&&&
هيام ودنيا لفو السوق كله واشترو نص السوق تقريبا وقعدو بعدين في كافيه في المجمع
دنيا _ وااااي هيومة مااحس برجولي
هيام _ الله اكبر علينا ماسبنا محل بالمجمع الا ودخلناه
دنيا _ قولي ماشاء الله لاتنحرق الملابس
هيام _ هههه ماشاء الله
الا وجات عليهم وحدة
منال _ ياهلا بالحلوين وانا اقول اليوم المجمع منور
دنيا _ ياهلا فيك بس ماتعرفنا
منال _ افااا دندون مسرع نستيني انا منال اخت مها صحبت بنت عمك روان
دنيا _ اها ياهلا فيك كيفك
منال _ تمام ياقلبي بشوفتك كيفك هيام
هيام _ ماشاء الله متذكرتنا تمام
منال _ ومعقولة انسى هالجمال هذا كله
دنيا _ عاااد منال لاتخلينا نتغر
منال _ يحق لكم تستاهلو
هيام _ شكلك تجين هالمجمع كثير
منال _ ايه والله دايم انا هنا في الاسبوع حوالي 5 اول 6 مرات اجيله
دنيا _ ماشاء الله يعني مستوطنة
منال وهي تضحك _ كمان دمك خفيف يازينك تهبلي
هيام _ اقعدي معنا
منال _ ودي بس سواقي يستناني تحت وراي مشوار
دنيا _ يلا نعوضها بالجامعة
منال _ ايوا ابغى اشوفكم هناك خصوصا انتي دندون بنفس قسمي
دنيا _ ان شاء الله ياعسل
منال _ يلا حبيباتي سي يو
&&&&&&&&&&&&&&&&&&&&&&&&&&&&&&&&
خالد _ ياقلبي انا شوف هالمزة اللي هناك
جاسر _ ايه والله تهبل يلا نرقمها
خالد _ اقول انقلع انا شفتها اول انا ارقمها اجل
جاسر _ خلاص خلود من نصيبك بس يمكن ماتاخده
خالد _ نعم وش تقول كيف ماتاخده اناخالد
جاسر _ طيب يالواثق ورينا شطارتك
وراح خالد واعطى الرقم البنت بس البنت رمت الورقة بالارض
جاسر _ ههههـــهـــههــاي وين الثقة اللي كانت قبل شوي
خالد _ بالله روق انت بس شوف شكلها من قريب اصلا يفجع
جاسر _ الحين صارت تفجع قبل شوي كانت مزة
وراح خالد واخذ جاسر الرقم من الارض وحطاه بجيبه وراح يكمل تريقة في خالد
&&&&&&&&&&&&&&&&&&&&&&&&&&&&&&&
اسيل وغرام كانو راحو السوق كمان عشان الجامعة بس غير اللي فيه دنيا وهيام
اسيل _ والله تعبت ترا انا خلصت اشتريت كل اللي ابيه
غرام _ والله حتى انا تعبت خلاص ماعد ابغى شي من السوق ايش رايك نروح نقعد شوي بالكورنيش
اسيل _ طيب يام التهور يلا
غرام _ تهور بعينك رايحين الكورنيش فيها شي
&&&&&&&&&&&&&&&&&&&&&&&&&&&&&&&
هيام _ منال هاذي كلامها تحسيه مجاملات مبالغ فيها صح
دنيا _ اممم ماادري بس انا حبيتها شخصيتها حبوبة مرة
هيام _ ايوا هي حبوبة بس مدري عنها
دق جوال دنيا
دنيا _ مين ياربي رقم غريب
هيام _ ردي يمكن وحدة نعرفها غيرت رقمها
دنيا _ على قولك
دنيا _ الووو
---- _ ياهلا بصاحبة الالووو
دنيا بصوت كله حزم _ مييييين
---- _ اعصابك انا عمار
دنيا _ وجع وش تبغى مني ومن وين جايب رقمي
عمار _ وش فيكي دندون انا ولد عمك
دنيا _ انقلع وش يعني ولد عمي لو سمحت لاعاد تدق علي الا والله اقول لخالد انا مااكلم عيال يا كلب
وقفلت في وجهه
هيام _ لاتقوليها لايكون عمار
دنيا _ شفتي اللي مايستحي يدق علي وشكله يبغى يفتحلي قصة حب وجعع
هيام _ والله عمار هذا مررررة جريء
دنيا _ هذا مو جريء هذا وقح
&&&&&&&&&&&&&&&&&&&&&&&&&&&&&&&
خالد _ جاسر انا بروح الحين ابوي يبغاني
جاسر _ طيب احسن خليني ارقم براحتي
خالد _ ها ها والله انا اللي بجذبلك البنات يالغبي يلا بس انقلع
وراح خالد
وجاسر وهو في الكورنيش شاف بنتين
جاسر _ هاذولا هما المزز اللي من جد
وراح جاسر من جنبهم ورمالهم كلمتين حلوين واعطاهم الرقم
اسيل _ غرام انتي ماتستحي أي رقم ينرمى لك تاخدينه
غرام _ يابنتي شوفي صاحب الرقم وسيم وبعدين الحين مااحتاجه حااخلي وقت عوزة
اسيل _ مالت تخططي لمدى بعيد
&&&&&&&&&&&&&&&&&&&&&&&&&&&&&&&&
روان _ ماشاء الله ياسيد عمار وين جوالي هاااا
عمار _ ها مدري انا حطيته هنا بعد مااخذته منك ورحت اكلم صاحبي
روان _ عمور وش فيك مختبص كذا
عمار _ لامافيني شي شوفيني وش حلاتي ( في نفسه اه اشوي انك ماسمعتيني وانا اكلم دندونتي )
روان _ طيب يلا تعال دور معايا الجوال والله لو ضاع لاتشتري لي اجدد موديل
عمار _ تبشري انا كم رونا عندي
روان من قلب _ اذا على كذا يارب مانلاقيه ياااااااااااااارب
عمار _ هههههههههه وضربها على راسها وراحوا يدورا الجوال
&&&&&&&&&&&&&&&&&&&&&&&&&&&&&&&&&&&&&&&
فيصل _ ياحبي انا وش رايك حلو المكان
فرح _ أي مكان انت فيه اكيد حيكون حلو
فيصل _ اوووه فروحة لاتخليني ادوخ وسط الناس هنا
فرح وهي تضحك _ فصول لاتفضحنا
فرح _ حبيبي وش رايك بكرة نزور امي
فيصل _ اووه بسرعة طفشتي مني
فرح _ لا حبيبي معقولة انا اطفش منك هذا من عاشر المستحيلات
فيصل _ خلاص عمري ان شاء الله بكرة نزور خالتي
&&&&&&&&&&&&&&&&&&&&&&&&&&&&&&&&&
وعد _ ياواد انت ياجامعة كبرتي يابنت
وسن _ ايوا ايوا خلاص لازم نزوجها
حنان _ بنت انتي وهيا احترمي نفسك
محمد _ يلا حنونة راح اوصلك بطريقي
وسن _ ها ها وجعع وش معنى حنان توصلها وتاخدها معك ليش حنا مو خواتك
وعد _ لايكون بنات البطة السود وحنا ماندري
محمد _ حنونة بسرعة قبل لاياكلوكي هاذولي
&&&&&&&&&&&&&&&&&&&&&&&&&&&&&&&&
فيصل _ ياعمري مو لازم تروحين اليوم
فرح _ حبيبي الا اليوم اليوم اول يوم بالجامعة
فيصل _ طيب حبيبتي عشانك والله ترا مااسيبيك
فيصل _ غريبة بيومي ماجات طبت علينا
فرح _ هههههه لا خلاص هي قبل الزواج فقط
فيصل _ اها تخصص ملكة على كذا الله يعين بسام
فرح _ ههههههههه
فرح _ حبيبي ترا تأخرت
فيصل _ يلا حبيبتي البسي عباتك
&&&&&&&&&&&&&&&&&&&&&&&&&&&&&&&&
دنيا _ رهـــــــــــــــــــــــــــــــــــــــف ويــــن الشنطة السودا
رهف _ لاتصارخي انا مو بامريكا في الدرج هنا انقلعي خذيها
دنيا وهي تلبس جزمتها وتمشي في نفس الوقت ومن فوق _ مـــــــــــــــامــــــــــــا كلمي السواق انا خلصت
ام دنيا _ وجععع دنيا انا موصنجة
خالد _ هههههههههه كيف خلصتي وانتي شعرك فيه دبابيس
دنيا _ واااااي يالله نسيت اشيل المكر
وراحت وتنعقل في حاجة وتجري من مكان لمكان
دنيا _ هيام انا جاية الحين البسي عباتك
خالد _ يادلخة وين الفردة التانية بتخرجي برجل حافية
دنيا _ انقلع ادري
&&&&&&&&&&&&&&&&&&&&&&&&&&&&&&&&&
اسيل _ شكلنا اول الواصلين
غرام _ لا شوفي حنان هناك
وتجمعو الثلاثة وقعدو وبعد فترة
حنان _ وين باقي البنات والله تأخرو
هيام _ تتكلمين عننا
غرام _ هلا
هيام _ هلافيك
دنيا _ اووه باقي المدام ماشرفت
الا وفرح جات
دنيا ومن بعيد تصرخ _ ياهلاااااا بالمدااااااااااام
فرح _ الله يفضحك وجعع
حنان _ فروووحة وحشتيني
غرام _ وحشتينا ياهبلة
وصارو يسلمو عليها ويحضنوها
وقعدو مع بعض شوي
هيام _ بنات يلا كل وحدة على المبنى حقها ومحاضرتها خلاص
اسيل _ ايه والله الوقت عدا
دنيا _ ياحظكم كل ثنتين مع بعض الا انا وهالمسكينة نحزن
فرح _ يلا يابنات الجامعة
وكل وحدة راحت على محاضرتها والمبنى حقها
&&&&&&&&&&&&&&&&&&&&&&&&&&&&&&&
في لندن
بسام كان واقف في مكان في الجامعة تقديم اوراق رسمية وكان واقف في طابور
ولمن جا دوره جا واحد وراح بداله
الكلام بالانجليزي اللي جاي بس طبعا عندي الترجمة
بسام _ اذا سمحت انت اخذت دوري
البريطاني _ وماذا كان انت عربي
بسام _ وماذا يعني انني عربي ان هذا نظام وطابور
وشدو مع بعض في الكلام
رجل اللي مفروض يتسلم منهم الاوراق قدم البريطاني على بسام وخلاه هو اول
وبعد ماخلصو وخرجو من هذا المكان وبساحة بالجامعة
البريطاني _ كيف يقبلوك هنا وانت عربي ارهابي
بسام _ انا عربي ولكن لست ارهابي ارجو منك ان تنتبه لالفاظك معي
البريطاني _ لكن العرب ارهابيون ومتخلفون
بسام عصب وقام يبغى يضربه وصار الناس ماسكين بسام
بندر _ اووه اليوم فيه مضاربة مين هذا ياربي هذا مو بسام
بندر _ بسام ياهوو هدي أيش فيك
بسام _ هذا الكلب يسبني لمجرد اني عربي
وصار بسام وبندر مع بعض ويدافعو عن نفسهم وعروبتهم
&&&&&&&&&&&&&&&&&&&&&&&&&&&&
دنيا _ اووه هاذولا الدلخات شكلهم ماخلصو ولا وحدة فيهم ماترد
منال _ هلا بدندون اشبك قاعدة معصبة
دنيا _ هلا فيك بس صحباتي شكلهم ماخلصو ادق عليهم ولا وحدة ماترد
منال _ اها بس ليش ماتتعرفي على صحبات جدد خلاص كل وحدة صارت بقسم
دنيا _ مافي مانع بس انا ماراح اتغير عن صحباتي ابد حنا مع بعض من الابتدائي
منال _ ممكن تعتبريني اول صديقة تتتعرفي عليها بالجامعة
دنيا _ اكيد
دنيا _ معليش اذا مافي احراج بس ودي اسالك سؤال
منال _ لا اسألي معليكي
دنيا _ منال انتي ليش ماتهتمي بنفسك يعني ماتحطي مكياج وشعرك قصير مرة ولبسك يعني غريب شوي
منال _ ياشيخة اولا انا احب الشعر القصير واحب هالاستايل بالبس ومااحب احط مكياج بعتبره حق البنات
دنيا _ هههههه يعني انتي مو من البنات
منال _ ها هههه الا اجل ايش بس الطبيعة احلا
دنيا _ ايه والله وماتشيلين هم مسح المكياج
منال _ ههههههههههه
&&&&&&&&&&&&&&&&&&&&&&&&&&&&&&&
بندر _ وينك يارجال من زمان ماشفتك
بسام _ وانا بعد بغيت اشوفك
بندر _ فرصة سعيدة نتقابل في مضاربة
بسام _ ههههههههههه المهم انت كيفك
بندر _ والله بخير وانت اخبار الغربة معك
بسام _ والله انك شفت قبل شوي
بندر _ اها على كذا باين عليها حلوة
بسام _ بالمرة اقول وش رايك تجي معاي السكن حقي اعزمك على قهوة سعودي
بندر _ اوووه تعرف تسويها
بسام _ اجل
&&&&&&&&&&&&&&&&&&&&&&&&&&&&&&&&
وبكذا هذا البارت خلص البارت اللي بعده فيه مواقف كثير وش سالفة منال هاذي وايش حيصير بسام وبندر تقابلو
حنعرف في البارت الجاي