البارت الثامن
في بيت فهد وهنادي
فهد _ والله اليوم الشغل مرة تعب
هنادي _ الله يعينك حبيبي
هنادي _ فهودي وش رايك اليوم نروح عند ماما
فهد _ اممممممم والله اليوم اتصل عليا فيصل عازمنا عنده في البيت
هنادي _ غريبة والله ماقالت لي فروحة
&&&&&&&&&&&&&&&&
في مكان غير هالمكان وبلد ثانية بالتحديد في لندن
بندر _ لا والله يجي منك يارجال تعرف تسوي قهوة
بسام _ افااا عليك تراني بدوي ماصل
جلسوا يشربوا قهوة وكل واحد يعرف الثاني عن نفسوا اكثر ويحكي معانته مع الغربة
بسام _ الا اقول بندر وش رايك تسكن معايا هنا نتونس
بندر _ لا يارجال مايصير
بسام _ الا يصير ونص بعد الشقة غرفتين وصاله واحنا عزاب يعني تكفينا
بندر _ خلاص ادفع معاك الايجار
بسام _ خلاص صار من اليوم روح جيب اغراضك وخلنا نتونس مع بعض بدل هالغربة
بندر _ ان شاء الله
&&&&&&&&&&&&&&&&&&&&&&&&&&
في جامعة املك عبد العزيز
منال _ وهذي هي قصتي شايفة معاناتي كيف مع الرجال
دنيا _ اهاااا بس حتى لو منول لازم تصبري هذا ابوكي
منال _ وجععععععوا قال ابوي هو اللي كرهني في كل رجال العالم
دنيا _ طيب انتي تكرهين الرجال ليه تقلدينهم حتى في تصرفاتك
منال _ لان انا اشوف ان الرجال اقوى هو اللي يدوس على الحرمة براحته ماحبيت اكون ضعيفة وتقولها وهي خانقتها العبرة
دنيا _ يلا ماعلينا يلا بس قومي منول لاتروح عليك المحاضرة
منال _ بابتسامة تخوف ههههه طيب بس بليز لاعاد تقولي لي منول مااحب هالاسم
دنيا _ اجل وش اناديك منووو
منال _ لالالا حمد ههههههه هذا اسم الشهرة حقي وراحت تمشي
دنيا في نفسها _ والله هالبنت غريبة وتخوف في نفس الوقت انتي وش لك بها يادنيا لا كمان مسمية نفسها حمد الله يستر منها بس وش عليا انا يلا خليني اعيش المغامرة اشوف وش يخبي هالعالم
راحت دنيا لصاحباتها وجلسوا مع بعض وانتهى دوامهم وكل وحده راحت بيتها
&&&&&&&&&&&&&&&&&&
في بيت حنان العصر
ام حنان _ هذي الساعة المباركة وانا امك
محمد _ الله يبارك فيك يمه
وسن _ ماشاء الله اشوفكم مبسوطين فرحوني معاكم
ام حنان _ تعالي وانا امك اخوك محمد نوى يتزوج
وسن _ صرخت باعلى صوتها واااااااااااااي وناسة الله اخوي بيتزوج ومن هي سعيدة الحظ
ام حنان _ هاا اقول ولا تقول انت
محمد _ ههههههههههههه ريهام ياوسن ريهام
وسن _ مين ريهام لاتقولوا ريهام اخت فيصل
ام حنان _ ايه هي
وسن _ الله وش حليلها زين مااخترتوا خلوني اروح ابشر البنات
وطلعت من الدرج وهي تصرخ وعووووده حنونة تعالو بسرعة
طلعت حنان من غرفتها وطلعت وعد كلهم خير ايش فيه
حنان _ ابويا صار عليه شي امي فيها شي
وس _ ههههههههه لا بقلكم خبر بنص مليون يورو
وعد _ ايه قولي بسرعة تراني على اعصابي
وسن _ محمد نوى يعرس
حنان ووعد _ من جدددددددددد
وسن _ ايه وحزروا من هي العروس
حنان ووعد _ مييييييييين
وسن _ حزروا انتم
وعد _ يلا عاد قولي لاتصيري سخيفة
وسن _ ريهاموه اخت فيصل
حنان _ الله والله وناسه
وعد _ جالسة تصفر وترقص والله اختاروا بنت انما ايه
وسن _ والله طلع حمود ماهو بسهل ههههههه
وعد وحنان _ هههههههههههههه
&&&&&&&&&&&&&&&&&&&&&&&&&&
في بيت فرح
فرح _ قولي والله
حنان _ والله العظيم
فرح بصوت واطي عشان مايسمعها فيصل _ طيب متى بيروح يتقدم
حنان _ يقولوا اليوم محمد بيكلم فصيل
فرح _ احترمي نفسك حنون اشوف بيومي عدتك
حنان _ ههههههههه ياحلييها والله بيومي ذكرتيني بها خليني اتصل اعطيها الخبر
فرح _ لا اذا على كذا الخبر انتشر في ارجاء جده قولي لحمود لايتعب نفسه يدق على فيصل الخبر راح يوصل له هههههههههههه
حنان _ هههههههههههه يلا طيب روحي تقلعي فيصل لايحقد علي اخذتك منه
فرح _ هههههههه يلا باي
&&&&&&&&&&&&&&&&&&&&&
المكان في بيت دنيا
الزمان _ الساعة 8 ليلا
رهف _ دندون جوالك يرن
دنيا _ مييييييييين
رهف _ مدري رقم غريب
دنيا _ طيب جايه
احمد _ طالعي يمه بنتك المجنونة دي احد يصارخ من تحت لفوق كذا
دنيا طلعت جري وماانتبهت لكلام احمد ولاكان مارحمته
ام دنيا _ ههههه والله ياحليلها بنتي هذي نوارة بيتنا
خالد _ اجل انا وش ههو
احمد يوشوش خالد _ انت مغازلجي البيت
خالد _ انت انطم لااقوم اهبدك هنا
خالد اخذ مفاتيح سيارته وطالع
ام دنيا _ على وين يمه
خالد _ رايح مع الربع بغيتي شي يمه
ام دنيا _ لا يمه سلامتك
احمد يغمز لخالد _ وبصوت واطي رايح مع الربع ولا الربعات
خالد _ الاثنين انت وش حاشرك يلا مع السلامة
احمد وام دنيا _ مع السلامة
رهف _ والله جوالك من اول ماسكت ردي يابت
دنيا _ ماابغى ارد
رهف _ ليش مييين
دنيا _ عمار
رهف فتحت عيونها الثنتين _ ع ع عماااااار ولد عمي
دنيا رمتها بالمخده وطي صوتك فضحتينا روحي قولي لامي وابوي احسن
رهف _ من وين جاب رقمك وانتي تكلميه ولا ايش وليه يتصل والله دندون ابوي لو يعرف يقطع لاعاد تكلميه
دنيا _ اششششششششش اسكتي هذي كلها اسالة من قال لك اني اكلمه
رهف _ اجل شلون عرف رقمك
دنيا _ ماادري
رهف _ تستخفي دمك انتي
دنيا اسمعي وجلست تحكيها السالفة يوم اتصل عليها عمار وهي بالمجمع
رهف _ حطت يدها على خدها واااااااااه والله هالعمار مرة جرئ كيف ماخاف
دنيا _ تصدقي انا بديت اخاف من حركاته
رهف _ والله دندون شكله يحبك ويبغى يخطبك
دنيا _ خطبك صرصور خايس مثلك وش يخطبني وش هالخرابيط
رهف _ دندون ترى عمور ماعنده سوالف وبنات وهالكلام فطبيعي انه كلمك يعني يحبك او على الاقل معجب بك ويمكن قريب يخطبك
دنيا _ ...............
رهف _ وين رحتي
دنيا _ معاك معاك بس تخيلي خطبني من جد
رهف من قلب _ يارب يخطبك
دنيا _ وجعووووووا
رهف _ والله انك هبلة انا نفسي اعرف انتي ليش كذا ماتبغيه سوا لك شي والله ان عمور حبوب وطيوب وباختصار واحد مافي مثله
دنيا _ ماقلت شي بسسس اقلك غيري السالفة وخلينا ننزل عند امي تحت ابرك لنا
رهف _ اوووك
&&&&&&&&&&&&&&&&&&
عمار ياربي هذي ايش فيها ماترد تكون تعبانة ولا فيها شي لا ان شاء مافيها الا الخير طيب انا لازم اتكد بس كيف كيف اروح ازور عمي بس برضوا كيف اعرف انها فيها شي ولا كيف ياعمار كيف
في بيت هنادي
هنادي _ الف مبروك فروحة والله تستاهلين كل خير اجل انتي ياصغيرة بتصيري ام
فرح _ ههههههه تخيلي
هنادي _ قلتي لامي
فرح _ لا حتى فيصل ماقلت له
هنادي _ ليش
فرح _ مو بكرة عازمتكم بسوي لهم مفاجاءة
هنادي _ سوي المفاجاءة لامي بس فيصل لازم تبلغيه اليوم
فرح _ اممممممم طيب وش رايك كيف اقله الخبر
هنادي _ انا قلك وش تسوي
&&&&&&&&&&&&&&&&&
اسيل _ والله وحشتني مووووت ياقلبي
بسام _ والله وانتي اكثر كيف الاهل كلهم طيبين
اسيل _ الحمد لله بخير
بسام _ تصدقي ياقلبي نفسي اقطع الدراسة واجي عشان نتزوج
اسيل حمر وجهههها _ .......... يلا هانت
بسام _ أي هانت لسه بدري والله
اسيل _ الا كيف صاحبك اللي معك
بسام _ والله طيب ماعليه شر تصدقي والله ونسني صرنا نخرج سوا ونجي سوا ونسهر سوا ونذاكر سوا والله خفف علي كثير
اسيل _ الله يوفقكم يارب
بسام _ يارب
في دنيا بالتحديد في الصالة
دنيا واحمد كالعادة مهاوش وضرب ومضروب ورهف والام يتفرجوا ويضحكوا دخل عليهم عبد العزيز ونور
عبد العزيز ونور _ السلام عليكم
الكل _ وعليكم السلام
سلم عبد العزيز على امه واخوته ونور سلمت عليهم وعلى احمد
احمد _ يلا انا استاذن
عبد العزيز _ خذني معك
احمد وعبد العزيز _ يلا مع السلامة
دنيا _ فكة منكم مابغيتوا تطلعوا احمد طنشها ومشي وعبد العزيز طالع فيها
دنيا مسوية نفسها خايفة _ طبعا الكلام مو موجه لك ابدااااااااااا يابو يزن
عبد العزيز _ ضحك وخرج مع احمد يجلسوا بمجلس الرجال
رهف _ تعالي حبيبت عمتووووو تعالي ياقلبووو
دنيا _ تبوس في خدود ريماس لمن خلتها تبكي
ام دنيا _ بس يادنيا كسرتي خدود البنت
دنيا _ يمه شغل جدات مانبغى بنت اخوي وانا حره فيها
رهف يلا عاد قومي خلص دورك دنيا خذيها من حلاتها هي وخدودها هذي وشدت لها خدودها واااااه اموت في ام خدود انا
نور _ ههههههههههه والله انكم هبلتوا في بنتي
رهف _ وش نسوي نحبها نحبها وجلست تلعب ريماس وتغني لها
دنيا _ وش فيه روح عمتووو زعلان وماد البوز
يزن _ انتم بس تدلعوا رموسة وماتحبوني
دنيا _ عسى اللي مايحبك بالقرادة قول امين
يزن _ اميييييييييين ويرفع يدوا للسما
الكل _ ههههههههههه
دنيا _ طيب يلا وش رايك يزوني حبيب عمتك انت نروح نلعب بالحوش
يزن _ واللله
دنيا _ والله يلا مشينا
اخذت يزون وجلست تلعبوا في الالعاب اللي في الحديقة وتجري وراه
&&&&&&&&&&&&&&&&&&&&&&
في مكان غير المكان وزمان غير الزمان في بلد الغربة عند بسام ويندر
بندر _ تصدق والله انك مليت علي وحدتي هنا كنت بتجنن
بسام _ والله نفس الشي
دق جوال بندر وابتسم ابتسامه عريضة ودخل الغرفة يكلم
بندر _ هلا بالغرام والشوق والاشواق كلها
غرام _ هلا فيك يالغلا
بندر _ كذا غرامي اتصل عليك يومين ماتردي
غرام بدلع _ والله بيبي اسفة بس والله انشغلت مرة بالجامعة
بندر _ اهاااا غرامي بقلك سر بس انتبهي لحد يدري عنه
غرام _ قول سرك في بير
بندر _ انا بموووووووت
غرام _ وه بندوري بسم الله عليك عساه بعدوينك يارب لاتقول هالكلام والله ازعل منك
بندر بصوت يخقق _ انا بمووووت من الشوق لك
غرام حمرة خدودها وحست بففرحة ماقد حست بها قبل كذا _ .........
جلسوا يتكلموا بندر وغرام وطولوا مرة اول ماخرج بندر من الغرفة كانت الابتسامة شاقة حلقه
بشام _ ماشاء الله وش هالابتسامة
بندر _ يتنهد ااااااه
بسام _ لا فيها ااااااااه بعد السالفة كبيرو وش عندك
بندر _ اسكت يابسام والله اني واقع في قصة حب ماعمري حسيت بها
بسام _ اوووه السالفة فيها حب لاهذي يبغالها جلسة وفصفص
بندر _ وش معنى فصفص هههههههههههه
جلس بندر يحكي بسام عن كل شي من اول مااتعرف على غرام بالسوق لااخر مكالمة وطبعا ماقله ان اسمها غرام
بسام _ لا والله شكلك وقعت يابندر ومحدن سمى عليك
بندر _ انا عمري ماحسيت بطعم الحب ولا الراحة والسعادة غير مع هالبنت
بسام _ طيب اذا تبغاها ليش ماتخطبها
بندر _ ناوي وانا اخوك بس ارجع للسعودية يصير خير
جلس بندر يفضفض عن اللي بقله لبسام وبسام جلس يحكي بندر عن خطيبتوا اللي هي اسيل كيف اتعرف عليها وصاروا مع بعض اكثر من اخوان اسرارهم كلها عند بعض ويحبوا بعض حب مو طبيعي
&&&&&&&&&&&&&&&&&&&&&
عمار راح عند روان وتميلح عندها وقالها بيوديها بيت عمها وهي ماصدقت خر وراحت على طول
&&&&&&&&&&&&&&&&&&&&
في بيت فرح وفيصل
فيصل _ هيا فروحة قومي خلينا نخرج
فرح _ اممم لا مافيا
فيصل _ فروحتي انتي تعبانة فيك شي اوديك المستشفى
فرح _ لا مايحوج الموضوع يابو فهد بس فهودي متعبني شوي
فيصل _ اها طييب وجالس يطالع في التلفزيون
فرح تطالع في فيصل تبغى تشوف رده فعله شكله مااستوعب الهرجة
فيصل دار وجه وفي الف سؤال وسؤال بعينه وبصوت مبحوح_ فروحتي انتي ايش قلتي عيدي اللي قلتيه توك
فرح ماسكة نفسها بالقوة لاتضحك على شكل فيصل اللي كان مرة تضحك رده فعله _ اقلك مايحوج الموضوع يابو فهد بس فهودي متعبني شوية وابتسمت
فيصل _ يعني اللي سمعته صح فروحة انتي انتي حااااااااااااامل يعني انا بصير ابو
فرح _ ههههههههههههه ايوا انت بتصير ابو وانا بصير ام تخيل
فيصل من الفرحة _ قام وشال فرح وصار يلف فيها الغرفة كلها
فرح _ هههههاااااااااي ههههههههههه فصولي والله دخت خلاص نزلني
فيصل شالها وحطها على السرير ويكلمها بحزم _ اسمعي من اليوم ورايح مااشوفك تقومين السرير كل شي تبغيه بيوصل لك لحدك فاهمة ياام فهد
فرح _ فيصل عاد لاتزودها ترى دوبي اول شهر
فيصل _ لو انك اول يوم مو اول شهر ماابغاكي تحتركي انتي بس اشري باصبعك على اللي تبغيه وانا بجيبه لك
&&&&&&&&&&&&&&&&&&&&&&&&&&
دنيا _ يلا يزون ارمي الكورة
يزن _ يلا
دنيا _ ههههههههههه ياشيخ هذي الرمية ولا هنري مايسويها انت ماشاء الله مو بس رميت الكورة رميت نفسك معاها
يزن _ ههههههههههه
دنيا _ يازينووووو اللي يدحك يانااااسو
بدخله سيارة عمار دنيا مانتبهت للسيارة وجالسة تلعب مع يزن نزل عمار ونزلت روان
يزن _ عموووووووو عمووور وراح يجري لعمار
دنيا _ لفت وجها وشافت عمار قدامها عمار طالع فيها شوية ودار وجه عشان روان معاه
روان_ واه دندون انتي هنا خلاص عمور روح لمن اخلص اناديك
عمار مسوي محترم _ طيب كيفك يادندون
دنيا لسانها مجمد _ ..........
دنيا _ الحمممممد لله
راح عمار هوشايل يزن عند مجلس الرجال ودخلت روان ودنيا البيت
نور _ ياهلا والله نور البيت والله
روان _ منور بام يزوني
ام دنيا _ حياك الله يابنيتي الا وين امك ليش ماجت معك
روان _ الله يحيك ياعمه بس والله خرجنا انا وعمور وهيا كانت نايمه
نور _ وليش ماقلتي لسارونه تجي
روان _ وايش معنى سارونه انا مو ممليه عينك
نور _ ههههههه محشومه
رهف نازلة من الدرج وهذا انا غيرت لها أي اوامر ثانية مدام نور
رهف _ بسم الله رونا عندنا يامرحبا يامرحبا
روان _ مرحبتين ببنت العم
دنيا _ عن اذنكم دقيقة
&&&&&&&&&&&&&&&&&&&
احمد _ اجلس يارجال وش عندك
عمار _ والله بروح مشوار خلوها مره ثانية
يزن _ عمو عمووور خدني معااااااك
عمار _ عزيز خلي ولدك يحشمني وش عمو ويقلي عموور
عبد العزيز _ ههههههه تستاهل انت دلعته
احمد _ عاد مااسمحلك ترى ولي العهد ههههههه
عمار _ ههههههه يلا في امان الله
يزن _ بروح معاااااااااك
عمار _ ياذي النشبة خلاص انا بروح مشوار واجي اخذك اوديك الملاهي بعدين
يزن _ وعد
عمار _ وعد
عبد العزيز _ تراك وعدت ولي العهد يعني لو اخلفت بقوم اقطعك
عمار _ وانا اقدر على ولي العهد وابوه يلا باي
&&&&&&&&&&&&&&&&&&&&
هيام _ لاتقوليها ياشيخة
دنيا _ والله ياهيام هذا عمار مره قاهرني
هيام _ حرام عليك هو صح يقهر بس والله حركاتوا حلوة ههههه
دنيا _ ايوا عشانها مو فيك
هيام _ دحين يعني روا عندكم
دنيا _ ايون
هيام _ طيب اعزميني لو بالكذب على الاقل
دنيا _ حياك البيت بيتك تعالي
هيام _ بشوف سوسو واكلمك
دنيا _ اقول احترمي عمتي مو اسمها سوسو اسمها سعوده
هيام _ ههههه الا صح دندون مادريتا
دنيا _ وش هو
هيام _ محمد بيخطب ريهام
دنيا _ من محمد ومن ريهام
هيام _ ياهبلة ركزي ولا عمور اخذ عقلك
دنيا _ وجعوااا قال عمور يلا مين هما
هيام _ محمد اخو حنونة وريهام اخت فيصل
دنيا _ لا قولي غير كذا
هيام _ والله هو كذا
دنيا _ ياحليلها رمرم والله تستاهل بس هين انا اوري حنونة ليش تقولك وماتقلي
هيام _ تقول اتصلت عليك جوالك مقفل نسيتي انك قفلتيه عشان عموووور حبيب القلب
دنيا _ يلا انقلعي يلي ماتستحين وسكرت السماعة في وجها
هيام _ ههههههههههه يازينك يادندون يارب يكتب عمار من نصيبك ولا شاب مافي زيوا
ابو هيام _ انا مو قلت لك الراتب ماتصرفي منه شي في 100 ريال ناقصة وين وديتيها هاااا
كان ابو هيام سكران وجالس يضرب في ام هيام نزلت هيام وشهد من فوق وشافوا امهم تنضرب قدامهم ماقدرت تستحمل هيام ونزلت تدافع عن امها اما شهد ماكانت تقدر توقف بوجه ابوها وكانت الدموع كفيلة فيها وجلست تبكي
هيام _ بعد عن امي
ابو هيام _ انتي انقلعي مالك دخل
هيام _ انا مااسمحلك كله الا امي وخر من هنا لاادق على الشرطة يجوا يسحبونك وانت بهذي الحالة
ابو هيام _ وحده زيك تهددني ومسكها وجلس يضرب فيها
هيام والدموع حجبت رويتها وصوت بكاها عالي _ اضرب براحتك ماعاد يهمني اهم شي ماتمسك امي
ابو هيام _ انتي وحده ماتربيتي الغلط مو منك من ام ربتك
هيام _ انا متربية قبل لااشوفك انت اللي روح واتربى لو انك متربي ماكان كل يوم تجينا سكران وتضربنا
ابو هيام _ طاح فيها ضرب لانها زودتها معاه انا الله مو رازقني غير بيكم يالعار لو عندي ولد كان ربيته عدل مو مثلكم
هيام وهي تبكي وتشهق _ اذا انت ماتبينا مرة حنا مانبيك مليون
شهد من كثر ماتبكي طاحت على الارض مغمي عليها
سعاد _ يمه بنتي
ابوهيام _ خرج من البيت وسك الباب بسرعة ولا كان اللي طاحت على الارض بنته
هيام وهي تبكي _ حسبي الله ونعم الوكيل الله ياخذ حقنا منه عساه يموت ويفكنا
سعاد تصرخ _ هيام اتصلي على بيت خالك وخليهم يجوا بسرعة
هيام _ اتصلت على دنيا وقالت ان شهد اغمى عليها ويبغوا يودوها المستشفى بسرعة
&&&&&&&&&&&&&&&&&&&&&&
في بيت دنيا
ام دنيا _ يلا عبد العزيز بسرعة خلنا نروح
نور + رهف + روان _ طمنونا طيب
خرج عبد العزيز وامه ودنيا وراحوا على بيت عمتهم سعاد واخذوا شهد وودوها المستشفى وكانت نفسية هيام وامها مرة متدمرة
في المستشفى
سعاد _ ها بشر يادكتور
الدكتور _ لا الحمممد للله صحة المريضة كويسة بس هي محتاجة شويت راحة وبسبب ضغوط نفسية جاها انهيار عصبي
عبد العزيز _ يعني هيا بخير مافيها شي
الدكتور _ الحممد لله
ام دنيا _ هدي ياسعاد الحمد لله بنتك مافيها الا الخير بس شويت تعب
سعاد كان جوابها دموع فقط
رهف _ ها دندون ايش صار على شهد
دنيا _ الحمد لله طيبة اتطمنوا بس انهيار عصبي
رهف _ انهيااااااااااااار
دنيا _ ايوا
رهف _ طيب خلاص انا ونور وروان دحين بنجي المستشفى
دنيا _ طيب
&&&&&&&&&&&&&&&&&&&&&&&&
في مكان ثاني كانت الفرحة مالية بيت فرح وامها شوية وتطير من فرحتها ببنتها
ام فرح _ يمه فرح انتي دحين حامل انتبهي على اكلك زين ولا تتعبي نفسك كثير لمن حملك يثبت
فرح _ ان شاء الله
هنادي _ الله يعينك فروحة عاد وش يفكك من نصايح ام تركي
فرح _ ههههههههه لو ادري ماقلت لا لها ولا لفيصل والله جننوني
ام فرح _ هذا انتم يابنات هالجيل مدري كيف بتصيروا امهات وانتم ماهمك شي اسمعي انتبهي على نفسك في الجامعة لاتمشي كثير وترهقي نفسك وافضل لو انك توقفي هالترم
فرح _ لايمه حرام عليك هذي اول سنة لازم اثبت نفسي في الجامعة بعدين الحمل ربك يحلها
وجدان _ قلتي لصاحباتك فروحة
فرح _ لا بسويها لهم مفاجاءة في الجامعة يوم السبت ان شاء الله
ام _ فرح اذا انا امها سوتها لي مفاجاءة
وجدان _ بس كانت احلى مفاجاءة يلا حبيبتي الله يتمم لك حملك على خير وتولدي وتجيبي لنا فهودي الصغير
هنادي _ واااااااي فروحة تصدقي اني بديت احب ولدك
فرح _ علو طول خليتوه ولد يمكن تطلع بنت وبعدين اكيد هنودة راح تحبيه او تحبيها مو عيال اختك
هنادي _ ههههههه لا ترى ماعلي انهم عيال اختي بس عشان بتسمي فهودي فديته
فرح _ شوف النذالة يعني مو عشان ولدي
هنادي _ ههههههههههه لا طبعا
&&&&&&&&&&&&&&&&&&&&&&
في اجواء يعمها الضباب في لندن
بسام _ يلا بندر نخرج والله الجو اليو خرافي
بندر _ يلا مشينا
نزلوا وراحوا الكوفي اللي جنبهم وشربوا لهم كوبين كوفي وكانوا مرة مستمتعين بالاجواء الجميلة هذي
بسام _ بندر وش فيك اليوم مو على بعضك بس ماسك جوالك
بندر _ والله ياخي الوجه حقي ماكلمتني اليوم خايف يكون فيها شي
بسام _ هههههه لاان شاء مافيها الا العافية
بسام_ ان شاء الله الا صح هي وش اسمها
&&&&&&&&&&&&&&&&&&&
في اجواء حزينة في المستشفى
عمار _ خير ياعمة وش فيكم عساها طيبة بس شهد
دنيا الدم نشف بعروقها ماتدري ليه لمن تشوف نظرات عمار لها تحس بكهرباء في جسمها
رهف _ كانت جالسة تبكي لان شهد من اعز واقرب الناس لها
دنيا _ رهيف خلاص اسكتي شوفي حالة هيام كيف خلاص
في دخلة الدكتور
ابو عبد العزيز _ ها بشر يادكتور
الدكتور _ الحمد لله البنت فاقة تقدروا تدخلون لها بس من غير أي صراخ او بكى نفسيتها ماتتحمل
دخلوا كلهم على شهد حتى العيال لان شهد ماكانت تتغطى من احد هيا وهيام يعتبروا عيال خيلانهم مثل اخوانهم واكثر
سعاد راحت تحضن في بنتها والعبرة خانقتها وماسكة الدمعة بقوة
ابو عمار _ ماتشوفين شر وانا ابوك
شهد _ الشر مايجيك خالي
ابو عبد العزيز _ الحمد لله على سلامتك
شهد _ الله يسلمك
خالد _ يلا عاد شهودة لاتدلعين علينا ماشاء الله مافيك الا العافية
شهد _ ابتسمت تسلم يااخوي
خالد حزت الكلمة بنفسوا اخوي _ .............
دنيا _ يلا عاد قومي يانا عندي لك اخبار بتنسيك عمرك بس قومي انتي بالسلامة
شهد _ هههههههههه
روان _ وانا جبت امس افلام انما ايه يلا قومي لنا بالسلامة عشان نلحق نتفرجهم
رهف _ كذا خوفتيني عليك ياللي ماتستحي
شهد _ ههههههههههه
هيام _ يلا عاد قوموا عن اختي خلوني اجلس جنبها
دنيا _ مافي انا مو قايمة وهذي تربيعة بعد وخري شهوده على هناك ولا انزلي من السرير ابرك
عمار _ كانت عيونوا وقلبوا يراقبوا دنيا وحركاتها اللي غيرت مود الكل وصاروا كلهم يضحكوا
ابو عبد العزيز _ انا عندي لكم خبر يجننننن
دنيا _ بسرعة بسرعة يبا تكفى قبل لاادوخ
روان _ الحقها عمي بالخبر قبل لاتنصرع علينا ولاتجيها حكة الاخت مدمنة
الكل _ هههههههههههه
دنيا _ ماعليا منك وش هو الخبر يابو عبد العزيز
ابو العزيز _ من اليوم ورايح عمتكم سعاد راح تسكن عندنا في البيت
سعاد وهيام وشهد _ الصدمة كانت على وجيههم
دنيا قامت تنقز زي البزران فوق السرير الله احلى خبر سمعناه يعيش ابو عزوز يعيش
سعاد _ بس يااخوي
ام دنيا _ مافي لابس ولا غيره احنا قلناها كلمة وان ماشلتك الارض وانا اختك تشيلك عيوني
ابو عبد العزيز _ ماعندي بنات يعترضون ياسعاد هههههههههه
سعاد _ الله يطول بعمرك يااخوي ويخليك ذخر لي ولبناتي
دنيا _ وااااااااي انا من الوناسة خوفي تجيني سكته قلبية
شهد _ بسم الله عليك
دنيا _ لو اعرف ان هالخبر بيجي مع طيحتك كان من زمان ادعي ومتمنية انك تطيحي
شهد _ وجعووووووووا وقامت تخبط دنيا على يدها
عمار في نفسوا _ اه يازينك وزين خفة دمك والله ان كل مالك تكبرين بعيني وتتربعي بقلبي الله يصبرني لمن اجي واخطبك
&&&&&&&&&&&&&&&&&&&&&&
في بيت فرح
فرح _ خلاص فصولي والله انبشمت من الاكل
فيصل _ طيب بس هذي
فرح _ والله شبعت فصولي
فيصل _ عشان خاطري بس لقمة
فرح _ خلاص هذي اخر لقمة عشانك بسسس
فيصل _ انتي المفروض تاكلي اكل عن نفرين
فرح _ لاتسوي زي امي ترى من امس وهي تاكل فيني كان مافي احد حمل غيري
فيصل _ طبعاااااا انتي غير انتي حرم فيصل ال.......
فرح _ هههههههههه
فيصل _ وش رايك فروحة بكرة ماتروحي الجامعة
فرح _ليش
فيصل _ اخاف عليك تتعبي
فرح _ هههههههه طيب بكرة اغيب لمتى يعني اغيب الترم كله
فيصل _ والله لو تبطلي جامعة افضل
فرح _ لا فيصل تكفى كله الا الجامعة هذي اول سنه لازم اثبت نفسي
فيصل _ اممممممم طيب ياقلبي اللي يريحك يلا خلاص ننام
فرح _ طيب انابروح اغسل الصحون واجي انام
فيصل _ تغسلي ايش انا اللي بروح اغسل الصحون وانتي ارتاحي
فرح _ هههههههههههه انت من جدك
فيصل _ وجد جدي بعد هههههه من اليوم ورايح مافي شغل في البيت
فرح _ مايصير زي كذا يافصولي
فيصل _ لا يصير ونص بعد ياعيون فصولك انتي
فرح _ جلسن تضحك على فيصل اللي شايلها على كفوف الراحة
فرح _ الله لايحرمني منك ياعمري يافيصل عسى يومي قبل يومك
&&&&&&&&&&&&&&&&&&
في بيت دنيا
ام دنيا _ ياهلا والله نور بيتنا بوجودك ياسعاد
سعاد _ كثر الله خيرك يامنيرة بس انا خوفي اثقل عليكم
ام دنيا _ افا وانا اختك والله ان ماشالتك الارض تشيلك عيوني
سعاد _ ماتقصرين ياام عبد العزيز
دنيا هيوم انتي بتنامي معايا في غرفتي
هيام _ لا دندون انا بروح انا في الغرفة حقت امي انا وشهد ماابغى اثقل عليكم
دنيا _ اقول من أي مسلسل سامعة هالكلام ترى حنا اخوات ونا وانتي بنام هنا والبزرتين هذول بيناموا في غرفة رهيف
رهف _ والله مابزر غيرك يالمرجوجة
روان _ تصدقون بنات انا ببدا احسدكم كلكم هنا متجمعين وانا ماعندي احد
دنيا _ الله واكبر لاتكون عينك حارة ونتسدح على الفرش كلنا ههههههههه
روان _ ههههههه خفيفة دم والله من جد بنقهر منكم
رهف _ ولاتحطين في خاطرك كل يوم تعالي هنا ضفي وجهك وخلينا نتونس مع بعض
روان _ اكيييد اصلا من غير ماتقولي بجي ارز الفيس هههههههه بس يبغالي اسوي عقد مع عمور انه يوصلني هنا
هيام _ يلا بنات خلونا ننزل تحت
نزلوا البنات وجلسوا مع امهاتهم وعايلة ابو عبد العزيز كلهم مبسوطين بوجود عمتهم اللي راح تسكن عندهم
&&&&&&&&&&&&&&&&&&&&&&&&
في بيت غرام الساعة 10 في الليل
غرام _ بسام يسلم عليك
ام غرام _ الله يسلمه هو دحين في لندن صح
غرام بدون نفس _ ايوا
ام غرام _ ماعنده اجازة وكم سنة دراسته
غرام _ ولا كانه ولدك هذي الاسئلة المفروض تكوني انتي اكثر وحده تعرفيها لكن انتي عمرك مااهتميتي فينا ياماما وطلعت غرفتها وهي تبكي
ام غرام _ يوووه خليخا براحتها هالبنت ماينعرف لها خليني اقوم اروح لام عبد الرحمن ابرك لي
غرام _ الوووو بندر
بندر _ هلا باحلى صاحبة الوووو وين الناس مبطين شغلتيني عليك
غرام وهي تبكي _ ........
بندر _ غرامي وش فيك
غرام وصوتها كله بكى _ انا متضايقة يابندر طفشانة
بندر _ من اللي مزعلك وانا اذبحه لك
غرام _تشهق لانها كانت تبكي من قلب ............
بندر _ خلاص حبيبتي هدي حالك مايصير اللي تسويه في نفسك تراك غالية علي وش هو له هالدموع
غرام _ ............
بندر _ يلا ياقلبي روحي دحين غسلي وجهك وتوضي وصلي ركعتين لله وراح ترتاحي وبعدها نامي وبكرة قبل لاتروحي الجامعة الساعة 9 راح اتصل عليك واتطمن اوكي ياحبي
غرام _ ان شاء الله
بندر _ يلا حبيبتي لاتزعلى نفسك مافي شي يستاهل وبكرة راح افهم منك السالفة ان شاء الله دحين اسيبك لان الوقت عندكم تاخر ولازم تروحي تنامي وراك جامعة بكرة
غرام _ طيب يلا مع السلامة
بندر _ في امان الله
غرام راحت تغسل وجها وقفت قدام المراية وهي تتامل وجها وخصلات شعرها اللي نازلة على وجها وعيونها المنفوخة والحمره من كثر البكى
غرام _ ليش اول ماحسيت اني زعلانة دقيت على بندر يمكن لاني احس معاه براحة وامان عمري ماحسيت بيها يمكن اكون فعلا حبيت بندر مو زي غيره واتردد في بالها الف سؤال وسؤال
&&&&&&&&&&&&&&&&&&&&&&&&&&
المكان جده
الزمان الساعة 8 صباحاااا
في بيت غرام
غرام _ كانت في سابع نومه
وصحت على صوت الجوال روح الروح يتصل بك
غرام _ ابتسمت وردت الو
بندر _ صباح الفل والياسمين صباح اللي بتغني
غرام _ ههههههه صباح النور والسرور وش هالصباح اللي يجنن
بندر _ كيفك دحين
غرام _ تمام كيف انت
بندر _ بخير دامك بخير
بندر _ اقول انتي ماعندك جامعة اليوم ولا ايش
غرام _ الا بس محاضرتي الساعة10
بندر _ اها ومتى تجي
غرام _ على الساعة 2 او 2ونص
بندر _ ليه كم ساعة المحاضرة
غرام _ ثلاث ساعات وبعدها متواعيدن نتجمع في الكافتريا لان صاحباتي لي فترة عنهم تعرف الجامعة فرقتنا ماصرنا نتقابل مثل اول
بندر _ اها طيب يلا قلبو انا استاذن دحين محاضرتي بتبدا
غرام _ اوكي باي
بندر _ باي
&&&&&&&&&&&&&&&&&&
في بيت اسيل
اسيل جالسة قالبة غرفتها فوق تحت تدور ملابس لاني زي ماقلت اسيل من النوع مهتم بنفسه مرة كثير
اسيل _ ياربي مو عارفة ايش البس البس هذا ولا هذا لاهذا احلى
&&&&&&&&&&&&&&&
في الجامعة
حنان _ يوم والله طفش كل الناس محاضرتهم متاخر الا احنا في احد يروح محاضرة من الساعة 8
فرح _ ولا كمان مدتها 4 ساعات يعني ام الغث
دخلوا حنان وفرح على محاضرتهم
وراحت هيام على محاضرتها ودنيا على محاضرتها
والساعة 10 كانوا اسيل وغرام واصلين وراحوا هما كمان محاضرتهم
في الجامعة الساعة 11
خرجت دنيا لان محاضرتها كانت ساعتين وهي ماشية في الاسياب لقت منال
دنيا _ هلا منول اقصد حمد
منال _ هههههه هلا والله بعيون حمد تعالي تعالي اجلسي
دنيا _ ايش اخبارك ايش مسوية
منال _ تمام وعال العال انتي كيفك
دنيا _ بخير الحمد لله ماشاء الله اشوفك مستوطنه هنا ماوراكي كحاضرات
منال بصوت عريض وخشونة زي العيال _ ياشيخة اهجدي مين يحضر محاضرات الساعة 11 حمد هذي قوية انا ادخل المحاضرة وقت ماابغى ولعيون الحلوين اليوم بكنسل ام المحاضرة
دنيا _ ابتسمت ماتدري انها فتحت لها ابواب من ورا هالابتسامة
منال _ تعالي خلينا نجلس هناك نروق
دنيا _ اوكي
&&&&&&&&&&&&&&&&&&
في الجامعة الساعة 12
خرجوا حنان وفرح وهيام وتجمعوا بمكانهم المعتاد
فرح _ وين دندون
حنان _ مو قالت محاضرتها تنتهي 11
هيام _ تلاقيها راحت تجيب لها شي
&&&&&&&&&&&&&
دنيا _ منال بليز لاتكلميني بهذي المواضيع ترى مااحبها
منال _ من عيوني
دنيا بخوف في نفسها _ الله يستر والله بديت اخاف منك يامنال
دنيا _ منال انتي ليه كذا تصرفاتك غريبة مع البنات
منال _ لان العيال كلهم كذا
دنيا _ بس انتي بنت
منال _ لا انا مو بنت انا اكره ضعف البنات واكره العيال كلهم
منال _ خلاص فكينا من هالسيرة اعطيني رقم جوالك ابغى اكلمك
دنيا _ طيب سجلي عندك 055..........
منال _ دندون بسالك بصراحة انتي قد حبيتي قبل كذا
دنيا مستغربة من السؤال _ لا طبعا ماحبيت
منال _ اها احسب
دنيا _ احسب ليه وش فيه
منال _ انا احب لمن اتعرف على وحده وتكون صديقتي مااحب انها تحب اخذ غيري واذا احد اخذها مني اذبحه
دنيا _ اوف يعني عندك حب تملك
منال _ نوعاااا ما
دنيا _ يوه حمد والله الجلسة معاك ماتنمل بس الساعة 1 ولازم اروح مواعده صاحباتي
منال _ خلاص ياعمري بيننا تلفون
دنيا _ اوكي يلا باي
منال _ باي
&&&&&&&&&&&&&&&&&&&&
غرام _ والله بدري كان جلستي مكان ماكنتي احسن احنا خلصنا محاضرة وجينا وانتي لسه
دنيا _ اقول لاتكثري انطمي وسلمت على صاحباتها اللي صاروا مايشوفوا بعض كثير
حنان _ وين كنتي من الساعة 11
دنيا _ مع منال جالسة
اسيل _ دندون انتي ليش تجلسي معاها والله هالبنت تخوف باين عليها انها بويه
دنيا _ بويه ولاسيراميك بجلس معاها
هيام _ انتي هبلة هذي تلاقيها مشبوهة هنا
دنيا _ طيب طيب
فرح_ بنات بقلكم شي
الكل _ ايش
فرح _ فهودي جاي بالطريق
دنيا _ والله ياذا الفهودي النشبة وش جايبه حتى بالجامعة مو مريحنا قولي له يالمراهق نبغى نجلس معاكي
فرح _ ههههههههههههههههههه تضحك على دنيا لانها مو منتبه للسم تحسب انه فصولي فيصل
غرام _ خير ليش تضحكي
اسيل _ لحظة فهودي زوج اختك جاي ياخذك ليش وين فصيل
فرح _ هههههههههههه
هيام _ يلي ماتستحين تركبين مع فهيد قولي له لايتعب نفسه احنا نوصلك معانا
حنان _ فروحة ليش ماقلتيلي كان كلمت محمد من اول دحين مين يجي ياخذني
فرح _ هههههههههههههههههههههههههه
دنيا _ ليش تضحكي دحين خير
فرح _ ههههههه لحظة خلوني اكمل لكم الموضوع انا بقلك فهودي جاي بالطريق يعني بعد 8 شهور بتصيروا خالات
البنات _ انتي حامل
فرح _ هههههههههههه بسم الله الرحمن الرحيم ايوا انا حامل
قاموا يسلموعليها ويباركوا لها
حنان _ يخص عليك ليش ماقلتي لنا من اول
فرح _ الاسبوع اللي فات عرفت
اسيل _ كم شهر
هيام _ يالخبلة انتي هيا لها شهر ونص متزوجة يعني كم لها سنة حامل
اسيل _ طيب لاتصرخي
دنيا _ حركات يامراهقة والله بتصرين ام والمراهق الثاني بيصير ابو
غرام _ ههههه ماشاء الله ماعندك وقت
فرح _ ههههههه
دنيا _ ياني متوعده بزرتك اني بطلع لها قرون
فرح _ وه ليش حرام عليك
هيام _ بدينا حنان الام من دحين ولد اختنا واحنا حرين فيه
دنيا _ اما انا من اول مايتولد بجلس احكيه عن امه وابوه المراهقين طبعا مع شوية بهارات من عندي
الكل _ ههههههههههه
حنان _ الله فروحة مرة مبسوطة مو مصدقة اني راح اصير خالة واجلس ادلع في ولدك ولابنتك
اسيل _ اما انا لو طلع بخدود بجي احول بيتنا عندك
غرام _ يلا عقبالك اسولة الله انتي لو خلفتي اصير خالة وعمة واي وناسة
اسيل استحت وحمرت خدودها _ ................
دنيا _ حركات يالمراهقة نمبر تو وصرنا نستحي والله
اسيل _ دندون اهجدي عني
دنيا _ تصدقون بنات انا اتمنى بساموا يجي اليوم قبل بكرة
اسيل _ عيونها طلعت متر قدامها ليييييييييييش
غرام _ احترمي نفسك دندون ترى اخوي محجوز
دنيا _ مالت عليك وعلى اخوك بس انا مقهورة احس انه فلت من يدي مانغست عليه فترة الخطوبة مثل فصيل
البنات _ هههههههههههههههههه
وجلسوا البنات يسولفوا مع بعض وكل وحده فرحتها ماتنوصف بحمل فرح مبسوطين لانهم اول مره راح يصيروا كلهم خالات بنفس الوقت
خلصوا البنات على الساعة 2 وكل وحده راحت بيتها
وبكذا البارت خلص وراح نشوف التطورات في البارت الجاي
بسام ياترى عرف ان اخته هيا اللي تكلم بندر ؟؟؟؟؟
ايش سالفة منال البويه مع دنيا ؟؟؟؟؟؟
خطبة محمد وريهام راح يوافقوا ولا يعترضوا ؟؟؟؟
عمار راح يخطب دنيا ولا لا ؟؟؟
ايش قصة خالد مع شهد ؟؟؟
كل هذي التطورات راح نتكلم عنها بس في البارت الجاي