| كنى ..للشاعر فتحى القابسى
 ]كنــــــــي[
كني وين انقول خلاص أوصلتك نلقي ميـــــــــــــــة هم
وكني ماني كيف الناس اللي في عقلي ما تلتــــــــــــــــم
اتعبت وتعبني لفــــراق وذابن في صدري الاشـــــــواق
وماني عارف كيف أتم
]كنـــــــي[ كني وين انقول اقربـــت الشط اتباعدني لمـــــــواج
وكني وين انقول افرحت بغالي يتركني محتـــــــــاج
ظنك مكتوبة في لوحــي يكمل عمري ما نرتـــــاح
ولا غير اوهام ابروحي بعد الليل ايجي الصبــــــاح
من صغري حسيت النار وقست اللوعة بدري بدري
نخفي في دمعة لنظــــار وهابا ياما شايل صـــــدري
حتي وين الود عطيـــت مكان الود خذيت جفــــــاء
وحتي كان نهار ازهيت زهاي ايرد علي ابكــــــــاء
احساسي بوجودي معدوم طاير لكن وين انعدي
ديما ياحبابي مصدوم وماملي راحت من يدي
مافيه باب وما دقيته لكن ما جاني الوجاب
ومامالعيب اللي دسيته جاني من خيرة الاصحاب
فوق اكتافي شلت احلامي لكن وين انعدي بيها
واللي فلت اتجي قدامي خلفي ديما نلقي فيها
ظنك في عودي الحكاية مهما نشري حظي بايع
ولا فيه خيال ورايا مهما نعشق ضايع ضايع
اتعبت وتعبني الفراق وذابن في صدري الاشواق
وماني عارف كيف اتم قصيدة للشاعر فتحى القابسى من مدينه الشعر والشعراء ندى الايام  |