اعذرك ياوطن من تجـذب الاه
واعذرك لو شفت دمعاتك اتطيح
اذا بيك الجرح واصـل للعظـام
اتحمل عالجرح وارجوك لتصيح
جنت مفتاح تفتح شـدة الغيـر
هسه الغيـر بخلـو بالمفاتيـح
مااريدك تصدك دمعـة الجـار
او حياتك كل جوارينك تماسيـح
امس بيدر جنت تشمر للحلـوك
او للجوعان تركض تسبك الريح
اشماله الشبع منك هيجي جازاك
يطشر بيك بحلـوك المراويـح
نصبولك مشانق والحبـل نـار
او نسو حبلك الجان الهم مراجيح
نسو طولك جبل ماهزه كل فاس
والقمه جذب بالفـاس م اتطيـح


منقول