 هكذا قال العراق لابنتهِ بغداد...........
هكذا قال العراق لابنتهِ بغداد
هكذا قال الاب العراق لابنته بغداد
ربيتج ورد كل لحضه تحلــين
أسم الله عله گلــبج لا تخافین
بغداد وعليمن لابسه الضيم
العراق انه العظيم وانتي تدرين
أسد عين الشمس لو جاسج الخوف
وتصير سيوف دمعات المساكين
لبست المجد لجدامچ حجول
وصغت من الشدايد كحله للعين
غطيت الجرح بهدوم الزغار
ولزگنه جثثهم عل الحياطين
ماريد الزعل يم عينچ يبات
وبحظان القصف ليليه تغفين
وما ريدن عله الذل اهلج تبات
وتصير سيوف لحلوگ السچاچین
وکافی من الکرم مایشبع الموت؟
یریچ سباع منچ وانتي تنطين
خضر ورد دمنه بگاع الاحلام
وقطفتنه المشانق والزنازين
گبر احلامنه وموته الیداعون
وعد راسه سور تقره الشياطين
سعفه افراحنه وهذا الحزن ريح
وخمر دمنه وسكر ليل السلاطين
الحريه غيمه وتمطر رمااد
وصوت الشعب شتله معاشره الطين
الصبر يم الثكاله عله الملمات
الصبر مل واعرفچ ما تملین
مدام بوسط گاعچ كاظم الغيض
انسي الخوف كله ولاتخافين
يا بغداااااد اهلنه الكرم والطيب
اهل الشرف والعز والدواوين
ماقصرنه لحظه وضيفنه الموت
جرحنه الدله والدم مله الفناجين
منقول
تحياتي لكم |