الجزء التاسع عشر


صحى سامي على ضوء الشمس اللي جاء بعيونه ,, كان يالله يشوف من الكسل ,, اتجه للحمام ( الله يعزكم ) وخذى شاور ,,, اتجه للمكتب اللي في غرفة نومه وكان عبارة عن مستودع من الكتب ,, حتى كتب الطبخ ,, قرى له كم معلومة وسكر ,, اتجه للمسبح اللي في غرفة الجلوس تبعه وانسدح ,,, دخلت عليه سعاد : صباح الخير .
سامي بابتسامه : صباح النور ,,, راكان وينه ؟
سعاد : راكان عند سور السفينه ,,, بس تعال ,,, ليش قاعد للحين بغرفتك ؟
سامي : نسيتي ان باقي لي يوم عالعدة ؟ مو عدة الرجل 3 ايام ؟
سعاد تذكرت : ايه صح ,,, بس شتسوي بالعدة ؟
سامي : اقرى لي كم كتاب ,, قران ,,, اي معلومة .
سعاد : طيب ,,,, واذا خلصت العدة ,,, ايش ناوي تسوي ؟
سامي : بوقف السفينه عشان القارب اللي بيجي بعد يومين .
سعاد : وليش تطلع من السفينه ؟ احنا حنروح لبريطانيه ,, تعال معانا ,, عالاقل ,, توسع صدرك ( كان تفكيرها انه يبتعد عن خيال حنان ) مو الوناسة بخارج السعودية اروع .
سامي : كل واحد وله مدينه مفضلة ,,, وانا عندي السعودية بالدنيا كلها ,,, لانها تراب رجولي ,, فهمتي ؟.
سعاد : طيب ,,,, على راحتك ,,, بس يكون بعلمك ,, امي رح تزعجك باتصالاتها .
سامي بتفهم : مالومها ,,, الام دايم قلبها على ولدها ,,, مالومها لو غارت علي من اي شي يخليني احبه .
سعاد : واو ,,, الله يديم عليكم المحبة ,,, والله يرضى عليك برضاها .
سامي قعد : امين ,,,, الا تعالي ,,,, وين عيالك توم وجيري ؟
سعاد : هههههههه عيالي ؟ نايمين ,,, ياعمري ماناموا الا وقت متأخر .
سامي : مالومهم ,,,, السفينه غيرت من نفسيتهم .
سعاد : سامي ,,,, احسك تتكلم وكأنك حزين ,,,, شفيك ؟
سامي : طبيعي ,,,, الرجل بوقت عدة ,,, ايش تبينه يسوي ؟
سعاد : بدل ماتحزن ,,, اقرى لك كم ايه من القران ,,, عالاقل ترتاح نفسيا .
سامي بحب : ابشري ,,, ماطلبتي شي ,,, بس انا لما ابي اقرى ,,, ابي اقرى بدون امر من احد ,,, لاني احس اني انا جيت لمه ,, مو غيري ذكرني فيه .
سعاد : صح كلامك ,,,,, بس تعال ,,,, شركة ابوي مين اللي يتولاها ؟
سامي : بالذكاء ,,,, ابوي .
سعاد : طيب ,,,, انا رايحه افطر ,,, اتمنى لك يوم مافيه هم .
سامي : مشكوره ياختي على الدعاء الجميل .
طلعت سعاد من غرفته والا راكان يتصل عليها : اهلين .
راكان : سعاد ,,, تعالي بسرعة .
سعاد تحمست : خير ؟؟؟؟
راكان : الحقي عالحوت اللي اشوفه من بعيد .
سعاد خافت : ايش ؟؟؟؟ حوت ؟؟؟؟ يمه ,,,, انا بتصل عالقبطان يغير مسار السفينه ,,, باي .
سكرت واتصلت عالقبطان : كامل ,,, غير مسار السفينه .
كامل لابس عسكري : ايش ؟؟؟؟
سعاد : وصمخ انشالله ,,,, قلتلك غير مسار السفينه .
كامل : بس احنا اقتربنا من جزيرة قبرص .
سعاد طلعت قرونها : كامل ,,,, في حوت قريب مننا ,, تبيه يبلع سفينتنا ؟
كامل : حوت !!!!!!!!!!!!!!!! من قالك ؟
سعاد : مالك دخل ,,, بس غير .
كامل : مدام ,,, الحوت مابيعيش في هالبحر ,, لانو كبير كتير ,,, ومابيعيش الا في المحيطات .
سعاد : انا شقلت !!!!!!!!!!!!!!!!!؟
كامل خاف من صوتها : طيب .( وبلع ريقه من الخرعة )
.................
فيافي : بنات ,,,, شرايكم نستهبل على الانقليز اللي بالسفينه ؟
ميرا : يمه من افكارك ,,, الله يعافيك ,,, فكينا من خبالك .
فيافي : وانتي بكل شي خوافه !!!!!!؟ هذولا انقليز ,,,, يعني مارح يفهموا معنى اوف بالعربي .
ميرا : اذا بتسوي خبال ,, سويها مع نيلا ,,, لانها ماجستير بالهشغلات .
فيافي : اوكي ,,,, اصلا محد يونسنا غير نيلا .
طلعت من غرفة الجلوس السماوية واتجهت لملعب البلياردو واللي نيلا متحمسه بتسديد الهدف ,,,, فيافي : نينو .
نيلا وقفت العصى : بلا حركات دلع ,,,, شتبين ؟
فيافي : اليوم رح نفجر السفينه بخبالنا المعتاد .
نيلا : انا اليوم مشغولة .
فيافي : وايش مشغولة فيه ؟
نيلا : مشغولة بالكورة اللي مو راضيه تدخل بحفرة البلياردو ( وكلمت تسديد )
فيافي : اوفففففففففف منكم .
طلعت من صالة البلياردو واتجهت للمسبح واللي جواته غدير ,,,, غدير هيئت نفسها للطبة بس كسرت حماسها فيافي : غدغد .
غدير ودها تنتفها وبعصبية : خير ؟؟؟؟؟؟؟؟
فيافي : علميني اسبح .
غدير : اعلمك السباحة !!!! اقول ,,,, خلي اي وحده من المدربات تعلمك .
فيافي : طيب ,,,, ابيك بخدمه روعة .
غدير طالعتها بنظرة عربجيه : خير ؟
فيافي : بما انك خبيرة عربجة ,,,, ابيك تتهاوشي مع واحد .
غدير : شايفتني راعية مشاكل ؟
فيافي : يو ,,, بس ابي سيرة تتكلم عنها كل السفينه .
غدير : يعني مهمة خبلة ؟
فيافي : ياعيني عليك ,,,, صدق انك تفهميني عالطاير ,,,, ودامك تفهميها ليش دخلتي قسم ادبي ؟
غدير : ملفوف ( معيار فيافي ) لاتغيري السيرة .
فيافي : طيب ,,,, بتتهاوشي مع واحد ولا لا ؟
غدير : انسي ,,,, لاني تبت عقب سجني بالشرطة .
فيافي : يو ,,, ياليتك مانسجنتي ولا كان تتحقق امنيتي قدام الناس .
.......................
بعد مرور يومين ,, طلع سامي من العدة ,,, واتجه للاليكوبتر اللي بيوديه للسعودية .
سعاد لابسة نظارة شمسية وعباية كتف : مو قلت بتسافر بالسفينه ؟؟؟ شاللي غيرك ؟
سامي لابس نظارة شمسية وكأنه امريكي : لا بس حسيت ان الاليكوبتر سريع ويوصلني عالسعودية بدون تعب .
سعاد اقتنعت بابتسامه : طيب ,,,, عودة موفقه .
سامي ابتسم وركب بالاليكوبتر وارتفعت للسماء وهي تحاول تتوازن من اليمين لليسار ,, كان قاعد وحاط سماعة الجوال بإذنه ويطالع الكون بتأمل .
اتجه لبيته وشاف البيت وحس انه مهجور وكان في شبكة عناكب على كل قطعة في البيت .
...............
خالد : نواف ,,,, شرايك نروح لبيت سامي ؟
نواف : يالله .
اتجهوا لبيت سامي ودخلوا ولقوا سامي نايم بالصالة ,,, خالد : ماي برذر ,,,, ياماي برذر .
سامي عصب : خير ؟
خالد : احد ينام بالغبار ؟؟؟
سامي : والله عاد ماجبت شغالتي .
نواف : اقول ,,,, اظاهر متعود على البيوت المهجوره .
خالد : ياسمسم ,,,, قوم .
سامي عصب عليه : خير ؟
خالد : بسم الله ,,,, شفيك علي ؟
سامي وده ينتف خالد : منك يالحنة ,,,, شتبي ؟
خالد : ابي علك .
سامي رماه برجله : انقلع ,, وانا عبالي عندك سالفة .
خالد بمرح : ههههههههههههههههه .
نواف : اقول خلود ,, خلنا نطلع ليجي ويطلع كل حروب الدنيا فينا .
خالد : اصلا انا مشتهي هسترة ,,,, ابي اهبله .


نواف : والله بيطلع عيونك ,,, تعال خلنا نروح للسوق ( وبغمزه ) نغمز لنا كم وحده .
خالد : هييه ,, ترى انت خاطب ,,, ولا نسيت ميرا ؟
نواف تذكر : ايه صح .
...................
ام سامي : وماقالك شيبيسوي هناك ؟
سعاد : لا ,,, بس اول مانرجع نخطبله مها .
ام سامي : مدري ليه قلبي مو مطمن على روحته للسعودية !!!!!.
سعاد : وانتي بظنك انه للحين يفكر فيها ؟؟؟ مستحيل .
ام سامي : قلب الام مايكذب يابنيتي ,,,, والله خايفه انه يروح لبيتها .
سعاد : لا تخافي ,,,, انا متأكده انه رح يموت بمها .
ام سامي : يموت بمها !!!!!!! وليش كل هالثقة ؟؟؟
سعاد : لاني قلت لمها عن سالفة سامي ,, وعن عشقه لحنان ,, وحاولت افهمها انها تخليه مسحور بجمالها وبكلامها وابيها تخليه يكره وحده مرت بحياته اسمها حنان .
ام سامي اعجبت بفكرة سعاد : !!!!!!!!!!! كفو والله