| البـــــــــــــــــــــــــاب التـــــــــــاسع ...
الفصـــــــــــــل الثــــــالـــــث ...
$$ قد طــــالت الأيام وطالت السنين على فراق توأمنـــــا $$
لكـــــــن بعد كل ذلك فاللقـــــــاء قريــــــــب ..$$
((توليـــــن وهي جالسه بالصاله مع جوجو وتسولف ..
كل تفكيرها بطلال اللي للحين ماجى ...
بعد دقايق بس دق موبايل جوجو ...
-(جوجو رفعت جوالها وهي تقول :~ هذا طلال ..
آلـــــو هلا حبيبي ...
((تولين برمت شفتها لما سمعت آخر كلمه بنرفزه ...
-(جوجو :~ ؤكي يالله بروح أفتح لك الباب ...
((لما راحت تفتح ... بسرعه نقزت تولين تطل من الشباك عليهم ...
وهي تطالعهم لما فتحت جوجو الباب ...
طلال وهو توه داخل ابتسم بوجه جوجو اللي مستحيــــه ومنزله راسها وهي تقول :~
تفضل ... ابوي داخل ....
-(طلال يطالعها وهو يقول ببتسامه :~ وانتي ماتبين تجلسين وياينا ؟؟
-مدري ..
-ههههـ حلوه هاي عيبتني ... لا لا بتيين وياي ومو لازم بعد قهوه ولا شاي ..
وجودك يكفيني .. يالله تعالي ندش داخل عند عمي ...
-(جوجو بسرعه :~ لا لا لحظه تولين داخل مقدر أيلس وياكم كثير ...
((بهاللحظه طلعت تولين بجرأه وهي تقول :~ لا عادي أنا بترياج بالصاله ..
خذي راحتج <~ كل هالكلام وهي تطالع طلال بغرور وتكبر ...
((طلال رفع حاجب وهو يطالعها وبقلبه يقول ....
هذي شيابها اليوم ؟؟؟
-(جوجو توها بتتكلم الا ولفت تولين وراحت عنهم ..))
-(طلال :~ يالله خلينا ندش داخل ...
((لما دخلو من الباب الخلفي للمجلس ...
يتولين طلعت للحوش ثم جلست عالكرسي قريب من شباك المجلس بحيث تقدر تسمع اللي يقولونه ..
((جوجو كل شوي ترفع عينها على طلال اللي منسجم يسولف مع عمه بس فكره بجوجو
-(جوجو وقفت وهي تقول :~ بروح أييب القهوه ...
-(طلال وهو يطالعها :~ لا تتعبين روحج مايحتاي ....
-(أبو جواهر :~ لا شدعوا ... اذا ماظيفناك منو بنظيف ...؟؟
-(طلال :~ تسلم عمي ..
((جواهر لما طلعت استغربت من تولين اللي مالقتها .... رقت فوق تدورها بس برضو ماحصلتها
دخلت بكل الغرف تدورها ...
-(طلال :~ عن أذنك عمي بس بروح للدورات المياه الله يكرمك ...
-خذ راحتك ياولدي ...
((لما طلع تولين حست انه طلع بسرعه نقزت بتروح بس ماأمداها بعد ماتقابلت بوجه طلال اللي
رجع على ورى مرتاع كيف طلعت هذي بوجهها كذا فجأه ...
تولين تلعثمت ماتدري وش تقول ...
-(طلال وهو يقول بذوق :~ شحالج تولين ..!!
-(تولين حاولت تبعد توترها ثم قالت :~ بخير ...طالع تدور جوجو صح ؟؟
-لا ليش ؟؟
-لا بس بغيت أوضح لك كيف انت مغشوش فيها وبقوه ....
-(عقد حواجبه :~ شنو ..!!
-(بغرور :~ يالله يادكتوررري أشوفك على خير باجر ...
((لفت بتروح بس طلال قال باصرار :~ لحظه لحظه شتقصدين بكلمتج ؟؟
-(تنهدت بنفاذ صبر :~ ماقلت شي .. يالله بااايو ...
-(طلال بدون شعور مسكها مع كتفها وهو يقول بإصرااار :~ لا صج شتقصدين بكلمتج
؟؟؟
-(تولين رفعت حاجب وهي تطالع يده على كتفها ... طلال لاحظ روحه وعلطول بعدها
ثم قال مره ثانيه :~ اذا بتتحجين بحجي فاضي خليج قده وكمليه ...
-(وقفت عنده عدل ثم قالت:~ قد حجيي ونص بعد ... بس انت واظح عليك مغشوووش
ومو شايف جدامك عدل .. صدقني ماراح اقول أي شي زياده ... وانت اذا قدها أفهم شقصد أنا.
((ثم دخلت بالصاله ...
طلال يحاول يفهم كلمه وحده عالأقل بس ماقدر ... قرر انه يدخل ..))
(( من جهه ثانيه ...
في غرفة أم أميره ...
جراح طق أميره طق موب طبيعي ...
-(أم أميره تصارخ :~ ياولدي هدها بتموتها ...
-(جراح :~ يمه شلون تبيني أهدها وأنا اشوفها بمجان كله رياييل ..
هاي ماتربت عدل وأنا بربيها لا وبعد شفتها بمنظر والله يمه لو تشوفينه انتي
بنفسج بتستحين انها بنتج ...
-حتى ولو هد بنتي ... هااي بنتي الوحيده مثل ماأنت ولدي الوحيد ..
هدها كل شي مايي بالعنف ياولدي ..
((أميره تبكي وهي جالسه عالأرض وحالتها صعبه ...
وبقلبهـــــــا تسب فيصل وتدعي عاليوم اللي شافته فيه ...
هذي تالية حبي لك يافيصـــــل ..!!!
والله ماأخليك والأيام بيننا ...
((جراح رغم انه يظرب أميره الا انها مو هامها أي شي غير بحقدها على فيصل
وكارهته بهاللحظه بشكل مو طبيعي ...
-(جراح بصراخ وهو يشد شعر أميره :~ جامعـــــــــــــــه مافيه .. فاهمه ..
-(أم أميره سحبت يده عنها وهي تقول :~ موب على كيفك ..
انا امها وأعرف مصلحتها ... تبي تهدم مستقلبها عشان حجيك اللي مايدش العقل ..
بنتي انا عارفه شلون مربيتها .. وانت ياجراح مالك شغل في بنتي ..
حتى لو انها اختك موب على كيفك تتحكم فيها جدامي وبدون شوري ...
-(جراح يطالع أميره بحققققد وكره ثم قال بغضب وصراخ :~ ياللي ماتربيتي قولي للأمي شساويتي
-(بهاللحظه أم جراح ماتحملت من كلمته بـ (ياللي ماتربيتي )..
عطته كف يطلع كل غضبها عليه ..
أميره شهقت بين دموعها بخوف وشعرها محوس وفمها اللي على جمب صاير أزززرق ..
بس مايهون عليها ان امها تظرب جراح بسببها وهي تدري انها غلطانه ...
جراح سكت بصدمه ... رفع عيونه على أمه وهو يقول :~ يمه تظربين ولدج
عشان هاي !!!!! طيب انا مالي قعده هني اذا مالجلمتي مجان ...
((طلع وهو حده معصب ....
أم جراح التفتت على بنتها وهي تقول :~ وانتي ماودج تقولين لي شساويتي عشان اخوج
يصير فيه جذي للأول مره بحياته ..!!
((أميره ضمت أمها وهي تبكي من قلب وتردد كلمة :~ انا آسفه يمه ...آآسفه ..
بس عفيه لا تزعلين من جراح بسببي .. يمه انا غلطانه وراضيه باللي يسويه فيني
جراح .. وعارفه انا ماسوا جذي الا بغيرته علي كأخته .. يمه انا غلطانه وناويه افتح صفحه
يديده من اليوم ورايح .....
-(أم جراح بعطف وهي تمسح على شعر أميره الناعم :~ خلاص بسج بجي قطعتي قلبي ..
((بالليـــــــــــــــــــــــــــل ...
الساعــــــــــــــــــــه .... 3 ونص الفجر ...
ليان منسدحه بالصاله ...
بس مستغربه صقر وين راح له للحين ..؟؟؟
وبنفس الوقت موب هامها ...
شويات سمعت صوت مفتاح عالباب ..
بسرعه غمضت عيونها وتغطت عدل عبالها نايمه ...
صقر لما دخل وهو طفشااان من حالته مع ليان ...
سكر الباب ثم جلس عندها ...
يطالعها ...
مد يده بتردد على خدها بس شوي الا وبعد يده بدون مايلمسها ...
أما ليان على اعصابها ودها تبكي من كرهها للأنفاسه القريبه منها ...
وكرهها له ...
صقر بضيقه جلس عند كنبتها وهو فيه النوم
سند راسه عندها بضيقه ...
بدون مايحس غمض عيونه وناااااااااااااااااااام
ليان فتحت عيونها ببطئ وهي تطالعه ...
حست حركاته م وعى عمره
من خلال معرفتها فيه لحد الحين حست انه طفل مدلل يبي كل شي على كيفه
حتى تصرفاته تصرفات الطفال مدلليييين ...
ليان ماطولت تفكر في صقر الا وعلطول راح تفكيرها للشخص اخذ كل تفكيرها
واخذ قلبها عنده ...
عبد المحســــــــــــــــــــــن وبس ....
ربع ساعه وهي تفكر فيه
ثم نامت على تفكيرها بعبدالمحسن وناسيه وجود صقر عندها نااايم ... |