يا عظيمه
..
..
..

يا عظيمه كل شي له حدود وله نهاية
وانتي ما وقفتي عند حدك يا عظيمه


استلذيتي بطعناتك واخذتيها هواية
كن مالك حربة توجع وطعناتٍ اليمه


اه ليتك ما تماديتي بطعنات البداية
لين صار لكل طعنة في الحشا معنى وقيمه


الله يبيحك ولكن كيف في اغرب رواية
تكتبين الحب كذبة والهوى دقه قديمه


وانتي اللي ما لدت عيونك في المرايه
ما لمحتى الا اليتيم اللي خذت قلبه يتيمه


واليتيمه في اليتامى مالها حق الوصاية
والوصية عودها الغض ونواياها السليمه


لكن انتي صار لك حق الوصاية والولاية
واستبديتي وشدّو البدو واضحيتي مقيمه


ما رحلتي لين حطمتي بما فيه الكفاية
عاقلٍ حب الجنون وصوت نارك في هشيمه


استبحتي حرمة المجنون بادراك وعناية
والتفتي له بعقلك وارتكزتي في صميمه


وامتلكتي غايته لو كان ماله فيك غاية
وانتصرتي في عيونه واعترفلك بالهزيمه


من كثر ما يعشقك ما قال لك بالحب راية
خايف الايام لا تطلع عواقبها وخيمه


في طريقك كل ما كنه لمس درب الهداية
تاه ودروب الحياة المستقيمة مستقيمه


تايهٍ بصري ومن جابه لبيت الله تايه
عذر من غمض بعين وعينه الاخرى كريمه


فدوتك ما فات من الايام واللي عاد جايه
يا بعد عمر مخاسره معك عندي غنيمه


انتي الفارع بقد وجد واسماء وكناية
من عشق مثلك يجوز من الهوى وشداد ريمه


ليه لا وانتي بحسنك في ذوات الحسن آيه
لا ذهب لا ماس لا احجارٍ كريمه


شاعر له مع اهل الرايات في المرقاب راية
كل ما هبت هبوبك عنها قدر وهشيمه


سامحك من الف باء الذنب للي ماله نهايه
واستباحك عن خطاه وكل طقه بتعليمه


يوم قلتي اعطني حريتي اطلق يدايه
ما ذخر عن وجهك الا طعنتين في صميمه




*
*
*
مما اعجبني