وعدت من جديد - طبعا تحمست احط لكم الجزء الثاني لاني ماقدرت ادرس قبل
لا اكمل _

الساعه الحين 4 العصر ..... السيارتين اللي جهزهم لنا البوس شاورما _ اقصد
الزعيم اوروتشمارو _ جاهز للاقلاع >> ليه هليكوبتر ؟؟ وانا قاعد اندب حظي
على هالبنت المزعجه اللي بتكون معي طول الطريق .. طبعا الطريق ساعه وحده
يعني لاتفكرون اني رايح الصين .. توبي يكلم امه يقولها : يايما استني اتوش صاحبي بيجيب لك كيك يمكن اتاخر اليوم.. المشكله اني مااسمع الا صوت صارخها
الظاهر انها قاعده تهاوشه وهو ولاكانه يسمع !! .. وفجئه عم الصمت المكان .. وتجي بنت ابليس _ بنت اوروتشمارو_ بفستانها الاحمر وشعرها الاسود ورابطه
شعرها بشريطه حمرة ووحاطه شنطتها على خصرها .. الحواجب مرتفعه والنفس خايسه .. شغالتها تحاول ترتب شعرها وهي تضربها وتقولها : اي اي عورتيني
_ كسرت خاطري هالشغاله مايسوى عليها _ ووقفت قبالي وتطالعني بابتسامه خبيثه جدا وانا خايفه وارتعش . اللهم سكنهم مساكنهم ..ولا شوي وينط توبي ويمسك
بكتفي
توبي : ياحلاة البنوته والله هذي بتروح معاك
اطالعه بنص عين واقوله : اي للاسف الله يصبرني
توبي : ليش للاسف وربي انها كيوت وحبوبه الله يصبرها عليك . مع فستانها كانها ليلى والذئب
انا: وان شاء الله انا الذيب ؟
توبي : اي والله حتى شوفها الامورة _ ويروح لها ويحاول يمسح على شعرها وتعضه بقوه _
انا : هههههههههههههههههههههههههههه من الذيب الحين ها ؟؟
توبي : خرامه مو اسنان اح اح الله يعينك .. يللا انا بسبقك وانتبه لاتسوى حادث انا بمشي قدامك وانت وراي باي
انا ( التفت على البنت واطالعها بقهر ) : ممكن ياحلوة انتي تركبين السيارة الحين بنمشي
البنت بكل ثقه : لو سمحت انا مو اسمي حلوة ... انا اسمي نانا ولا تناديني الا الليدي نانا !!

بوس شاورما قاعد مع مرته في الحوش بعد ماطلعت السيارات بنص ساعه
المدام : ياحليلهم والله هالعيال اللي يشتغلون معاك الله يعطيهم العافيه
البوس : ماتدرين عنهم دلوخ والله لو اني ماقلت بعطيهم فلوس كان محد بين منهم
المدام ( بينها وبين نفسها ) : يكفي انهم صابرين على وجهك
البوس : خليني اتصل على الباقيين .. وين بيرهبون مني اوريهم شغل الله
المدام : الا ماقلتي لي .. اخاف والله بنتك نانا تتعب هاللي مشغله وياك
البوس : ماعليك منه كل شي بفلوس .. بعدين بنتي مؤدبه مايطلع حسه >> لا العفو !!!
المدام : طيب ياحبيب قلبي ممكن تعطيني فلوس انا بروح السوق اشتري كم غرض
البوس : كم غرض ولا بتخمين السوق كله ؟؟؟ خذي يللا فكيني في امان الله
ويمسك اوروتشمارو الجوال ويبدى يدقدق على بقيه الاعضا الحلوين ...

طبعا جوال ايتاشي صامت _ من زود زحمة المكالمات طبعا_ في ايده الاولى فطاير لعزيمه امه وايده الثاني فستان اخته وايده وبفمه كيس اغراض
ومو عارف يوصل حق مين ويخلي مين .. يطلع له ساسوري مادري من وين
ساسوري : اتوش وش عندك ليه مهول بعمرك كذا
اتوش : امم ... . ام .... ( في فمه كيس اغراض موقارد يحكي )
ساسوري : وشو وشو .. شيل هذا من فمك لايجيك كف الحين
اتوش : أمممممممممممممم .................امممممممممممممممممم
ساسوري ( يشيل الكيس من فم ايتاشي ) : يللا اهرج قول وش عندك
اتوش : اه اه الله ياخذ عدوك ماتسوتعب يعني اني مشغول ... حشا لله يجيب الله المطر
ساسوري : الحين هذا اللي تبي تقولي اياه ..اقول خذ كيسك حطه بفمك ..وش ابي بكلامك انا جاي ابي جوالك ... حذفت رقم هيدين وجيت اخذه ( ويرجع الكيس بفم ايتاشي)
ساسوري يتحسس جيب ايتاشي وياخذ الجوال يلقى كونان حارقه الجوال تلفونات ويرد عليها
ساسوري : هلا بالزين .. هلا بالحلو
كونان : اقول خلصني وعطني ايتاشي
ساسوري : واحنا ماننفع يعني
كونان : والله مو رايقه لك انا عطني ايتاشي اشوف
ساسوري : طيب ماتبين رقمي ؟؟
كونان : اول شي رقمك عندي يالدلخ .. ثاني شي اخلص علي وعطني ايتاشي
ساسوري : ايتاشي خذ تبيك ( عقب مانزل الكيس من فمه )
اتوش : هلا كونان امري وش تبين
كونان : هايات هلا وغلا تعال ابيك تجيبني من السوق
اتوش : ديدارا وصلحتي سيارته وقاعده تعايرينه ... انا بوشو بتعايريني ياذكيه ؟؟
كونان : بعايرك بفاتورة الجوال اللي سددتها لك ذاك اليوم
اتوش : واااااااااااااااااااااااااا حرام عليك طيب خذي ساسوري تراه فاضي
كونان : حولني عليه اشوف
ساسوري : هلا وغلا امر تدلل مالك الا اللي يرضيك
كونان : تعال السوق يابطل ابيك توصلني
ساسوري ( يرفع سترته ) : هوااااااااااااااااااااااااا انا جاي الحين
ويروح ساسوري بسرعه بسرعه لكونان السوق
في هذه الاثناء وبينما باين متحمس لمشاهد المباره - المباره الساعه 7 وهو متحمس من الساعه 4 جاهز - مدخل كارت الجزيرة وقاعد
ومابقى شيتوز ماشراه .. فجئه .. الا ويطفي الكارت - منتهيه مده - .. ينصرع باين ويقوم زي المجنون يركض يبي يشتري كارت جديد
لاحظ ان سيارته اختفت .. وقام يدور عليها تطلع له امه من المطبخ وايدها كلها صابون
ام باين : وش فيك يابعدي تحوس كذا
باين : يما وين راحت سيارتي ؟؟ نمت قمت مالقيتها من ماخذها
ام باين : والله ماادري عنك صراحه بعد هذي سيارة مو مو بوك تنسرق
باين : يما مو وقته خلي تنسق السيارة بس الحين ابي اشتري كارت الجزيرة
ام باين : وش فيه الكارت بعد !!
باين : هذا الخايس اللي اسمه توبي ..... اوووه صح توبي .. توبي هو اللي ماخذ سيارتي
ام باين : وي وي خلف الله عليك ياولدي انا اشهد انك منسم
ويدقدق باين على توبي طبعا توبي مشغل عالاغاني وروووح ولا كان في جوال يرن ويدق علي
انا : هلا باين
باين : اخلص اخلص رجع السيارة انت وتوبي النذل اللي عاطيني كرت منتهيه صلاحتيه
انا : ههههههههههههههههه انا برا الديره الحين وتوبي قدامي الحين طاير بالعجه ولايسمع احد
باين : وسيارتي !!
انا : سيارتك الله يسلمك قدام باب بوس شاورما!!
باين : لا والله ... كدينا خير .. وشلون اخذ السيارة من قدام بيته ...
انا : والله ماادري دبر نفسك يللا انا فيه بومه جنبي مااقدر اخذ راحتي كثير
باين : الله يقلع ابليسكم ... انا الغلطان اللي عطيتكم سيارتي في امان الله

وطبعا انا وبنت ابليس نانا قاعدين بالسيارة .. الجوء هدوء .. وهي قاعد تلعب بالبي اس بي .. وانا اسوق وحاس بملل فظيع ..شوي ولا تصرخ باعلى صوتها
واااااااااااااااااااااااااااااااااااااااااااااااااااااااااااااااااااااااااااااااااااااااااااا ... البي اس بي حقها خلص شحنه وقامت تصيح .. انا خفت واختصبت بالسواقه
انا : وجع ... خرعتيني اشفيك
نانا : انت اللي وجع ..... مااحبك ( وقامت تضرب فيني )
انا : اي اح اح بس يابنت .. خلاص انا اسف حشا لله
نانا : انا زهقانه - تقولها وعيونها غايصه دموع -
انا : زهقانه يعني ايش اسوي ارقص لك ولا اقولك قصه
نانا : رجعني البيت
انا _ وانا اطالعها بدهشه - : لا والله ؟؟ وش ارجعك البيت انتي بعد ؟
نانا : واااااااااااااااااااااااااااااااااااااااااااااااااااااااااااااااااااااااااااااااااااااااااااااا
توبي حاط على راغب علامه - ليش راغب علامه بالضبط ماادري - ويهز راسه ومبسوط ومااخذه الطرب ودخل باللفه غلط وطبعا انا كنت لاهي بنانا وقاعد اتهاوش وياها
وماانتبهت انه مش قدامي الا يوم اختفى تماما عن الانظار ... وقفت السيارة وجلست اطالع الطريق :وين راح هذا بعد
نانا : ليش وقفت يللا نرجع البيت ... يللا بسرعه
انا : انتي اسكتي شوي خليني اتصل عليه ... وطبعا مافي اجابه انتو تعرفون وينه فيه وظلينا في نص الطريق ننتظر الفرج
كونان وساسوري بالسوق .. كونان قالت بالمكالمه انها بتخلص لكن الاخت ماخلصت ... وساسوري يدور وراها من محل لمحل من محل لمحل
ساسوري : الله يخرب عدوك .. شاريه ثياب تكفيك 10 سنين
كونان : خير قلت شي ؟؟
ساسوري : ابد سلامتك يللا اخلصي انت واحنا بخير
ومن بعيييييييييييييييييييد ... تشوفهم تشوفهم مره بوس شاورما .. اقصد اوروتشمارو وتتصل على زوجها : ياحليلهم العيال حقيتنك موجودين بالسوق
وطبعا ذاك يدورها من الله فقال لها : اسمعي يالنسره .. جيبيهم لي وانا اعطيك راتبي كله .. وطبعا الحرمه اللطيفه اللي ماتهمها الفلوس كلش كلش ماصدقت خبر
وتصادهم بالجرم المشهود
المدام : طحت علييييييييييييييييييييييييييييييييييييييييكم
ساسوري :عفوا تعرفيني
كونان : هـ ... هـ .. هلا والله يامس اهلين
ساسوري : من وين تعرفينها انتي ؟ اكيد غلطانه
المدام : لا ياعيوني تعرفتي زين انا مره مديرك بالشغل
ساسوري : ومن قالك انا اشتغل ؟؟
المدام : ريلي
ساسوري : ومنهو رجلك ؟
سحبت المدام كونان وساسوري من اذنهم وجابتهم على البيت _ مره اوروتشمارو مب هينه والله - ويوم وصلت البيت ولا تلمح باين بروضه يحوس عند سيارته
وتصيده المدام
المدام : هااااااااااااااااااا واحد ثاني
باين : والله يامدام انا ...
المدام : جب وتعال وياي اشوف
طبعا بوس شاورما مستناس ومتضايق بنفس الوقت وهو يطالع مرته تضحك ومبسوطه لانها صادت الحلوين : باين وكونان وساسوري
البوس : بل عليج امداك ماصدقتي قلت فلوس صديتهم
المدام : ايدك ايدك على الراتب اشوف
البوس : طيب ان شاء الله اوف اوف ... وانت ياابطال لي عندكم شغل يعجبكم

انا ونانا نمشي بالسيارة .. الخطوط ضعيفه ومو قادر اتصل طبعا اضطرينا نرجع للاننا ماندل الطريق من غير توبي. البنت جالسه تتألف سار لها وانا نفسي في خشمي ...
نانا : اوف من اوف .. انت غبي .. وصديقك غبي ... مالت عليكم ... انا تعبت انا ... جوعانه ... متى نوصل
انا و ( بصرخه مدويه ) : بــــــــــــــــــــــــــــــــــــــــــــــــــــــــــــــــــــــــــــــــــــــــــس !!
نانا : ..........................
انا : بس ولا اسمع حسك ... وش مفكره نفسك ... اذا ابوك مدلعك بكره الدنيا تلطش فيك .. ولو سرتي مغروره محد راح يحبك ويلعب معاك
نانا : ( والدموع في عيونها ) : ..........................
انا : استغفر الله العلي العظيم على هاليوم
نانا : انا اصلا محد يحبني .. دايم العب بروحي .. بابا يقول لي لاتلعبين مع اي احد .. انا طول الوقت لحالي
انا عورني قلبي على نانا .. وتعاطفت معاها وحضنتها باقوى ماعندي ._ اول مره ادري ان عندي اموومه _
نانا : انا جوعانه ابي اكل
انا : - ماصدقت خبر !! - يللا ياحبيبتي الحين ندخل مطعم ونوكلك اللي تبين ^__^

ايتاشي خلص من اغراض اهله وقعد على حيله اخيرا من كثر الفرفرة وقعد في السيارة .. غمض عيونه وتنفس الصعداء .. ولا هيدين يضرب القزاز
اتوش : اوبس خوفتني ( ويفتح دريشه السيارة )
هيدن : هلا اتوش .. شفت ربعك الخونه شمسوين
اتوش : وش فيهم ؟؟؟
هيدن : ماخذين مهم بسيطه وعليها فلوس ولا قالو لنا .. هذا ديدرا الحيوان ويا توبي
اتوش : من جدك ؟؟؟ اتصلت عليهم ومحد قالي
هيدن : اكيد تلقاهم في بيت اوروتشمارو
اتوش ( وهو مره معصب ) : اقول .. اركب يالطيب انا اوريهم اللي مايستحون

انا في المطعم مع بنت السلطان .. والحلوة ماخلت شي ماطلبته وجبه وكيك وقهوه وايس كريم خلصت كل الميه اللي عندي بس ماعليه خلي ابوها
انا : ها حبيبتي ان شاء الله انبسطتي
نانا : ليش انبسط .. اصلا بيتنا احلى من المطعم الخايس
انا ( وباقي شعره ووادوس ببطنها ) : عقب ماخلصتي وشعبتي وكلتي الالاخضر واليابس تقولين كذا
نانا : وش بتسوي يعني بتطقني ؟؟؟
انا : لاحول ولا قوة الا بالله ماتتوبين انتي
نانا : رجعني البيت ولا بقول لبوي انك طقيتني
انا : لا لا لا خلاص - مالت وانا متعاطف معاها طلعت حيه زي ابوه - ييللا امشي
وعندما وصلنا الباب ولا يصادفنا ايتاشي وهيدن وبعيونهم شرار متقد
انا : هلا شباب خلصتو اشغالكم
هيدن : لا والله تاخذ الفلوس لك وتسوي نفسك ماسويت شي
اتوش : الله يسامحك بس ماتعودنا على كذا ... تاخذون اشغال من غير لاتقولون لنا
نانا : خويكم هذا دلخ
انا : انتي اسكتي شوي ... اي فلوس ياحسره عيونكم الحارة ....توبي راح قلعه وادرين ماادري وينه ورجعنا ايد ورا وايد قدام
يطلع البوس من عند الباب وهو مزمجر ومعصب
البوس : ها ياحلوين توكم تجون مابغيتو .. وانت ياديدارا خلصت شغلك ؟؟؟
وبهذا السؤال تنتهي احداث اليوم الاول وسنستعرض الاحداث الاخيره
توبي : طبعا توبي خلص عليه البنزين وهو ينتظر احد يسعفه الحين ولكن ؟؟؟
كونان وساسوري وباين : قاعدين يشطفون ويسمحون حوش البوس شاورما عقابا على هروبهم
نانا : رجعت لالعابها وغرفتها
مباراة برشلونه خلصت من زماااااااااااااااااااااااااااان
ام توبي : تستنى الكيكه ولسه ماجت
المدام : في السواق مبسوطه بالفلوس اللي عندها
ايتاشي وهايدن : عطاهم البوس شاورما الكتب يوصلونها
انا : رجعت البيت طبعا ولا 500 ولاهم يحزنون + انو الميه اللي عطتني اياها امي خلصت
فــــــ ........................................ غسلت الحوش كما هددتني هي


الى اللقاء مع حلقه قادمه من مذكرات ديدارا
akatsuki boy