SRTOY 10
(( خطوبة ايتاشي !! ))
ايتاشي ... صاحبي طبعا تعرفونه .. على نياته ..على البركه والامور عنده دايم سهله وتبون الصدق .. والله انه مريح ومستريح ومن ناحيه اهله .. هم ماادري شلون
مش مقتنعين بولدهم ويبونه على قولتهم رجال .. مثلا امه تطلب منه يجيب لها خبز .. ويروح المسكين يجيب خبز ويوم يجيب الخبز يقعدون يصفقون له ويقولون
ايوه بطل رجال كفو والله .. طبعا علامات استفهام تحوم حول ايتاشي << يتحمد الله عليهم... الى ان جا ذاك اليوم الذي لم يكن بالحسبان

ايتاشي يطالع مسلسل اسمهان ..وطالب صحن كباب مشكل من المطعم .. طبعا هاللحظات اسعد لحظات في حياته .. لكن مشكلته عنده اخو ملقوف اسمه ساسكي
ساسكي (يجي يجلس جنب اخوه ويحاول ياكل من صحنه ) : ايتاشي وش اسم المسلسل اللي تطالعه << على اساس يشغله
ايتاشي ( يضرب ايد اخوه ) : خل صحني اشوف روح كل لك شي ثاني
ساسكي ( وهو يتأفف ) : يوووووووه لاتسير قعيطي _ بخيل _ امي من الصبح مشغوله وكل مااكلمها تقول روح مالي خلق .. ماابي اكل اندومي انا
ايتاشي : مو شغلي عاد .. ياما شحتك عطني حلاو .. اشحن لي.. بس انت نذل
ساسكي ( يطالع الصحن ويطالع ايتاشي يبي يحسده ) : ..........................
ايتاشي : قل اعوذ برب الفلق .. روح من هنا اشوف
ساسكي : ان شاء الله تغص يارب ..عساك ماتتهنى فيه
وتدخل الام على العيال وتجلس تحط رجل على رجل وتقول << عاد ام ايتاشي نسره بشكل !!
ام ايتاشي : ايتاشي قوم ابيك
ايتاشي : شوي ماما عقب مااكل ويخلص الصحن
م ايتاشي ( مع زمجره ) : اقولك هد اللي بيدك وتعال
ايتاشي ( من غير شعور نط على الكنب جنبها ) : نــ ... نــ نعم يما امري
>> طبعا ساسكي اخذ الصحن يكمله في المطبخ .. اوف ياساسكي عينك حاره

في تلك الاثناء كنا انا وساسوري جالسين نلعب ورقه في بيتهم << ماراح اخليه يجي بيتنا اخاف ياكل اكلنا
ساسوري : اقول ديدي .. ماودك نطلع نروح سينيما ؟؟
انا : يللا مايخالف ... بس وش ودك نشوف ؟؟
ساسوري : حكايه لعبه .. الجزء الثالث والله فله حيل
انا : *-* لا مانبي .. حكايه لعبه وجهك .. اروح ادفع فلوس على شي بينزل بالانترنت
ساسوري : لاتسير قعيطي .. اذا ماخسرت الفلوس على السينما بتخسرها على اكل .. وان ماخسرتها على اكل
بتطير مصاريف شحن وماادري وشو .. يعني طايره طايره الفلوس
انا : لا ياابن الناس .. شوف لنا فلم ثاني
ساسوري : امممممممممممممممم .. وش رايك بماتركس ؟؟
انا : اقول العب العب الله لايهينك
ساسوري : طلبت لنا عشا ياديدي
انا : اي رحت المطعم اللي قدامكم قبل لااجي ودفعت بس قال لي ماعندهم توصيل طلبات
ساسوري : 0_0 ياسلام ؟؟؟ ويعني بيرسله لك بالفاكس ؟ قوم تلحلح جيب العشا
انا : طيب طيب .. ذليتني مايسوى علي هالعزيمه ياشيخ
شوي ولا يرن التلفون والمتصل كونان النسره
انا : هلا كوكو
كونان : ياعيال الحقو الحقو اخر خبر
انا : وشو ياام الاخبار انتي
كونان : ايتاشي
انا : وش فيه مات ؟
كونان ( باعلى صوت حتى ساسوري يسمعه ) : لا .. اعظم ... ايتاشي بيتزوووووووووووووووج
انا وساسوري: 0_0

طبعا مايحتاج اوصف شعور ايتاشي بهالخبر ... لاتستانسون تراه مايبي يعرس وفيه الصيحه بس ساكت ..
جالس قدام امه وهي تستجوبه ساعتين ... وساسكي جالس يتريق على اخوه >> الولد قاعد يستنى جارا يمره
ويطلع سوا معاه وجارا اللطيف تاخر شوي
ام ايتاشي : وش رايك باميره بنت ام اميرة ؟
ايتاشي ( خايف ) : زينه يما زينه
ام ايتاشي : طيب منيره بنت ام منيره ؟
ايتاشي : .اي اي يما كويسه
ام ايتاشي : طيب سميره بنت ام شاكيره؟
هنا ساسكي انسدح من الضحك
ساسكي ( ماسك بطنه من الضحك ) : يما يما ... هههههههههههههههههههه تكفين .. خلي ايتاشي يتزوج سميره
وانا اخذ شاكيره
ام ايتاشي : هههههههههههههه انت اسكت ولا زوجتك ساكورا
ساسكي ( لازال يضحك ) : لا لا خلاص هههههههههههههههه هونت
ايتاشي ( يتجرء ويحاول يدلي برايه ) : بس يما .. ماكن الموضوع بدري ؟؟؟ .. يعني انا ماجمعت من راتبي شي
ام ايتاشي : اقول اسكت بسكت .. ابوك بيدبرها ان شاء الله لوبنستنى راتبك كان ساسكي سار جد وانت لسه ماتزوجت !!
ساسكي : اي والله يما من عقب شاكيره قررت اتزوج
ام ايتاشي : ها .. اجل نتصل على ساكورا
ساسكي : لالا يما مابي خلاص بقعد عندك ههههههههههههههههههههههههههههههههه الا صح .. ليش ماتخطبين له كونان زميلته بالشغل
ام ايتاشي : لا ويه وع وع .. انا ابي بنيه سنعه وماتطلع من شوري .. وكونان هذي نسره ماتستحي << والله لو تسمعها كان قالت : من زين ولدك الثور بس !!
>> شدعوه انتي اللي بتتزوجينها عاد

******************************
مالذي سيحصل لايتاشي ؟؟؟ هل ستتم الخطبه على خير ؟ ولا بتتعفس الدنيا تابعونا في البارت الثاني
من الحلقه العاشرة

akatsuki boy