مرت الايام الاخيره على ايتاشي بصعوبه ... مو قادر يتصور نفسه معرس وفي الكوشة .. وقاعد يسئل نفسه كيف بيتصرف والموضووع جا فجئه ..
ام ايتاشي اخذت مشاورتها وقررت يوم تروح فيه لبيت البنت << طبعا مو بيت شاكيرا ماادري سميره على قوله ساسكي .. وهو يبي يقول لامه لابس الموضوع خلص والناس خذو كلمه

ايتاشي ( جالس وسرحان )
ام ايتاشي ( جالسه تكلم تلفون ) : اي ويـــه .... ههههه .. لا والله البنت ماشاء الله الكل يمدح باخلاقها .. بس سكتي سكتي تكفين لحد يدري بعدين يعطون ولدي عين
ساسكي ( منسدح على التلفزيون ) : قصدك بيجلسون يضحكون عليها المسينكه
ام ايتاشي ( ترمي على ساسكي مخده ) : جب اسكت انتا
شوي ويرن الجرس ... يطلع ساسكي يفتح الباب .. ولاجارا .. هلا والسلام وجلسه في الصالة
جارا ( يتهقوى ) : والله شكلنا جينا بوقت غلط
ساسكي ( يضيفه الحلى ) : انت كلك على بعضك غلط هههههههههههههههههههههه .. لا استهبل معاك البيت بيت
ام ايتاشي ( وهي لسه تكلم تلفون ) : اي يما جارا خذ راحتك البيت بيتك
جارا ( يلتفت على ايتاشي ) : وش فيه اخوك مفهي ويطالع السقف .. دخلت وسلمت وهو ولا منتبه
ساسكي : وه وه .. بيدخل القفص الذهبي
جارا : لا والله ؟؟ مبروك مبروك .. ومنهي سعيده الحظ هذي
ام ايتاشي ( تسكر الخط وتشبك مع العيال ) : ايه ياوليدي ايه هي فلان بنت فلان
ايتاشي ( يطالعهم بحقد ) : .........................................
جارا : عاد شكل والله ولدكم مو عاجبه الوضع
ايتاشي ( ينافخ ويلوح وجهه ) : ......................................
جارا : يالذكي .. هذولا الناس اعرفهم .. ناس هاي هاي ... من كثر فلوسهم ... ينامون ويتوسدون ذهب
ايتاشي ( خرج ايتاشي من صمته ) : وليه ان شا الله يتوسدون ذهب ... ماعندهم مخدات ؟؟؟ يجيب الله المطر بس
الكل : 0_0 !!!

قررت الام بطريقه او باخرى عزيمه ام البنت علشان ايتاشي يشوفها يمكن يقتنع .. وبما ان الام ماعندها الا ولدين .. كونان عرضت هالوجه
وقالت انا بجي بساعدك وبطبخ وبسوي كل شي << مو لله ..علشان تشوف شكل البنت .. والام اللي عمرها ماحبتنا اتصلت علينا علشان نقنع ولدها
اللي ميبس راسه ومعند .. واحنا جالسين بغرفه ايتاشي

ساسوري : الحين انت ليش معارض الموضوع ؟؟ شوف البنت يمكن تعجب .. على الاقل احسن منا كذا جالسين زي الاغبياء
ايتاشي : انت وش دراك انت .. طيب وش اسوي انا .. وش بيسون فيني ذولي ؟؟
انا ( حاط رجل على رجل ) : يعني وش بيسوون بيلبوسنك ابيض ؟ .. انتا المعرس هي المفروض اللي تسئل
ايتاشي : يااخي انا خايف من هالسالفه ماتفهمني ؟
ساسوري : بتعضك مثلا ؟؟ تشجع وروح اقعد مع امك قبل لايجون يمكن البنت تسير حلوة وتحبها
انا ( اامي تتصل علي ) : هلا يما .. شفتي يما كيف ام ايتاشي تسوي ؟؟؟ خطبت له .. مو انتي ياشريرة ماتخطبين لي ههههههههههههه يللا يللا مع السلامه
ايتاشي : وش تقول امك ؟؟
انا : تقول لي ماابي اوهق بنت العالم وياك يللا اذلف عن وجهي ههههههههههههههههه
ايتاشي ياحليلها امك ديموقراطيه
ساسوري : ياناس انا حلمان بعنز يطير
تدخل علينا كونان .. وهي منفجعه وتطيح على ربكها
انا : اللهم سكنهم مساكنهم .. وش فيك داخله علينا كذا
كونان ( عيونها طالعه ) : ويـــه ويــــع . وع وع وع وش هذي ... هذي اللي بتتزوجها ياايتاشي ؟؟
ساسوري وايتاشي وانا : 0_0
ساسوري : ماعليك منها كونان .. هذي تفكر كل بنات العالم اخيس منها ( ويغمز لكونان ) اسكتي الولد خلقه مو طايق الوضع
كونان : وليش بالله اكذب عليك .. داخل شي من جيبي ... انت روح شوف وبتعرف بنفسك
انا : هههههههههههههههه يالله سترك ... روح يااتوش شوف
ايتاشي ( عقد العزم وقرر يتشجع ) : خلاص يالربع انا طالع باذن الله .. ادعو لي
ساسوري : قلبنا معاك يااخي ههههههههههههههههههههههههه
كونان : لاتحوم كبدك بس يوم تشوفها

يطلع ايتاشي بكل خطا واثقه .. ويتجهه للصالة ...

انا : الله يوفقه يارب .. وتكون بالبنت زينه
ساسوري : 0_0
كونان : حرام عليك انت كذا تدعي بموته .. ان شاء الله ماتتم الخطبه
انا : ليش غيرانه ياختي ؟؟
ساسوري : 0_0
كونان : وع الله يعافينا ... هذي بشر اغار منها .. مو كفو والله
انا : الله المستعان بس ... الا انت ساسوري ... وش فيك يبا مبقق عيونك ؟؟
ساسوري : 0_0 .. عيال ...؟
كونان : نعم وش فيك
ساسوري : ايتاشي ؟؟
كونان وانا : وش فيه ؟
ساسوري : وش كان لابس يوم طلع ؟؟؟
كونان وانا : 0_0

ايتاشي من كثر الحماس اللي كان بعد الخوف طلع بكل جرئه متناسي انه هذه خطبه .. ومفروض يلبس ويكشخ بس .. حدث ولا حرج
فانيلا سودا حوسه .. وشورت جينز .. وشبشب البيت الاصفر .. ودخل الصاله بكل ثقه
ايتاشي : السلام عليكم !!
ام ايتاشي ( شوي وتجيها جلطه ) : 0_0
ساسكي : ايتاشي ... انت بتخطب ولا بتغسل حووشش ههههههههههههههههههههههه
ام البنت : ويه ويه ... هذا ولدج ياام ايتاشي ؟
ام ايتاشي ( مافي اي مبرر راح ينقذها من الموقف ) ...................
البنت ( طبعا البنت شيك وهاي ودلوعه وجاها صرع من شكل العريس ) : ماما ماما .. خلينا نطلع
ام ايتاشي : لا ياجماعه استنو شوي ..
ايتاشي ( قعد وحط رجل على رجل ) : ها شلونكم ياجماعه ... والله ماشاء الله بنتج يااخالتي تطير الطيح من السما
ساسكي : اسمها تطيح الطير مو تطير الطيح الله يفشلك قول امين هههههههههههههههههههههههههه
ام البنت : لا بالله كدينا خير ... اقول اسمحي لي ياام ايتاشي ... الله يعوضنا ويعوضكم
البنت : يللا ياماما يللا
ايتاش ( مستغرب ) : وش ساير ياجماعه ليش بتمشون ماقعدنا وتفاهمنا على الخطبه والملكه
ام البنت ( عند الباب ) : ماشاء الله ... واثق انت ووجهك ... يللا مع السلامه

وانتهى اليوم العصيب ... وماصار شي ونحمد الله على ذلك .. ساسكي قاعد يواسي امه اللي تدعي على ايتاشي اللي فشاله بين الحريم

طبعا مايحتاج اقولكم اننا احنا قضينا كل النهار بالضحك .. المهم .. ان ايتاشي مبسوط ومستانس وخلصت معاناته وجالس يضحك
معنا
ساسوري ( وهو يضحك ) : احلف وقول انك ماسويت الحركه عمد علشان ماتنحشهم احلف
ايتاشي : هههههههههههههههه والله العظيم ماقصدت دخلت كذا من غير احساس
كونان : والله زين تسوي .. كفوها من زينها الشينه ذي
ايتاشي : هههههههههههههههههههه الا عاد قولي لي ... من جد انا افشل زي ماتقول امي ؟؟ ترى والله تحطمت ههههههههههه
ساسوري : يعني تفشل شوي بس شوي
انا ( حطيت ايدي على كتفه ) : ولا يهمك يااتوش انت الف وحده تتمناك <<< وكثير منهم في منتديات عيون العرب
ايتاشي : تحياتي لمنتديات عيون العرب وتحيه خاصه للبنات في عيون العرب



*******************************
تابعونا في الحلقه القادمه
akatsuki boy